ومن احياها فكأنما احيا الناس جميعا

[om marawan]

شاهدت قصة الشاب الذى استضافه محمود سعد مع الكابتن الجميل حسن شحاتة

وهو فتى تبرع بنصف مايملكونه فى المنزل لأجل حالة مريضة جاء ذكرها فى البيت بيتك

تبرع ب15 جنيه ؟؟؟

لقد عجزت عن وصف احساسى فى هذا الموقف الذى تضاربت مشاعرى فيه بين الفرحة باهل مصر الطيبين والحزن العميق الاليم من اجلهم

وقد تبع ذلك كرم كبير من الله سبحانه وتعالى ان قام بعض الناس بالتبرع للمريض وايضا للشاب محمد شريف الذى قام بالتبرع واراد الله سبحانه وتعالى ان يكون هذا العملباب لفتح الرزق لهذا الشاب الحاصل على بكالوريوس علوم الحاسب ولا يجد عمل !!!! فقام طبعا المسئولون والوزير بتعيين الشاب مساعد مخرج و ابدى اطباء من مصر برضه استعدادهم لمعالجة ابيه وده خير الجزاء من الله سبحانه وتعالى لمن اتى المال على حبه

هذه الخطوة من الشاب المصرى الاصيل جدا هى مافكرت فيه دائما كأولى خطوات الاصلاح فى بلادنا

هى خطوة حقيقية لمحاربة الفساد ان نبدأ بما نقدر عليه من تغيير بكل مايمكننا ان ننجزه

فهو شاب لا يعمل ولا يستطيع علاج ابيه المريض او مساعدة اهله البسطاء ولكنه فكر انه من الممكن ان يساهم بقدر ضئيل فى مساعدة محتاج

هى دى بلدنا .................... هم دول ناسها واهلنا

فيه فساد وفيه احتكار وفيه ناس بتكسب مليارات فى السنة الواحدة وفيه ناس كتيييييييير بتسرق..وفيه.....وفيه .....

لكن فيه ناس شقيانة وتعبانة ولسه بتفكر فى غيرها

فكرت فى كل دول وانا باسمع محمد شريف بيقول انه فكر فى الحديث ده

من قتل نفسا فكانما قتل الناس جميعا ومن احياها فكانما احيا الناس جميعا

سلمت لمصر انت وكل ولادها وبناتها ومصر والله يانااااااا س لسه بخير

تم تعديل 23 فبراير 2008 بواسطة om marawan

[ahmedarab]

شاهدت اللقاء مثلك وتاثرت بشدة

وفعلا اختلط عليا الامر بين فرحة شدية من ما اره وحزن عميق على حال الشعب المصرى

اعتقد ان الموضوع دة لازم يكون ل فرع فى منتدى انجازات المصريين

تحياتى

[الحازم حسن]

جميل جدا اننا نرى شباب مصري بهذا الكم الرهيب من الشهامة والأصالة وحب الخير للناس

أنا كنت فكرت ان النوعية دي من الناس دي انقرضت

[om marawan]

الاستاذ الفاضل ahmedarab

فكرت زى ماحضرتك قلت انى اضيف الموضوع فى انجازات المصريين ولكن تخيل حضرتك انى كنت شتيفة انسب مكان هو محاربة الفساد لأن دى خطوة على طريق اصلاح حاجات كتير

يعنى حضرتك تخيل مبادرة الشاب ده بالخير حركت ناس تانية لانها تعمل زيه اللى اتبرع له وللمريض واللى قام بالسعلا لتعيينه واللى عرض علاج ابوه المريض

يعنى الخير بيجر بعضه والحمد لله على بلدنا الجميلة

فكرنى بفيلم اسمه pay it forward اللى قام فيه طفل صغير بتقديم الخير لشواشترط عليه انه يرده من خلال تقديم الخير ل 3 اشخاص تانيين واعتبر الخطوة دى خطوة لاصلاح مجتمعه

اتمنى انها تكون فعلا دعوة عامة والخير يبدا من انفسنا ليتسع لكل المجتمع المحيط بنا ...... ايه رأيك

أشكرك لمرورك الكريم وتقبل خالص تحياتى

[om marawan]

الاستاذ الفاضل الحازم حسن

والله انا كمان افتكرت من كتر الفساد اللى فى كل مكان ان النموذج ده ماعدتش موجود لكن الحمد لله الحمد لله ان مصر لسه بخير

فعلا فى مصر النماذج دى كتير وكل املى انهم يكونوا اكتر واكتر

أشكر لسيادتك مرورك الكريم

وتقبل تحياتى

[إيزيس]

هى دى بلدنا .................... هم دول ناسها واهلنا

فعلا لكن الظروف أقوى من مشاعر الناس

تم تعديل 24 فبراير 2008 بواسطة قرنفل

[om marawan]

الاخت العزيزة قرنفل

فعلا الظروف أقوى من مشاعر الناس لأنها ظروف قاسية على الجميع ومن لا يستطيع تغيير ظروفه فكما يقولون عليه ان يوقد شمعة بدل من ان يلعن الظلام

الشاب ده او غيره من اهل مصر الحقيقين اختار انه بدل مايلعن الفساد يحاول يساعد غيره وكلمة والدته لما قالت مايحسش بالتعبان غير اللى زيه هى اكبر دليل

مازلت ارى ان مصر فيها خير صحيح فيها ناس كتير اتغيرت و الاستغلال بقا سيمتها الاساسية لكن الناس الطيبين اللى انا قصدتهم لما قلت ان هم دول اهلنا لسه موجودين

والحمد لله انهم لسه موجودين و الا كان على الدنيا السلام

أشكرلك مرورك الكريم ولكى خالص تحياتى

[سيف الدين جلال]

والله لا يمكننى الا ان اقول ان هذا البلد برغم ما فيه من شرور الا ان اهل الخير والمروءة أكثر ..وحمى الله مصر