الجلاش الحلو

[galaxy]

و علشان خاطر الباشمهندس سامح هنعمل النهارده الجلاث ......... عفوا الجلاش

نجيب الجلاش و نبدأ العمل بأننا نجيب الصينيه و ندهنها بالسمن و نجيب ورق الجلاش و نقطعه و نبدأبوضعه داخل الصينيه خلف خلاف و دا عشان يكون بالبلدي كدا مورق.

و بعد كل راقين نرش ملعقه سمنه و بعد ما نفرش نصف الصينيه نبدأبوضع المكسرات(سوداني,جوزالهند ,لوز, قرفه ,سكر,بندق,كل اللمكسرات اللي بتحبوها مجروشه يعني مش مطحونه اوي عشان نستمتع بطعمها) او اي حشو احنا عايزينه.

نكمل فرش ورق الجلاش و برضه كل راقين او طبقتين نرش ملعقه سمن .

و تقريبا كيس او لفه الجلاش بتعمل صينيه.و بعدين علي الوش بندهنه بالسمن و نقطعها و بعدين بندخلها الفرن.

الشربات..........

واحدونصف كوب ماء+اثنين و نصف كوب سكر+نصف ليمونه و برضه في الاخر نضيف ملعقه صغيره سمن و فانيليا و في حاله الجلاش بيكون الشربات بارد و الجلاش ساخن ............وبالهنا و الشفا.

_بالنسبه للجلاش الاصابع.............بنقطع كل ورقه ثلاث قطع تقريبا و نجيب كل اثنين و نضعهم علي بعض و نرش عليهم السمن و نحط عليها المكسرات المرغوبه ونلفها و نرصهم في الصينيه اللي بتكون مدهونه بالسمن و نرش علي وشهم السمن برضه و تتحط في الفرن و تتسقي بالشربات زي الصينيه الاولي .

او ممكن نحط ورقه كامله و نرش عليها السمن و نحط جواها الحشو المرغوب و نلف الورقه و نقطع الشكل الاسطواني الناتج من لف الورقه ثلاث أجزاء و نرصهم برضه في الصينيه.و دي طريقه اسرع و برضه نرش الوش بالسمن و ندخله الفرن و بعد تمتم النضج و الاحمرارو..........

بعد كده نسقي بالشربات ............و نخلي بالنا عشان الجلاش ما يتعرضش للهوا كتير عشان ممكن ينشف و يتكسر....وبالهنا والشفا.