ترحيب بالعضوة الجديدة

[alnadim]

انا كمان احب ارحب بالاستاذ جورج

واقولك كلمه بيني وبينك بلاش حكاية ان اول مداخله تكون تهنئة الزمالك ولا الاهلي علشان ما تخسرش مشجعي النادي التاني

اهم حاجه ان اول مداخله تكون تأييد للسياسه الحكيمة للامن والامان علشان بتوع المباحث وتاني مداخله تكون لا للتوريث علشان المعارضين مايقولوش عليك مباحث قبل ما يروحوا المعتقل

شكلها ملعبك مش كده؟

ماهو ده حال بلدنا

ومع ذلك ابتسم فانت في بلدك مصر

مع تحياتي

[Mohammad Abouzied]

الاخ محمد ابو زيد 

اولا شكرا على الترحيب 

ثانيا 

واضح انك رياضى كبير و الصوره المرفقه مع كلامك تخلينى اقولك ايوه انا رياضى يا سعادة البيه بس بلاش ضرب و النبى 

لو لاحظت حضرتك اول مداخله ليا كانت لتهنئة الزمالك بالدورى . 

لو تعرف نوع رياضه للشباب اللى فى سنى قولى عليها لأن ضهرى انحنى من قعدة المكاتب 

اشكرك على الكلام الرقيق و تقبل صداقتى

 

 

عموما يا جو انا ها عفيك من اختبار اللياقة البدنية لقبولك في المنتدى

بشرط تواظب على التدريب لان دوري المنتديات على الابواب بمجرد اجازة الجامعات تخلص ها تلاقي زحمة هنا وجمهور بيشجع

اما عن وجع الظهر فهو كان عندي مزمن من اصابتي ايام الشباب اي من خمسة وثلاثين سنة تقريبا

عموما انا ها فتح توبيك لعلاج الام الظهر خاصة للرياضيين وغير الرياضيين بس بعد فترة احتفلات نادي الزمالك بالدرع

[ragab2]

تجربة

[Mohammad Abouzied]

كدا طيب خد الجون دا على سبيل التذكار

[Mohammad Abouzied]

اخذت بالك يا جو عم رجب بيعمل ايه قوله فاكر الجون دا كمان

والجون دا في نفس الماتش

[جـورج]

اخى Alnadim

شكرا على ترحيبك

لكن خلينا نتكلم بصراحه

صحيح انا زمالكاوى لكن للاسف ابنى انحرف و بيشجع الاهلى و دا طبعا بسبب رفاق السوء اللى اتعرف عليهم

اما عن الامن و الامان فانا بشكر كل المسئولين و كل من يسأل عنا

اما قول نعم و قول لا دى فاحب اطمنك و انا فى كامل قواى ( الديموقراطيه ) ان انا نسيت كلمة لا من زمان

و افتكر اخر مره قلت فيها الكلمه الوحشه دى كانت فى حوار عائلى هادى و رومانسى و بعد ما فوقت من البنج نصحنى دكتور الامراض النفسيه و العصبيه بانى ابطل استعمال كلمات غير مهذبه اثناء كلامى و من يومها لما اكون عايز ( لا سمح الله ) انى ارفض اى حاجه مش بقول الكلمه الوحشه دى فى وش الناس لكن بقول

نعــــم

و طبعا هناك فرق

اشكرك بس بلاش الاقتراحات المعقده الله يخليك

[alnadim]

والله يا استاذ جورج بع ما قرأت كلامك كنت علي اوشك اقترح انك تكون نموذج للمواطن الصالح لكن لما وصلت لجملة انك لسه بتقول نعم

لا اوافق

تأكدت ان الطريق مازال طويل وانك لا تواكب التطوير الديمقراطي المنبعث من المجالس الديمقراطية المرتكزة علي حب الشعب لقائدة وقيادة القائد لشعبه

فالان ياعزيزي المواطن الذي لا يقول نعمين بدل من نعم واحده والذي يتصور انه ممكن ان يقول فقط (اوافق) او (لا) اوافق هو كائن اسطوري انقرض بعد وصول السيد كاف( مين كاف ده عموما انتوا اكيد عارفينه) للكرسي المدهون غرا

عموما ربنا يسهل ونصبح جميعا مواطنين صالحين او ربنا يسهل برضه ويخدهم

مع خالص تحياتي

[الطفشان]

طبعا ده مش معناه انك ما تدفعش رسوم الاشتراك لأن الأستاذ الطفشان لا يسمح بأى أستثناءات

لن اتنازل عن دفع الاشتراك

بس عشان خاطر أمير نعمل لك خصم

الاخ جورج

نرجو ان تكتب رقم كارت الفيزا بتاعك و تاريخ الانتهاء هنا

حتى يتم خصم ال 40 يورو رسم الاشتراك

و سيتم عمل اللازم بسرعة

[جـورج]

الاخ جورج 

نرجو ان تكتب رقم كارت الفيزا بتاعك و تاريخ الانتهاء هنا 

حتى يتم خصم ال 40 يورو رسم الاشتراك 

و سيتم عمل اللازم بسرعة

يعنى ايه فيـزا ؟

و ايه اليورو ده كمان ؟

انا اعرف

يورى جاجارين

و الواد المغنى الجديد يورى مش عارف ايه

و كانت امـى زمان بتقول لـى يــووورررو منـك

و مش هما بيقولوا الدفع بعد المداوله ؟

سعدت بمعرفتك

[الطفشان]

يعنى ايه فيـزا ؟

دي اللي تقدر تسافر بيها بلاد برة

لما تدفع الاشتراك، ممكن تدفع معايا رسم تسجيل، و انا اجيب لك الورق بتاعها من الكونترول

و مش هما بيقولوا الدفع بعد المداوله ؟

تمام

بس بعد اسبوع

النتسجيل بتاعك حيتم وقفه لو ما دفعتش

و ساعتها رسوم تأخير

و رسوم اعادة قيد

و دوشة كبيرة

سعدت بمعرفتك

و انا الاسعد

بعد الدفع يعني!

[جـورج]

يعنى ايه فيـزا ؟

دي اللي تقدر تسافر بيها بلاد برة

لما تدفع الاشتراك، ممكن تدفع معايا رسم تسجيل، و انا اجيب لك الورق بتاعها من الكونترول

و مش هما بيقولوا الدفع بعد المداوله ؟

تمام

بس بعد اسبوع

النتسجيل بتاعك حيتم وقفه لو ما دفعتش

و ساعتها رسوم تأخير

و رسوم اعادة قيد

و دوشة كبيرة

سعدت بمعرفتك

و انا الاسعد

بعد الدفع يعني!

يعنى فى الاخر هندفع هندفع

يا ترى فى رسوم على الغاء العضويه ؟

[amir]

يعنى فى الاخر هندفع هندفع

يا ترى فى رسوم على الغاء العضويه ؟

حسب تعليمات أدارة الأستاذ الطفشان

رسوم الألغاء تعادل رسوم الاشتراك

ما تدفع و تخلصنا ، مش كفايه عملولك تخفيض

[متفـائــله]

السلام عليكم جميعا و رحمة الله

رغم اني مقله "جدا" في الاشتراك بالمداخلات لكن متابعه جيده باستمتاع ايضا بمداخلتكم جميعا..نسمع حتة ترحيب بأه, بس يا ريت مش حاف!! يعني عزومه من اياهم لزوم الضيافه يباي جميل ..

اخ جورج .. خد بالك علي ايامنا ماكنش فيه رسوم اشتراك ..(وش بيططلع لسانه للاخ طفشان) بالنص و احاول اصلحلك النظام! (ابتسامه)

[الطفشان]

يا سلام؟

يعني عليكي الاشتراك الاصلي

و المتأخرات

و الفوايد

و رسم القراءة

و رسم استمتاع بالقراءة

و تقوليله اسلك لك المواضيع!

طب الاول سدي اللي عليكي، و بعدين نتفاهم!

[جـورج]

الاخت متفائله

اولا اهـلا بيكى

انتى خلتينى متفائل ان فيه واسطه و تسليك للمواضيع

لكن و اه من لكن دى اديكى وقعتى نفسك فى مطب

الايش عندك شوية يوروهات ( جمع يورو ) علشان نسدد اللى علينا و ينوبك فيا ثواب ؟

[متفـائــله]

اخ طفشان..ما تفوت بأه يابو عيون زرقه! و بعدين انت عليك رسوم عدم ترحيب, بل التاخر في الترحيب كمان و دي تفوق الرسوم المطلوبه مني بكتيييير..مش كفايه الترحيب بتاعكم بيبقي كده حاااااااف!!:( يعني احنا هاربانين من روتين الحكوه نيجي نلاقيها هنا في المنتدي!؟ .. ما توافق تنصص معايا بأه وانا احاول اقنع الاخ جورج انه يدفع الرسوم و كمان بالعمله الصعبه اوي :)

الاخ جورج..ربنا يخليك و شكرا علي الترحيب اللطيف..رغم انه برضه حاف!! (وش واحد خايب امله!) ..ما علينا انا رايي اننا نحاول نسكت الاخ طفشان باي حاجه كده احسن بعدين يكون عنده واسطه و بعد كده ندخل بتذاكر!! ...لكن ماتقلقش انا مش حاسيب حقي في الترحيب بي و لا يهمك حاطلبه منه باليورو!:) هي هي هي هي (ضحكة الساحره الشريره)!

[جـورج]

الاخت متفائله

انا كنت ناوى ارحب بيكى ترحيب حار و بعدين قلت نستنى شويه يمكن يكون فيه رسوم كمان على الترحيب

بس انا شايف ان الاستاذ الطفشان مش هنا دلوقتى و قلت ابعتلك الهديه دى قبل ما يشوفنى و يحسبها ضمن الفاتوره

الحقى خدى هدية الترحيب قبل ما يدفعك رسوم شم و بحلقه !!

[الطفشان]

أقفش!

[جـورج]

اخخخخ هو انت هنا

ياللا يست متفائله ادفعى رسوم قفش و احضار

[Scorpion]

و لا يهمكم يا شباب... الحساب عندي يا عم طفشان... أبعتلي فاتورة أجمالية و رقم حسابك الجارى و انا حابعتلك تحويلة...

Scorpion الشهير بأبو العربي...

علي فكرة يا عم طفشان.. قبل ما أبعتلك أي حاجة.. عندك أثبات أنك شاركت في حملة سداد ديون مصر.. و لا أحنا فالحين بس في التحصيل و ساعه الدفع الكل ما شاء الله أبونيه....