البحث العلمى و التنمية .. فى مصر

[mouaten]

اعزائى:

عندى خاطر يطاردنى منذ زمان طويل. الكل يتحدث عن مشكلات عديدة يعانى منها المجتمع المصرى, فى رائيى, على راسها مشكلة البحث العلمى!! نعم نحن دوله امكاناتها المادية المخصصه للبحث العلمى محدوده. ولكن, هناك العديد من المجالات العلمية لا تحتاج للتفوق بها الا عقل اسانى وورقة وقلم, على سبيل المثال ابحاث الرياضة البحته. اذا ما عذر علماء الرياضيات فى التخلف العلمى الذى نعيشه, علما بان تطبيقات الرياضيات فى جميع مناحى الحياة, والعديد من تطبيقاتها يصب فى امور عمية جدا من التخطيط العمرانى لابحاث المواقع, لدراسات الاعمال وتصميم مماذج رياضية للارصاد, البنوك.,.. والعديد والعديد من التطبيقات. حتى ان اساتذة الرياضيات باى جامعة هم محور اهتمامها اى دولة متقدمة الكل ىرجع اليهم للمشورة لكل العلوم!!!

اود ان اوضح ان حديثى هنا عام وذكر الرياضيات هنا لضرب المثل فقط.

مثل اخر; رصف الطرق; تكايف رصف الطرق معروفه وهى مواد خام + اجره التشغيل; عماله ادوات معدات...

اذا ما الداعى لرصف طرق غير معبده كما يجب!! اذا سقطت لامطار تحولت القاهرة الى بركة!!! مع ان او كان تم انجاز العمل كما يجب منذ البداية لكان الحال غير الحال.

كثير من امور حاتنا بمصر هكذا!!! دائما الشماعة الفقر مع ان الفقر منها براء.

حتى وصلنا الى حال "لا يسر عدو ولا حبيب"

انظروا مثلا هذا التقرير:

Air quality in Egypt has been below world standards for many years. High levels of particulates have extremely serious impacts on public health and cultural artefacts, such as the Pyramids. A recent study indicates that reduction of particulates to the desert background levels would prevent about 4,000 to 16,000 deaths per year and 90 to 270 restricted activity days. Lead is another serious problem; blood lead levels in Cairo are among the highest in the world. Toxic levels present in Cairo’s air, tap water, foods and dust have a devastating effect on the mental development of infants and children.

الواصلة:

http://www.iangv.org/html/sources/sources/...ypt%20Final.doc

هذا التقرير تم عمله فى فترة السعينات ويتنبئ بان التلوث بالقاهرة قد يصل الى حاله بالمكسيك "مضرب الامثال للتلوث فى العالم" وحيث ان دراسات وزارة البيئة تم اعدادها فقط لتوضع على الرفوف او تقدم للجهات الدولية طلبا للمعونة المالية التى بالطبع لا تصرف فى محلها لاحقا, يمكننا الجزم بان هواء القاهرة الان اسواء منه باى مكان بالعالم بدون استثناء!!!

احوال المرور وصلت لان تكون بالفعل اسواء احوال مرورية بالعالم. بشهادة البنك الدولى.

اذا الى متى الاهدار; الاهدار فى اعمارنا, صحتنا وصحة اطفالنا, اهدار فى مواردنا!!! :shock:

[mouaten]

تكمله:

مع ان الحلول للعديد منها لن يكلف اى تكاليف اضافية.

ملحوظة: اعتذر عن الاخطاء الاملائيه, حيث انى اكتب باستعمال ال Mouse

[Proud Muslim]

المهم الدكتور مفيد شهاب يطلع في التلفزيون و يقول ..

ان البحث العلمي يمشي بخطوات ثابتة و في تقدم مستمر و لكن الشعب لا يستطيع أن يحس ذلك !!

فين ده ؟؟

طيب لما اهل التخصص كمان مش حاسين التطور ده .. مين يحس بيه ؟

احد اقاربي يعمل استاذ في المركز القومي للبحوث .. و الله منذ سنوات قالي .. ان ميزانية البحث المخصصة له 180 جنيه في السنة .. و الباقي من جيبي !!

180 جنيه لا تكفي لشراء أنابيب اختبار فاضية !!

بينما وزارة الاعلام ميزانيتها مليارات أكيد .. امال المذيعات يلبسوا منين .. و المذيعين يجيبوا بدل منين ؟؟

حاجة تقرف و الله :mad: :mad:

أنا مش فاهم .. هو بيكلم معاتيه ؟؟

فين دعم المؤسسات الخاصة للبحث العلمي ؟؟

فين ميزانيات البحث العلمي و التطوير في المصانع و الشركات ؟؟

فين دعم الجامعات ؟؟

دعم الجامعات .. أقصى شيء .. عمل مدرجات للطلبة .. و اهداء كام جهاز !!

فين تمويل الأبحاث .. و مشاريع الطلبة الجادة .. مفيش !!

[Lancelot]

و الله يا جماعة موضوع البحث العلمي ده موضوع في منتهي الأهمية .... و أهميته بتزداد يوما بعد يوم ... أنا من يومين كده سمعت في التليفزيون ... إن الحضارة زمان كانت تقوم علي الموارد فكلما زادت الموارد زادت قدرة الدولة علي الإزدهار ... أما الآن فالوضع يتغير و تتحول الحضارة إلي حضارة معرفة و معلومات و إبتكار يعني باختصار بحث علمي ... إزاي يعني ... مثال تلاقي الإسطوانة المضغوطة أو الهارد ديسك أو منتج تكنولوجي كل المواد الخام اللي فيه تساوي جنيه .. لكن المنتج بمئة جنيه .. لأن قيمة المنتج في البحث العلمي و ليس في المواد المصنع منها المنتج ...

المشكلة عندنا بصراحة مش في الحكومة ... إحنا دولة بتتحول من الإشتراكية إلي الرأسمالية ... يعني الحكومة مش منتج و لا مصنع و لا باحث علمي ... الحكومة مراقب و ميسر للإجراءات و حاجات تانية ليس منها الإشراف علي البحث العلمي ... البحث العلمي مسئولية الجامعات و المصنعين ... و الجامعات عندنا

دعم الجامعات .. أقصى شيء .. عمل مدرجات للطلبة .. و اهداء كام جهاز !!

ربنا أعمل بحالنا فيها ... و ديه غلطة الحكومة لأنها المشرفة علي الجامعات و ليس لمجرد كونها الحكومة ... أما المصنعين و رجال الأعمال .. فلازم يشعروا بأهمية البحث العلمي و إن هو ده المستقبل .... صحيح البحث العلمي مكلف لكن فيه صناعات مش محتاجة إمكانيات قد ما هي محتاجة عقول و رأس مال مغامر وشجاع .. مثل صناعة البرمجيات ... لو الشركات تعمل برمجيات توصل بيها للسوق العالمي .. برمجيات للمستخدم العادي .. مش برمجيات حسب الطلب زي ما أغلب الشركات في مصر شغالة ... و هناك صناعات أخري مستقبلية عايزة أبحاث من دلوقتي زي أبحاث الطاقة الشمسية ... مفيش عندنا أكتر من الشمس ... ده حتي اللي قاعد فاضي بيقولوا عليه بيعبي الشمس في أزايز ... المفروض نكون من الدول السباقة في إستخدام الطاقة الشمسية لأننا أكتر ناس هنستخدمها .... و ربنا يوفق ....

[ragab2]

الحقيقة

موضوع جميل وممتاز

ولكن هل الرياضة البحتة هى الحل

ياسيدى ربنا يخلى لنا الخواجات بيعملوا لنا كل شيئ من الابرة للصاروخ

ودى كمان الصين بتعوضنا عن كل اللى بيقصر فيه الخواجات وبرخص التراب

وربنا يجعله عامر

مع الاعتذار للأخ محمد أبوزيد

وأعتقد

الموضوع الجميل هذا سيضيئ صفحة الفساد

اذا نقل لها

[Proud Muslim]

وأعتقد 

الموضوع الجميل هذا سيضيئ صفحة الفساد 

اذا نقل لها

علشان كده دخت على الموضوع لحد لما لقيته . :D

أما المصنعين و رجال الأعمال .. فلازم يشعروا بأهمية البحث العلمي و إن هو ده المستقبل

طيب هو أصله يتعب نفسه ليه ؟؟

الاختراعات موجودة .. و هو ينقل تكنولوجيا ليس أكثر .. ده حتى ما يفعلونه ليس تقل تكنولوجيا بالمعنى السليم !!

يعني واحد زي أحمد بهجت .. عامل تليفزيون اسمه جولدي .. قال لي أحد المتخصصن أن يأخ براءات الاختراع القديمة التي تصبح مشاعا للجميع بعد فترة من الزمن و يقوم بتصنيعها !!

يعني .. هو كده أسهل له بكثير ..

لسه هايجيب مهندسين و متخصصين و يبحثوا و يجربوا و يخترعوا !!

و هذه طبعا تكاليف كبيرة جدا .. و المفروض ان كل ميزانيات الشركات المحترمة فيها جزء ليس بالقليل مخصص للبحث العلمي .. و لكن الحكومة مش فارقة معاها !! المهم الناس تشتغل و تشتري و العملية تمشي ..

موضوع التقدم العلمي آخر أولوياتها ..

الظاهر اننا نحلم كثيرا بالكلام في هذا الموضوع .. :( :(

[Lancelot]

براود مسلم ... مش عارف أقولك إيه .... كلامك صحيح .. لأن هو ده اللي حاصل لكن أنا قصدي إن ده لازم ينتهي و ما يتكررش في المستقبل ... و حاجة زي ديه مش هتحصل بكره لمجرد إن إحنا قولنا كده ... لا .. ديه حاجة مش هتحصل إلا إذا الأشخاص اللي موجودين إتغيروا ... أو غيروا فكرهم ... و طبعا الأولي أسهل ... اللي أنا عايز أكون متأكد منه هو إن اللي جاي ما يكررش غلطة اللي قبله ... و يرمي اللوم علي الظروف و الإمكانيات و الكلام الفاضي ده ... لازم إحنا اللي نوفق الظروف و الإمكانيات طبقا لما نريد ... المهم الجيل اللي طالع ما يكونش فيه روح اليأس نتيجة لللي بيشوفوه من الموجودين دلوقتي ... إحنا غير اللي سبقونا ... و زمنا غير زمنهم ... و اللي هم ما عملوهوش إحنا هنعملوه .... إن شاء الله ....

أنا عارف إن الكلام سهل .... لكن ربنا شاهد علي إني بأقرن قولي بالفعل .... في حدود إمكانياتي ...