الفاضل أسد عضوا بفريق التنسيق و الإشراف

[Advisor]

الفاضل أسد غنى عن التعريف و الجميع يشهد لقلمه بالرصانة و الموضوعية ، و هو فعلا و بأمانة يمثل كسبا كبيرا لفريق الإشراف و التنسيق.

ما سبق كان إستهلالا لابد منه

و أعتقد أننا سنرى فى القريب العاجل غزارة فى المشاركات و الموضوعات - و لايعنى ذلك أنه مقل فى مشاركاته - التى يضعها الفاضل أسد ، بل أتوقع أن يفتح مواضيع للحوار ربما تكاسلنا كلنا عن فتحها.

أهنئ الفاضل أسد بالأعباء الجديدة الملقاة على عاتقه و أهنئ محاورات المصريين أعضاء و مشرفين و منسقين على إنضمام الفاضل أسد إلى فريق الإشراف و التنسيق.

[Modest]

و نِعم الاختيار :lol:

التهنئة لنا جميعاً قبل أن تكون لأخي العزيز أسد.

أعانك الله علينا يا عم أسد .. خليك فاكر إحنا أصحاب من قبل ما تبقى مشرف .. هه :D

ماتعملش زي واحد صاحبي في الرياض أول ما إزرَق و البلية لعبت معاه قام معيّن سكرتيرة حسناء المنظر و اشترى مرسيدس شبح و حجز سويت في إنتركونتيننتال بإسمه طول السنة .. ده غير إنه بقى يلطعني على التليفون بالساعة علشان هو أزرق و مأستك على قلبُه كام ألف مداخلة و انا يا ولداه زي ما انت شايف :sad:

[se_ Elsyed]

مبروك يا فاضل أسد

وكلمة حق .... أقول أن رصيد هام وجديد أُضيف لفريق الإشراف

وأول نصيحة أحب أقولها لك هي إنك لازم تفرمت أصحابك القدام

زي ده كده

ماتعملش زي واحد صاحبي في الرياض أول ما إزرَق و البلية لعبت معاه قام معيّن سكرتيرة حسناء المنظر و اشترى مرسيدس شبح و حجز سويت في إنتركونتيننتال بإسمه طول السنة .. ده غير إنه بقى يلطعني على التليفون بالساعة علشان هو أزرق و مأستك على قلبُه كام ألف مداخلة و انا يا ولداه زي ما انت شايف

هذا من فضل ربي يا أخ موديست :lol:

آه بالحق .... تحب سكرتيرتك الجديدة يا أخ أسد تكون حسناء المنظر برضوا زي اللي عندي ولا لك مواصفات تحب نوفرها لك فيها ؟

وبالنسبة للعربيات ...في عندنا في باب الإشراف حته فيراري إستخدام خفيف ممكن تمشي حالك بها لحد بعد فترة التجربة ما تستلم المرسيدس من الورشة عبال ما يكونوا صفحوها

أما السويت ... فسيبني أنقى لك حاجه شرحه وبرحه بعفشة ميه .. إنما هاتعجبك عالاخر ...

--

موديست شايفك بتعمل كده دلوقت :sad:

[amrhoras]

مبررررروووووك ياريس

عين العون والرحمه بقى لينا وافتكرنا ياباشااااااااا

اخوك الصغنن حورس

من زمان اقول تنتخبوا مين اسد بيه وحبيبكم مين اسد بيه

حاجه كدى لزوم بقى الكرسي الجديد عشان تفتكرنا قبل اى انذار من سيادتكم ياباشا

نيجي بقى للجد

الف مبروك ا/أسد فنعم الرأى ونعم الأختيار ومرحبا بك فى أسرة الاشراف ومنتظرين منك كما تعودنا دائما

تحياتى

[nash]

و نِعم الاختيار :lol:

أعانك الله علينا يا عم أسد .. خليك فاكر إحنا أصحاب من قبل ما تبقى مشرف .. هه :sad:

أيون الله يكرمك يا موديست قوله ..مع اننا واثقين في أخونا الكريم أسد ومش ممكن هاينسي أيام العضويه ( علي وزن عزوبيه )

ألف ألف ألف مبروك وإن شاء الله بالتوفيق ..

[nash]

يوة؟؟ أنتوا نزلتوا الردود دي كلها أمتي؟؟؟

[Folana]

السلام عليكم ورحمة الله....

ونعم الاختيار يا استاذ عادل ...الاخ الفاضل أسد من الشخصيات التى نتشرف بالتعامل معها...

..وهو من من اقدم الاقلام واكثرها احتراما فى المحاورات وكونه انضم الى فريق الاشراف لهو شرف لنا اعانه الله علي هذه المهمه وارجو ان لا يكون الاشراف سببا فى حرماننا من مداخلاته..

بخصوص السكرتيره والعربية والسويت فى الفندق فاحب انى اقول ان كل دى اوشاعات مغرضه ..ومفيش حاجه من دى....وماحدش حياخد عربيتى ولا سواقى ولا جناحى..اقصد الجناح الملكى اللى باشرب فيه الكابتشينو اثناء تغيير الوردية-..علشان الامور بس تبقى واضحة من الاول...كفاية البط والوز

( ايه يا سى السيد.... أميييه... انت نسيت بتوع الضرايب والا ايه ؟؟؟؟)

اسعدنا هذا الخبر بحق استاذنا الفاضل أسد...وعلى بركة الله :lol:

[zizetta]

قالوا النتيجة طلعت .. وعلقوا كشوف الناجحين ..

ملقيتش غير إسم واحد .. الكل له مؤيدين..

وسمعتهم بيقولوا أسد بقى من المشرفين ..

قلت يا جمالو .. يا جمالو.. مبروك على محاورات المصريين..

أصل أنا بصراحة لكتاباته وآرائه من أشد المعجبين..

وقلت لازم أبارك بنفسي وإزوره في العرين ..

وأتمنى له التوفيق والرخاء .. ونقول يا رب آمين...

وإييييييييييه

زيزيتا

[Handasah]

:lol: الف مبروك :sad:

وربنا يقويك على اعضاء المحاورات واعباء الاشراف :D :lol:

[أبو محمد]

نهنئ أنفسنا .. إعضاء ومشرفين .. على هذا الاختيار الموفق الذى سيصب ولا شك فى مصلحة "محاورات المصريين" .. للأخ الفاضل أسد قلم رصين ، وراؤه عقل حكيم ، وصبر لا تخطئه عين ، وثقافة واسعة ، وتعبير رشيق لا يؤذى ولا يتعالى ... وكلها صفات تحتاجها المسئولية الجديدة التى قبل الإضطلاع بها .. أعانه الله عليها

إوعى تصدق يا أسد موضوع السويت والمرسيدس اللى موديست بيقول عليهم دول .. إحنا أول ما بندخل بيصرفولنا "لوكَّة" محترمة تحت مسمى بدل إشراف .. وانت حر فيها .. أنا جوِّزت بيها الاولاد واشتريت شقة تمليك 400 متر "طولى" بعيد عن المنطقة اللى فيها عمارات بتقع .. ده غير بقى البتاعة دى اللى مجرشة فى مطار النزهة واللى مش عاوز أقول إسمها عشان موديست قاعد للساقطة واللاقطة ... الموضوع ده تلاقى أخونا داروين متنبه له وتلاقيه دايما بيكتب بالأزرق عشان الحسد .. إن شاء الله نعمم الكتابة بالازرق .. :lol:

[إبن مصر]

فعلا يا اخى ابو محمد الفاضل اسد هو اضافه لنا فى الفريق وقلمه يشهد بنفسه انه كما تفضلت وقلت من الاقلام الرصينه الهادئه الراقيه فى كل شىء.

ملاحظه..

موضوع الفلوس والعربيه والسويت ... :sad: انا حاسس انى اتضحك عليا فى الليله دى..

انا بقالى 5 سنين وكل الى وصلى 150 قرش بدلات ؟؟؟ :lol:

الا بجد انتم بتاخدوا الحاجات دى ؟؟؟

الله!!

الله!!

الله !!

امال انا بيتحصل منى ليه كل اخر شهر بدل حذف وانذار؟؟؟؟؟؟؟؟؟؟؟؟؟؟؟؟؟؟؟؟؟ :D

[أسد]

بدأت المشاركة في محاورات المصريين منذ مايقرب من ستة أعوام ..

ولم أستطع الإنقطاع عنها ...

وكما أقول .. فقد تم أسري داخل محاورات المصريين ..

وفق الواقع أنا لست مشتركاً في أي منتدى آخر على الانترنت ....

ولم أكن في يوم من الأيام أتوقع أو أفكر حتى في أن أكون مشرفاً في المحاورات ..

ولكن .. وفجأة .. وحين غرة ... فوجئت بإسمي مطروحاً .. كانت الفكرة بالنسبة لي بعيدة .. وكلمني سي السيد في الموضوع .. ولكني لم أكن أعتقد حينها أنه سيمكنني القبول .. فللأسف .. أنا مشغول كثيراً بعملي .. والذي يأخذ من وقتي الكثير .. والكثير جداً .. والباقي من الوقت أمنحه لأسرتي الصغيرة .. وأتابع المحاورات بانتظام ولكن ليس لوقت كبير ..

ولكن .. عندما تلقيت رسالة من أستاذنا الفاضل عادل أبو زيد .. حاولت التماسك .. واعتذرت له .. ولكن مع أول تكرار لطلبه .. لم أستطع أن أعتذر أو أرفض ..

فهذا الرجل .. والذي لم أتشرف حتى الآن بلقاؤه .. ولو أنه قد حادثني هاتفياً منذ حوالي ساعتين .. إلا أنني أجله واحترمه واحبه .. والله شهيد على كلامي ..

وعليه ..

فأنا من اليوم ..

إسمي سيكتب باللون الأزرق .. بمعنى أنني سأكون مشرفاً .. أتمنى أن أكون على قدرها .. وأن أكون فعلاً فاعلاً في هذا المكان ...

أشكركم شكراً جزيلاً على ماكتبتموه في مداخلاتكم عاليه ..

وادعولي ..

أما بخصول العربية .. والفندق .. وبدل الإشراف والحركات ...

فانا مستني .. وعنواني معروف ..

[عصام]

وبالنسبة للعربيات ...في عندنا في باب الإشراف حته فيراري إستخدام خفيف ممكن تمشي حالك بها

العربية دى اللى هايقرب لها هاقطعه .. :lol:

[قديم]

اهلا وسهلا بالاستاذ العزيز القدير الاســد

حقيقي منذ عرفت المحاورات كنت اجد في مشاركاتك الشي الكثير المفيــد .. وان نقدت نقدت بادب وان شاركت بملامســه الواقع وقريب من الجميع

اعتقد الاشراف عموما في اي منــتدي هو تكليف ومشقــه ولكني اعتقدك من من يؤثرون علي انفســهم للاخرين اعانك الله

فهنئيا لنا بك قائدا لهذا الصرح الفكري العظيم . وكان الـله في عــون اسرتك لما سنسرقه من وقتهم

[deemuck]

مبروك للفاضل اسد وللمحاورات .ان شاء الله قدها واكبر منها

[bentmasria]

الف مليون مبروك اخانا الكريم

اعانك الرحمن على همومها ووفقك لخيرها باذن الله

اسعد قلبى هذا الخبر وننتظر الجميل والجديد منكم دائما

وفقكم الله وبارك لكم وفيكم

البنت المصرية

[امانى]

الاخ الفاضل استاذ اسد

الف الف مبروك على هذه الثقة الغاليه فى سيادتكم والتى انت أهل لها وجدير بها فنعم الاختيار يا استاذى العظيم

نتمنى لك التوفيق بين فريق التنسيق والاشراف ودمت لنا اخ ومشرف فاضل

امانى

تم تعديل 4 فبراير 2008 بواسطة امانى

[م.سامح المصرى]

الف الف مبروك يا ريس

ونعم والله

اهل لهذا المنصب

والله انا من اول مداخلة كانت معاك استعجبت انك مش من المشرفين

بقالك مدة كبيرة واراءك الجميلة استعجبت بس الحمد لله كدا نضمن ان حضرتك هاتكون معانا اكتر من الاول

وماتنساناشمن المنحة يا ريس

[فــيــروز]

اختيار موفّق جدا :sad:

نهنّئ أنفسنا قبل أن نهنّئ الأخ الفاضل أسد :lol:

[om marawan]

الاخ والصديق والاستاااااااذ الفااااااضل أسد

أسعدنا جدا انضمام سيادتكم للفريق الرائع المشرف على محاوراتنا الجميلة

أسعدنى ذلك لأنها فرصة لتهنئة سيادتكم كما أنها فرصة لتسجيل اعجابى وتقديرى لارائك ومشاركاتك بيننا

وعلى اننى حديث عهد بالمحاورات_ للاسف_ ولكننى كنت احرص دائما على قراءة مداخلات حضرتك لاعجابى بارائك وباسلوبك المتميز ورقى اسلوبك فى الحوار

خااااااااالص تهانينا وأعانك الله ................ وشرفتنا والله

تم تعديل 4 فبراير 2008 بواسطة marawan