متفرقات؟؟

[بنت شعنونة]

في حجات كتير بنسمعها ونشوفها لكن ما نعرفش هل هيا صح او لا؟

ممكن اللي يعرف يدلني؟

1- واحدا زميلتي قالت لي... لو الأذان اذن وانا جالسا.... اتعدل.. ولو نايما اقعد ولو حاطا رجل على رجل افكها؟؟؟؟؟؟؟ دا صحيح؟؟؟؟ :)

2- لما الأذان ياذن نطفي الكاسيت او نوطي صوته؟ صحييحح؟؟؟ وليه؟

[الطفشان]

1- واحدا زميلتي قالت لي... لو الأذان اذن وانا جالسا.... اتعدل.. ولو نايما اقعد ولو حاطا رجل على رجل افكها؟؟؟؟؟؟؟ دا صحيح؟؟؟؟ :) 

2- لما الأذان ياذن نطفي الكاسيت او نوطي صوته؟ صحيح؟؟؟ وليه؟

الحاجات دي من باب الاحترام و العادات

و لم يرد ان الرسول كان يفعل اي شئ من هذا (الاعتدال في الجلسة، القيام من الاستلقاء، الخ)

و الاتراك عندهم هذا الموضوع متبوع بشدة عند كبار السن و الريفيين منهم

و ما ورد عن رسول الله هو ان الشخص يردد الاذان وراء المؤذن

[drmsaber]

الحاجات دي من باب الاحترام و العادات

أخىالطفشان

عادات محمودة أم مذمومة ؟

يا ليتك تزيدنا من معلوماتك عن الأذان و ما الحكمة منه و ما يجب على المسلميين المبادرة الى فعله عند سماع الأذان بالإضافة الى ما ذكرته عن الترديد خلف المؤذن .

جزاك الله خيراً

[بنت شعنونة]

"لعن الله النامصة والمتنمصة"

النمص = ازالة شعر الحاجب..

فهل معناه الأزالة الكلية + الجزئية؟

او الكلية فقط زي ما بنشوف ممثلات اليومين دول "راسمين " حواجب فقط

والأهم من دا

ما الحكمة من تحريمه؟؟؟؟؟؟؟؟؟؟

انا قلبت الدنيا عشان الاقي سبب للتحريم؟

ما الضرر في جعل المراة اجمل شكلا؟؟؟؟؟؟؟

واقول هذا على النمص الجزئي

يعني ازالة بضعة شعيرات من الحاجب للتزيين وتجميل الشكل

مش ازالته كله ورسم شكل بدل منه "والذي يعتبر تغيير كلي"

حد يفهمني؟ :(

[الصاوى]

اقرأى هذه الآية يا دكتورة وانتى تعرفى ليه النمص والتفلج والوصل حرام

النساء : 119

هذا تحدى من الشيطان الرجيم لله رب العالمين ، فمن يتبع الشيطان ويعصى الله فحقت عليه لعنة الله كما حقت على ابليس وقد خسر خسرانا مبينا

هذا أولا

أما ثانيا : فانت ايه اللى مش عاجبك فى خلقة ربنا وعايزة تغيريه ؟

أما عن سؤالك النمص الكلى أو الجزئى فالحديث واضح حيث قال رسول الله صلى الله عليه وسلم "النامصة والمتنمصة" يعنى اللى بتخفف حواجبها واللى بتعملها كده ، ومعنى انه محددش ، يبقى خليكى فى السيف سايد وبلاش تيجى جنب حواجبك خالص أحسن الطوبه تقع فى المعطوبة وتقعى فى المحظور

نسأل الله السلامة

هذا والله أعلم

[Proud Muslim]

بالنسبة لموضوع الآذان و الكاسيت ..

كما قال الأستاذ الطفشان .

يعني هو من باب تعظيم و احترام شعائر الله .. و أمر محمود .. و تلك الأمور من باب التوقير و التعظيم ..

و كيف سنردد وراء المؤذن و الكاسي عالي ؟؟

بالنسبة للنمص ..

سمعت من الشيخ الدكتور سالم عبد الجليل و هو من أساتذة الأزهر المشهود لهم بالعلم .. رأيا في ذلك ..فقال ..

أنه لو اكنت الازالة ليست من أصل الحاجب ..فلا بأس ( يعني المنطقة اللي فوق الأنف .. أو ما بين الحجابين عندما يكون المنظر غريبا فعلا )

و كذلك لا بأس بتقصير الحاجب اذا كان الطول زائد .. و لكن النمص هو ازالة الشعر من جذوره أصلا و هو السائد هذه الأيام و لا أدري كيف إستباحته بعض النساء بصراحة !!!

ما علينا ..

و يجب الأخذ في الاعتبار كون المرأة متزوجة أم لا ..ترتدي نقاب مثلا أم لا ؟؟

فهذه الأمور تفرق .. و بلا شك النمص و شكل الحواجب المنموصة يكون مثيرا أو فاتنا و هذا أكيد و الا فلماذا تفعله النساء أصلا ؟؟

كما قال الأخ الفاضل الصاوي أيضا يعد من تغيير خلق الله .

و هذه بعض الروابط لفتاوى مفيدة لها علاقة بالموضوع .

http://www.islamonline.net/completesearch/...3%D5&Fatwa=True

و الله أعلى و أعلم ..

و الله من وراء القصد

[hope]

بالنسبة لموضوع النمص انا سمعت فتوى على قناة المحور وقال الشيخ فيما معناه ان الأصل فى الموضوع الغش بمعنى ان سيدة ذهبت للرسول صلى الله عليه وسلم وأخبرته ان ابنتها اصابها مرض فى رأسها وتساقط شعرها فهل يمكن ان توصل شعرها حتى يراها العريس بصورة حسنه

فجاء هنا نهى الرسول صلى الله عليه وسلم عن النمص والوصل ....

وقال الشيج مادام الزوج يعلم شكلها وموافق على النمص فلا مانع لان الأصل فى الرواية هو الغش .

ولا استطيع ان اجزم فى الموضوع لان غالبية الفتاوى تنهى عن النمص ما عدا الفتوى السابقة وياليت احد من الاخوة الافاضل يفيدنا هل هذه الفتوى صحيحة ام لا؟

جزاكم الله خيرا

[بنت شعنونة]

عاوزة اعرف بس

دلوقتي صالة قمار يلعب فيها غير مسلمين

ولكن الدولة تاخد منها ضريبة

تبقى الفلوس دي حرام؟؟

هوا مش كان فيه نظام زمان ايام الرسول اسمه الجباية كان يؤخذ من غير المسلمين نظير اقامتهم في بلاد المسلمين وحمايتهم

انا مش واثقا من المعلومة دي لكن تقريبا انا فاهماها كدا :roll:

طب هما الناس دول كانت كل فلوسهم حلال؟؟؟ :lol: :lol:

[بنت شعنونة]

انا عاوزا اسال برضه في الحكم في عمليات التجميل اللي بدون داعي

اللي بيعملوها الستات

زي مذيعات لبنان كدا يعني :roll:

حرام والا حلال دي؟؟ :roll:

[الطفشان]

جبتيلي الخيلة

المواضيع في ستين حتة :lol:

ما علينا

عاوزة اعرف بس

دلوقتي صالة قمار يلعب فيها غير مسلمين

ولكن الدولة تاخد منها ضريبة

تبقى الفلوس دي حرام؟؟

ارد على سؤالك بسؤال

لو أب في بيته بيساهم اولاده و بناته في مصروف البيت

هل يقبل هو و اسرته ان يُصرف على البيت من عمل ابنته في الدعارة؟

و بالمثل، هل يجوز للدولة (خلينا في مصر) ان تأخذ ضرائب على مهنة الدعارة و تصرف منها على الايتام و التعليم مثلا؟

أظن الاجابة واضحة

هوا مش كان فيه نظام زمان ايام الرسول اسمه الجباية كان يؤخذ من غير المسلمين نظير اقامتهم في بلاد المسلمين وحمايتهم

انا مش واثقا من المعلومة دي لكن تقريبا انا فاهماها كدا :roll:  

طب هما الناس دول كانت كل فلوسهم حلال؟؟؟ :lol:  :lol:

قصدك الجزية

انت قلتيها: "كانت كل فلوسهم"

اولا لا يشترط انهم على دين اخر ان تكون كل اعمالهم حرام بالتبعية

ففيهم التجار و الحرفيين و غير ذلك

و هم لهم قيم و مبادئ مشابهة لقيمنا و مبادءنا و لذلك يجوز الزواج من نساؤهم و أكل اكلهم، الخ

يعني هناك حلال و هناك حرام بنسب مختلفة

اما صالات القمار فكلها حرام في حرام، و لا خلاف في ذلك بنص القران

و هل يصح ان بلد اسلامي، و حتى مسيحييه يحرمون القمار، ان ننشئ شئ حراما خالصا فيه؟

كل الدخل الاتي منها حرام و معلوم انه حرام، و لا نسبة حلال فيه اطلاقا

شفتي الفرق؟

و بالمثل تقديم الخمور

لو المسيحي يبيعها للمسيحي (و هذا امر منتشر من 14 قرن) فلا تودد مشكلة

اما ان يعمل فيها المسلمين، و راس مال مسلمين، و نقول في الاخر اللي بيشرب خواجات؟

مش قادر ابلعها!

[بنت شعنونة]

جبتيلي الخيلة 

المواضيع في ستين حتة

ما علينا 

اسفة والله :roll: :lol: :lol:

وبعدين مش انتوا قلتوا ما تشعبوش المواضييييع :twisted: :twisted: :oops: :oops:

نيجي للمهم..

انا مقتنعة بكلام حضرتك

بس اللي عاوزا اقوله

فرضا في حالة العولمة اللي احنا فيها وفيه جزء من ارضنا مشترى لمكان اجنبي وكل الي فيه حرام في حرام بحكم الملكية يعني

دلوقتي الناس دي اكدي بتشتري من الدولة اكل وشرب وكدا

لكن هما الأصل في فلوسهم غير معلوم

يبقى كدا حرام اني اتعامل معاهم؟

وفرضا انا عارف ان فلان من الناس "اجنبي غير مسلم" عايش في الجزء المملوك ليهم وبيشتغل عامل في بار ومرتبه منه

يبقى ما اتعاملش معاه في فلوس بيع وشرا؟؟

معلش انا اسألتي كتير

بس عشان افهم

اصل انا اول مرة افهم الموضوع دا :roll: :lol:

[masry]

سوف تجدى الإجابة على كثير من أسئلتك على هذا الموقع:

www.islam-qa.com