أفضل مطعم أكلت فيه في مصر !!

[Proud Muslim]

مممممممممم

بالنسبة للفراخ المشوية ..

فروج الطازج (فقيه ) كويس جدا .. و مش مقاطعة .. :)

في بقى واحد في شبرا ( وانت طالع من نفق احمد بدوي و داخل على شبرا .. في آخر شارع أحد بدوي )

اسمه المصرية للدواجن ..

الفراخ بتاعته غريبة فعلا .. ادعولي ..

في مساكن شيراتون .. محل مغمور اسمه فروج الحاروني .. جيد جدا

و في جسر السويس واحد اسمه حاتي السويسي .. بيبيع بالكيلو !!

كل واحد منهم ليه طعم مختلف و اسلوب في شوي الفراخ ..

و لولا اختلاف الأذواق لبارت السلع ..

:D

[Elham]

ما شاء الله عليكم خبره فى الاكل بره , انا فى مصر ما كنتش باكل بره كتير بس لما كنت احب اكل بره بأفضل الساندوتشات و كنت احب مؤمن و cook door بس فى الحقيقه فى كافتيريا فى المعادى جراند مول اسمها ارزاق حلوه اوى و خصوصا الكشرى بتاعها, هنا فى امريكا انا بافضل الاكل الصينى.

[ali]

الله يسامحكم الموضوع ده دمرنى جيه على الجرح انتوا قاعديين بتكلو ومروقين وانا هنا بشم بس ارحمونى ربنا يرحمكم والله لما ارجع مصر هفترى خصوصا اللحمه الحلال فاكرها

[linux]

هنا في في سانتا كلارا (او سان هوزيه مش فاكر) بكاليفورنيا يوجد مطعم صيني مسلم، يقدم الاكل كله حلال. و اليافطة على الباب تقول Musim Chinese Food و لا اذكر اسم المطعم

و اكله اكثر من رائع

غريبه!! انا لما باروح زيارات لشمال كاليفورنيا باروح المطعم ده مع أصحابنا ... اسمه "داردا".

تخيل ياأستاذ طفشان ... ممكن جدا اننا كنا فى المطعم فى وقت واحد :cry: ... انا بحب العيش الكبير اللى محشى بصل أخضر وعليه سمسم و كمان المنجولين بييف

[شيكو المصري]

كل دي مطاعم كلتوا فيها انا في مصر كان اخري محمد احمد او ابوربيع بتاع الفول .

ساعات بقى الواحد يروح انا ميشو ياكل فية كشري بس دة لما كان الواحد شغال جنبة في الصيف .

لما الواحد سافر برة كلت في جميع انواع المطاعم الصراحة بس لسة ساندويتش الفول و الفلافل اللي كنت باكلة في مصر طعمه و ذكرياتة اجمل بكتير من اي مطعم كلت فية برة .

[farasha79]

المطاعم اللي على النيل طبعا . بس في مطعم ايطالي شدني اسمه كورتيجنو في مدينه نصر :lol:

[عادل أبوزيد]

هذا الموضوع موضوع تراثي. شئ يتبروز و يقرأه الجيل الجديد من أولاد المدارس و شباب الجامعة ، بالمناسبة منذ عدة أيام كان هناك برنامج في ال cbc تقدمه إسعاد يونس و إستضافت فيه مجموعة من أشهر المطاعم الشعبية في مصر أذكر منهم البغل للفول و الطعمية و بحة للسمين و فواكه اللحوم.

[باهى الطائر الحزين]

فى السمك

سي جل و بلبع

طأطأ الله يرحمه كان صديق

المشويات

ابو شقره بحكم الجيره

كان بينى وبينه الحيطه فى المنيره

ابو رامى فى ارض يعقوب

حسنى والمنوفى فى الجيزه

فرحات الحسين واسكندريه

الفول من على العربيه فى القلعه

طبعا كلت عند الجحش معجبنبش

شبراوى العمرانيه بيعمل طعميه هايله

كمان احلى كبده تاكلها فى شارع محمد على

السمين الركيب طبعا

بحه مش حلو اوى

السجق اسكندرانى طبعا ابو الخشب فى العصفره

وكفايه كده دلوقتى

جريتم ريقنا ...

[باهى الطائر الحزين]

نسيت الكشرى

ابو طارق فى معروف