تعلم الفوتوشوب من أندر صفر

[ahmedarab]

الى الامام يا رو..... يا استاذ سامح

الشرح جميل وبسيط فعلا ..جزاك الله خير

وطبعا انا اهلاوىىىىىىىىىىىىىىىىىىىىىىىى والف مبروك على ماتش امبارح.

فى انتظار الدرس القادم

تحياتى

[م.سامح المصرى]

السلام عليكم ورحمة الله وبركاتة

انا نزلت الاصدار 8 يا سامح

زي ما انت قلت انه خفيف و يقضي الغرض

طب كويس اوى

برضوه مش قادر افهمك يعني ايه اعمل مثلث و مربع .........الخ

انا فهمت كده و مش عارف صح و لا غلط

ان عندي صوره لوجة طفل

فان العين تكون في لير و تقدر تغير لونها

و الخدود في لير و تقد تلعب فيها

و الشفايف في لير لوجدها

و كل اللير تكون فوق بعض و تعطي الشكل النهائي

ده اللي انا فهمته من المثال السابق

بس ايه اللي بيحكم عدد اللير انت و لا الصوره نفسها ؟؟ بصراحة يا ريت تشرح ديه بشئ من التفصيل

بالزبط كدا حضرتك فهمت

حضرتك الى بتتحكم فى الليرات ...... مثلا عايز انتا الشعر فى لير لوحدة .... تقوم قاصص الشعر وتخلية فى لير لوحدة

دى مرحلة متقدمة هاشرحها بالتفصيل

وبص حضرتك على الصورتين دول لاحظ العين فى الصورة الاولانية دى

دى بلون معين انا عملت تحديد للعين وخليتها فى لير لوحده علشان اتحكم فى خصائصة .... مثلا هاغير اللون

بص على دى بعد تغيير اللون

انا كدة غيرت لون العين

انما لو هما على لير واحد (الوجه كله يعنى ) واجى اغير لون العين هاتتغير معايا كل الوان الصورة ..... كل الونا الوجه يعنى

وان شاء الله هاركز اوى فى شرح الليرات بالتفصيل

وسلامى لك استاذى ومعلش على التأخير واى استفسار تانى انا فى الخدمة

----------------------

الى الامام يا رو..... يا استاذ سامح

الشرح جميل وبسيط فعلا ..جزاك الله خير

وطبعا انا اهلاوىىىىىىىىىىىىىىىىىىىىىىىى والف مبروك على ماتش امبارح.

فى انتظار الدرس القادم

شكرا على تشجيعك استاذى وان شاء الله الدرس القادم

بكرة او بعد بكرة ان شاء الله

[Diab]

أهم حاجة في الكورس ده إنه يكون نفسك طويل ومتزهقش

لأن في منتديات كتيرة فيها مواضيع زي ده بس للأسف أصحابها مبيكملوش عشان بيملوا من الأسئلة أو من الشرح أو حتي من نفسهم

خلي بالك وبالتوفيق إن شاء الله

دياب

:h!!!h:

تم تعديل 16 مارس 2008 بواسطة Diab

[م.سامح المصرى]

استاذى دياب نورت موضوعى

ما تقلقش ان شاء الله ولا هامل و هحاول اكملها بأمر الله

حتى لو مفيش حد متابعنى :amb:

ما ترجعلنا زى الاول كدة ...... لعل المانع خيراً ان شاء الله

تم تعديل 18 مارس 2008 بواسطة م.سامح المصرى

[Ghost]

ايه يا حاج سامح

احنا قاعدين و خلاصنا شاي و قهوه و سندوشات بالشئ الفولاني و الدرس لسه في اوله

يا له يا راجل همتك بقى خلينا نفهم الفوتوشوب على اصوله

[م.سامح المصرى]

تصدق انا مستنيك تقلى انك

خلصت جزئية الليرات علشان اكمل

انهاردة ان شاء الله هانزل الدرس التانى

[semsema]

سوري يا مستر شكلي جيت الدرس متأخر -_-

في انتظار الدرس القادم

[processor]

وانا كمان الظاهر اني جيت متأخر على الدرس

انا هنزل حالا اشتري كراسة وقلم بس يا خسارة شكلي هقعد في اخر الفصل

وفي انتظار الدرس القادم

[م.سامح المصرى]

السلام عليكم ورحمه الله وبركاتة

قبل ان استكمل بقية الدورة ارددت فقط ان انوة ان التأخير فى وضع الدرس

ليس منى فقدت مر اغلب من في عيلتنا (بوعكات صحية ) ومن قام بعمليات

وظروف خاصة واخرى فى العمل كنت ادخل من حين لاخر لكنى لم اضعة لان الشرح فى مكان والصور فى مكان اخر

لقد جهزت الدرس من حوالى 4 ايام او اكثر لكن (اللعبكة ) التى مررت بها هيا من كانت العائق

فأرجو ان تتقبلو اسفى الشديد وان شاء الله هاستقر فى العمل الجديد واكمل معكم من جديد

<<=====================================================>>

نسكتمل فى هذا الدرس باقى الـ Tab

محتوى هذا الدرس

1- نتعرف على الـ channels

2- نتعرف على الـ history

3- نتعرف على الـ color

4- نتعرف على الـ swatches

5- نتعرف على الـ styles

هايكون ان شاء الله درس سهل وبسيط

نبدأ

بسم الله الرحمن الرحيم

اول Tab وهى الـ channels

وهيا خاصة بقنوات الالوان بمعنى انها تحتوى على الالوان الموجودة فى الصورة

ونظام هذه الصورة RGB وسوف نتعرف علية فيما بعد وسنعرف ما الفرق بينة وبين نظام الوان الـ CMYK

ونرى ان كل قناة تحتوى على لون معين وهما ( الاحمر - الاخضر - الازرق )

وبالضغط على اى قناة منهم سوف تظهر هيا فقط وللعودة الى كل الاولوان نضغط على قناة الـ RGB

سوف تعود كل الوان الصورة

اما اذا استخدمنا نظام الـ CMYK

نضغط اولا على قائمة image ثم mode ثم CMYK COLOR

سنرى ان القنوات زادت قناة وتغيرت خصائصهم

Cyan

Magenta

Yallow

Black

2- قناة الـhistory

كل خطوة نفعلها فى الصورة او الملف الذى نريد العمل به تسجل فى هذا الـ tab جرب ان تفعل اى شئ على الصورة سوف تلاحظ ان كل خطوة سوف تفعلها سوف تقوم بتسجيلها

وللتراجع عن الخواط نضغط crtl+z او نضغط على الحركة التى نريدها من history tab

وهوا مهم جدا لاننا فى اعمالنا سنطر الى التراجع خطوات

3- قناة الـ color

وهيا خاصة بالالوان وعندما نغير فى النسب الموجودة سوف تظهر فى المربع الجانبى له FOREGROUND COLOR نختار اللون ثم نملء ما نريدة به

4- فناة الـ swatches

وهيا ايضاً خاصة بالالوان لكنها محددة بدرجات معينة ومحددة

ويمكن تغيرها بالوان اخرى من السهم الجانبى ثم نختار الالوان التى نريدها

5- قناة الـ styles

وهيا تحتوى على تأثيرات جاهزة ويمكن تطبيقها على الصورة بمجرد تحديد اللير المراد عمل التأثير بة والضغط على التأثير المعين يقوم بعمل التأثير

ويمكن تغييرها مثل الـ swatches

وكدة ان شاء الله نكون خلصنا الجزء السهل نسبياً ونخش بقي فى الاستخدامات للبرنامج

<<====================================>>

نهايتاً انا بتأسف مرة اخرى جدا جدا جدا على التأخير بس بجد اعذرونى معلشى على المواعيد الى خالفتها

[م.سامح المصرى]

لا يا سمسمة يا مسمسمة

ما اتاخرتيش بس خليكي حدانه وان شاء الله تخرجى كدة مصممة جرافيك اد الـ world :)

-------------------

لا يا استاذى processor

مش هاتعد فى اخر الفصل ولا حاجة

مكانك محجوز يا ريس :sad:

[vipwithyou]

استنى استنى يا عم سامح هو انتوا بدأتوا دروس من امتى من ورايا

وبعدين فين ياخويا لون العين اللى غيرته دة يا اما انا عندى عما الوان بقى

تصدق بجد مش شايف الفرق

معلش يابنى الدنيا لحست مخى وعنيا كمان

أول مرة اشوف انكم بدأتم الدروس وسأتابع باذن الله

وشكرا لمجهودك يا سموحة

[م.سامح المصرى]

السلام عليكم ورحمة الله وبركاتة

ازيك يا تمورة

هيا بدأت من حبة كدة

المهم يا سيدى العين متغير لونها شوية بس ما قدرتش اغير لونها اكتر علشان كنت فى الشغل

حضر نفسيتك بقي علشان نكمل مع بعض

[processor]

الله يكرمك يا استاذ سامح وتفيدنا كمان وكمان

ومتشكرين يا استاذنا على المعلومات الجميلة ديه

[واثق الخطوة]

بارك الله فيك ونفع بعلمك المسلمين

ومتابع

[The Coder]

إيه يا بشمهندس سامح .. فينك بس ؟

و لا إنت مقضيها دروس خصوصيه بقى ولا إيه .. ينفع كده برضه .. :partytime:

عموماً نتمنى يا رب ترجع تاني تكمل الشرح ..

و لعل يكون المانع خير .. و ترجع بقى تعوضلنا التأخير ده كله بكام درس جامدين كده مره واحده :lol:

في إنتظارك بإذن الله

[Ghost]

بتقول ايه يا كودر

انا نمت مش سامعك يا واد

هو الاستاذ جه و لا ايه :partytime:

[م.سامح المصرى]

السلام عليكم جميعاً

اسف جدا جدا يا جماعة

بس بامر الله تعالى

هاكمل الدورة بس علشان مش عارف ادخل حتى على النت

بامر الله لما انزل اجازة كمان كام يوم كدة ان شاء الله هاضيف بقية الدروس

بتأسف تانى على التأخير

وسلامى لكم جميعاً

[Ghost]

السلام عليكم جميعاً

اسف جدا جدا يا جماعة

بس بامر الله تعالى

هاكمل الدورة بس علشان مش عارف ادخل حتى على النت

بامر الله لما انزل اجازة كمان كام يوم كدة ان شاء الله هاضيف بقية الدروس

بتأسف تانى على التأخير

وسلامى لكم جميعاً

و لا يهمك يا سامح ربنا معاك يا حبيبي

و الله انت انسان محترم و فله عشره على عشره

عاوزين ايدنا تجري شويه على البرنامج ده خلينا نلعب بالصور لعب :wub:

[م.سامح المصرى]

السلام عليكم ورحمة الله وبركاتة

اسف جدا جدا على التأخير

بسبب حاجات كتيرة الصراحة

بس قلت ان شاء الله اول ضربة MOUSE لرد او حاجة فى محاورات المصريين بعد ما انزل ان شاءالله

هاتكون دروس جديدة تعوض الى فات ان شاء الله

نبدأ

بسم الله

الألوان

وهناك نظامين اساسيين للألوان RGB (Reed - Green - Blue) - ونظام CMYK ( Cyan - Magenta - Yellow - Black )

الـ RGB

وهوا يستخدم الالوان Reed - Green - Blue

ويستخدم هذا النظام فى صور سيديهات الملتى ميديا وصور الويب اذا قمنا بتنزيل اى صورة من صفحات الانترنت سوف نجدها

تستخدم هذا النظام

ولانها لا تعطى حجم كبير للملف بأختلاف نظام ال CMYK

وسوف نستخدم هذا النظام ان شاء الله

نظام الـ CMYK

وهوا يتكون من Cyan - Magenta - Yellow - Black

وهذا النظام يستخدم فى الطباعة

طباعة المجلات والكروت وغيرة من المطبوعات

ويتميز الـ RGB عن الـ CMYK

بأن الوانة (زاهيه ) ويعتبر ال CMYK مطفى الالوان نسبياً

اتمنى ان اكون وفقت هذا على قد ما قدرت والله الموفق

واتاسف مرة اخرى على التأخير

ان شاء الله الدرس الجاى هايكون انهاردة او بكرة ابل ما اروح الامتحان

وسلامى لكم جميعاً

[مهيب]

يا عم سامح ... عاوزين بقى نخش ع الشغل الجامد اللى بنشوفه و بيعقدنا wst:: .. وبعدين - زيادة فى الطمع - عاوزينك تزودلنا الجرعة حبتين بعد ما ربنا يوفقك ان شاء فى الامتحانات .