اذهب إلى المحتوى
محاورات المصريين

أفضل مطعم أكلت فيه في مصر !!

Proud Muslim

بواسطة Proud Muslim
في موضوعات شخصية

 مشاركة

Recommended Posts

Proud Muslim عضو جديد

Proud Muslim

بتاريخ:
بتاريخ:

أنا من هواة الأكل بره بصراحة .. و بعدين بحكم إني عايش لوحدي ..فأحب التجديد و التغيير ..

و أحب جدا اكتشاف أماكن جديدة للأكل ..

طبعا أماكن المقاطعة ماليش فيها .. :wink:

يعني كل واحد يقول رأيه ..

مطاعم fast food .. مطاعم أكل مصري .. شامي ..ايطالي ..صيني ..هندي ..

أماكن تقدم أكلات غريبة و خلطات مريبة !! :shock:

يعني ..كل اللي ييجي في بالكم بخصوص المطاعم في مصر .

و هادعيلكم لو المطاعم طلعت كويسة . :lol:

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
  • الردود 68
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

yasser6666
yasser6666

الحاتي الشهير في الأسكندرية ((( بلبع )))-بسيدي بشر الريحة لوحدها تخليك تجوع ولووحتي شبعان والمكان واسع جدأ يشعرك بالراحة النفسية والخدمة ممتازة والاسعار معقولة جدأ

عادل أبوزيد
عادل أبوزيد

هذا الموضوع موضوع تراثي. شئ يتبروز و يقرأه الجيل الجديد من أولاد المدارس و شباب الجامعة ، بالمناسبة منذ عدة أيام كان هناك برنامج في ال cbc تقدمه إسعاد يونس و إستضافت فيه مجموعة من أشهر المطاعم الشعبي

بنت شعنونة عضو جديد

بنت شعنونة

بتاريخ:
بتاريخ:

مطعم في سوفوتيل المعادي اسمه دارنا

بس بقى وحش..

Jungel

في اسكندرية..

برووووووووستد في جراند مول المعادي دا استاااااااذ

مطعم شامي على اول المعادي..

هممممم

لما افتكر حاجا تاني ها اقولكم

اااااااه

وبوفيه فندق مدينة الأنتاج

وهههههمممممممممممممممم فعلالالالالالالالالالالالا

وانا من البلد ديييييييييييي

رابط هذا التعليق
شارك
yasser6666 عضو جديد

yasser6666

بتاريخ:
بتاريخ:

الحاتي الشهير في الأسكندرية ((( بلبع )))-بسيدي بشر

الريحة لوحدها تخليك تجوع ولووحتي شبعان والمكان واسع جدأ يشعرك بالراحة النفسية والخدمة ممتازة والاسعار معقولة جدأ

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك
kokowawa1979 عضو جديد

kokowawa1979

بتاريخ:
بتاريخ:

أنا بقى بافضل العهد الجديد في الحسين خاصة فتة الكوارع لكن انا مش من انصار الأكل بره وباعمل الشغلانة دي 3مرات في السنة بس

:lol: :lol: :lol:

أصل مرة شفت برنامج في قناة تليفزيون الحقيقة التابعة لل ART وكانوا جايبينها من فنادق 5 نجوم ومطاعم فاخرة ومش هاقولكم على اللي كان بيصور بالكاميرا الخفية الحقيقية الموجودة بالمطابخ ولو أصريتوا تعرفوا قولولي بس وانتم حرين وكله مسجل عندي :lol: :lol: :lol: :lol: :lol: :lol:

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

انا عاوزا اعرف

عاوزا اعرف

بلييييييييز

:shock: :shock: :shock: :shock:

زي مرة واحدا قريبتنا بتشتغل دكتورة بيطرية

قالتلنا انهم لقوا في خراطة اللحمة المفرومة بتاعت فرج الله فيران

يعني اللحمة المفرومة مفرومة بلحم + فيران!!!!!!! :lol:

وكله بالرشاوي بيخلص :?

وانا من البلد ديييييييييييي

رابط هذا التعليق
شارك
حمزاوى عضو جديد

حمزاوى

بتاريخ:
بتاريخ:

السلام عليكم

أنا من هواة الأكل بره بصراحة .. و بعدين بحكم إني عايش لوحدي ..فأحب التجديد و التغيير ..

انا كنت كدة بردة لحد ما ألتزمت

عندى ليك نصيحة .......

اتجوز .... :lol:

على فكرة انا ربنا وفقنى ولله الحمد وخطبت وسوف اعقد القران كمان اربع اشهر إن شاء الله أعبال كل من فى المنتدى حتى المتزوجين .. :lol:

زي مرة واحدا قريبتنا بتشتغل دكتورة بيطرية 

قالتلنا انهم لقوا في خراطة اللحمة المفرومة بتاعت فرج الله فيران 

يعني اللحمة المفرومة مفرومة بلحم + فيران!!!!!!! 

أخت شعنونة ليس الموضوع بالجديد المشكلة فى الفول الصويا حيث ان الفئران تتخذ من شوال الفول الصويا اعشاش لها وعند الفرم محدش بياخد باله ..... :?

هل ترانا نلتقي أم أنها .. كانت اللقيا على أرض السراب

ثم ولت وتلاشى ظلها .. واستحالت ذكريات للعذاب

هكذا أسأل قلبي كلما .. طالت الأيام من بعد الغياب

وإذا طيفك يرنو باسماً .. وكأني في استماع للجواب

أولم نمضي على الحق معاً .. كي يعود الخير للأرض اليباب

فمضينا في طريق شائك .. ما تخلى فيه عن كل الرغاب

ودفنا الشوق في أعماقنا .. ومضينا في رضاء واحتساب

قد تعودنا على السير معاً .. ثم أعجلت مجيباً للذهاب

حين نادى لي رب منعم .. لي حياتي في جنان ورحاب

ولقاء في نعيم دائم .. لجنود الله مرحا للصحاب

رابط هذا التعليق
شارك
Salwa عضو جديد

Salwa

بتاريخ:
بتاريخ:

.ليه بس كده ياشانا.

فيران.

من كام سنه هنا،الدنيا اتقلبت،وقالوا انهم اكتشفوا ان مطاعم مكدونالد

تضع بدل اللحم......

والا بلاش.

احسن تحصل لكم حالة رعب.

الصراحة لو مكانش المطعم مضمون 100% بناقص منه.

بس فعلا

ناس فى مصر قالوا انهم لقوا فى اللانشون اظافر فيران.

ويقولك.....

الضمير.....

ضمير الغائب........غائبببببب.

سلام.

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Lancelot عضو جديد

Lancelot

بتاريخ:
بتاريخ:

الموضوع ده لذيذ أوي و ريحته فايحة ......

شوف يا عم براود ..... الأكل الشامي ....

عليك و علي أبو مازن .... بعد نادي الجلاء ....... أحلي ساندوتشات شورمة ....

و كمان فيه ... يامال الشام ..... جنب دار الدفاع الجوي في شارع النزهة ... لجوه كده بين العمارات .... لكن كل اللي أكله في بيقولوا جامد جدا ... أنا جربته مرة واحدة بصراحة و كان كويس .... علي فكرة زحمة جدا غالبا .....

بس كده علشان جعت .....

و يا جماعة ... و النبي ركزوا في الأكل قصدي الموضوع ... علشان بلاش :( :( :( :( ..... و ساعدوا الولد ده يا عيني جعان جدا و مأكلش حاجة بقالوا بتاع 3 أو 4 ساعات ......

براود ........ :wink: :wink: :wink: :wink:

رحم الله الأفاكاتو وإخناتون وإسكنهم فسيح جناته

__

وجوه في العاصفة - هل تحب عملك - كيف تعمل الأشياء - أزمة الحد الأدني

رابط هذا التعليق
شارك
Proud Muslim عضو جديد

Proud Muslim

بتاريخ:
  • كاتب الموضوع
بتاريخ:

الأخ الحبيب lanclot

قولي مكان ما أعرفوش .. :wink:

الأخ حمزاوي ..

الحمد لله على نعمة الالتزام ..بس ليه العلاقة ؟؟؟ :? :lol:

يعني الواحد يلتزم و يروح ياكل في مكان محترم لا يقدم خمورو لا خنزير مثلا ..يبقى ايه المشاكل ؟؟

و بعدين أنا حتى لا أذهب الى الأماكن اللي فيها اختاط غير محترم أو فيها نوع من أنواع الهيصة ..!!

عادي يعني .. طالما أنك ملتزم بسلوك المسلم ..يبقى خلاص ..

و بعدين في محل أكل اسمه big bite فاتحينه ناس ملتزمين و آخر حلاوة .. ابقى روح هناك .. هايعجبك ..بس قولهم يقللوا الملح شوية :wink:

و بعدين أتجوز ايه بس ..مش لما أتخرج الأول ..

و بعدن تبدأ رحلة البحث عن المرأة الصالحة .. :lol:

بالنسبة لموضوع الأكل ..

أنا أحب التخصص ..

يعني مش كل الناس أكلها كويس .. كل واحد ليه حاجة معينة ..

و لا ايه ؟

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
Lancelot عضو جديد

Lancelot

بتاريخ:
بتاريخ:
قولي مكان ما أعرفوش ..

مكان ما أعرفوش ...... :wink: :wink: :wink: :wink: :wink: :wink:

و الله يا سيدي ... أنا إستبعدت كل الأماكن التانيه اللي بأروحها ... مؤمن و وصاية و كل الناس دي علشان كنت عارف إن هتقول كده ... فقولت لك علي مكان صعب أوي - كما تصورت - ... أتاريك عارفه .... :shock: :shock: :shock: :shock:

رحم الله الأفاكاتو وإخناتون وإسكنهم فسيح جناته

__

وجوه في العاصفة - هل تحب عملك - كيف تعمل الأشياء - أزمة الحد الأدني

رابط هذا التعليق
شارك
Excellence عضو جديد

Excellence

بتاريخ:
بتاريخ:
يعني الواحد يلتزم و يروح ياكل في مكان محترم لا يقدم خمورو لا خنزير مثلا ..يبقى ايه المشاكل ؟؟

و بعدين أنا حتى لا أذهب الى الأماكن اللي فيها اختاط غير محترم أو فيها نوع من أنواع الهيصة ..!!

عادي يعني .. طالما أنك ملتزم بسلوك المسلم ..يبقى خلاص ..

برافو عليك يا براود و أكيد بتستمتع أكتر بالأكل و المكان المحترم

و بعدين في محل أكل اسمه big bite  فاتحينه ناس ملتزمين و آخر حلاوة .. ابقى روح هناك .. هايعجبك ..بس قولهم يقللوا الملح شوية  :wink: 

و بعدين أتجوز ايه بس ..مش لما أتخرج الأول ..

و بعدن تبدأ رحلة البحث عن المرأة الصالحة ..  :lol: 

و ساعتها هتاكل و انت ساكت و يوحشك الملح الزيادة بتاع big bite :lol: :lol: :lol: :lol:

رابط هذا التعليق
شارك
Masrawy Abroad عضو جديد

Masrawy Abroad

بتاريخ:
بتاريخ:

حمام وكباب يبقى عليك وعلى فرحات بالحسين...المحل....أساسا مفيش محل :lol: ...هو يا دوب محل متر في متر بيخدم بشرية بره والصالة هي طرقة في شارع جانبي وبيفرش الترابيزات بعد المحلات في الشارع ما تقفل :lol: :lol: ...بس ابقى قابلني لو عرفت توعد من الزحمة...المحلات التانية بتنش ...والطعم ممتاز والسعر معقول...اتذكر جوز الحمام بالفريك والسلاطات والشوربة حوالي 25 جنيه......

- فتة الشاورمة في ماي كوين في أخر جامعة الدول ..ولو وصلت لهناك لازم تعدي الشارع الناحية التانية عند فرغلي بتاع العصير تاخد شوب مانجا...افضل محل عصير في مصر...

كويس والله ان يا مال الشام فتح في مصر. ده اشهر محل شامي في الرياض والناس عليه طوابير. الشاورمة بتاعته مش ممكن.

- لو انت في وسط البلد ونفسك في سندوتش جمبري في السريع يبقى الحاج سيد بشارع شمبليون. المحل متر في متر برضه... هو بعد ابو طارق بتاع الكشري (وده حكاية لوحده كمان)

- اتضح ان الاكل لا يعتمد على الاسماء اللامعة والمظهر والأبهة صدقني..المهم في الطعم والنفس والدليل كبابجي فرحات اللي في الحسين.

الإمضاء

ابن الحاج فرحات

:lol: :lol: :lol:

when_born.jpg
رابط هذا التعليق
شارك
Proud Muslim عضو جديد

Proud Muslim

بتاريخ:
  • كاتب الموضوع
بتاريخ:

فرحات طبعا لا خلاف عليه ..له فرع في مصر الجديدة في شارع الحجاز على فكرة ..

يامال الشام اسم شامي .. و ليس فرع للذي في الرياض .. يعني الخليج مليء بمطاعم تحمل نفس الاسم و ليس لها علاقة ببعض .

فتة الشاورما .. عند أوتو ماركت اللي قدام ماي كوين أحسن .. و فتة الشاورما بتاعت يامال الشام ..حلوة و لكنها ذات طابع شامي ..يعني حاجة خفيفة نسيبا .

أبو طارق ..عم الكشري فعلا.. و هو الأفضل .. :lol:

الجمبري .. تبارك بتاع الكوربة مش بطال ..بس بقلا بيقلب اليومين دول بصراحة . :lol:

العصير ..يبقى سيبك من فرغلي ..

عليك و على العائلات بين ميدان سفير و ميدان تريومف سابقا ( أصبح اسمه الحسين بن طلال تخليدا لرموز الخيانة العربية ) ..

روح هناك .. و ادعيلي .. :wink:

الأخت شعنونة ..

بصراحة حكاية الفنادق دي صعبة حبتين ..

أصل يعني مطاعم كثير هناك لا تمانع في تقديم الخمور .. و الاجتناب أحسن ..

الأخ الفاضل Excellence

و الله فعلا خايف أفضل أتنطط كده .. و بعدين أقع في واحدة مالهاش في الحكاية ..

ربنا يستر . :roll:

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
M.H.M عضو جديد

M.H.M

بتاريخ:
بتاريخ:

السلام عليكم,

والله فعلا موضوع يجوع :wink: الواحد تعب صحيح :D

انا رأى بالنسبة للمطاعم cook door ما فيش زيه أولا سندوتشاته تمام وثانيا المحل الوحيد المحترم تقريبا اللى ينفع فى المقاطعة

حمزاوى كتب:

على فكرة انا ربنا وفقنى ولله الحمد وخطبت وسوف اعقد القران كمان اربع اشهر إن شاء الله أعبال كل من فى المنتدى حتى المتزوجين ..

فرحتنى بجد على هذا الخبر السعيد ربنا يوفقك ويسر لك الزواج قريبا :D :D على كده انت عجوز بأه؟؟ :D :D

أما الشاورمة ففعلا شاورمة أبو مازن مالهاش حل

proud muslim كتب:

و بعدين في محل أكل اسمه big bite فاتحينه ناس ملتزمين و آخر حلاوة .. ابقى روح هناك .. هايعجبك

فين ده الله يكرمك محل أكل بتاع ملتزمين حاجة كويسة أوى ربنا يبارك لهم فى رزقهم

أما بالنسبة لفتة الشاورمة فهى جامدة صحيح واللى أجمد فتة الجمبرى يا سلالالالام :D

أبو طارق أنت حتقولى ده تقريبات تحتنا مفيش شارع أو شارعين ما لووووووش حل :D

غريبة ماسمعتش حد جاب سيرة الكبدة مالكوش فيها ولا ايه ؟ :?

هيه صحيح لها تأثير غريب بس بتسد :D

ما كان من خير فمن الله فله الفضل والمنة ...........

وما كان من خطأ فمنى ومن الشيطان والله ورسوله منه بريء.......

________________________________________________________________

يَا أَيُّهَا الَّذِينَ آمَنُواْ أَطِيعُواْ اللّهَ وَأَطِيعُواْ الرَّسُولَ وَأُوْلِي الأَمْرِ مِنكُمْ فَإِن تَنَازَعْتُمْ فِي شَيْءٍ فَرُدُّوهُ إِلَى اللّهِ وَالرَّسُولِ إِن كُنتُمْ تُؤْمِنُونَ بِاللّهِ وَالْيَوْمِ الآخِرِ ذَلِكَ خَيْرٌ وَأَحْسَنُ تَأْوِيلاً

وفى تفسير بن كثير:

{فإن تنازعتم في شيء فردوه إلى اللّه والرسول} أي إلى كتاب اللّه وسنّة رسوله، وهذا أمر من اللّه عزَّ وجلَّ بأن كل شيء تنازع الناس فيه من أصول الدين وفروعه أن يرد التنازع في ذلك إلى الكتاب والسنّة كما قال تعالى: {وما اختلفتم فيه من شيء فحكمه إلى اللّه}، فما حكم به الكتاب والسنة وشهدا له بالصحة فهو الحق، وماذا بعد الحق إلا الضلال؟ ولهذا قال تعالى: {إن كنتم تؤمنون باللّه واليوم الآخر} أي ردوا الخصومات والجهالات إلى كتاب اللّه وسنَّة رسوله، فتحاكموا إليهما فيما شجر بينكم {إن كنتم تؤمنون باللّه واليوم الآخر، فدل على أن من لم يتحاكم في محل النزاع إلى الكتاب والسنّة ولا يرجع إليهما في ذلك فليس مؤمناً باللّه ولا باليوم الآخر،

رابط هذا التعليق
شارك
KWA عضو جديد

KWA

بتاريخ:
بتاريخ:

بسم الله الرحمن الرحيم

السلام عليكم ورحمة الله وبركاته

بص يا براود انا هاقولك علي احلي مكان تاكل فيه كباب...لأن أخوك بيحب اللحوم المشويه جدا جدا .....لما نزلت مصر في الصيف الماضي عزمني اصدقائي علي اكله كباب و لكن الولي تعالي انت لوحدك بدون المدام و لا الأولاد...قلتلهم ماشي ...فرحنا المدبح ....و هناك اكلت كباب و كفته و طرب و نيفه في ليله واحده و المكان فين في المدبح لا اعرف بالظبط و لكن اسم الكبابجي علي ما اتذكر ...ابو اشرف...او ابو هاني حاجه زي كده نسيت الأسم و لكن صدقني لم انسي الطعم حتي هذه اللحظه و يوم نزولي المره الجايه هايكون زياره خاصه جدا ....

اما اذا كنت عايز مكان افرنجه و مطعم بالشكل ....فيه واحد اسمه صبحي الكبابجي في جسر السويس و سبب تذكري للأسم هو زوجتي لأننا كلنا عنده كذه مره و الغريبه انها اعجبت بكباب صبحي و لم تعجب بكباب ابو شقره...و طبعا هي لا تعرف شئ عن ابو اشرف....فتوكل علي الله و جربه و ادعيلي

KWA

Egypt is my home , USA is my life.

رابط هذا التعليق
شارك
Seafood عضو جديد

Seafood

بتاريخ:
بتاريخ:
و هناك اكلت كباب و كفته و طرب و نيفه

يعني إيه كباب و كفتة و طرب .... ؟

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
KWA عضو جديد

KWA

بتاريخ:
بتاريخ:
و هناك اكلت كباب و كفته و طرب و نيفه

يعني إيه كباب و كفتة و طرب .... ؟

ده انواع اكلات مصريه من اللحوم...و المقصود باللحوم هو شئ نحصل علي من مصادر مختلفه تسمي البروتين...و البروتين يا اخي موجود في مصادر مختلفه عديده و المصادر تختلف من دوله لدوله.....بمعني مبسط حتي لا نخرج عن موضوع حلقه اليوم ...تستطيع الحصول علي البروتين السريع هنا في امريكا العظمي من محلات الأخ مكدونلز و معاه مقليات رائعه تسمي فرنش فرايز ....هنشرحا في نهايه موضوعنا....و تستطيع الصول علي البروتين من مصادر اخري تسمي ...اكلات بحريه...معزره لتشابه الأسماء و هانتناولها في حلقه خاصه ...المهم البروتين المصري الأصيل و المتمثل في ما يسمي لحمه...لحمه حمراء خاليه من الدهون و الشغت و خير مثال علي طعمها هو الكباب و الكفته و الطرب...يا عيني....الكفته اسم يطلق علي لحمه مفرومه و يرجع تاريخ هذا الأسم منذ احتلال الهكسوس الساحل الجنوبي من منطقه السلخانه ...و زعيمهم الميمون عبده كفته ....و بعد طردهم علي يد الثائر العظيم تحتمس اخو احمس و ضعوا اسم كفته كنوع من المأكولات المهروسه و التي تشوي علي نار هادئه غيظا في عبده كفته و زياده علي هذا لبسوه ما يسمي المنديل و اطلقوا عليه ..طرب حتي تصبح الأكله مصريه تمام....و يوضع علي نار هادئه و كل ده نستطيع الحصول عليه من اللحوم ....و في المره الجايه هنشرح ما هو النيفه بالأنجليزي المختلط ...و ماتقلقش لو غبت عليك كام يوم لاني ها حاول ان اقوم بتجربه عمليه علي لحم النيفه في بلاد العام سام ....

KWA

Egypt is my home , USA is my life.

رابط هذا التعليق
شارك
kokowawa1979 عضو جديد

kokowawa1979

بتاريخ:
بتاريخ:

الدكتورة شعنن كتبت :

نا عاوزا اعرف 

عاوزا اعرف 

بلييييييييز

:D خلليك شاهدة على نفسك يادكتورة إنت اللي طلبت أهو :

شوفي ياستي أنا من هواة مشاهدة قناة الحقيقة بتليفزيون A.R.T لأنها بتجيب كل الحوادث الحقيقية على مستوى العالم من قتل حقيقي لخيانة لآفتراس الحيوانات للبني آدمين وفي حلقة عن المطابخ في الفنادق الفخمة والمطاعم قام مدير بفصل عاملين في المطابخ ( سيدة ورجل) فقاما بشكوى المدير أمام المحكمة بحجة الفصل التعسفي ( مدير مابيفهمش مش كان يدوخهم وينقلهم أقصى الصعيد أولا :D ) ثم طلبت المحكمة المدير للإدلاء بأسباب الفصل فأحضر معه الفيلم الفيديو الخاص بالكاميرا الخفية الموجودة بالمطبخ لكي يراقب المدير سير العمل فماذا كان يحتوي الفيلم : ؟

الرجل أولا تعارك مع السوبر شيف بالمطبخ وبعد أن خرج السوبر شيف من المطبخ قام الرجل بالتبول في إناء الشوربة : twisted: :twisted: :twisted: :twiste

ثم تضامنت معه السيدة فقامت بالتقيؤ في إنا الخضار المطبوخ ولم يكتفيا بذلك بل قاما بممارسة الجنس فوق السلطة الخضراء المقطعة وقام الرجل بالتخلص من ....... الخاص به في إنا ء خاص بكريمة الفطائر :twisted: :twisted: :twisted: :twisted:

وذهبت الكريمة للزبون وكذلك السلطة وكذلك الخضار المطبوخ بالمقاياه :twisted: :twisted: أنا عارف إنه موضوع مقرف لكن والله ده اللي أنا شفته بعيني .

كذلك كان هناك لحالات إلقاء صراصير داخل أوني الطهي حتى يكتسب الطعام نكهة مميزة وسيدة كانت تسرح شعرها في إناء الخضار أيضا وعامل خدمة سقطت منه السلطة الخضراء بالمطبخ فقام بحمعها بحذائه ‍‍‍‍‍‍‍‍!!!!!!! وإخر يبصق بطبق الشوربة وهكذا كانت الأفلام متنوعة وليست من مكان واحد !!!!!

وفي الآخر تقولوا ناكل بره

أنا بافكر استغنى عن طبق فتة الكوارع السنوي لكن منهم لله أصدقائي إصرار كامل على طبق فتة الكوارع السنوي فى مطعم العهد الجديد :D :D :D :D :D

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك
Salwa عضو جديد

Salwa

بتاريخ:
بتاريخ:

هو الصراحه افضل مطعم فى اسكندريه

تكا جريل وفيه مطعم تانى اسمه /بندق/ الشباب غاوينه بيقدم

كشرى واكلات كتير فى البرام واسعاره ممتازة بصراحه

مؤمن مش قد كده

بعدين اقولكم ابو اشرف فى الاسماك 100%

حكاية الكباب والكفته و --- الترب ---

الكفته -- والله اعلم -- جايه من كلمة البصل لانهم يخلطوه مع اللحم -- والكفت -- يا احبائى هو الطبقة الرقيقه الموجودة بين

طبقات البصل -- اللى لونها شفاف

وبصراحه بصراحه بصراحه

احلى حاجه فى مصر -- الفول والفلافل والشاورمه عند ابوعوض

زمان كان محمد احمد

ايه ده احنا بنعمل اعلانات ببلاش

فين الادارة

سلام

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...