يا واد " دع القلق وأبدأ الحياة "

[se_ Elsyed]

ده كتاب للمُبدع ( ديل كارنيجي )

ولازم بصراحة يبقى معاك نُسخه منه في شنطة هدومك مع ماكينة الحلاقة وفرشاة السنان وغيارين تلاتة ....

عارف إن كتير قرأوه اكثر من مره ..

لكنه يستاهل بصراحة

دع القلق وأبدأ الحياة

[se_ Elsyed]

حاجه ظريفة

الحاج كارنيجي أبو ديل كان عمال ينصح في اللي جابونا وعامل فيها عم عماد حمدي في فيلم ام العروسة .. وبعيدن مات منتحر من الإكتئاب في الأخر وكتبه ما نفعتوش :closedeyes:

[Ghost]

الكتاب رائع جدا و هو عندي منذ سنوات بس الجدع اللي يحافظ على قواعده و يطرد القلق

الحقيقة انه له كتاب اخر احسن منه و اكثر افاده و هو "كيف تكسب الاصدقاء"

بس ازاي مات منتحر صحيح .... دي مفاجأه جامده بالنسبه لي

[se_ Elsyed]

له كتاب اخر احسن منه و اكثر افاده و هو "كيف تكسب الاصدقاء"

عد لغاية تلاته وأجيب لك الكتاب ده لو حبيت

[nash]

حاجه ظريفة

الحاج كارنيجي أبو ديل كان عمال ينصح في اللي جابونا وعامل فيها عم عماد حمدي في فيلم ام العروسة .. وبعيدن مات منتحر من الإكتئاب في الأخر وكتبه ما نفعتوش wst::

يعني أحمل الكتب ولا نستني الموت الطبيعي أحسن من غير إنتحار؟؟؟ :closedeyes:

[Ghost]

له كتاب اخر احسن منه و اكثر افاده و هو "كيف تكسب الاصدقاء"

عد لغاية تلاته وأجيب لك الكتاب ده لو حبيت

شكرا اخي الكريم

:closedeyes:

[مصري جدا]

له كتاب اخر احسن منه و اكثر افاده و هو "كيف تكسب الاصدقاء"

عد لغاية تلاته وأجيب لك الكتاب ده لو حبيت

الحمد لله أطمئنينا عليك :closedeyes: wst:: :cry: يللا 1 2 3 والف شكر

[سهيلة]

قعلا الكتاب دة حلو اوى انا قريتة اكتر من مرة

لانى بنسى كل ما بة من قواعد للقضاء على القلق ولما بقراة بيثبت ف دماغى يعنى خمستاشر ستاشر حاجة بس

ولكن عند قرائتى لة كل مرة ارى الكلام من منظور جديد ووجهة نظر جديدة

وكمان كتابة التانى كيف تكسب الاصدقاء رائع فعلا كاتب مميز وكتبة تغزو العالم ومن اكثر الكتب مبيعاااا ف الكرة الارضية

شكرا يا سى السيد انك فكرتنا بالكاتب الراءع دة :)

لكن انت عرفت انو مات منتحر ازاى؟؟؟؟؟ :ninja:

[ايهاب سالم]

كيف تكسب الأصدقاء , وتؤثر فى الناس ...لــ ديل كارنيجى

http://www.archive.org/download/How_can_yo...ake_friends.pdf

تم تعديل 8 مارس 2008 بواسطة ايهاب سالم

[Ghost]

عملتها يا ايهاب و سي السيد مش واخد باله

الجتة ديه .......... حلوه منك يا ايهاب

على فكره الكتاب عندي من سنين بس الواجد بصراحة نفسه يعمل بنصه حتى

[se_ Elsyed]

شكراً يا إيهاب على وصلة الكتاب ( إيه رأيك في ااسجع ده ؟ )

-----------

سهيله

لكن انت عرفت انو مات منتحر ازاى؟؟؟؟؟

البيه كان عامل لي فيها قرد وعامل يتنطط وواقف على سورة البكلونة ومتررد إنه ينتحر وموترنا معاه ... روحت جايه من وراه وزقه عشان نخلص إحنا ورانا أشغال يا دكتورة :)

لأ والله مات منتحر زي ما بأقولك ...

[ahmedarab]

الله يطمنك ..يعنى الكتاب منفعش صاحبة ؟؟؟؟

طب يا ترى هينفعنا احنا ولا اية النظام بالضبط .... عموما لو كان الواحد ناوى ينتحر كان عمالها من زمان ..لكن مفيش حاجة بقت بتاثر ..جتتنا نحست

على العموم انا فى الحقيقة سمعت اسم الكتاب كتير اوى لكن ولا مرة فكرت اقرى ...شكرا يا سين سين على الكتاب ونبتدى نقرى بقى

وشكرا لاستاذ ايهاب على الكتاب الاخر بتاع كسب الاصدقاء

تحياتى

[احمد هادي]

قرأ استاذنا الكبير الشيخ محمد الغزالي كتاب كارنيجي

وأعاد صياغته من وجهة نظر اسلامية رائعة

ربما لو قرأت كتاب الغزالي لعرفت لماذا انتحر كارنيجي

كارنيجي كان يقول ان علي الانسان ان ينظر الي الابقار في المزرعة ليري انها لا تقلق علي وجود طعام لها في الغد ويتعلم منها

أما الغزالي قيقول ان ديننا علمنا ان في السماء رزقنا وما نوعد وان اجلنا ورزقنا بيد إله عادل رحيم

كارنيجي مات منتحرا .........والغزالي مات اثناء مؤتمر كان بصدح فيه بقول الحق

جدد حياتك

الرابط

http://www.saaid.net/book/open.php?cat=82&book=2174

تحياتي

تم تعديل 9 مارس 2008 بواسطة احمد هادي

[se_ Elsyed]

شكراً يابو حميد على الإضافة الرائعة دي

ولو إن الرابط مش شغال

لكن على كل حال الكتاب اهو على رابط تاني شغال زي الرهوان

جدد حياتك

[احمد هادي]

الرابط شغال هنا في الامارات

تحياتي

[ahmedarab]

فعلا الرابطين شغالين

بس لية يا ترى واحد فيهم حوالى 800 كيلو

والتانى 5 ميجا ؟؟؟؟؟؟؟؟

تحياتى