أين ذهب هؤلاء ؟؟؟!!

[KANE]

لا أعلم لماذا "هف" الموضوع على دماغي فجأه

ولكن سؤال ربما يكون غريب نوعاً ما

كان هناك بعض المغنيين الذين "فرقعت" اغانيهم وكانوا ملئ السمع والبصر

اين هم الآن

على ما اتذكر منهم

علي حميده ~ بتاع لولاكي

حمدي باتشان ~ بتاع الاستوك

كتكوت الأمير ~ حقيقي ما عرفش غنى إيه بس الأسم كان بيتردد والاسم أظن صعب إنه يتنسى

أين هؤلاء حقيقى لو حد يعرف؟؟َ!!

(لا يظن بي الظنون أحد انا ماكنتش سميع بس بافتكر الناس دول لإنهم عملوا فرقعه جامده وقت ظهورهم) :blush2:

[se_ Elsyed]

بسم الله الرحمن الرحيم

علي حميده ~ بتاع لولاكي

حضرتك ده بعد ما خرج من العمبوكة ... أصله إتهف كذا سنة في قضية والعياذ بالله " لواط " أختفى تماماً وشكله أتفصل من معهد الموسيقى العربية لإنه كان معيد هناك ... فشكله بيلم سبارس وعايش على إيرادات شريط لولاكي وما بقاش يغني .. بس كل فترة كده أسمع صوته لما بيتصل بالبرامج الرياضية بعد مباريات كتيرة أصله مجنون كوره .

حمدي باتشان ~ بتاع الاستوك

زي الفل يا عم وشغال في مسرحية للقطاع العام بطولة نجمة الجيل " فيفي عبده " إسم المرسحية ( روايح ) برفانات وافتر شيف وبتاع

كتكوت الأمير

ما فيش حاجه بتفضل على حالها يا كين يابني

يعني هو بعد العُمر ده كله هايفضل كتكوت ؟ ده عدا سن الستين دولوقت وبقى ديك قد الدنيا

تعرف إن كتكوت الامير كان شغال في الفرقة اللي بتعزف لأم كلثوم ؟ أعتقد كان بيعزف أوكورديون

وعمل شغل بقى في فترة السبيعنات والثمانينات في هوجة احمد عدوية وغني أغاني هابطة كتير

لكن بيني وبينك أغانيهم بتاعت الفترة دي مقارنة باللي بيحصل اليومين دول من بوس الواوا واحضن جبيرة الجبس وسلم على الجرح المتخيط ....

دي تعتبر قصائد خالدة

لكن عايزك تسأل سؤال بقى

راح فين المعلم " حميد الشاعري " ؟ وبأقول عليه معلم لإن خرج من تحت إيده جيل كامل من منى عبد الغني لعلاء عبد الخالق ل هشام عباس لـ لـ لـ .. فهو صاحب ثورة غنائية مثل التي أحدثها سيد درويش ورياض السنباطي ثم بليغ حمدي ... جه هو على طول وأطلق شرارة الاغاني الشبابية

وللأسف اندثر حميد دلوقت وبقى يشارك في اعمال أقل من الهابطة زي فيلم " أيظن " بطولة النجم عماد بعرور بتاع العنب العنب العنب ... ويكاد يكون طالع بدور كومبارس في الفيلم .... تخيل ؟

هو الفن باظ من شويه يا أستاذ

أخوك سين سين الشهير بميكي ماوس المحاورات

[KANE]

ودي كانت نهاية فرقة نجيب الريحاني المسرحية

اظن دايما كان واحد من مؤرخي السنيما كان بينهي ديما برنامجة بيها

كده الواحد يعمل update لمعلوماته

اظن حميد إنتهى لأنه لم يعد جديد يقدمه

واكتفى بدور الموزع الموسيقي

[MZohairy]

كتكوت الأمير

تعرف إن كتكوت الامير كان شغال في الفرقة اللي بتعزف لأم كلثوم ؟ أعتقد كان بيعزف أوكورديون

كان عازف ايقاع يا سين سين

كان بيضرب على الطبله و ليس الاوكورديو