فيه ايه مضايقك؟ فضفض

[أنـفـــال]

تعبت

هو انا اللي مش عارفة اعيش في الدنيا ؟؟ و لا يمكن انا اللي مانفعش اعيش فيها؟؟

ليه دايماً كل واحد بيكون متوقع ان في حد غيره لازم يدفع تمن غلطته؟؟

ليه صاحب الغلطة مايدفعش تمنها هو؟؟

طيب ليه الغلط من الاول اصلاً مادام هيظلم ناس تانيين ... ! :)

مشكلة!!

أنفال

[bentmasria]

هو راجل شكله طيب

بس فيه كم عيب

اهم حاجة انه فاهم انه عارف كل حاجة

واذكى من كل الناس

ويحرك الكون كما عرايس ف مسرح الماريونبت

وكعادتى فى التصديق

صدقته

ووعدنى ان يكون عون لى على همومى الصغيرة والكبيره

وفوجئت خلال ايام

اننى كبش الفداء

وبيت الداء

ربما سبب ايذاء اخريات صدقوه ايضا

فانسحبت

لكن لى سؤال

لماذا

كنت قاسيا وما اقسى ان تذبح وانت تبتسم

كنت كاذبا وما اسوأ ان تعد وبعد ساعات تكون شخصا آخر

ارفض ان اكون اداتك فى القتل

وكم تمنيت لو لم تكن كذلك

[se_ Elsyed]

التوبيك بتاع جسر التنهدات ده كل ما أدخله أحس بكآبه .. لكن في نفس الوقت الوقت بأحس إن ما أملكه من هموم - لو كانت كذلك - تُعتبر لا شيء مقارنة بما يملكه الأخرون .

[حسـام المصـري]

اللي مضايقني في الفترة الحالية هي أنا.. أنا وبكل ما تحمل هذه الكلمة من معاني هي سبب ضيقي ويمكن اكتئابي.. والسبب ببساطة أني شخصية مسالمة الى أبعد الحدود وأكره كرها شديدا المواجهة. أهرب من المواجهة مشاوير لدرجة التنازل في كثير من الأحيان عن حقي، أعشق في كثير من الأحيان غرس الرأس في الرمل الى أن تمر المشكلة أو العاصفة ثم أخرج لأنظر حولي فأجد أن الهدوء قد عاد، يعني مما يؤلمني أنني احمل الحميل لمن جاملني أو وقف جنبي في وقت شدة حتى ولو كان هذا السند هو كلمة ولكن المبالغة في حمل هذا الجميل تقيدني في أن أحدد موقفي تجاه هذا الشخص لو استدعى الأمر وأساء الى مرة أو مرات وأترك نفسي تتألم من اهانة مثلا أو هجوم أو تطاول بحجة أن هذا الشخص أو هذه الانسانة لها فضل عليا في يوم ما.. اتمنى أن اتخلص من هذه العادة والتي لا تؤذي إلا (أنا) ولكن هيهات أن أتغير أو أن أتعلم.. شفتوا بقى مش باقلكم ان أكبر مشكلة مضيقاني الآن هي أنــأ :(  :(

<{POST_SNAPBACK}>

يا ست امينة مشكلتك موجودة و منتشرة بصور مختلفة باختلاف البشر. انا مثلا عندي مشكلة مشابهه. لكن يا بنت الحلال مفيش حد كامل. ربنا بيميز الانسان بحاجه، و ياخد منه حاجه قصادها. و على قد تميزك في منطقة، على قد ضعفك في منطقة تانية. انا شخصيا مقتنع بالكلام دا. عارفة حدوتة الاربعة و عشرين قيراط؟ بالزبط كدا.

علشان كدا عاوز اقولك يا ستي.. فوتي :angry: . انا كمان عندي عيوب مش قادر اتخلص منها. كل الناس كدا على فكرة. لكن الفرق ان بعضهم مش بياخد باله منها اصلا. يمكن لانه مش عاوز. المهم يعني.. شوفي ايه الحاجه اللي ربنا ميزك فيها واداكي منها كتير دي. ركزي فيها و هتلاقيها فعلا بتعوضك عن منطقة الضعف.

تحياتي

تم تعديل 11 يونيو 2005 بواسطة حسـام المصـري

[حسـام المصـري]

ساكون مثل ست امينة

واقول انا.. :(

انا مش طايقا انا

مرعوبة من الموت

ورغم التزامي الا اني في حالات عدم توازني النفسي افقده تماما وانسى كل حاجا

طبيبتي النفسية دايما تقولي

يا بنتي انتي بتحطمي نفسك بنفسك ...انتي مش سايبا فيها حتة سليمة... لا نفسيا ولا معنويا ولا حتى اجتماعيا؟؟!!

وكل مرة ارد عليها بنفس الرد

انا عارفا

بس انا سبت نفسي الناس تعذبني كتير

من حقي انا بقى اني اعذبها... :?

بتوّه نفسي

عشان ما اولعش فيها

اشي اشغال عجب.. اشي ناس عجب.. اشي نت.. اشي اي حاجا في اي حاجا..

بدور على نفسي؟؟

اكيد..

بتوّه نفسي عشان ما انفردش معاها؟

مليون مرة اكيد...:(

والحل؟

فشلت

ومؤخرا يبدوا اني استسلمت...

رغم اني فيا رفرفة الطير المذبوح وبحاول احاول

لكن حاسا انه مافيش فايدا مني

كائن خي مالوش لازمة في الحياة

يعني بعد ما اخواتي يتجوزوا وكل واحد بيته

انا ها بقى مجرد كم مهمل..:(

وبرضه مش عارفا اعمل ايه

شايفا الحزن في عيون والدي

صعبان عليا قوي...:(

وبيصعب عليا اكتر واكتر لما يشوفني في حالات الجنونة بتاعتي وانا بكسر ازاز بايدايا او اقطع شرايني او او او.........:(

وهوا بيحاول يمنعني

ومسكه المصحف بعد كل مصيبة وايده على راسي يقرالي قران..

ونظرة الأسى في عيونه لما اهب فيه واحمله مسؤولية فشلي في الحياة..:( وفشلي كا انثى حتى :(

لا استطيع ان انسى يوم دخوله المستشفى بسببي بعد ما هبيت فيه وقلتله انت السبب في كل حاجا وحشة في حياتي

ما استحملش :( ودخل المستشفى فيها..... يومها وطيت على ايده وبستها عشان يسامحني

ولو كان في ايدي كنت وطيت على رجله :(

ودلوقتي

حتى الأنفجارات دي اتحرمت منها.....

وبقى لازم اكتم كله جوايا

عشان بحب بابا جدا

وما عنديش استعداد اكون سبب في اي الم ليه.......

عارفا اني كل اللي كتبته غلط في غلط هنا وانه مفروض ما يتكتبش..

بس دلوقتي

واليومين دول

ما بقيتش فارقا معايا اي حاجا........:(

<{POST_SNAPBACK}>

عزيزتي شعنونة.. مش فاهم ايه الجاذبية عندي في مشاكل الناس النفسية. لكن اعتقد اني اذا مقدرتش اساعد، فعلى الاقل مش هضر. يمكن تكوني اتخلصتي خلاص من الحالة دي. لكن انا لسه عضو جديد و طبعا معرفش اذا دا حصل ولا لأ. من مشاركاتك لاحظت صفات ممتازة في شخصيتك. لكن لازم اعترف انها فعلا مختلفة عن السائد.انا عا رف انها كانت مجرد فضفضه و انك يمكن مش مستعدة تتكلمي في الموضوع دا مع حد. لكن انا مش هطول عليك، ولا هنتظر رد منك. انا بس عاوز اقلك انك مش لوحدك. و انك مش شاذه او متخلفة. انتي بس مختلفه. و بالفعل المختلفين دايما بيعانو من عدم فهم الاخرين لافكارهم. او في احسن الحالات.. سوء الفهم. الحقيقة مش ناوي احكي مشاكلي هنا. لكن ممكن بس اقولك ان يمكن بمر بحالة اوحش من حالتك. عارفه ليه؟ لان الراجل في مجتمعاتنا مش من حقه يتألم او يشتكي. المفروض اني جبل مبيتأثرش بالرياح او السيول او الحر ولا البرد. المفروض ان الراجل ميتهزش و ميقولش انا تعبان. المفروض ان الراجل راجل. صورة قديمة و قميئة- و يمكن عنصرية- من الصمود حتى الموت. الراجل ميعيطش.. الراجل ميشتكيش.. الراجل ميقولش معرفش.. الراجل مياخدش رأي مراته.. محظورات كتييير. تخيلي اذا راجل مر بحالة مشابهة لحالتك، يتصرف ازاي؟

انتي اكيد مش زي مانتي شايفه نفسك. انا طبعا معرفكيش.. لكن دا مش منطقي. محدش وحش للدرجة دي و يبعت مشاركات و تعقيبات زي اللي بتبعتيها.

كلنا عندنا نقط قوة. لكن لظروف كتير مبنشوفهاش. و الاسوأ اننا لنفس الظروف بنشوف نقط الضعف بقع كبيرة و واضحة.

كلمة اخيرة.. زي ما قلت لست امينة.. شوفي نقط قوتك فين و نميها و ركزي عليها. اما نقط الضعف، فحتى اذا مقدرتيش تعالجيها.. طز. البني ادم حزمة واحدة. مينفعش ناخد الحلو في صديق مثلا و نقوله سيب الوحش على الباب قبل ماتدخل. يا نقبله زي ماهو يا نرفضه بالكامل. لازم تقبلي نفسك و متتكسفيش من عيوبك. هي دي شعنونة. برقتها، و هبلها، و عصبيتها، و غباءها، و اندفاعها، و تفكيرها، و تحليلها، و خيبتها، و تخنها، و عنيها الديقه، و شعرها الناعم، و.. و.. و..

محدش كامل ابدا. و اذا فيكي صفات مدايقاكي من نفسك، تأكدي ان في صفات غيرك بيحسدك عليها و نفسه يكون زيك.

تحياتي

[إثار]

السلام عليكم ورحمة الله وبركاته

شكرا على الموضوع رائع

مشكلتي في هذه الفتره اني خلصت امتحانات البكالريوس ومستنيه النتيجه انشاءالله خير

المهم اني محتاره ايه افضل حاجه تتعمل في المرحله الجايه وانا طموحه زياده عن اللازم

هل اني اكمل في نفس مجال الدراسه ام ادرس دراسه احبها ام اكتفي بهذا القدر واشتغل والنطقه دي انا قلقانه منها

[حسـام المصـري]

اختي ايثار.. مشكلتك دي كانت مجنناني زمان. طبعا كان عندي نفس المشكلة. لكن من التجربة بقولك ان الحل متوقف عليكي انتي.. انتي عاوزه ايه؟ جاوبي السؤال و عدين فكري تحققيه ازاي.

اذا التدريس في الجامعة هو طموحك يبقى تعملي دراسات عليا. و اذا لأ يبقى تشوفي شغل يناسبك. خلي بالك ان الدراسات العليا بتحتاج تقريبا سنة بعد التخرج. و اذا محتاجه تثبتي نفسك في السوق مش الجامعه، يبقى متضيعيش وقت و ابتدي تدريب لحد ماتلاقي شغل.

على فكرة هي مش سهلة اوي كدا. هي محتاجه وقت و صبر. لكن مفيش حل تاني.

ربنا يوفقك و المسلمين

تحياتي. و السلام عليكم

[Salwa]

مش عارفة اقول ايه ؟؟؟

معروف عنى ومشهور عنى سياستى الفريدة فى الحياة ...فى كل نواحى الحياة ..

حتى لو حاولت اتخذ اى قرار..او اكون محتارة فى شئ .. بفكر برأس بارد ....بفكر بدون اى غليان ....بدون اى تأثير ..

بيضحكوا علية لما بقول خلاص دلوقت ممكن افكر احسن ...دلوقت راسى مش بتغلى ..دلوقت بفكر بدماغ بارد ..أتخذ قرارت صح ..

وقررت شئ ....وان لم اعلنه .

وحدث شئ لم يكن فى الحسبان ......

فجأة شعرت كأن فيه يد بتدفعنى دفعا لاعلان القرار ...اللى انا اساسا كنت قررته ولم اعلنه ...

شعرت انها طريقة ......مع السلامة ياسيد ..شوف مصلحتك ..المدير مبسوط منك قوى وبيقولك ارتاح بكرة ...وبعد بكرة ...وبعد بعده...

احتمال كان عندى وهم ...

احتمال شعرت انى انجرحت ...

احتمال انى لهذا كنت كمن تم ذبحها على سهوة ....من اعز اقرانها ..

واحتمال انى لهذا .....تصرفت بكل عنف ...

اعترف انى تصرفت بعنف ....

اعترف هنا انى كنت ادافع عن كرامتى ...وعند دفاعى المندفع ...نسيت انى لم اقدم كل اوراق اعتمادى ...لم اكن قد قدمت كل اوراق اعتمادى سابقا ...قلت وقلت وقلت ....اهكذا ؟؟....كنت اريد ان اقول ...(( من خسر من ؟؟ )) ...

انا اعرف قيمة نفسى .......

الجزاء ليس من نفس العمل ...لماذا ؟؟

يجب ان يكون الجزاء من نفس العمل ......

اذا دخلت باسطة يدى .....فيجب ان يكون الوداع ..بالمصافحة .

وليس بالصفعة ....

فى كل الحالات كان وداع ....ومازال ...وسيظل...حتى ارضى عن نفسى ..

كنت اريد له رداء افضل ....

اعترف انى هذه المرة ...اتخذت القرار برأس بارد وكان قرارا صائبا ...

اعترف انى ...عندما اجبرت على اعلانه ...شعرت بالاهانة ...لأنى اجبرت ....لم اختار انا التوقيت ....لا احب ان يجبرنى احد على شئ او يدفعنى احد لفعل شئ .....وكان ردى ..!!!

وكان ردى ..؟؟

.وانا افكر ...بدماغ يغلى ...

الآن انا افضل ....

لا اندم على شئ ...قدر ندمى على جرح انسان ...مازال بالنسبة لى فعلا فعلا ...

انسان ....

قلت ....

غدا يوم آخر ....

وهانحن فى الغد ....

الى اللقاء من آن لآخر ....بكل الحب والود والصدق...والشفافية .

[إبن مصر]

لم اشعر فى حياتى بهذا القدر من الحزن لانى اسأت اختيار من اتحدث معه....

لم اشعر اننى خدعتنى الحروف والكلمات كى اظن انه قد يستحق ثقتى.....

لم اشعر ان كل خبره السنين تهاوت امام ممثل اجاد دوره .. ومازال يلعبه الى الان واستطيع كشف تمثيله باقل مجهود.. ولكن صدمتى به اكبر من مجرد كشفه..

لم تعد كلماته تؤثر فى الا بجعلى اشعر بالغثيان....

لم اندم على شىء ندمى الان ...

با خساره... حقيقى يا خساره

[bentmasria]

ادين بالكثير للكثيرين هنا وهناك

احترمهم واقدرهم ولا يمكننى ان ارد لهم طلبا

لكن ربما آن الوقت لأقول لا

ليس مكانى اووقتى

ربما

استمتع احيانا بما افعل

واحيانا اخرى ارى نفسى متفرج احمق على ملعب كبير

وأغلب الظن انى لا أفهم مايحدث

لم اعد ادرى ماذا افعل

لابد من قرار

[dark side of the moon]

حاجات كتير مضايقاني :-

1. الحالة اللي وصل ليها الشعب المصري .

2. الفوارق الاجتماعية و آثارها .

3. و اساسي قلة الفلوس و عدم توافر قوة رأسمالية يمكنني الاعتماد عليها في تحقيق احلامي .

----------------------------------------------------------------------------------------------------------

أشياء فرعية :-

1. مش عارف احب .

2. بس كفاية كدة

---------------------------------------------------------

أيه بقى الهدف من الموضوع دة اصلا ؟؟؟

حد هيساعدني ؟؟؟؟

صاحب الموضوع ممكن يفيدني واللا مجرد كلام بس و هموم بتتفرغ و خلاص ؟؟؟

لو حد يقدر يساعدني حتى بالنصيحة يبقى أستفادنا

و شكرا

[mb14]

انا كنت هنا مبسوط ومرتاح واستفدت كتييييير جدا جدا جدا من الاخوة الموجودين حاليا او الغير موجودين من موضوعاتهم ومشاركاتهم .

ولكن ما يحدث الآن يضايقنى جدا ان يقوم احد الاعضاء بفتح موضوع ثم يقوم احد الاخوة المشرفيين دلق لتر حبر احمر فى الموضوع وبعدين يقوم قافله بقفل بكل غلظة وشدة كأننا لسنا فى واحتنا التى نستريح فيها ونبحث فيها عن ما لا نجده فى غيرها .

بصرف النظر عن الموضوع الذى يقوم احد الاعضاء بفتحه فهو يقوم بفتح حوار بينه وبين الزملاء لعرض ارائهم سواء اتفقوا أو اختلفوا معه وليس لأى شخص الحق لغلق الموضوع بأى حجة او لأى سبب .(غلق الموضوع كمن يغلق سماعة التليفون فى وجه محدثه او ان تغلق باب بيتك فى وجه طارق للباب ) تخيل صعوبة هذا الشعور فظييييييييييييع وحاجة فعلا تضايق

بصوا هنا كدا

المحاورات وثقافة التصويت والانتخابات, لماذ التراجع وسبقونا الاخرين

وهنا

إلــى الإدارة ...

حقيقة الأخ المشرف المحاور بعد ما ذكر رأيه بكل حرية قام رازع الباب ولم يعطى فرصة حتى لكى نقوم بالرد على رأيه .

ما لقتش غير المكان دى اللى ارد عليه فيه

ما دام قام بوضع الأقفال على الموضوع

وشكرا

تم تعديل 1 يوليو 2005 بواسطة mb14

[shawshank]

(غلق الموضوع كمن يغلق سماعة التليفون فى وجه محدثه او ان تغلق باب بيتك فى وجه طارق للباب )

<{POST_SNAPBACK}>

هوه بالظبط كده ... مش عارف ليه

أخاف أتكلم آجي الصبح ألاقي الموضوع ده كمان مغلق

[bentmasria]

:blush: :lol: :wub: :wub:

خلاص بقيت متعودة

اصدق واخذ على دماغى

بس ده كان حلم صغير

حبيت اسعد مادا

واخذ بالى منه

غريبة الناس

تزرع احلامها جواك

تسقيها مرة عشان تكبر

تفرح....تحلم

ومرة واحدة

تلاقيه كابوس

موش مشكله ...خيرها ف غيرها يا مادا

وبكره باذن الله حيكون احسن

كفاية كده

[shahd]

ياريت يبقى السؤال في ايه مش مضايقك

كله محصل بعضه فرحانة زعلانة يلا تيجي زي ما تيجي

اهو الواحد بقى فاقد للأحساس

مجرد اله مركونة مالهاش اي لازمة

:blush: :lol: :wub: :wub: mfb: :excl:

[bentmasria]

ايه اللى مضايقك

ولا على رأى شهد

ايه اللى ممكن يسعدك

وليه كله بيتساوى وتنهى النهار بابتسامه حزينه لا هى مفتعلة ولا بتقول انا طاير

يارب انا راضى وبس

ومنتظر رحمتك ورضاك

انت الحق اللى مابيضيعش عندك حق

وانت المنتقم الجبار وانت برضه الرحيم بعبادك اللى بتحميهم وتحفظهم وتخفف عنهم الابتلاء

حسبنا الله وهو كاف

حسبى الله وهو كاف حسبى الله وهو كاف

[إثار]

بسم الله الرحمن الرحيم

السلام عليكم ورحمة الله وبركاته

احب اشارك بحاجات كتير عباره عن سلوكيات وامور مش عجباني :)

بلاحظ في كل رمضان فئه من البنات يرتدين الحجاب في شهر رمضان وبمجرد انتهاء الشهر الفضيل ينزعن الحجاب!!! صيام فتاه تتضع المكياج!!!!!صيام فتاه تضع محدد الشفايف!!!!!هو ده يبقى اسمه صيام!!؟

هو ده يبقى اسمه حجاب؟؟!!!!!!!! حجاب الفتاه وهي تظهر جزء من شعرها على جبهتها على سبيل الديكور

................................................................................

..........................................................

أيفضل الشاب الزواج من فتاه ترتدي الحجاب لفتره ثم تقوم بنزعه بعد ذلك ولاترتديه الا بسبب رمضان اوتقصف شعرها لفتره!!!! احتمال :o

!!!!! أيقبل الزواج من فتاه ترتدي الملابس الضيقه او الشفافه التي تظهر مفاتنها ولا تخجل من مظهرها!!!! احتمال برضو :D

!!!!!!هل غاب مفهوم الحياء!!!!هل غاب مفهموم البنت بمعناه الصحيح

!!!!!!!!!هي المساواه وصلة لحد فين

يفضل اغلب الشباب الزواج من فتاه ترتدي الحجاب على التى ترتدي النقاب ؟!هو زيادة الالتزام بقه عيب mfb:

................................................................................

......................................

قصه عن شاب من دوله عربيه

اعجب هذا الشاب الغلبان بفتاه من المنطقه التي يعيش فيها وتقدم لها وتمت الخطبه وكان الاتفاق بانه سوف يسافر للعمل في الخارج ليتمكن من تكملة المبلغ الذي يحتاجه لتاسيس عش الزوجيه

بالفعل سافر وحقق ما يريد وعاد الى وطنه وهو في سن ال44 وها قد عاد لحبيبته ليتم تحديد موعد الزفاف ولكن للاسف كانت صدمه لهذا الشاب الغلبان فقد اعترفت له حبيبته باعتراف خطير جدا وهو جالس مشلول الحركه من شدة الصدمه والمفاجاه المقرفه

الاعتراف هو

ان حبيته رشا

لم تولد فتاه ولكنها كانت خالد وهو ميكانيكي وبعد اجراء اكثر من عشرين عمليه لتحويله الى رشا اصبحت رشا فتاة احلام كل شاب يرى جمالها ورقتها ودلالها ولكن رشا لم تعجب غير بهذا الشاب الغلبان اوى الذي فاز بقلب رشا الجميله

طبعا انتهت القصه بهروب الشاب الغلبان وتردده في الزواج بعد هذا الحادث

او بمعنى اصح بقى قرفان

................................................................................

...........................................

تخيلوا معي

................

لو اعجبت ببنت وخطبتها وهتتجوزها وفجاه تكتشف انها كانت واحد صحبك!

لو اتقدملك شاب حليوه وجاهز للجواز وتمت الخطبه وفي ليلة الزفاف يعترفلك انه كان بنوته اموره!

هل كل رجل هو فعلا رجل وهل كل امراه هي فعلا امراه في هذا العصر المتقدم !

هل تغيير لون الفاكهه والخضروات وتغيير اشكالها واحجامها ونكهاتها يزيد جمالها!

هل هيجي اليوم

اللي تاكل فيه الخياره على انها تفاحه

ممكن يحصل ايه تاني !!!!!!؟؟؟

!!! الحلم بان تعيش في مكان بعيد عن التمدن ومظاهر التكنولوجيا .في مكان عباره عن رمل وميه وهوا يبقى حلم مجنون

!!!!!الحلم بان تعيش حياه مسالمه بعيد عن المشاكل والحروب وانك تفتح مره نشرة الاخبار ما تلقيش مشكله يبقى حلم مجنون

!!((تكون انسان طيب في زمان فيه طيبه القلب بتتعيب ))

الانسان الطيب الحبوب صافي وجميل النفس بقى اسمه أهبل !!

!!!!!!!!الفهلوه والحداقه وال......... اصبحت صفات للشاطر اللى فاهم الدنيا صح

كفايه كده mfb:

[بنت شعنونة]

اوحش احساس في الكوووووووون كله

لما يجي حد اكبر منك تربطك بيه صلة قرابة من اي درجة وتكون انت ب تحترم الأنسان دا و تكن له مودة في قلبك

وتلاقية يظلمك؟؟؟؟؟؟؟

يالهوي

يعني لما تحس انك بتعمل اللي نفسك تعملة بدون مناظر وتلفيق لكن بتعمله بحب

زي انك تتصل ب فلان دا لما تحس انه واحشك وفي المناسبات واوقات تتصل كل اسبوعين مرة لا لشيء غير انك فعلا عاوز تتصل

وتفاجأ انه فلان دا مش مبسوط بل وقرفان منك وحاسس انك بعييييييييييييد عنه و بتحاول تشطبة من حياتك لمجرد انك ما بتتصلش كل يوم؟؟؟؟؟؟؟!!!!!!! -_-

يعني عشان اعجب لازم انافق واعمل بدل الوش الف؟

بكره الظلم مووووووووت

ودائما يكون ردي عليه بالجحود

يعني اللي يظلمني مرة اكرهه الف مرة وما انساهاش له ابدا ولا اطيقة بعد كدا حتى لو كان مين

حاجا تخنق وتقرف

بكره العلاقات ذات الطابع الأسري

ماوراهاش الا المشاكل

حاجا تقررررررررررررررررف :closedeyes:

[nancy]

شعنونة انت على طول كدة فلتك عالى انابحب اقراء الى بتكتبية بحس ان الى فى دماغك مختلف عن ناس كتير

ولما قريت بعض الصفحات من الوضوع دة وخصوصا الى من حوالى سنتين

حسيت انك مليانة حاجات كتير اوى وانك شخصية مركبة وان مخك مش بيبطل تفكير

وفعلا انت فيك من الطاوس الوانة المتعددة والى اجزاء منها بيتغير مع اشعة الشمس

نتكلم باة فى الى بيضايقنى وعلى فكرة هو مش كتير

لانى ديما مقتنعة ان اى حاجة بدايقنى دة خير ان اى الم بيعدى علينا معناه اننا بيتغفرلنا زنوب وكمان انا قنوعة جدا

وديما باستكتر اى حاجة حلو تحصلى

انما الى مضيقنى انى عندى قلق دائم من المرض وانى بخاف على ولادى وجوزى اوى من اى شر ممكن يمروا بية

مضيقنى ان عندى بنت ذكية جدا بس ملهاش مزاج فى الدراسة فمستواها متوسط وزعلانة من نفسى ان معدش الموضوع دة بيحفزنى ان اخليها تشد اكتر لان دماغى بتسخن لما بتنرفز عليها لدرجة ان بحس ان شعرى ممكن يكون واقف زى شعر القنفد من العصبية

هو مش بيبقى كدة بس دة احساسى ناحيتة

اه كمان بيضيقنى كلام الستات.. ان القاعدة كلها على الطبيخ والعيال والجواز علشان كدة انا مليش فى كلام الستات دة

بس غير كدة كلة خير ولا شغل يهمنى الى يجى يجى والى يروح يروح ولا بزعل على فقدان صديق فى الغربة مثلا لانى مقتنعة ان الاصحاب دول بتوع المدرسة والكلية بس والى بعد كدة مصالح او تضيع وقت

[Sherief AbdelWahab]

فيه حاجة مخلتنيش أنام بجد..

كنت على إحدى المدونات أمس ، أقرأ تعليقات على موضوع تندد كاتبته بطريقة تعامل الأمن المركزي ، حتى جاءت إحدى الزائرات تعلق على ما كتبت ، والمصيبة أنها تحمل درجة علمية ، ومن جيل الستينيات ، التعليق كله تسفيه وأسلوب وقح أقرب للسباب وقلة الأدب لا يليق بسيدة وقورة تخاطب من هم في عمر أبنائها .. آل إيه .. احنا ما نعرفش حاجة .. شوية عيال ماسكين الموبايلات وبيعاكسوا بيها البنات وبيتكلموا في السياسة..

أنا مش عايز أغلط في جيل الستينيات لأن فيهم ناس هنا عاليين بجد قدراً ومقداراً ، لكن الدكتورة واللي زيها بيعتبروا نفسهم شعب الله المختار ، لمجرد إنهم دخلوا الاتحاد الاشتراكي وتنظيماته بقوا أكثر وطنية مننا ومن اللي بيتشدد لنا ، وكبسوا على أنفاسنا وعلى الكراسي .. كان ممكن يخرج من مصر جمال حمدان تاني ، زويل تاني ، عاطف الطيب تاني ، بليغ حمدي تاني ، بس خنقوا كل دول قبل ما يتولدوا..

لما يكون دة سلوك بعض الكبار .. طبيعي ما أنامش امبارح إلا الساعة تلاتة ، علشان أصحى الساعة سبعة .. طبيعي أبكي على مصر وعلى حظي السيء اللي حط مصر تحت قبضة شعب الله المختار.. وإذا كان رب البيت بالدف ضارباً .. فكل أهل البيت فيفي عبده..

خلص الكلام