اذهب إلى المحتوى
محاورات المصريين

تعلم الفوتوشوب من أندر صفر


م.سامح المصرى

Recommended Posts

السلام عليكم ورحمة الله وبركاتة

حبيت اعمل زى دورة تعليمية للفوتوشوب للأعضاء الجمال

فأن شاء الله هاحاول على قد ما اقدر افيد بالى بعرفة وهاستعين ان شاء الله

بالمصطلحات العامة للبرنامج فحبيت اشارك بحاجة

من سئل عن علم فكتمه ألجم بلجام من نار

نبدأ

بسم الله الرحمن الرحيم

اولا نبدأ بتحميل برنامج الفوتوشوب

هانتعلم ان شاء الله على نسخة انجليزية بتدعم اللغة العربية

انا هاحط ان شاء الله 3 Version للفوتوشوب

ملاحظة : عند الضغط على الرابط سوف يظهر مربع الجدار الناري

يطلب اسم المستخدم و كلمة المروور ويستخدم فى جميع الاصدار

وكزلك باصورد فك الملف

UserName : download

Password : w600

كلمة السر لفك الضغط عن الملف هي

www.syrianboy.net

اول Version هوا Adobe Photoshop cs 8 me

12519670qr8.jpg

حجــــــم البرنامــــج : 157 MB

لتحمـــيل البــرنامج كــاملا ... إيتك إهنية

Serial:1045-1207-1122-2567-5785-5871

Adobe Photoshop cs2 9 me

47573397ii1.jpg

حجــــــم البرنامــــج : 289 MB

لتحمـــيل البــرنامج كــاملا ... إيتك إهنية

شرح طريقة تنيب البرنامج وتفعيله إضغــط هنــا

لتحميل الكيجن + سريال اضغط إهنية

Adobe Photoshop 10 CS3 ME Extended

13192943tj1.jpg

حجــــــم البرنامــــج : 487 MB

لتحمـــيل البــرنامج كــاملا ... إيتك إهنية

شرح طريقة تثبيت الكيجن وتفعيلة هنــــــــــــــا

حل مشكلة error iexplore عند تنصيب الفوتوشوب العاشر هنــــــــــــــــــا

للامانة منقول طبعا الروابط مع بعض الاضافات لافادت الجميع

ان شاء الله اول ما حد ينزل برنامج الفوتوشوب نبدأ الدورة او زى ما نتفق

اتمنى الموضوع ينال اعجاب الجميع

مع خالص تحياتى

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

  • الردود 51
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

أحب انا الناس الجميلة اللي بتحب تفيد الناس الجميلة اللي حواليها .. الله عليك يا سامح :blink:

أنا جيت بدري علشان ألحق أقعد قدام و معايا الكراسة و القلم و الأستيكة.

إتفضل أمتعنا يا فنان :huh:

وقف الخلق ينظرون جميعا ... كيف أبني قواعد المجد وحدي

وبناة الأهرام في سالف الدهر ... كفوني الكلام عند التحدي

أنا تاج العلاء في مفرق الشرق ... ودراته فرائد عقدي

إن مجدي في الأوليات عريق ... من له مثل أولياتي ومجدي

أنا إن قدر الإله مماتي ... لا ترى الشرق يرفع الرأس بعدي

ما رماني رام وراح سليماً ... من قديم عناية الله جنده

كم بغت دولة عليّ وجارت ... ثم زالت وتلك عقبى التحدي

إنني حرة كسرت قيودي ... رغم أنف العدا وقطعت قيدي

أتراني وقد طويت حياتي ... في مراس لم أبلغ اليوم رشدي

أمن العدل أنهم يردون الماء ... صفوا وأن يكدر وردي

أمن الحق أنهم يطلقون الأسد منهم ... وأن تقيد أسدي

نظر الله لي فارشد أبنائي ... فشدوا إلى العلا أي شد

إنما الحق قوة من قوى الديان ... أمضي من كل أبيض وهندي

قد وعدت العلا بكل أبي ... من رجالي فانجزوا اليوم وعدي

وارفعوا دولتي على العلم والأخلاق ... فالعلم وحده ليس يجدي

نحن نجتاز موقفاً تعثر الآراء ... فيه وثمرة الرأي تردى

فقفوا فيه وقفة حزم ... وارسوا جانبيه بعزمة المستعد

رابط هذا التعليق
شارك

وانا كمان يا سموحة مستنى المحاضرات مع مودست

وشكرا ليك مقدما ومجهود جميل والله

أستغفر الله الذى لا اله الا هو الحى القيوم وأتوب اليه

رابط هذا التعليق
شارك

شكرا مقدما علي البرامج والمعلومات

بس ممكن سؤال :blink: :huh:

أنزل كل البرامج ولا أختار واحد منهم؟

ththbb1a6b24.gif

أستعين بالصبر عند مواجهة نفاذ صبرك

مثل صيني

رباعيات الغربه

رابط هذا التعليق
شارك

وأنا كمان قدمت على أجازة بدون مرتب ، واشتريت ورقة وقلم ومراية ، وكرسى وترابيزة وقاعد مستنى.

وبندعى لك مقدما

وعلى فكرة مشكلة الانترنت اكسبلورر بتحصل فى الغالب عند الناس اللى الكمبيوتر عندهم مصاب ببرامج Ad-Ware or Spy-Ware لانها بتتعمل فى الـ Background .

ولذلك اذا حدثت مشكلة انترنت اكسبلورر اثناء الست اب ، يفضل اجراء مسح شامل للحهاز.

تم تعديل بواسطة Mohammad

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A

***************

رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط
القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك

شكرا يا سامح باشا

انا جيت بدرى برضة وافتكر لسة فية مكا فى اول صف ؟؟؟؟

بس اسمحلى اجوب عن سؤال استاذ مصرى جدا

لا طبعا حضرتك هتنزل اى نسخة تعجبك من الـ 3 ...لان الثلاثة نفس البرنامج بس اصدارات مختلفة منة

هذا والله واعلم ههههههه

يا غربة يا بـلاد الحنين ....... وخـده قلوب المشتقين

لبلاد بعيـــد عن حبـهم ....... والنهر نهــــــر العاشقين

نهــــر القمــــــــــــــــر ....... عطشـــــــــان سهـــــــر

رابط هذا التعليق
شارك

أحب انا الناس الجميلة اللي بتحب تفيد الناس الجميلة اللي حواليها .. الله عليك يا سامح wst::

أنا جيت بدري علشان ألحق أقعد قدام و معايا الكراسة و القلم و الأستيكة.

إتفضل أمتعنا يا فنان mfb:

وانا كمان مستنى :blink: :huh:

همـســة

إذا أتعبتك الدنيا فلا تحزن فإن الله يشتاق لسماع صوتك وأنت تدعوه

لا تنتظر السعادة حتى تبتسم ولكن أبتسم حتى تكون سعيداً

لماذا تدمن التفكير والله ولي التدبير ؟

لماذا القلق من المجهول وكل شيء عند الله معلوم ؟

لذلك

أطمئن فأنت في عين الله الحفيظ

وقل بقلبك ولسانك {فوضت أمري إلى الله}

فإن الله بصير بالعباد

وتذكر أن الرب رحيم كريم

وإن مع العسر يسرا

اللهم صلِ على محمد وآله وسلًم تسليماً كثيراَ

ابوعمر

taakxlf8jwog.jpg

رابط هذا التعليق
شارك

الله دا فى اقبال اهوة

استاذى مودست نورت يا ريس وان شاء الله اول شرح كمان يومين بالكتير لما تنزلو البرنامج ان شاء الله

(مع انى كنت حاجر اول صف دا للاهلاوية بس طبعا ما يغلاش عليك wst:: )

---------------------

استاذ تامر ان شاء الله نخرج من الدورة دى مصمصمين اد الدنيا

بس انتا نزل البرنامج الاول

------------

استاذ مصرى جداً

حضرتك تختار اى واحد زى ما قال استاذى احمد

هوا بس اختلاف في بعض الاوبشن بس مش كتير اوى يعنى

على فكرة انا نسيت اقول ال CS اخف واحد فيهم ويفى بالغرض ان شاء الله

ال CS 2 تقيل نسبياً لو عندك جهاز امكانياته كويسة هايستحملة بس هوا تقيل

ال CS 3 كويس يعتبر زى ال cs

والشرح ان شاء الله هايكون على ال CS 3 علشان دا الى انا مسطبة عندى على الجهاز

بس حضرتك جهز نفسك علشان قريب جدا اول درس ونمشي خطوة خطوة مع بعض بأمر الله تعالى

---------------------------------

استاذى محمد شرفتنا يا ريس

وانا كمان قدمت على اجازة بس بدون مرتبين mfb: مرتبى ومرتب الخصم

بس الادوات الى حضرتك جايبها دى اغلبها مش هانحتاجة زى

القلم والورقة اهم حاجة المراية وتكون ببرواز كمان :blink:

بالنسبة لمشكلة الايرور هيا ممكن تكون المشكلة كدة

بس حصلت زى مشكلة تانية فى الاليستريتور CS3 كان كل الناس سطبتة وكل ما تفتحة يجيب علامة ايرور

ومش بيدخل بس برضو الاحتياط واجب ولازم نعمل زي ما حضرتك قلت

--------------

يا استاذ احمد لو مافيش مكان نجيبلك مكان بس فى الاول حضرتك زملكاوى ولا اهلاوى mfb:

عادى لسة فى مكان يا ريس

--------------

اول ما تحملوا البرنامج قولولى علشان احط اول درس ونمشى خطوة خطوة مع بعض

واذا حد صادفتى مشاكل لا قدر الله انا موجود اسألو وانا موجود

هوا التحميل على ما اعتقد مش هايعد اكتر من ساعتين انا مستنيكم يا جماعة ..... فرحتونى والله

--------

يلة يا مدام زيزيتا حضرتك كنتى عايزة تتعملى البرنامج

خشى برجلك اليمنا :huh:

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

وانا كمان مستنى :blink: :huh:

نورتنا يا ريس

وانا كمان مستنى تنزلو البرنامج

وان شاء الله على بكرة بالليل كدة هانزل بأول درس

وسلامى لكم جميعاً

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

السلام عليكم ورحمة الله...

الله...الله...الله.....

يعنى قلت اما الحق ادخل بسرعة احجز مكان اول صف علشان نظرى ضعيف....قوم الاقى طوابير واقفة كده؟.....

طب معلش ياخوانا ...نقطة نظام...القصير قدام والطويل ورا لو سمحتم....

والله ده اجمل موضوع قرأته اول مافتحت......ربنا يكرمك ياسامح ويجازيك كل الخير......اهو كده الناس اللى قلبها ابيض وروحها جميلة وتحب تفيد الناس اللى حواليها....

نقول بسم الله ...وننتظر ....جرس الفسحة..

قصدى ننتظر اول درس....

صباحك فى لون قلبك...يعنى اكثر بياضا...... :blink:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

شوف يا أخي العالم اللي بتستغل فرق التوقيت و يحجزوا كلهم الصف الأول ...

والنبي دماغك شوية يا موديست مش شايف ....

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

الله الله الله

انا حجزت كرسي و كنت جاطط عليه رغيف عيش بالاماره

انا رجعت بس من wc لا لاقيت الكرسي و لا لاقيت رغيف العيش

ماشي

كل واحد يخلي باله من الكرسي بتاعة علشان انا قاعد مش هاقوم

اتكل على الله يا حاج سامح علشان ما نقضيها كلام كده

خش في الموضوع يا باشا

backqp2.jpg

الحفاظ على قفاك مسئوليتك الشخصية

رابط هذا التعليق
شارك

السلام عليكم ورحمة الله وبركاتة

نبدأ ان شاء الله بأول درس

هوا بسيط بس مهم .... وهوا التعرف على واجهة برنامج الفوتوشوب

ومحتويات الدرس الاول

1- معرفة واجهة العمل ( الى من خلالها هانتعامل مع الصور والتصميمات بتاعتنا وخصائصها )

2- معرفة color Picker

3- بعد الامور الاساسية للأستعمال

واجهة الفوتوشوب تعتبر واجهة سهلة الاستخدام لان معظم خطوات العمل تكون ظاهرة

اولا نبدأ بشرح كل جزء على حدا

face.jpg

1- الـ Menu Bar :

وهذا الشريط يحتوى على القوائم الخاصة بالبرنامج وكل قائمة تحتوى على العديد من اوامر خاصة

بشئ معين يتم تنفيذة وسوف اشرحها لاحقاً ان شاء الله

2- الـ Tool Option Box :

وهوا يحتوى على كل خصائص من اى اداة من ادوات الـ Tool Box تظهر الخيارات الخاصة بهذه الاداة

مثل هذا

02.jpg

إلى أخرة من الادوات

3- الـ Tool Box :

وهوا ما تكلمنا عنه وهوا يعتبر اساس استخداماتنا فى البرنامج لانه يحتوى على كل الادوات الى سوف

نستخدمهاان شاء الله والجزء المحدد باللون الازرق وهوا لاختيار الالوان عند ضغطنا عليها سوف

تظهر شاشة صغيرة نختار منها اللون المناسب لما نريدة

color.jpg

4- واجهة العمل :

وهوا مكان العمل واذا ضغطنا بالموس دبل كليك سوف يفتح لنا نافذة open ثم نختار منها اى صور نريد فتحها

open.jpg

5- Tab Info :

وهوا لمعرفة ابعاد ودرجات الوان اى جزء نقف علية فى التصميم لاحظو فى هذه الصورة

Untitled-1.jpg

الدائرة البيضاء هيا الفأرة لاكن لا تظهر فى البرنت سكرين ونلاحظ وجود نسب الوان وابعاد الجزء الذى نقف فيه

من الصورة

6- Tab Navigator :

وهوا خاص بتكبر او تصغير الصورة الموجودة وذلك بتحريك السهم الصغير

يميناً ويساراً

7- Tab Layers :

وهوا مهم جدا مثل اهمية الـ Tool Box لان اى ملف PSD او غيرة من الامتدادات التى تقبل وجود ليرات

او طبقات تتكون منها التصميم

c5297a988f.jpg

وتبين الصورة وجود طبقات مختلفة هذه الطبقات تحتوى على جزء معين مثل المربع الاحمر ومثل كلمة Egyptian

وبجوارها ومظلل بالاحمر رسمة عين وتعنى ظهور هذه الطبقة على الصورة اما اذا ضغظنا على هذه العين فسوف نخفى هذه الطبقة

عن الصورة ....... ويوجد مجلد مثل مجلد الويندوز العادى وهوا يعتبر مثلة فمثلا كررنا لير اكثر من مرة واخد مساحة

فى عمود الليرات فنريد ان ندمجهم ببعض او نضعهم فى فولدر حتى لا يشتتوننا فنضعهم فى هذا الفولدر

أما عن الاجزاء التى ظللتها اسفل باللون البنى

فهى بالترتيب من اليمين إلى الشمال

علامة السلة : وهيا لحذف لير او مجلد يحتوى على ليرات

علامة اللير : ونضغط علية عندما نريد ان نصنع لير او طبقة جديدة

علامة الفولدر: وهيا تستخدم لانشاء فولدر جديد

علامة خصائص الوان الصور : ويوجد بها اغلب خصائص تغيير لون الصور سواء الى الوان اخرى او ابيض واسود

وسوف ندرسها بالتفصيل فيما بعد

علامة الماسك : وسوف ندرسها فيما بعد

علامة التأثيرات :وهيا تستخد لاضافة تأثيرات على الصورة وسوف ندرسها فى وقتها

علامة الربط : وهيا علامة تستخدم لربط بعض الليرات او المجلدات مع بعض بحيث يتم تحريكهم مرة واحد

وبالضغط على اى لير يتم تحديدة واستخدامة وسوف يظهر على اللير نفسة عند تحديدة سوف يأخد اللون الرمادى

واذا اردنا ان نتخلص من لير ليس لة استعمال نسحبة الى السلة

------------------------------

نقف هنا ان شاء الله ونكمل فى باقى الحاجات المرة الجاية

هيا حاجات سهلة بس مهمة

اى استفسار انا موجود علشان نبدا فى الدرس التانى كمان يومين ان شاء الله

فى خلال اليومين دول لو فية حاجة مش واضحة قولوى وهحاول ان شاء الله افيدكم اكتر

وسلامى لكم

تم تعديل بواسطة م.سامح المصرى

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

استاذتى فلانة

ازيك ...... اهوة اول درس يا رب اكون وفقت فية هوا على ادى بس علشان ما درستهوش فى دورة

بس اهوة ....... شوفتى بقي كلمة حضرتك عملت اية !!!!!!!

------------------

استاذ سكوب :rolleyes:

معلش بقي خد تانى تختة وما تعدش ورا استاذ مودست

----------------

استاذ جوست .....

هوا كان الرغيف بتاعك :sad: معلش بقي كنت جعان وما دريتش بنفسى اصلة حاليا اصبح عملة نادرة زى العملات الاجنبية

ويارب اكون افدتكم

---------------------

خلاص يا استاذ تامر

اهوة اول درس بس النسخة الى عندك كام CS ولا CS2 ولا CS3

-----------------

سلامى لكم جميعاً ومنتظر استفساراتكم

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

وهوا مهم جدا مثل اهمية الـ Tool Box لان اى ملف PSD او غيرة من الامتدادات التى تقبل وجود ليرات

او طبقات تتكون منها التصميم

ازيل يا عم سامج و على العموم انا مسامح اللي اخد رغيف العيش

اولا لي ملاحظه : انه لم تظهر اي من الصور التوضيحيه التي عملتها و رفعتها على النت

مش عارف المشكله عندي و لا الموقع اللي انت رفعت عليه

ثانيا : ايه حايه ال layers ديه بالراحة كده .....ايه الفايده منها ......

هل كل الامتدادات للصور لها ليرز و لا البعض فقط ؟

شكرا

backqp2.jpg

الحفاظ على قفاك مسئوليتك الشخصية

رابط هذا التعليق
شارك

السلام عليكم ورحمة الله وبركاتة

ازيك استاذى جوست هيا على فكرة انا برضو ما ظهرتش عندى

بس علشان انا مركب بروكسى

انا هاحط لحضرتك وصلات للصور كلما على حضرتك تدوس كلكة يمين وتدوس على Save target as

بس ما اعتقدش ان المشكلة فى الموقع لانها على موقع ارشيف بس هافتحها من الشغل ان شاء الله اشوف الصور باينة ولا لاء

دى اول صورة

01

02

03

04

05

06

بالنسبة لليرات

اللير دى طبقات

يعنى مثلا حضرتك عايز تعمل مثلث ومربع بس عايز دا ليه خصائص لوحدة ودا لية خصائص تانية لوحدة

فبتعمل لير جديد وبتعمل فية مثلا المربع

وبتعمل لير تانى وبتعمل فية المثلث بس ...... هيا مهمه جدا جدا

وسهلة ان شاء الله

بالنسبة للامتدادت مش كلها ليها لير يعنى امتدات الـ PSD دا ليرات علشان لو حبيت تعدل فى التصميم بعد كدة

وامتداد الـ tiff برضو نفس الحكاية

انما امتدادت الـ JPG و PNG و GIF وغيرهم ما بيدعموش الليرات لانها بتبقى تعتبر الفاينل بمعنى انك تكون خلصت التصميم

وبتعملة Save على اساس انه صورة ممكن اى حد ما عندهوش فوتوشوب انه يفتحها ويشوفها

وان شاء الله الليرات دى ليها درس خاص لوحدها

اتمنى اكون قدرت اوصل الشرح لحضرتك ولو فى حاجةغامضة انا موجود لاى سؤال

بس هوا حضرتك بتستخدم فوتوشوب كام

وسلامى لك

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

يا خبر أبيض ده أنا شكلي هقعد في آخر الفصل بقى و كمان جاي متأخر و فاتتني الحصه الأولى

بس أوعدك يا أستاذ سامح إني هاخد الكشكول من الأخ جوست الحصه الجايه و أنقل اللي فاتني

وعلى فكره درست محو أميه قبل كده في الفوتوشوب يعني مش هتعبك إن شاء الله

و بعرف شوية حاجات كده زي التقطيع بفيزر و التحديد و عمل ماسك و حاجات تانيه كده على خفيف يعني

بس اللي كان مجنني بجد الشورت كت بتاع الحاجات ديه كلها في الكيبورد

فبجد ربنا معاك و يقدرك على الشرح كده لغاية ما نبقى محترفين .. إحنا مش طماعين يعني :bsmal:

glitteregypt.gif

بحبك يا بلدي ..مهما شفت من ولادك

رابط هذا التعليق
شارك

ههههههههههه

لا مش طماعين خالص ......

حلو انك درست البرنامج هوا جميل

بالنسبة للشورت كت للحاجات دى انتا بتجيبها طبعا من القواءم

هاتلاقى جنب كل اداة الشورت كت بتاعها

يعنى الـفيزر اختصارة من الكي بورد كنترول الت دى ....... بس يا سيدى دى كل الحكاية

وان شاء الله فى بقيت الدورة هانبقى نتعامل مع الحكاية دى كتيييييييييييييير ان شاء الله

يلة سلام مؤقت

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

انا نزلت الاصدار 8 يا سامح

زي ما انت قلت انه خفيف و يقضي الغرض

برضوه مش قادر افهمك يعني ايه اعمل مثلث و مربع .........الخ

انا فهمت كده و مش عارف صح و لا غلط

ان عندي صوره لوجة طفل

فان العين تكون في لير و تقدر تغير لونها

و الخدود في لير و تقد تلعب فيها

و الشفايف في لير لوجدها

و كل اللير تكون فوق بعض و تعطي الشكل النهائي

ده اللي انا فهمته من المثال السابق

بس ايه اللي بيحكم عدد اللير انت و لا الصوره نفسها ؟؟ بصراحة يا ريت تشرح ديه بشئ من التفصيل

شكرا

الكراسه عندي يا كودر لو عاوز تنقش منها حاجة انا تحت امرك

backqp2.jpg

الحفاظ على قفاك مسئوليتك الشخصية

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...