أبو تريكة عطس .. فلنقل له جميعاً "يرحمكم الله"

[Modest]

:rolleyes: : وكالات الأنباء

علمت مصادرنا أن أبو تريكة عطس منذ بضعة أيام و لم تُشِر الصحافة عمّا إذا كانت العطسة نتيجة لنظرة عابرة منه إلى الشمس أثناء خروجه من منزله في الصباح أم لدخول بضع ذرات من التراب إلى أنفه الكريم أم لسبب آخر.

من حقّنا أن نعرف السبب الحقيقي لعطسة أبو تريكة و ألا يحدث تكتُّم إعلامي على هذا السبب.

و في جميع الأحوال - سواء تم البوح بسبب العطسة أم لا - لنقُل جميعاً لأبوتريكة: "يرحمكم الله" :rolleyes:

المصدر

[badroora]

عفوا !!!!

المصدر مش شغال . :rolleyes:

مش جايز يكون كح والكلام اتنقل غلط على انه عطس .

وانت عارف الفرق الساشع بين العطس والكح :rolleyes: على الرغم ان المسبب قد يكون واحد ولكن مع

بوتريكة مافي احتمالات . :blink:

وعموما لو عطس ارحمكم الله

ولو كح فصحة وعافية وكله اجر يا بوتريكة wst::

بس بصراحة كنتش فاكرة ان جنرال الزمالك قلبة ابيض كدا (حتى القلب زملكاوى) وهيهتم بصحة القائي مقام وحامى حمى نادى الاهلى الركن ابو تريقة

ميرسي ليك يا جنرال :lol:

[Modest]

عفوا !!!!

المصدر مش شغال . :rolleyes:

دوسي كويس يا بدرية و بلاش تشكيك في مصادرنا wst::

مش جايز يكون كح والكلام اتنقل غلط على انه عطس .

وانت عارف الفرق الساشع بين العطس والكح :rolleyes:

بعد الشر عليه من الكُحة .. ده أنا كنت رميت نفسي تحت أقرب توك توك لو كان الموضوع كُحه :cry:

ميرسي ليك يا جنرال :lol:

العفو يا بدرية .. مالناش بركة إلا أبو تريكة و مواضيع أبو تريكة.. بافكّر أقترح على الإدارة عمل باب مخصوص لأبوتريكة علشان نركّز شوية بدل ما باصحى الصبح أقعد أجمّع في مواضيعُه اللي متنطورة في كل الأبواب :blink:

تم تعديل 28 فبراير 2008 بواسطة Modest

[رمضان]

ياااااااااااااه للدرجة دي

ابو تريكة لكل المصريين مش للاهلاويين بس

وعلى كل حال يرحمنا الله جميعا

[زعلان]

الله يرحمه ويرحمنا جميعا

بس انا زعلت من مودست - انت اكبر من كده يا مودست - وقلبك ابيض

ان شاء الله ابوتريكه يلبس الفانلة البيضاء بكره و يرتاح ويرحنا و يريحكم

[semsema]

ان شاء الله ابوتريكه يلبس الفانلة البيضاء بكره و يرتاح ويرحنا و يريحكم

بعد الشر عليه......انا عندي يلبس اخضر وازرق واسود بس مش يلبس ابيض :rolleyes:

يرحمكم الله :rolleyes:

[se_ Elsyed]

أقترح على الإدارة عمل باب مخصوص لأبوتريكة علشان نركّز شوية بدل ما باصحى الصبح أقعد أجمّع في مواضيعُه اللي متنطورة في كل الأبواب :rolleyes:

تلقت الادارة هذا الطلب على صدرها ... ويستم تنفيذ طلب العضو وملايين الطلبات من الأعضاء الاخرين .. وسيكون هذا الباب تحت عنوان " الواكع والحكيكة ... في أخبار أبو تريكه "

وبنخطط اليومين دول نعمل منتدي فرعي منبثق عن المنتدى الرئيسي بعنوان " أحباب ومريدي ودراويش أبو تريكه "

مدددددددددددددددددددددددددددددددددددددد

وبناء على حوار دار ولف بيني وبين الجنرال موديست منذ قليل فقد سرح بإنه هايتطوع بتبني كل تلك الأفكار وهايبذل الغالي والرخيص والميديم سايز عشان أبو تريكه وستكون أول خطواته هي :

1- طبع عدد 100 ألف تيشرت عليها صورة ابو تريكه وهو بيعطس

بحيث إن إحنا طول ماحنا لابسين التيشيرت نقعد نقول " صحه وعافيه يا عفروتو .... صحه وعافيه يا عفروتو "

2- تشيكل لجان شعبية تعبوية تقدمية وحدوية بالملايين لإستقبال أبو تريكه عند عودته من العملية الجراحية التي أجراها في ألمانيا وذلك يوم السبت القادم - فضلت تنق على أمه يا موديست اهو مش هايلعب ماتش الزمالك بتاع 15 مارس -

وستزحف تلك الجماهير

نحو مطار القاهرة وقرية البضائع لإستقبال الفاتح العظيم وهو محمولاً على المحفة .

3- تشيكل ميليشات سرية مُسلحة صغير - عدد السرية الواحدة لن يتجاوز 3 أفراد عشان ما نتكشفش ونتعفق - وتكون مهمتها إغتيال أي مصري لا يُشجع أبو تريكه .. أو عامل نفسه بيشجع أبو تريكه وهو مش بيحب أبو تريكه .. أو بيشجع ويحب أبو تريكه لكنه يعرف ناس ما بيحبوش أبو تريكه ومغطرش عليهم .

4- بناء قاعدة شعبية تلميعية لأبو تريكه تمهيداً لتنصيبه رئيساً للجمهورية في إنتخابات 2011

لو يسمح لي الجنرال أنا عندي أفكار للصبح بخصوص هذا الموضوع

[Modest]

أشكر الإدارة الموقّرة ممثلة في الفاضل سين سين على الإستجابة لمطلبي بإنشاء هذا الباب .. الذي هو ليس مطلب خاص بطبيعة الحال بل هو مطلب جموع الجماهير الغفيرة :rolleyes:

:D

يا جماعة أنا مش مختلف على الإطلاق إنه لاعب مميز فنيّاً و على درجة من الخُلُق (بغض النظر عن تمثيليات الفاولات و ضربات الجزاء :cry: ) .. أينعم حسن الخُلُق لا يُجَزّأ لكن أهو أحسن من غيرُه.

أبوتريكة حلو؟ آه حلو :rolleyes: .. بس مواضيع ابو تريكة عمل عمليه ياللا ندعي له ..أبو تريكة ساب الحفلة و مشي .. مين مايحبش أبو تريكة :blink: .. أبو تريكة يا حُبي يا حتة من قلبي wst:: .. و توصل كمان إلى موضوع بعنوان أبو تريكة الداعية الإسلامي mfb:

كان فين بقى الكلام ده و هو في الترسانة؟ .. أكيد ماكانش لا مؤدب و لا بيصلّي و كان بيتفرج على نانسي عجرم و ماكانش بيعمل عمليات :lol:

أنا باحب الحلويات آه .. لكن كترها بيموّع النفس ;)

[Modest]

ابو تريكة لكل المصريين مش للاهلاويين بس

لألأ ... لا تقل أبو تريكة لكل المصريين .. بل هو للعالم أجمع :blink:

ان شاء الله ابوتريكه يلبس الفانلة البيضاء بكره و يرتاح ويرحنا و يريحكم

أنا لا أرضى له لبس القميص الأبيض (ماتفهمنيش غلط wst:: )

ان شاء الله ابوتريكه يلبس الفانلة البيضاء بكره و يرتاح ويرحنا و يريحكم

بعد الشر عليه......انا عندي يلبس اخضر وازرق واسود بس مش يلبس ابيض :rolleyes:

يرحمكم الله :lol:

قومي ذاكري :rolleyes:

[nash]

هو يعني علشان سمسه الصغيرة كل محد يشوفها يقولها قومي ذاكري؟؟ :rolleyes:

أيه النكد ده.....بتستحمل كتير البنت دي ولسه صابرة ومحتسبه :rolleyes: .....ماشاء الله إيمانها قوي

اييييييييييييه ....يرحمكم الله

[semsema]

هو يعني علشان سمسه الصغيرة كل محد يشوفها يقولها قومي ذاكري؟؟ :rolleyes:

أيه النكد ده.....بتستحمل كتير البنت دي ولسه صابرة ومحتسبه :rolleyes: .....ماشاء الله إيمانها قوي

اييييييييييييه ....يرحمكم الله

ربنا يخليكي ليا يااااارب :lol:

انا كنت لسه رايحة دلوقتي حالا انتحر بعد ماشفت روحي ذاكري دي....بس مش مشكلة خليها وقت تاني

وعلى فكرة يعني مش هقوم اذاكر :blink:

تم تعديل 28 فبراير 2008 بواسطة semsema

[Modest]

هو يعني علشان سمسه الصغيرة كل محد يشوفها يقولها قومي ذاكري؟؟ :rolleyes:

أيه النكد ده.....بتستحمل كتير البنت دي ولسه صابرة ومحتسبه :lol: .....ماشاء الله إيمانها قوي

البنت دي خلاص هاتجنني يا ناش ياختي :blink:

بدل ما تسمع الكلام و تقوم تذاكر لها كلمتين ، شايفها بترد دلوقتي في موضوع تاني بررررررضه عن أبو تريكة :rolleyes:

[رمضان]

يا جماعة سيبوا ابو تريكة في حاله وبدل ما تتكلموا عليه روحوا احضروا المولد بتاعه وخدوا البركة

الراجل اتصاب اهوه ومش هيعلم عليكوا بكام جون في ماتش مارس بتاع الدوري

[semsema]

هو يعني علشان سمسه الصغيرة كل محد يشوفها يقولها قومي ذاكري؟؟ :lol:

أيه النكد ده.....بتستحمل كتير البنت دي ولسه صابرة ومحتسبه :blink: .....ماشاء الله إيمانها قوي

البنت دي خلاص هاتجنني يا ناش ياختي mfb:

بدل ما تسمع الكلام و تقوم تذاكر لها كلمتين ، شايفها بترد دلوقتي في موضوع تاني بررررررضه عن أبو تريكة :rolleyes:

مش هقوم النهاردة الخميس.....يعني يوم فرحتي وسعادتي وسروري وكل حاجة حلوة ومششششش هقوم

وبعدين يعني مش عارفة حضرتك شوفتني ازاي وانا متخفية اصلا؟ :rolleyes:

...............

وقبل ما انسى بقى.....الاغنية دي اهديها لابو تريكة wst::

ابو تريكة يا فنان***العب كمان وكمان

مش عارفه ايه وهات اجوان***وقلوبنا تدعيلك :cry:

[Modest]

الراجل اتصاب اهوه ومش هيعلم عليكوا بكام جون في ماتش مارس بتاع الدوري

و الله ماتش مارس مش محتاج أبو تريكة خالص .. يعني خلي الراجل مرتاح و ياخد وقته في النقاهة لإن مرمى الزمالك مفتوح الآن للجميع :rolleyes:

[nash]

مش هقوم النهاردة الخميس.....يعني يوم فرحتي وسعادتي وسروري وكل حاجة حلوة ومششششش هقوم

...............

وقبل ما انسى بقى.....الاغنية دي اهديها لابو تريكة :lol:

ابو تريكة يا فنان***العب كمان وكمان

مش عارفه ايه وهات اجوان***وقلوبنا تدعيلك :blink:

مبسوطين يعني دلوقتي؟؟؟ أهي أتنرفزت أهي ومش هاتقوم تذاكر....أستفدت ايه انت كده يا موديست؟؟ والبنت مستقبلها هايضيع وكله بسبب ابو تريكه...

وعطسه ابو تريكه ...وعمليه ابو تريكه في الركبه....بحملك المسؤليه كامله لو سمسمه نقصت عوشر درجه :rolleyes:

حلوة أوي الأغنيه يا سمسمه وخصوصا البيت اللي بيقول(مش عارفه ايه وهات أجوان ) :rolleyes:

[م.سامح المصرى]

و الله ماتش مارس مش محتاج أبو تريكة خالص .. يعني خلي الراجل مرتاح و ياخد وقته في النقاهة لإن مرمى الزمالك مفتوح الآن للجميع :D

:lol: :lol: :lol: :lol:

أحلى حاجة فى الزملكاوية روحهم عالية وبعترفوا بأخطائهم

[الحاج فوزى]

فى مرة من ذات المرات .. كنت قاعد فى إحدى الغرف الإدارية بالنادى الأهلى ..

وبنتكلم مع واحد هناك فى موضوع وفجأة الباب إتفتح .. وطل منه واحد طويل ماشاء الله عليه ..

وقال وهو متبسم صبوح قال السلام عليكم .. ازيكم عاملين ايه ..

فى بساطة شديدة وتلقائية وكأنه يسلم على فرد فرد فى المجتمعين فى الغرفة .. وأغلق الباب خلفه وانصرف ..

هذا الرجل كان الكابتن الرائع محمود الخطيب ..

بعد هذا الموقف تأملت .. لماذا الجميع ( بإستثناء البعض ) يحب الخطيب ..

كما لماذا الجميع ( بإستثناء البعض أيضاً ) يحب أبوتريكة ..

لأنه ببساطة إنسان محترم وعلى خلق .. شق طريقه الى قلوب الناس بتلقائيته ووبساطته وأخلاقه الملحوظة ..

ووالدته التى ما ان إنتهت من دعواتها .. حتى دعى له كل الأمهات اللآتى رأينها تدعى لإبنها البار .

أذكر لقاء لأبوتريكة كان يقول فيه .. أنه كان يلعب كرة هو وأخوته .. وكان هو أقلهم مهارة ..بدون تجميل أو تزويق للكلمات ..

لهذا لفت الأنظار وصار من الأمثلة القليلة جداً جداً للشباب ( إعلامياً) كقدوة حسنة لنموذج الشاب الناجح ذو الأخلاق الطيبة ..

أما موقف المسرح وناسى عجرم ..فعجيب فعلاً هذا الموقف ..

كان أمامه خيارين .. إما أن يستمر على المسرح مع الراقصين والراقصات .. وهنا كنت هتلاقى بدل الموضوع ده 10 مواضيع تتكلم على الشيخ اللى بيتفرج على نانسى عجرم ..

وإما أن يترك المسرح .. وبالفعل ترك المسرح ..

وفى كلا الحالات لم يسلم من "التلقيح بالكلام "

أما مغالات البعض فى الإعجاب به أو الكتابه عنه .. فأنت لا تعلم ما فى القلوب .

فربما يكتب معجباً فعلاً و ربما يكتب ذو نيه غير صافية موضوع إعجاب شديد ويتطرف فيه باللفظ أو التشبيه . فيقلب الموضوع علي أبوتريكة بدلاً من أن يكون له .

أبو تريكة العزيز ..أظنك على خير ولا أزكى على الله أحداً.

تحياتى وتقديرى لمثال طيب ونموذج نتمنى أن ينتشر بين الشباب .

عفواً نسيت أن أقول لو عطست يا أبوتريكة فليرحمك ويرحمنا الله ..

تم تعديل 28 فبراير 2008 بواسطة Huss.

[Modest]

في مرة من ذات المرّات صليت الجمعة و كان بجانبي حسني عبد ربُّه

و سمعت بأذني عن الخير الذي يقوم به في بلدتُه (أبو صوير - الاسماعيلية) و عن برّه بوالديه و بأهل بلدته.

ثم رأيت و قرأت عن اختياره أحسن لاعب في البطولة الأفريقية الأخيرة .. و لكن يبدو أنني كنت واهم لأنني لم أقرأ أو أسمع عنه اي شيء بعدها (إلا النهاردة بسبب وجوده في سويسرا لمتابعة القضية إياها).

أكيد تم اختياره لأن ابو تريكة كان معه في المنتخب أو شافوا أبو تريكة بيوقع له في الأوتوجراف على باب الأسانسير :lol:

لكن لو أبو تريكة كان استمر في الترسانة لا كان هايشوف المنتخب (إحتمال 90%) و لا كان هايتكتب عنه رُبع كلمة (100%) .. و برضه ماكانش هايتكتب عن حسني عبد ربه.

ذكرت مثال حسني عبد ربه بالذات لأنه ليس فقط أحسن لاعب في مصر فقط بل في أفريقيا و هو من يلعب بإجادة و تميُّز في جميع المراكز عدا حراسة المرمى كما ذكرت البي بي سي.

أتمنى أن تكون الفكرة وصلت بعيداً عن التعصُّب :lol:

و بالتأكيد إذا رأيت أبو تريكة أو أي إنسان غيرُه بيعطس هأقول له يرحمكم الله.

[أبو محمد]

و بالتأكيد إذا رأيت أبو تريكة أو أي إنسان غيرُه بيعطس هأقول له يرحمكم الله.

ولكن ليست عطسة أبو تريكة كأى عطسة .. مش ده كلامك يا موديست يابو قلب ابيض خااااااااااالص ؟

أهو فعلا كان لعطسته أصداء عالمية .. تحركت لها وسائل الإعلام ووسائل الإنتاج فى الدول الصناعية الكبرى ..

وبادرت إحدى الشركات العالمية بتطوير آلية جديدة الغرض منها التصدى لأى عطسة قد تنتاب معبود الجماهير .. وقد استطاع مصور موقعنا التسلل إلى معامل الشركة حيث تجرى التجارب على آلية مواجهة العطسات التى تستهدف ابو تريكة