استقبال يوم 30 فبراير

[Sherief AbdelWahab]

لنفترض أن أول 30 فبراير في التاريخ على الأبواب..

وزي ما الغرب طلعلنا الفالانتاين.. عايزين إحنا كشعب مصري نحتفل بهذا الحدث الخطير على طريقتنا المصرية الخالصة المخلصة..

مقترحاتكم؟

خلص الكلام

[Scorpion]

أقترح بجعله يوم عدم الأدلاء بتصاريح حكومية ...

مرة واحدة كل 4 سنين المسئولين يتكتموا خالص ....

او يبقي يومين في واحد

بمعني يبقي يوم الأنتخابات و يوم اجازة الشرطة ....

[شموع]

السلام عليكم

وانا في الشغل اعطيت المواعيد للناس يوم 30 فبراير عشان يراجعونا

كده انا عملت اللي عليه

[Sherief AbdelWahab]

برضه أنا حاسس إن فيه تقصير في حق هذا اليوم التاريخي..

30 فبراير لازم تبقاله أغاني خاصة بيه.. إزاي؟ مش عارف.. بس لازم تبقى له أغانيه..

ولازم تبقى له طقوسه الخاصة جداً..

أن تحبس الأنفاس في الساعات الأخيرة من يوم 29 فبراير انتظاراً لليوم التاريخي ..

دة كمان لازم تبقى له هداياه..

في الفالانتاين فيه دباديب .. إيه الأنسب لـ 30 فبراير؟

خلص الكلام

[vipwithyou]

يا جماعة انا مش فاهم الحقيقة ؟

هو امتى 30 فبراير دة ؟

فعلا بجد لو انتوا عارفين ان فى ظاهرة هتخلى فى يوم زى كدة ياريت تفهمونى

انا بأتكلم جد

شكرا

تامر السيد