حملة الحملات الرجاء الجميع يشارك ....

[~Heba~]

بداية تقبلوا اعتذارى عن عدم اختيار عنوان اكثر وضوحا و عذرى انى اريد من السادة الاعضاء و السيدات ايضا يدخلوا و هم لا يعلموا ماهية الموضوع لانهم لو عرفوا ممكن ألا يدخلوا

والموضوع اللى اتكلم عنه ليس بجديد و الحملة اتعمل قبلها ستين حملة لكن احنا محتاجين التجديد و التذكير دائما بخطر اسمه

التدخين

اعتقد انى من الناس القلة اللى يقدروا فعلا خطر التدخين بشكل عام و تدخين السجائر بشكل خاص لانى ببساطة لى ثلاثة من اخواتى و هم فى عز شبابهم مدخنين هذا اذا استبعدنا اثر التدخين السلبى لكن الحقيقة ان البيت كله مدخن

كم من اسرة ابتليت بهذا البلاء فى شبابها و كم من شاب بيخسر بشكل تدريجى من ماله و صحته و يقول و يؤجل لما اعجز حبطلها لكن ده على الاقل عايز يبطلها طيب نقول ايه فى اللى بيخترع العذر لنفسه !!!!!!!!!

انا دائما اسأل نفسى هل الشخص المدخن خطر فى باله يعمل اشعة لرئتيه هل شاف شكلهم و اللون الاسود يغطيهم ممكن يكون عمل لكن نسى الرئة دى جزء من جسمه.

طيب بلاش نتكلم على الصحة لانها ممكن يخربها اى شئ تانى

نتكلم على الفلوس و احب احكى عن شئ رأيته فى التلفزيون وهو جزء من حملة لمكافحة التدخين و صوروا رجل قاعد ماسك ورقة بخمسة جنيه و ولع فيها النار و الناس بتعدى عليه مستغربة و لو كان بيولع سيجارة كان حيبقى شئ عادى رغم انه فى الحقيقة لا يوجد اى فرق!!!!!

التدخين ليس فيه اى متعه الا تلك الخيالات و الأوهام التى تجعل الرجل و هو يمسك السيجارة يظن انه اكثر رجولة و شكله حلو و البنات خلص حتقطع نفسها عليه او يظن انه بيه او باشا قاعد فى الضيعة بتاعته فى الحالة دى اكيد بيتخيل ان السيجارة غليون

اى وهم بتصورة السيجارة لمدخنها و ايه سبب الادمان على التدخين بجد شئ غريب

نحن نعلم ان المخدرات بأنواعها المختلفة تؤثر على المخ و الجهاز العصبى بشكل عام لذا هى تسبب الادمان

لكن التدخين معقولة لم يتم اكتشاف تأثير له على الجهاز العصبى!!!!!!!!

يا جماعة الموضوع خطير و الاخطر اننا مش بناقشه غير بس من فترة لفترة نعمل حملة و يمكن يكون فيه يوم عالمى لمكافحة التدخين فيه و الا مفيش ؟؟؟؟؟؟؟؟؟ لو مفيش قولوا لنا نعمل لنا احنا واحد و فى الحالة دى عايزين نخليه كل يوم فى السنة لان صحة شبابنا و اخواتنا تستاهل

و اخير ارجو من كل من لديه خبرة سابقة مع التدخين و طرق التخلص من ادمانه الا يبخل علينا و يحكى بالتفصيل مشواره مع ترك التدخين

كذلك ارجو من كل مدخن يقول هنا و لو كلمتين و يقر و يعترف هو بيدخن ليه و عايز يتركه و الا لأ عشان نساعده

شكرا لكم جميعا و بالتوفيق

محبتكم

هبه

يالا بقى الحقونى بالردود من بكره حعمل حملة على اخواتى

[حسام يوسف]

أضم صوتى لصوت الزميلة

وياريت لونعمل حملة على كل المنتديات وكل الوسائل

وعندنا كوادرطبية

ومبدعين زى سولى

المشكلة اللى خايف منها:مدخنى المحاورات

واللا ايه رأيكم؟

[~Heba~]

المشكلة اللى خايف منها:مدخنى المحاورات

واللا ايه رأيكم؟

هما بس خلى يورونا وشهم اتحدى ان احد مدخن يرد حيدور على عذر لنفسه مش حيلاقى

لكن اذا كان فعلا محتاج مساعدة نفسية للاقلاع احنا مستعدين

[mohmaher]

حملة رائعة ....

وفعلا مهمة جدا ...

أنا كنت مدخن على ما أعتقد "Heavy Smoker" كما يصفه الأطباء .. كنت بادخن تقريبا عشرين سيجارة يوميا .. هذا قبل ما أقرر اني أقلع مباشرة ..

بدأت أدخن في أخر سنة في الكلية .. وكانت بدأت بتهريج مع أصدقاء لي وكنا بنعمل مشروع التخرج .

بعد كده استمرت في التدخين ... وكان تمسكي في الأول بالعادة ديه اني كنت باحس بمتعة بعد ما أكل و بعد كده أدخن سيجارة .. وكلنا نعرف ان التدخين بيحفز افراز العصارة الهضمية بشكل ما .. يعني ...المهم كانت البداية احساس بلذة ... ثم تحولت الى عادة .. ثم الى ادمان تقريبا ..

فضلت كده ...لغاية ما اشتغلت ... و كنت باحس ان التدحين يضيف شيئا ما الى المظهر العام لأول وهلة .. يضيف ستايل ما ...يمكن !!

كمان الثقافة العامة التي ليست بالضرورة صحيحة .. كانت هذه الثقافة المنتشرة في المجتمع المصري أن التدخين شيء عادي وليس شيء منبوذ .. بل بالعكس ساعات بيكون محمود في ظروف معينة ... الكلام ده شجعني اني أكمل ... يعني ...

كنت قد وصلت الى درجة اني أستغرب كيف يستمتع الغير مدحن بحياته دون أن يدخن .. والله وصلت لكده .. يعني كنت شايف ان اللي مش بيدخن هو اللي مش مضبوط ..

المهم ... كانت اكتر حاجة تضايقني ريحتي بعد التدخين ومنظر صوابعي لما تصفر من مسكة السيجارة .. ثم أيضا ملاحظة اني باكح في الصبح ...

شوفي يا هبة .. من الأخر باختصار من واحد مدحن سابق ...

لو مافيش نية داخلية و احساس برفض هذه العادة السيئة .. مافيش أمل ...

طرق الاقلاع كثيرة جدا ..لكن لازم الانسان المدحن يكون فعلا من جواه .. من عمقه يكون عايز أو قرر انه يتوقف .. لو النية مش موجودة .. انسي..

بعد النية تيجي الارادة والاصرار على الاقلاع ... طبعا قبل كل ده توفيق ربنا ...

أنا أقسم اني لم أكن أتخيل في حياتي اني أقلع عن التدخين .. اطلاقا .. و لكن وقفت مع نفسي و فكرت واقتنعت ..ولما اقتنعت من داخلي ..

أقسم بالله .. كان يوم السابع من ذي الحجة و كنت باجهز نفسي للحج . وقلت لنفسي و أنا في البيت .. أنا دلوقتي هادخن أخر سيجارة في حياتي ..

وفعلا ... دخنت السيجارة .. و رحت أحج .... والحمد لله وأنا في الحج ربنا وفقني ودعيت جامد قوي في عرفات ...

وخلص الحج وأنا راجع في مطار جدة في طريق عودتي للرياض ... لقيت نفسي هاموت على سيجارة ...

وفعلا حاولت أشتري سجائر بأى طريقة في المطار .. حاولت جاهدا .. وأقسم بالله .. انني لم أجد سجائر على الاطلاق ..

وفعلا ركبت الطائرة ونزلت الرياض .. و سبجانك ربي ... بقدرة ربنا .. أقسم بالله العظيم نسيت السجاير ... نسيت اني كنت ساعات أصحى الصبح أول حاجة اعملها أشعل سيجارة ... أو اني ساعات أفطر على أي حاجة سريعة في رمضان ثم أجري على السجائر .... والله حتى الأن لا أجد تفسير لذلك سوى شكر الله ...

باختصار شديد .. الاقلاع عايز الأول نية صادقة من داخل المدخن انه عايز يبطل .. وبعد كده يتوكل على الله و يقول لربنا يارب أنا عايز أبطل .. ساعدني يارب .. بصدق ...

وانشاء الله . ربنا هيكرمه .. انشاء الله ... أنا لا أقلل من طرق كثيرة علمية للاقلاع .. لكن صدقيني ..لو المدخن مش مقتنع 100% انه عايز يبطل ..لا أمل في أى طريقة.

تم تعديل 21 يناير 2008 بواسطة mohmaher

[~Heba~]

بدأت أدخن في أخر سنة في الكلية .. وكانت بدأت بتهريج مع أصدقاء لي وكنا بنعمل مشروع التخرج .

للاسف الغالبية بيبدأ يدخن بالطريقة دى اصدقاء السوء بيجروا بعض بالطريقة دى ...لو راجل اسحب نفس ادى دقنى اهى انى قدرت يا راجل جرب و و و.........و بيضيع الواحد فى الاخر

هل من رجل حقيقى يقدر يقاوم

[mohmaher]

المشكلة ان ساعتها بيكون الواحد فاكر ان التدخين .. مظهر رجولي !

[amrhoras]

السلام عليكم ورحمة الله وبركاته

كنت لا انوى المشاركه فى هذه الحمله ... جزاكى الله خير يا باشمهندزه هبه والله

هى بداية موفقه من اخت عزيزه وجديده بس يابنتي امشي جنب الحيط وحاسبي من العربيات المعديه من جنبك :wub:

طبعا هذا على محمل الهزار ليس الا ...

انما فعلا ارجو من الساده المدخنين وخاصة الجدد اعادة التفكير فالتدخين ليس ضارا بالفلوس والصحة فقط .. انما بمن حولكم . بأسركم .اطفالكم . زوجاتكم .

الحمد لله انا عايش لوحدى فلا ضرر من ناحيتي الا على نفسي .... لكن ليس كل من يدخن يكون لمجرد اكتمال الاحساس بالرجوله . والتفكير فى ذلك يكون الشخص المدخن غير مكتمل الاهليه ان كان التدخين يعطيه الشعور بالرجوله ...

اما نظرة الجميع الى التدخين من تلك الزاويه فلا اجده سبب سوى ان يكون مستفزا ومحركا اكثر لعدم التراجع فى التدخين....

التدخين عاده سيئه جدا . ليس ادمان . لكن لكل منا اسبابه الخاصه .

هناك من اعتاد فى عصبيته ان يلهى نفسه فى هذه النار المشتعله

هناك من اعتاد فى وحدته ع ان يستأنس بالسيجاره...

هناك من يعتبرها كمسكن لآلام يعجز الطب عن علاجها..

هناك مليون سبب

انا لا ادافع عن التدخين بالعكس معكم وبشده ان التدخين ضار بالصحه ويسبب الوفاه ويجب التوقف حالا لكن ماعادا انا برده :waf:

بدايه جميله منك يا بشمهندسه والله .. ربنا يهدي اخوانك التلاته ويهدي كل مدخن

فى لبان طبي وادويه لاصقه واعشاب طبيعيه واراده وعزيمه .

وبدايتها ان كنتم تتساءلون بدايتها كانت متى ...

التدخين الفعلى كان يوم 20/11 /1999 م اشتريت العلبه بكامل ايرادتى ودخنت العلبه كامله فى قطار ( القاهره -الشرقيه) ساعتين ونص على ما اتذكر . والى الان Heavy Smoker وان كنت قللت من 3 علب الى 2علبه الى علبه ونص ده التقدم اللى وصلتله

تحياتى

عمرو حورس

تم تعديل 22 يناير 2008 بواسطة amrhoras

[~Heba~]

يا مرحبا بشيخ المدخنين اخيرا وريتنا وشك

شوف بقى انا بالموضوع ده ناوية على حادثة و تكسير دماغ ما هو يا انا يا انت و كفاية انك غلبتنى من قبل فى موضوع المأذونة :blink:

شوف يا استاذ عمرو مش معنى ان الواحد مر بمشكلة فى حياته و عجز عن مواجهتها يهرب تجاه شئ يضره و هو عارف انه يضره لكنه بيعمل بالمثل ضربوا الاعور على عينه قال هى خربانة خربانة

اسمحلى التفكير ده غلط جداااااا لانه حتى لو فرضنا ان الهروب بيريحه و مش مشكلة يدخن سيجارتين ونفسيته حتهدأ لكن اصلا مهما الانسان مر بصعاب فى حياته و لحظات اليمه لكن دوام الحال من المحال فسبحان مغير الاحوال لذا لا يربط الواحد نفسه بعاده سيئة تتحول معه لادمان و يدخل نفسه فى المستنقع ده فى لحظة دمار و انهيار نفسى و حتى لو بقت احواله احسن بعد كده بيبقى صعب يطلع منه....

و بالنسبة لك انت لا اعتقد بوجود مرض ليس له علاج او تشخيص و الصداع اللى بتعانى منه اكيد له تفسير علمى اما بقى التدخين بيهديه ليه دى كمان اكيد لها تفسير علمى اكثر

و عندنا هنا دكاترة لو ممكن حد منهم يعلق على الموضوع كمان

كذلك حتة ان التدخين بيحفز افراز العصارة الهضمية لانى مش قادرة اهضمها (يمكن محتاجة سيجارة )

.

.

اقول انى معنديش موهبه الاقناع و لوكنت بعرف اقنع احد كنت اقنعت الاقرب لى و هم اخوانى حتى اللى اصغر منى فيهم مش قادره عليه يمكن لان اسلوبى مش علمى لكن و الله انا صاحبة مبدأ و شديدة الايمان به ..التدخين ضار ضار ضار و ان كان ضرره على المدى البعيد لكن الواحد مسيره ييأتى يوم و يندم فيه و الندم صعب و الله يا عمرو سامعنى

[حسام يوسف]

السلام عليكم

الموضوع رائع ياباشمهندسة

وأشكر mohmaher على تجربته التى افادنابها

وحشتنا يا عم عمرو وانشاءالله ربنايديك الارادة وتبطل تدخين

بس ياباشمهندسة انا سايف انك تدعى لفكرتك بس بالراحة شوية

لأنها فعلا عادة صعبة

وربنا يعافينا جميعا

[Scorpion]

من المواضيع الهامة جدأ بالفعل.. و هي حملة جديرة بالمشاركة لتأثيرها المهم علي صحتنا اولأ و ثانيأ و ثالثأ..اما رابعأ فهو ثقب واسع في اقتصاد بلدنا من جراء تلك العادة.. ولنا عودة حول هذا الجانب ..

و الي هذا الحين ادعوكم الي تصفح ما كتبه زملاء اعزاء منذ فترة حول هذا الأمر في هذا الموضوع :

التدخين ... نصائح للتوقف عنه - هل يوجد نظام يمكن أتباعه؟

[ابو محمود]

انا كنت أدخن من سنة 82تقريبأ جد لأنى كنت غير مدخن بأنتظام قبل ذلك التاريخ وكنا صحبة من الشباب متقاربى السنون ولاكنى بعد ذلك وصلت الى اكثر من 60 سيجارة يوميآ ناهيك عن بعض التهور وتغيير المذاج المنيل بنيلة فقد دخنت البايب(الأنفورة ) لمدة 3سنين ثم علمت ان أحد معارف اصدقائى اصيب بسببها بمرض وحش فى اللثة فتركتها الى السيجار ودةايام الشباب ولأنى كنت ريتش مان يعنى لا أعول يعنى وكنت اشرب السيجار واصيبت بسعال وكنت انسى الأكل فى العمل وبطلت السيجار وشربت السجائر وأخترت اشد انواعها خطرآ وهى الأمريكانى عقل عيال ,,,,وكانت وجبتى يوميآ 60سيجارة غير الهدايا ههههههه

وكنت مدلل فى عملى جدآ فكانو يهدوننى السجائر بالخرطوشة اللة يجازيهم مش الفلوس احسن ؟ ومن سنتين اصيبت بأرتفاع فى ضغط الدم مفاجىء وصل الى 180 على 140 وتخيلت ان كل الأشياء حولى فى حالة تموج وكنت امر بنوبة صداع لم احس بمثلها ولحقنى أخى الاصغر بأن اعطانى قرص لزوم الضغط ومن هنا ادركت ان نهايتى ستكون مدخنة فلممت كل علب السجائر التى فى منزلى وكانو خمس (شوف التبزير )

وقلة العقل وكنت اضحك على نفسى ان اجعل علبة فى الكمودينو وأخرى على التسريحة والأخرى فى الريسبشن وكمان واحدة فى جيبى والأخرى على ترابيزة التلفاز آل يعنى هتشح مش بقولكو قلة عقل والى الأن انا فى صحة جيدة لأنى تخلصت من كابوس رخم ولاكن ذاد وزنى وأصبحت اتزوق الطعام بشهية مختلفة

واتمنى من كل من يقرأ مداخلتى ان يقلع عن التدخين لأنة عادة مميتة وسيئة ويمكن الحياة بدونة لأنة شيء تافهة جدآ ياجماعة واللة انا بحكى لكم بصدق رغم انى أعانى من التدخين السلبى من جيرانى فى العمل وأصدقائى ولاكنى ابتعد عنهم حين يدخنون فهيا الى حياة بدون دخان كلها سعادة لأنك تتحكم فى صحتك

[amrhoras]

الف سلامة يا ا/محمود ومبروك انك تركتها

ياريت الباقى يسمع ويتعظ لان الصحه بجد اهم من المال...

هى عزيمه واراده بس صدقونى الحملات لا تأتى بنتيجه طالما هناك لغة الترهيب . والتحذير

لذلك أجد ان معظم المدخنين قد توقفوا لاحساس نابع من داخلهم هم ولس من غيرهم الباشمهندسه جزاها الله كل خير بادرت مبادره جميله جدا وياريت كل المدخنين يتوقفوا ولو للحظه ويقرأوا الموضوع ده

من العجيب اننى اتكلم هكذا وهناك م يشعر بالتناقض ف شخصيتي .

لكن لكل منا سلبياته .. ونسبه وتناسب يمكن لم اجد السبب المقنع بعد لكن هناك العزيمه والاراده الغير مكتمله....!

واليكم جزيل الشكر

[عادل أبوزيد]

عنوان الموضوع يتنافى تماما مع تقاليد محاورات المصريين فمن حق القارئ أن يعرف مسبقا محتوى الموضوع بلمحة لعنوان الموضوع ، و من غير المقبول من ناحية ال ethic أن نستدرج القارئ لتصفح موضوع دون أن يعرف محتواه.

ما سبق كان إستهلالا لابد منه

هناك ما يزيد عن العشرة موضوعات عن التدخين فى محاورات المصريين و حدها و هناك ملايين - أكرر ملايين - فى المجلات و الصحف و الإنترنت ....... و مع ذلك لا حياة لمن تنادى.

هل يعنى ذلك الصمت و نترك الناس لأقدارها أقصد المدخنين لأقدارهم ؟ الإجابة الإنسانية لا و ألف لا .

بدائة هذه قائمة بموضوعات التدخين فى محاورات المصريين و يمكن تحديثها بالبحث عن "التدخين" فى عنوان الموضوع :

كل منا يعرف مئات قصص الفشل فى الإقلاع عن التدخين و قصص العجز عن الإقلاع عن التدخين ... هذه القصص التى ربما تدفع العقلاء - أقصد غير المدخنين - للإحجام عن مناقشة الموضوع مع المدخنين المصرين على التدخين.

و معنا هنا فى فريق التنسيق و الإشراف عضو عمله الرئيسى - تقريبا - هو محاربة التدخين بحكم وظيفته و مع ذلك و مع إتصاله بأحدث الجهود على مستوى العالم بصدد محاربة التدخين فهو مدخن شره و يضحك على نفسه أحيانا باللجوء لتدخين الشيشة.

و عديلى - زوج شقيقة زوجتى - أستاذ جراح شهير و يعانى من متاعب فى القلب و النصيحة المتكررة - طبيا - له هى الإقلاع عن التدخين و لكن لا حياة لمن تنادى.

بدأت التدخين فى سن الثلاثين و بقيت مدخنا شرها لا يرضى عن سيجارة الجيتان الفرنسية بديلا و كانت أول شيء أفعله فى الصباح هو تدخين سيجارة جيتان ، و كان أصدقائى يرفضون تدخين سيجارة الجيتان و يسمونها نابالم.

و أذكر يوما كنت طريح الفراش بكسر فى قدمى و عادت زوجتى من العمل - ساعة كاملة فى المواصلات - و نسيت أن تحضر لى الجيتان و هذا النوع من السجائر غير سائد فى لندن و لا تجده إلا المناطق التى تحوى كثيرا من الأجانب و السياح ، و كان أن طلبت منها العودة و كان الوقت مساء و الجو بارد و ذهبت مرة أخرى من kentish town إلى marble arch تقريبا تعبر لندن بالكامل من الشرق إلى الغرب لتأتى لى بالسجائر.

رجاء ملاحظة أنى بدأت التدخين و أنا فى الثلاثين.

حتم على العمل السفر إلى أحد المدن البعيدة و كانت مشكلتى أنى لم أجد سجائر الجيتان و جربت العديد من الأنواع بحثا عن الطعم الصارخ للدخان الفرنسى و لم يرضينى أى نوع آخر.

و عدت بعدها للندن و أصبت بدور برد مع سعال مؤلم أضطررت معه لترك التدخين لفترة أربع أيام على ما أذكر.

و فى يوم أثناء مرضى فتحت شباك حجرة النوم و لاحظت مذاق الهواء الذى يدخل فمى و رائحة الأشياء و مذاق الطعام.

و من وقتها توقفت تماما عن التدخين و كان هذا أحد أيام شتاء سنة 1974 فى لندن.

كان دافعى للتوقف عن التدخين هو الإستقذار أكررها الإستقذار

عندما أرى كثيرين حولى يشتكون من عدم قدرتهم على الإقلاع عن التدخين أتعجب و أحكى هذه القصة ... مرة واحدة.

بالنسبة لإبنى الكبير عندما كان فى الجامعة أظن أنه حاول عدة مرات التدخين و رأيته مرة من البلكون يركب السيارة و يشعل سيجارة ...

و ناديته بصوت عال و نهرته - من البلكون - و عدت إلى الداخل و مرضت تقريبا لعدة أيام و لم أقبل أبدا الإستسلام لفكرة أن كل الشباب يدخنون و أنها شيء بسيط و "أمال لو تشوف البلاوى التانية تعمل إيه" و صممت أذنى عن كل هذا الكلام و جعلتها مسألة حدية ..

و الحمد لله مر على هذا الحدث ما يزيد على العشر سنوات و أولادى الإثنان لا يدخنون بل أن من يزورنى من المدخنين إذا أراد أن يدخن يخرج إلى البلكون ليدخن سيجارته وحيدا و بعيدا عنى و عن بيتى.

أتعشم أن يكون فى مداخلتى هذه و لو القليلة من الفائدة لم يرغب فى الإقلاع عن التدخين.

[Scorpion]

إسمحوا لي أن اخرج عن أطار هذا الموضوع و رسالته الموجهة الي شخوصنا فقط .. كي أتكلم ة من خلال نفس الفكرة عن دور الدولة الممثلة في حكومتها فيه ...

فموقف الحكومة المصرية من التدخين هو تكذيب آخر لادعائها أنها حريصة علي صحة و أمان الناس .. و لعلم حضراتكم .. فإن التدخين يعد الآن أحد التحديات و الكوارث العالمية التي تسعي الدول المحترمة الي مواجهتها بكل الطرق ... قانونية أو تعليميةأو إعلامية ... و شركات انتاج السجائر تجبرها المحاكم هناك علي أن تدفع دم قلبها جزاء علي ما تفعله بالناس و ما تجلبه لهم من أمراض و مصائب ....

و للعلم أيضآ بلدنا تُعتبر واحدة من ست دول في العالم موصومة بالأفراط في التدخين ... و في آخر دراسة حول هذا الموضوع ذكر ان معدل استهلاك السجائر في مصر يصل الي حوالي 80 مليون سيجارة كل عام ... صحيح ان تعداد المدخنين في مصر حسب هذا البحث هو 7 ملايين مدخن .. أي واحدآ كل عشرة أشخاص .. لكن "البلاوي" التي تصيب كل مدخن ينتقل ثلثها الي الذين حوله من غير المدخنين ... و لنكون أكثر دقة فبجانب هؤلاء الملايين السبعة يجب أن نضيف من يدخن المعسل و البيبة و السيجار ..

و للعلم أيضآ فإنه بسبب إرتفاع معدلات التدخين في بلدنا فإن هناك أرتفاعآ ملحوظآ في الأمراض الناشئة عنه و في مقدمتها سرطان الرئة و الذبحة الصدرية ...

و للعلم أخيرآ فأن مصر تخسر سنويآ بسبب التدخين ما يعادل مليار و نصف جنيه .. هي قيمة علاج المرضي و تكلفة غيابهم عن اعمالهم و نتيجة لموتهم المبكر بما يترتب علي ذلك من معاشات و خلافه ....

ماذا تفعل حكومتنا الغراء لمقاومة هذا النزيف .... حكومتنا .. او القطاع العام بتعبير أدق هو المنتج الرئيسي لها ... و مؤخرآ قامت الشركة المنتجة بأفتتاح مجمع كبير لها في منطقة 6 أكتوبر يفترض أن يغرق الأسواق بكميات و أصناف مختلفة من السجائر تزيد من حجم الكارثة التي نرزح تحت وطأتها ... و حتي تكتمل الملهاة ... ضيوف الشرف بحفل الأفتتاح كانوا أربعة من وزراء الحكومة .. و كأن الترويج عن البضاعة يحتاج الي دعم الحكومة و رعايتها...

و سلملي علي الأهتمام البالغ بصحة المواطن ....

[ابو محمود]

إسمحوا لي أن اخرج عن أطار هذا الموضوع و رسالته الموجهة الي شخوصنا فقط .. كي أتكلم ة من خلال نفس الفكرة عن دور الدولة الممثلة في حكومتها فيه ...

فموقف الحكومة المصرية من التدخين هو تكذيب آخر لادعائها أنها حريصة علي صحة و أمان الناس .. و لعلم حضراتكم .. فإن التدخين يعد الآن أحد التحديات و الكوارث العالمية التي تسعي الدول المحترمة الي مواجهتها بكل الطرق ... قانونية أو تعليميةأو إعلامية ... و شركات انتاج السجائر تجبرها المحاكم هناك علي أن تدفع دم قلبها جزاء علي ما تفعله بالناس و ما تجلبه لهم من أمراض و مصائب ....

و للعلم أيضآ بلدنا تُعتبر واحدة من ست دول في العالم موصومة بالأفراط في التدخين ... و في آخر دراسة حول هذا الموضوع ذكر ان معدل استهلاك السجائر في مصر يصل الي حوالي 80 مليون سيجارة كل عام ... صحيح ان تعداد المدخنين في مصر حسب هذا البحث هو 7 ملايين مدخن .. أي واحدآ كل عشرة أشخاص .. لكن "البلاوي" التي تصيب كل مدخن ينتقل ثلثها الي الذين حوله من غير المدخنين ... و لنكون أكثر دقة فبجانب هؤلاء الملايين السبعة يجب أن نضيف من يدخن المعسل و البيبة و السيجار ..

و للعلم أيضآ فإنه بسبب إرتفاع معدلات التدخين في بلدنا فإن هناك أرتفاعآ ملحوظآ في الأمراض الناشئة عنه و في مقدمتها سرطان الرئة و الذبحة الصدرية ...

و للعلم أخيرآ فأن مصر تخسر سنويآ بسبب التدخين ما يعادل مليار و نصف جنيه .. هي قيمة علاج المرضي و تكلفة غيابهم عن اعمالهم و نتيجة لموتهم المبكر بما يترتب علي ذلك من معاشات و خلافه ....

ماذا تفعل حكومتنا الغراء لمقاومة هذا النزيف .... حكومتنا .. او القطاع العام بتعبير أدق هو المنتج الرئيسي لها ... و مؤخرآ قامت الشركة المنتجة بأفتتاح مجمع كبير لها في منطقة 6 أكتوبر يفترض أن يغرق الأسواق بكميات و أصناف مختلفة من السجائر تزيد من حجم الكارثة التي نرزح تحت وطأتها ... و حتي تكتمل الملهاة ... ضيوف الشرف بحفل الأفتتاح كانوا أربعة من وزراء الحكومة .. و كأن الترويج عن البضاعة يحتاج الي دعم الحكومة و رعايتها...

و سلملي علي الأهتمام البالغ بصحة المواطن ....

كم انى اعتذر لحضرتك انى أختلف معك حول تحمل الدولة مسؤلية التدخين ورغم انى من أشد المعجبين بكتاباتك ومواضيعك ولاكن اسمح لى ان أختلف معك!!!! الدولة ممثلة فى الحاكم والحكومة تريد ان نكون جميعآ مصابون بأى شيء بة تعب لنا لأن هذا من أختصاصاتهم الأولية فهم دأئمآ يبحثون على أى شيء لرفع ضغطنا والدوخة والتوهان لنا فكيف لهم المحافظة على صحتنا ياسيدى انت فى دولة القانون يعنى كلة بالقانون وبعدين يعنى ازاى الناس دى وأقصد المدخنين يقبلو على نفسهم ان يكونو مدخنين يعنى انا كل ما أفتكر انى كنت مدخن اتكسف من نفسى ازاى انا كنت كدة دة الواحد كان غريب جدآ يشترى سجائر بفلوس وبعدين يصاب بالسعال فيروح للدكتور بفلوس وبعدين يصرف دواء بفلوس وبعدين يرجع يشرب سجائر اللة دة انا كنت غريب أوووووى فين بقى التفكير اية دة الواحد ياسيدنا كان عامل زى العبد للسيجارة وأييية بقى ياخد النفس ويكتمة وصدرة يألمة وكأنة دواء دة كان واللة أعلم كدة درجةمن درجات الهوس الحمد للة انى تخلصت من التدخين وعقبال كل مدخنى المحاورات والمحاورات المجاورة للمحاورات ههههههههههههههههههههههههه

[ابو محمود]

الف سلامة يا ا/محمود ومبروك انك تركتها

ياريت الباقى يسمع ويتعظ لان الصحه بجد اهم من المال...

هى عزيمه واراده بس صدقونى الحملات لا تأتى بنتيجه طالما هناك لغة الترهيب . والتحذير

لذلك أجد ان معظم المدخنين قد توقفوا لاحساس نابع من داخلهم هم ولس من غيرهم الباشمهندسه جزاها الله كل خير بادرت مبادره جميله جدا وياريت كل المدخنين يتوقفوا ولو للحظه ويقرأوا الموضوع ده

من العجيب اننى اتكلم هكذا وهناك م يشعر بالتناقض ف شخصيتي .

لكن لكل منا سلبياته .. ونسبه وتناسب يمكن لم اجد السبب المقنع بعد لكن هناك العزيمه والاراده الغير مكتمله....!

واليكم جزيل الشكر

ياعمورة يا حبيبى انت لازم تبطل السجاير علشان صحتك وبعدين انت ليية بتشرب سجائر أسأل تفسك هذا السؤال وهتلاقى الأجابة جاتلك من جواك يا عمورة ياصاحبى مش لازم نتعب او نصاب بأذى وبعدين نبطل المهم انك تكون عندك صبر انت عارف بعدما بطلت التدخين رغم انى كنت مولع بالسيجائر كنت سعات اتحدى نفسى وأجلس على مقهى وانظر الى المدخنين من أصحابى وروادها وكنت احمد ربنا انى متماسك ورغم ذلك كنت حين اتنرفز فى الشغل كان الشيطان يوسوس لى ويلا اشرب سيجارة علشان الموضوع دةمعقد ودةودة وكنت انا ولا بسأل فى اهلة كنت بطنشة لحد ما زهق وسابنى ودلوقتى انا احسن واحد بياكل بنفس يا عمورة انت عارف حتى الطعمية الى كنت محروم منها بأمر الأطباءبقت زى الكفتة الضانى وانت عارف حتى الشاى بعد ما تبطل السجائر هتلاقى نفسك خففتةولا القهوة انا بقيت اشربها فى المناسبات والأعياد ههههههههههههههههههه شفت بقى اننا عايزين مصلحتك يلا بقى بطل تدخين وأشترك فى نادى الغير مدخننين وعلى فكرة اشتراكة سهل ومميزاتة كبيرة وأهم ميزة فيية انك تتمتع بأستنشاق الهواء النقى

نفس عميق من الهواء النقى =حياة سعيدة انا اتمنى لك صحةوعمر مديد .... محمودمصطفى