nash بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 طرأت علي بالي فكرة ...أتمني أنها تعجبكم....<<<<<<< أسمع في المقدمات :happy: المهم من غير كلام طويل....ايه رايكم كل واحد فينا يقول مثل أعجبه في حياته ويرتبط معه بذكري معينه...بس لازم تكون ذكري تدعوا للإبتسام...أظن واضح اننا في باب الإبتسام مش النكد ...الله يرضي عليكم... bv:- خنفسه شافت ولادها علي الحيط...قالت ده لولي ملضوم في خيط.... لن أنسي هذا المثل أبدا...وأنا جايبه الاطفال وقاعده أحب فيهم وهما خلاص طفشوا مني....وكل شويه اسال صاحبتي الأنتيم..بذمتك مش الولد الصغير أمور ؟؟ md2: ....تقولي اة....ماشاء الله ... ارجع تاني بغلاسه مش منتبهه عليها واقولها مش بذمتك الولد دمه خفيف؟؟ ...تقولي اة ماشاء الله :blush2: مش اسكت بأة وأرضي بالكلمتين الحلوين...لا أرجع تالت واقولها مش بذمتك الواد...والله لسه ماكملتش الجمله إلا ولقيتها بتقولي بهدوءها المعتاد..عارفه ياناش المثل اللي بيقول......اللي انا كتبته يعني :wub: .....أهو أنتي عملتي زيه.... أنا بصراحه اللي طلع عليه...كلمه انا ؟؟ أنا؟؟؟ أناااااا؟؟ وهي ببرود تقولي اة؟؟؟ :blush2: طبعا أنا وقعت من الضحك كل ما أتخيل المنظر بتاع المثل...ولحتي الأن كلما أتي علي ذهني أضحك... اياكش بأة حد يدخل ويقول مثل دمه تقيل.... md2: صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
امانى بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 حبيبتى نوشة انا يا دوبك بقرا مثلك علشان انا كمان عندى مثل بيفكرنى بزكرى زواجى ومخبيش عليكى لقيت رسالة من واحدة صحبتى وحبيبتى برضه قطعت حبل افكارى قريت الرسالة وقلت ارد عليكى بقى بمثلى شوفى يا ستى المثل بيقول ابوها راضى وأنا راضى مالك ومالنا انت يا قاضى المثل ده اتقال يوم كتب كتابى وفى حضور المأذون وكان قريب زوجى المهم سأل زوجى هتدفع المهر كام يا عريس فرد زوجى وقاله 25 قرش فرد المأذون بضحك وقاله ايه يابنى انت هتشترى كيس شيبسى طيب خليه جنيه تمن شيكولاتايه كبيرة فرد زوجى وقال المثل اللى قلته فى الاول وضحك الجميع طبعا المؤخر خلناه كبير حوالى جنيه ونصف امال ايه هيضحك علينا ولا ايه مش كفاية المقدم هههههههههههه امانى الصداقة كنز لا يفنى لازم نحافظ عليه رابط هذا التعليق شارك المزيد من خيارات المشاركة
nash بتاريخ: 3 فبراير 2008 كاتب الموضوع تقديم بلاغ مشاركة بتاريخ: 3 فبراير 2008 (معدل) إلا صحيح وهو ماله... :blush2: بس اظن أعرف علي ما أظن أن المآذون له نسبه في مؤخر الصداق ....بقول علي ما أظن يعني ...مش بفتي والله... أنا بأة الصداق المسمي بيننا :wub: ......وكل فترة والتانيه اسال أبو ياسر ...كام يا بو ياسر يقول ده سر...مالكيش دعوة.. من فترة للتانيه أحب تفقد أحوال الملائكه اللي عندي...والظاهر التفقد تقل حبتين وأنا خارجه أتخبطت في رف من رفوف حجرتهم....لقيت واحد فيهم رافع ايده في السما ويقول.... يهمل ولا يهمل.....طبعا قصده يمهل ولا يهمل.....سيبت كل حاجه وحدفته بأول كرسي لقيته وأنا واقعه من الضحك :blush2: تم تعديل 3 فبراير 2008 بواسطة nash صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 انا بقول لأماني "ما جمّع إلا لمّا وفق رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 وده مثل دمه خفيف لبس البوصة تبقى عروسة طيب هي لما يخلص الفرح وتقلع لبس العروسة حترجع تاني بوصة مش كده برضه الا ايه؟ رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 ارجع واقول انا راضي وابوها راض، مالك انت يا قاضي رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 مش بس البوصة حتبقى عروسة ده فيه مثل بيقول لبس الخشبة تبقى عجبة رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 كان فيه واحد حاضر نفس الفرح ، فبص لزميله اللي بيقول امثال يتريق فيها على العروسة وقاله عارفين قاله ايه: لا تعايرني ولا اعايرك، دا الهم طايلني وطايلك عاوز يقوله احنا الاتنين متساويين في نفس المصيبة رابط هذا التعليق شارك المزيد من خيارات المشاركة
abofasad بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 صاحبنا اللي بيتريق على العروسة والعريس ، اتجوز للمرة التانية فصاحبه بيقوله مبروك على الجواز عارفين كان رده ايه، قاله: كنت بالهم القديم راضي، جاني الجديد زود أمراضي قاله اعملك ايه انت اللي جايبه لنفسك رابط هذا التعليق شارك المزيد من خيارات المشاركة
قاهرى بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 انا عندى مثل بحبو جدا ومش معتبرو مثل بس لا دة حقيقى حصل معايا كتير اوى خلانى افكر فية واصدقو اوى المثل بيقول لا تصاحب الاقرع ولا تاخد منو نصيحة لو كان ربنا راضى عنو كان خلى راسو صحيحة مع الاعتذار لكل القرع .. والله دة مجرد هزار وسوء حظى مع القرع رابط هذا التعليق شارك المزيد من خيارات المشاركة
قاهرى بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 شكرا ناش على الفكرة الرائعة والموضوع الجميل دة وفى انتظار البهدلة المعتادة من اغلب الاعضاء :blush2: قاهـــــــــرى رابط هذا التعليق شارك المزيد من خيارات المشاركة
إيزيس بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 موقف مشابه لموقف مدام ناش حصل لي مع ابني لقيت الولد بيقوللي حسبنا الله ونعم الوكيل وللأسف ضحكت رغم إني كنت نفسي أضربه أما المثل الللي عرفته قريب وعجبني مووووت سمعته في مسلسل مش فاكرة اسمه المثل عجبني لأنه يعبر عن حاله أمر بيها الأيام دي عندنا ناس معارف زي ما تقولي مفروضين علينا بالخجل بالقهر مفروضين وخلاص وأولادهم نسخ مصغرة من الغلاسة رغم إني باموت في الأطفال لكن دول فشلت إني أحبهم غير ودودين بالمرة ولما سمعت المثل وكأنه فرج جالي حتى لما نسيت لفظه طلعته من النت وفضلت أكرره علشان أحفظه وبنتي تضحك علي وطلعولي أمثال من النت ويتريقوا بيها على حالتي هي والعفريت أخوها استعدوا للمثل الفظيع أمك البصل وأبوك التوم ومنين تجيب الريحة الحلوة يا خلفة الشوم معبر ...صح قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا رابط هذا التعليق شارك المزيد من خيارات المشاركة
nash بتاريخ: 3 فبراير 2008 كاتب الموضوع تقديم بلاغ مشاركة بتاريخ: 3 فبراير 2008 استاذي القدير أبو فصاد.... واضح جدا أن صاحبك ..حظه مش ولابد....علي الأقل تظبط في التانيه يعني...بس نقول ايه أقدار :blush2: تسلم علي مرورك يا رب :blush2: أضحكتنا بجد صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
nash بتاريخ: 3 فبراير 2008 كاتب الموضوع تقديم بلاغ مشاركة بتاريخ: 3 فبراير 2008 شكرا ناش على الفكرة الرائعة والموضوع الجميل دة وفى انتظار البهدلة المعتادة من اغلب الاعضاء :blush2: قاهـــــــــرى يانهاري هاو دير يو؟؟ أنتظر وعدك بأة...ولا أعرف التوبيك ده أصلا :blush2: صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
nash بتاريخ: 3 فبراير 2008 كاتب الموضوع تقديم بلاغ مشاركة بتاريخ: 3 فبراير 2008 والله يا قرنفل ربنا يعينك...بيتهيألي مافيش خنقه زي خنقه الأصحاب المفروضين عليكي...والمفروض تشربيهم ..وكمان تحسيسيهم انك مبسوطه...أكيد مافيش عذاب زي كده أبدا في الدنيا.... في أحدي الأجازات الميمونه للمحروسه قعدنا اسبوع أنا والمجانين أختيني نرتب للسفر وقضاء أسبوع علي الشاطيء...وخلاص حضرنا كل حاجه ... ورتبنا الشنط والولاد أستعدوا نفسيا إلا والتليفون يرن..ويجيلنا خبر وفاة في العائله..وبنفس التوقيت تقريبا كان فيه تمثيليه والبطل كان وائل نور...واحنا قاعدين نندب حظنا إلا ونسمع وائل بيكلم مامته في التلفزيون وبيقولها...... قال قلت للهم أنا رايح أتفسح ..قال ليه هوة أنا مكسح؟ والله بصينا لبعض ووقعنا من الضحك صن ضحكة الأطفال يارب فإن هي غردت في ظمأ الرمال أعشوشبت لكن إن زودوها وبكيوا ..ونكدوا ..... هايتلطشوا رابط هذا التعليق شارك المزيد من خيارات المشاركة
إيزيس بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 خليني ساكتة يا مدام ناش يا اختي قال على راي المثل افتكرلك ايه يا بصلة و انت كل قطمة بدمعة" :blush2: قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا رابط هذا التعليق شارك المزيد من خيارات المشاركة
se_ Elsyed بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 المانكي في عين مامته غزال يا واخده المانكي على ماله .. بكره يروح المانكي وتقعدي لنا انتي بداله اللي بيته من قزاز ما يغيرش هدومه في الصالون اللي معاه قرش محيره .. يجيب حمام ويحمره مره واحده يشتري بشلن حلاوه البقال قاله ما عنديش وهو عنده جوه الدم عمره ما يبقى شوربه وكفايه بقى احسن متأثر بالكام مثل دول اللي بيقطروا حكمه وفطنه وسمنه خصوصاً الامثال بتاعت المانكي الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
إيزيس بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 حوش السمنه يا سي السيد امسح الكمبيوتر وتعالى شوف دول .... :lol: ذيل المــاوس عمـــره ما ينعدل اللي ما يعرف الكمبيوتر يقول عنه أتاري لا تعايرني ولا اعايرك دهـ الفيروس طايلني وطايلك البرنامج اللي يجيلك منه ريح .. أحذفه واستريح يابرنامج بفلوس بكره يبقى بلاش البرنامج يبان من عنوانه قُل لَّوْ كَانَ الْبَحْرُ مِدَادًا لِّكَلِمَاتِ رَبِّي لَنَفِدَ الْبَحْرُ قَبْلَ أَن تَنفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا رابط هذا التعليق شارك المزيد من خيارات المشاركة
semsema بتاريخ: 3 فبراير 2008 تقديم بلاغ مشاركة بتاريخ: 3 فبراير 2008 انا وصحبتي كنا واقفين قدام المرايا :lol: فبتسأل: سمسم مين احلى انا والا انتِ :blush2: ؟ انا: طبعا انا.....مش محتاجلها كلام يعني wst:: هيا: سمعتي عن المثل اللي بيقول: القرد ف عين امه غزال؟ :lol: انا: :blink: :blink: :blink: رابط هذا التعليق شارك المزيد من خيارات المشاركة
se_ Elsyed بتاريخ: 4 فبراير 2008 تقديم بلاغ مشاركة بتاريخ: 4 فبراير 2008 حوش السمنه يا سي السيد امسح الكمبيوتر وتعالى شوف دول .... :lol: ذيل المــاوس عمـــره ما ينعدل اللي ما يعرف الكمبيوتر يقول عنه أتاري لا تعايرني ولا اعايرك دهـ الفيروس طايلني وطايلك البرنامج اللي يجيلك منه ريح .. أحذفه واستريح يابرنامج بفلوس بكره يبقى بلاش البرنامج يبان من عنوانه إنتب بتتحديني بقى يا قرنفله بالرغم من إنك تعلمي علم اليقين إن مجال الحاسب الآلي هو ملعبي حتى أسألي عليه في أي سايبر ... طب خدي عندك ... تحبي نبدأ بالسوفت وير ولا الهارد وير ( جميع حقوق الطبع محفوظة لشركة سينسينكو لأعالي البحار والامثال الشعبية وخلافه ) لسه دلوقت مألف الكام مثل دول اللي هايبقوا نبراس ودروب تسير عليها الاجيال الجايه نبدا بالسوفتوير - بيقولك فُلان بيعرف الكُفت ... قلنا أسألوه ... معاه شهادات من مايكرسوفت ؟ - أحفظ بياناتك يا عرنوس .. احسن ياكلها الفيروس - فيروس عالجهاز .. احسن ما يتحرق بالجاز ولسه في كمان بس نقلب شويه هارد وير - قال يا شاريين اللاب توبات .. يا شايلين هم الصيانة للممات . - جهازك القديم .. يغنيك عن سؤال اللئيم - يا هارد ديسكي يا كتاكت .. يامانتا مليان وساكت . أنا هاسكت دلوقت وأبقى مكافي خيري شري وبعدين نكمل تاني فاصل ونتابع الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان