هل مراتك صديقتك تشاورها و تفضفضلها في كل شيئ

[Nonna]

أستاذ VIP

_معلش متأخرة كالعادة امتحان راوند سريع _

معلش متأخرة كالعادة

نسبة السيدات اللي بيتكلموا كتير كبيرة فعلا كام بالضبط مش عارفة احدد الا انها ممكن تكون

النص او عدت النص بشوية

_معلش بقى للسيدات كلمة حق و مطلوبة_

هلى في هذه الحالة يصلح ان الزوج يبلغ زوجته بحاجات معينة يخاف الزوج تسربها للغير؟

لا طبعا

و انا كنت قلت انه اصلا مش كل حاجة يقول هالها

_ده لو هي اصلا بطبعها مش رغاية و مش بتحكي كل حاجة _

انما ارجع و اقول

اظفر بذات الدين تربت يداك

يعني الواحد يدور على واحدة عارفة اصول دينها

_ودول كتييييييييييير و لله الحمد_

عارفة ان مش كل الكلام يتقال

و مش كل الحكاوي تتحكي

و اصلا من خلال المعارف اللي رشحوهاله او حتى فترة خطبتهم

اكيد هيعرف اذا كان فيها العيب ده و لا لا

تمام كدة زي ما فيه بنات كتيرة

بتكتشف ان الجملة اللي قالتها لخطيبها بالنهار

بالليل بتبقى في جعبة والدته

سهل جدا برده ان اي واحد يكتشف العيب ده في خطيبته

بالذات ان حتة انها بتتكلم كتير و بتحكي كتير

اصلا عيب فضّاح

فسهل يلقطه او يلاحظه عليها

من هنا بقى يحدد

يتركها او يستمر و ذنبه على جنبه

[vipwithyou]

ايوة كدة يا أخت Nonna تسلم ايدك

ايوة كدة يا شيخة كلمة الحق حلوة برضوا

وتصديقا ً لكلام حضرتك

لو هنتكلم عن نسبة الستات اللى بيتكلموا ومن غير ما يحسوا انهم بيعملوا حاجة غلط

فى برضوا رجاله للأسف بيتكلموا ودا برضوا غلط

بس شكرا بجد كلام حضرتك عقلانى وواقعى بجد

[امانى]

السلام عليكم ورحمة الله

معلش يا جماعة انا بقيت اليومين دول اوصل متأخر يعنى بعد ما الموضوع يكون خد حقه قوى من التعليقات مش عن قصد

والله بس هى ظروف المهم اقول انا كمان راى فى سؤال الاخ زهيرى (هل مراتك صديقنك تشاورها وتفضفضلها فى كل شئ)

وبالعكس برضه هل ممكن للزوجة صداقة زوجها والفضفضة معه فى كل شئ

الاجابة هنا متوقفة على نوعية كل منهما بمعنى اذا كانت الزوجة مثلا من النوع الغيور على زوجها جدا هل يصلح ان يقول لها

عن زميلاته فى العمل او يشكر امامها فى احدى صديقاتها طبعا انتم عارفين الباقى

اذا كانت الزوجة من النوع السلبى يعنى تسمع وخلاص لا تصد ولا ترد اهو بتسمعه وخلاص تفتكرو ممكن يفضفض معاها ذوجها

طبعا كلامى هنا مش على الست فقط لا ممكن قوى الرجل يكون غيور وممكن يكون سلبى

اذا كانت الذوجة او الذوج من محبى الرغى مع من هب ودب تفتكرو ممكن يكون فى اسرار بينهم

اذا كانت الزوجة من النوع المبزر اللى لو طال قرش يفرتكه فى دقيقة دون مراعاة لبكرة واللى ممكن يحصل فيه تفتكرو ممكن

الزوج لو هو عكس ذلك ممكن يقول لها على قرشين كدة جم من باب الله

مش معنى كدة ان مفيش ستات تستاهل الصداقة والفضفضة او رجال ايضا يستاهلو ا ان تصادقهم ذوجاتهم وتفضفض معاهم

يعنى لو الذوجة بعقلية ناضجة تعرف الوقت المناسب اللى تتكلم فيه مع زوجها وتعرف تسمعه ومتطلبش يقلها كل حاجة

تترك له مايريد قوله وتناقشه فيه وكذلك بالنسبة للرجل انا اؤيد ناش فى كلامها ان مفيش اسرار بين الرجل وذوجته بس

على اساس تفهمها وعقلها الراجح فى شتى الامور يعنى لازم توذن الامور جيدا من جانبها وجانب الزوج كمان برجح راى

فولانه فى عدم تدخل الزوج او الزوجة فى علاقتها بصديقاتها او علاقته باصدقاؤه طالما هؤلاء الاصدقاء لا يوجد ما يعيبهم

فى النهاية وبشكل عام نمسك العصا من المنتصف يعنى الذوج يشاور زوجته على حسب شخصيتها وكذلك الزوجة على

على حسب شخصية الزوج دون التدخل فى خصوصيات كل طرف تجاه اصدقاؤه

انا عن نفسى زوجى يسمعنى كثيرا واسمعه لا احاول ان افرض عليه ما اقول وهو ايضا يقول ما يريده ولا يوجد بينا اسرار لكن

توجد خصوصيات تجاه الغير لكل منا لا نتدخل فيها وهى علاقته بأصدقاؤه من الجنسين وعلاقاتى بصديقاتى بشرط ان تكون

صداقة محترمة لا يشوبها شائب

عايزة اوجه كلمه لنونا واقول لها ربنا يكملك بعقلك ورجاحة تفكيرك وان شاء الله تكونى زوجة صالحة يفتخر بها زوجها امين يارب

العالمين

شكرا اخى زوهيرى على موضوعك الرائع واتاحة الفرصة للجميع يقول رايه

امانى