ما هي أفضل المدارس في الرياض؟

[المهندسه]

السلام عليكم

انا بنتى عندها اربع سنين و كنت متابعه من السنه اللفاتت اخبار المدارس على المنتدى و المفروض هقدم لبنتى حاليا فى احدى المدارس و لكنى حيرانه جداا ارجو منكم الافاده علما بأنى من سكان شرق الرياض و كمان لو ممكن اقدم مع بنتى مدرسه لغه فرنسيه ممكن يكون الراتب فى حدود كام و اسعار الدروس الخصوصيه اذا سمحت الفرصه و قد افادتنى جدا الاخت ضحى و الاخ اليكس مان من قبل فأرجو افادتى لانى محتاره جدااا و زرت مدرسه اسمها الاماكن خلف الجوازات دى غير الالسن و عجبتنى و قالولى سيبى السى فى بتاعك لو عندكم معلومات عنها قولولى هى لسه فاتحه جديد السنه الفاتت بس

وشكرا لكم السلام عليكم

[المهندسه]

الموضوع كان اكثر نشاطا السنه الفاتت ايه مفيش حد بيرد ليه السنه دى؟؟؟؟؟

[alex man]

الموضوع كان اكثر نشاطا السنه الفاتت ايه مفيش حد بيرد ليه السنه دى؟؟؟؟؟

الاخت المهندسة هناك مدرسة الرسالة العالمية محتاجة مدرسين رياضيات وانا اعرف كل اللى بيدروس رياضيات مهندسات

وتعطى خصم 30% على الابناء والرواتب من عندهم تبدا من 2800 ريال لمدرسات الرياضيات وانتى وجدعانتك

موقع المدرسة فى السلمانية مقابل اسواق السدحان

[pink rose]

يا صباح الخيرات على مغتربي المحاورات

لسا راجعه من مدرسة الملك خالد حالا

و افادوني بالاتي

رسوم التسجيل بقت 1000 بدل 500

و اللطيف الظريف انهم كمان غلوا المصاريف wst::

KG 1.2.3 ---------->12000

متقسمه على 3 اقساط كل قسط 4000 ريال

Grade 1.2.3.4.5----------> 13000

متقسمة على 3 اقساط اول قسطين 4400 القسط التالت 4200 ريال

Grade 6.7.8.9 ---------> 14000

متقسمة على 3 اقساط اول قسطين 4700 القسط التالت 4600 ريال

Grade 10.11.12 ----------> 17000

كمان 3 اقساط اول قسطين 5700 القسط التالت 5600 ريال

الباص زي ما هو لو طريقين يبقى 3000 ريال لو طريق واحد 2500 ريال

الجديد كمان ان الكتب هاتكون متوفرة في المدرسة نفسها مش من مكتبة تهامة زي السنة اللي فاتت

دمتم سالمين

[pink rose]

انا جيت تاني لان الجنونة اشتغلت تاني

كنت خلاص استقريت من السنة اللي فاتت على مدرسة الملك خالد بس صديقه ليا قالتلي ان الولاد اللي هايكملوا IG بينتقلوا من المدرسة لمدرسة الشرق الاوسط لانها من Grade 7 بتدي منهج تحضيري لل IG و بما اني ناوية ان شاء الله مريم تكمل IG فا قعدت افكر بقى بما اني كده كده هانقلها طيب ما تروح مدرسة من الاول و تكمل فيها لاني باكره جدا التنقل بين المدارس عقدة بقى عندي من صغري اعمل ايه

المهم سمعت ان مدرسة الرواد العالمية بتدرس منهج بريطاني و ان المدرسات اجانب و نفس مصاريف الملك خالد بعد ما زودوها

حد يفيدني بقى هل الكلام دا صحيح المدرسات اجانب فعلا و يا ترى حد يسمع عن مستوى المدرسة

ريمو رجعت محتارة تاني :rolleyes:

تم تعديل 15 يونيو 2010 بواسطة remo

[pink rose]

انا جيت تاني لان الجنونة اشتغلت تاني

كنت خلاص استقريت من السنة اللي فاتت على مدرسة الملك خالد بس صديقه ليا قالتلي ان الولاد اللي هايكملوا IG بينتقلوا من المدرسة لمدرسة الشرق الاوسط لانها من Grade 7 بتدي منهج تحضيري لل IG و بما اني ناوية ان شاء الله مريم تكمل IG فا قعدت افكر بقى بما اني كده كده هانقلها طيب ما تروح مدرسة من الاول و تكمل فيها لاني باكره جدا التنقل بين المدارس عقدة بقى عندي من صغري اعمل ايه

المهم سمعت ان مدرسة الرواد العالمية بتدرس منهج بريطاني و ان المدرسات اجانب و نفس مصاريف الملك خالد بعد ما زودوها

حد يفيدني بقى هل الكلام دا صحيح المدرسات اجانب فعلا و يا ترى حد يسمع عن مستوى المدرسة

ريمو رجعت محتارة تاني

حد عنده معلومة يا جماعة؟

[president]

حد عنده معلومة يا جماعة؟

رأى شخصى وانطباع شخصى من مستوى الأولاد اللى شفتوه فيها مستواها زيها زى الفيوتشر مثلا والشرق الأوسط يعنى قصدى هى كويسه بس مش متميزه قوى بالمقارنه بمدارس تانيه.

واحد صاحبى كان بيدور لبنته على مدرسه السنادى وراح الرواد وكان انطباعه الشخصى انه كان حاسس انه فى مدرسه حكوميه فى مصر بس مااتكلمناش فى الأسباب

كان مجرد تعليق منه وبس . وفى الآخر دى انطباعات شخصيه ممكن تكون خطأ .

تحياتى

[pink rose]

حد عنده معلومة يا جماعة؟

رأى شخصى وانطباع شخصى من مستوى الأولاد اللى شفتوه فيها مستواها زيها زى الفيوتشر مثلا والشرق الأوسط يعنى قصدى هى كويسه بس مش متميزه قوى بالمقارنه بمدارس تانيه.

واحد صاحبى كان بيدور لبنته على مدرسه السنادى وراح الرواد وكان انطباعه الشخصى انه كان حاسس انه فى مدرسه حكوميه فى مصر بس مااتكلمناش فى الأسباب

كان مجرد تعليق منه وبس . وفى الآخر دى انطباعات شخصيه ممكن تكون خطأ .

تحياتى

ميرسي كتير يا فندم على رد حضرتك

ان شاء الله اروح الرواد اشوفها و اشوف كمان الشرق الاوسط

و ربنا يعمل اللي فيه الخير

[ام حسن]

السلام عليكم

ياريت تتجاوبي معي يااخواة لاني بامس الحاجة لمن يرشدني

انا ابني بمدرسة حكومية في الرياض عمرة 10 سنين والسنة الجاية رايح خامسة ابتدائي

حابة انقله مدارس لغات لانو التعليم الحكومي مش عاجبني وحابة انو يكتسب لغة m8:

مستواه بالانجليزي بسيط جدا يادوب بدأت معاه السنة دي في تعليمة الحروف الارقام والكلمات وبعض الافعال وناوية كمان كم اسبوع اودية معهد صيفي مكثف لتعليم اللغة بس اما ننزل لمصر بعد الاختبارات

السؤال المهم الآن :angrycop:

ياترى المدارس اللغات الي بالرياض حتقبل تسجله عندها؟ ولاحترفض بااعتبار انو من الاول مادرس بمدارس لغة؟

ياريت تساعدوني لان الموضوع دا مضايقني جدا وانا اصلا مستوايا باللغة مش اد كدة و لكن حجبله مدرسة تتابع معاه

قولوي ياجماعة اعمل ايه ربنا يبارك فيكم

[لونا]

الفاضلة أم حسن

طبعاً الموضوع صعب جداً .. و يحتاج منك و من إبنك مجهود كبير جداً

و لكنه غير مستحيل .. أعرف على الأقل 3 طلاب انتقلوا من حكومة إلى إنترناشيونال .. و ماشيين

طبعاً تعبوا أوي في البداية

لو إبنك مستواه كويس إتكلي على الله و حوليه

و كل ما يكون السن أصغر يكون أفضل

بس لازم هو كمان يكون عنده إستعداد

و فكرة الدراسة في الصيف في مصر قد تساعد

تحياتي :angrycop:

[بنت وادى النيل]

نفس طلب ميرومار

بس انا فى مشكلة ابنى 4سنين ونص ولسة واصلة الرياض ومش عارفة اقدملة فين بس عايزة منهج يبقا قريب من منهج مصر فالمدارس التجريبية

وعايزة نفس رنج حوالى 7000 الاف

افيدونا يا اهل الخبرة

[alex man]

ياريت يا جماعة الخير ترجعوا لموضوع احسن مدارس فى الرياض فهناك شرح وافي لجميع ما تسالون عنه وجميع المدارس واسعارها

مع تحياتى

[pink rose]

مدرسة الملك سعود

المصروفات تبدأ من 20000 ريال للصف الأول .. بالإضافة إلى 3000 ريال رسوم تسجيل .. بالإضافة إلى كتب في حدود 1500 ريال .. والملابس ..

التدريس من المرحلة الأولى إلى الخامسة منهج أمريكي .. ثم بعد ذلك بريطاني .. يمكن الحصول على شهادة الأميركان سات .. أو الجي سي البريطانية ..

الإدارة إنجليزية .. نظام التعليم استرالي ..

مستوى التعليم في المدرسة .. من أفضل المدارس في السعودية .. مباني المدرسة .. متوسطة .. موقعها ممتاز في وسط الرياض بحي العليا ..

أرشح لك مدرسة الملك سعود . المشكلة أنك من الصعوبة أن تجد مكان فيها .. لأن الطلب عليها عالي جداً ..

استاذ اسد

يا ترى اسعار مدرسة الملك سعود للعام الجديد كام

انا اتصلت بيهم عشان مريم تدخل قالوا ما فيش مكان نهائي و لا حتى في الويتنج لاني طبعا اتصلت متأخر جدا

فا حابة اعرف الاسعار عشان ان شاء الله اقدم لها فيها grade 1 السنة اللي جاية

[doha]

طيب ماتوديها المدرسة الي بنتي كانت فيها ؟

هي كانت في مدارس الالسن الي موجوده في حي المربع خلف الجوازات .. بصراحه مدرسة رااائعه مش زعلانه على شيء تركته في السعوديه قدر زعلي على المدرسة دي ..

في البدايه انا كنت مودياها في المقام الاول لان اسعارهم رخيصة مقارنة بالمدارس التانيه خاصه وانا مكنتش مهتمه اوي بمستوى التعليم او ماشابه كان كل همي ان البنت تختلط مع اطفال تانيين وخلاص ومش فارقه معايا بقى تعلمت او لاه ..

بعدين اكتشفت ان المدرسة ممتازه بجد .. في اول السنة كان حالهم تعبان جدا والمرافق عندهم خربانه بس على آخر السنة بقى المبنى حاجه تانيه خالص كذلك المدرسين في اول السنة كانوا لسه مستجدين على آخر السنة بقوا شيء تاني تماما ..

مديرة المدرسة متخصصة وحاصلة على دكتوراه في الكيجي .. بتعمل على مافهمت اجتماعات دورية للمدرسين بتعلمهم فيها ازاي يدربوا الطلاب بافضل الطرق ..

الحاجات الي عجبتني في المدرسة :

اولا بنتي ماشاء الله حفظت عدد كبير من سور القرآن بالتجويد والترتيل وانا مكنتش محفظاها ولا سورة ..

مدرسة العربي كانت اكثر من رائعه بتعلمهم بالعربي الفصيح ..

الانجليزي معقول مش هقول ممتاز بس يجوز مدرستها هي الي مكانتش كفء اوي ويمكن بقية الفصول افضل . .لكن اجمالا حفظت الحروف كلها والارقام بتعد لغايه مية بالانجليزي ..

كل شويه يعملوا لهم حفلات ويوم مفتوح ..

بيعملوا لهم رحلات ..

في بدايه السنة كانت الواجبات كتير بس بعد كده اصبحت الواجبات قليلة جدا يعني مبتعبش معاها في حاجه ..

كنت بشوفها وهي رايحه الباص وهي راجعه منه السائق حريص جدا بيوصلها لغايه البيت ويتاكد من دخولها بنفسه كذلك ركبت معاهم مرة في الباص ولقيته بيعمل كده مع كل الطلبه .. وفي برضه مشرفة كمان في الباص

بنتي تغيرت تماما بعد ماراحت المدرسة للافضل والحمد لله .. والاهم اني لاحظت انها بتحب مدرساتها بشكل واضح كذلك كل الامهات الي تعرفت عليهم في المدرسة ملاحظين الحكايه دي ان اطفالهم متعلقين جدا بالمدرسة ..

واخيرا تعامل الادارة راقي جدا وحريصين يلبوا طلبات اولياء الامور قدر استطاعتهم طبعا هم لسه فاتحين ويهمهم جدا سمعتهم تكون كويسه ..

المصاريف السنة الي فاتت كانت للكيجي اربعة الاف ونص تقريبا وعندك 500كمان كتب ويونيفورم والفين باص .. السنة دي المصاريف ارتفعت الى خمسة وشويه غير الباص ..

على كل حال استخيري وفكري لو هدفك ان بنتك تختلط باطفال تانيين ولاد ناس في جو نظيف وتتعلم حاجات تنفعها بتكلفة معقوله جربي المدرسة دي .. ومين عارف ممكن تطلع متاسسة برضه وتتعلم زي المدارس الغاليه ..

[president]

يا ترى اسعار مدرسة الملك سعود للعام الجديد كام

انا اتصلت بيهم عشان مريم تدخل قالوا ما فيش مكان نهائي و لا حتى في الويتنج لاني طبعا اتصلت متأخر جدا

فا حابة اعرف الاسعار عشان ان شاء الله اقدم لها فيها grade 1 السنة اللي جاية

لغاية مالأستاذ أسد يرد . انا هقوللك كام معلومه ممكن يفيدوكى .

انا بنتى فيها من السنه اللى فاتت والسنادى هى فى Reception 2 المصاريف السنادى زادت 2000 ريال يعنى بقت 17000

دا غير التسجيل كان 1500 والكتب 1000 ودا غير الملابس وغير المواصلات . بالطريقه دى ممكن يكون ال grade1 فى حدود 22000 .

التسجيل السنادى بدأ من 1 مايو وبالنسبه لل grade لو محوله من مدرسه تانيه بيعملوا امتحان للطالب . فى جميع الأحوال ده الموقع بتاعهم

www.ksis.sch.sa . هتلاقى كل حاجه بس المصاريف مش موضحه لل grade1 بس فيه تليفونات كتير ممكن تسأليهم عن المصاريف وهيردوا عليكى .

بالتوفيق ان شاء الله .

[pink rose]

طيب ماتوديها المدرسة الي بنتي كانت فيها ؟

هي كانت في مدارس الالسن الي موجوده في حي المربع خلف الجوازات .. بصراحه مدرسة رااائعه مش زعلانه على شيء تركته في السعوديه قدر زعلي على المدرسة دي ..

في البدايه انا كنت مودياها في المقام الاول لان اسعارهم رخيصة مقارنة بالمدارس التانيه خاصه وانا مكنتش مهتمه اوي بمستوى التعليم او ماشابه كان كل همي ان البنت تختلط مع اطفال تانيين وخلاص ومش فارقه معايا بقى تعلمت او لاه ..

بعدين اكتشفت ان المدرسة ممتازه بجد .. في اول السنة كان حالهم تعبان جدا والمرافق عندهم خربانه بس على آخر السنة بقى المبنى حاجه تانيه خالص كذلك المدرسين في اول السنة كانوا لسه مستجدين على آخر السنة بقوا شيء تاني تماما ..

مديرة المدرسة متخصصة وحاصلة على دكتوراه في الكيجي .. بتعمل على مافهمت اجتماعات دورية للمدرسين بتعلمهم فيها ازاي يدربوا الطلاب بافضل الطرق ..

الحاجات الي عجبتني في المدرسة :

اولا بنتي ماشاء الله حفظت عدد كبير من سور القرآن بالتجويد والترتيل وانا مكنتش محفظاها ولا سورة ..

مدرسة العربي كانت اكثر من رائعه بتعلمهم بالعربي الفصيح ..

الانجليزي معقول مش هقول ممتاز بس يجوز مدرستها هي الي مكانتش كفء اوي ويمكن بقية الفصول افضل . .لكن اجمالا حفظت الحروف كلها والارقام بتعد لغايه مية بالانجليزي ..

كل شويه يعملوا لهم حفلات ويوم مفتوح ..

بيعملوا لهم رحلات ..

في بدايه السنة كانت الواجبات كتير بس بعد كده اصبحت الواجبات قليلة جدا يعني مبتعبش معاها في حاجه ..

كنت بشوفها وهي رايحه الباص وهي راجعه منه السائق حريص جدا بيوصلها لغايه البيت ويتاكد من دخولها بنفسه كذلك ركبت معاهم مرة في الباص ولقيته بيعمل كده مع كل الطلبه .. وفي برضه مشرفة كمان في الباص

بنتي تغيرت تماما بعد ماراحت المدرسة للافضل والحمد لله .. والاهم اني لاحظت انها بتحب مدرساتها بشكل واضح كذلك كل الامهات الي تعرفت عليهم في المدرسة ملاحظين الحكايه دي ان اطفالهم متعلقين جدا بالمدرسة ..

واخيرا تعامل الادارة راقي جدا وحريصين يلبوا طلبات اولياء الامور قدر استطاعتهم طبعا هم لسه فاتحين ويهمهم جدا سمعتهم تكون كويسه ..

المصاريف السنة الي فاتت كانت للكيجي اربعة الاف ونص تقريبا وعندك 500كمان كتب ويونيفورم والفين باص .. السنة دي المصاريف ارتفعت الى خمسة وشويه غير الباص ..

على كل حال استخيري وفكري لو هدفك ان بنتك تختلط باطفال تانيين ولاد ناس في جو نظيف وتتعلم حاجات تنفعها بتكلفة معقوله جربي المدرسة دي .. ومين عارف ممكن تطلع متاسسة برضه وتتعلم زي المدارس الغاليه ..

منشكرين على المعلومات يا ضحى

بس قوليلي هي منهجها ايه امريكي و لا بريطاني

و بياخدوا فرنساوي من سنة كام؟

و موقع المدرسة فين بالظبط؟

و السؤال المهم جدا جنسيات المدرسين ايه؟؟؟؟؟؟؟؟؟؟؟

الجو العام للمدرسة يعني غالب في انهى جنسية؟

تم تعديل 28 يونيو 2010 بواسطة remo

[pink rose]

يا ترى اسعار مدرسة الملك سعود للعام الجديد كام

انا اتصلت بيهم عشان مريم تدخل قالوا ما فيش مكان نهائي و لا حتى في الويتنج لاني طبعا اتصلت متأخر جدا

فا حابة اعرف الاسعار عشان ان شاء الله اقدم لها فيها grade 1 السنة اللي جاية

لغاية مالأستاذ أسد يرد . انا هقوللك كام معلومه ممكن يفيدوكى .

انا بنتى فيها من السنه اللى فاتت والسنادى هى فى Reception 2 المصاريف السنادى زادت 2000 ريال يعنى بقت 17000

دا غير التسجيل كان 1500 والكتب 1000 ودا غير الملابس وغير المواصلات . بالطريقه دى ممكن يكون ال grade1 فى حدود 22000 .

التسجيل السنادى بدأ من 1 مايو وبالنسبه لل grade لو محوله من مدرسه تانيه بيعملوا امتحان للطالب . فى جميع الأحوال ده الموقع بتاعهم

www.ksis.sch.sa . هتلاقى كل حاجه بس المصاريف مش موضحه لل grade1 بس فيه تليفونات كتير ممكن تسأليهم عن المصاريف وهيردوا عليكى .

بالتوفيق ان شاء الله .

ميرسي كتير يا فندم على المعلومات

و انا فعلا فتحت السايت بتاعهم و لقيت ميعاد التقديم كان 1 مايو و كاتبين كمان تاريخ الامتحان و فعلا المصاريف مش متاحة على الموقع

عموما بما ان ما فيش وقت حاليا اني الف و ادور على مدارس فقررنا اننا نسيبها في المدرسة اللي مقدمينلها فيها اللي هي الملك خالد و السنة اللي جاية ان شاء الله ربنا يوفقنا للقرار الصح

[doha]

منشكرين على المعلومات يا ضحى

بس قوليلي هي منهجها ايه امريكي و لا بريطاني

و بياخدوا فرنساوي من سنة كام؟

و موقع المدرسة فين بالظبط؟

و السؤال المهم جدا جنسيات المدرسين ايه؟؟؟؟؟؟؟؟؟؟؟

الجو العام للمدرسة يعني غالب في انهى جنسية؟

المنهج الموجود امريكي ( هاركورت )

بس هقولك حاجه مهمه ..

اتضح ياستي ان مفيش حاج اسمها منهج هي القصة ومافيها ان في دور نشر بتطبع كتب تعليمية فالمدرسة واخده كتب دار النشر هاركورت يبقى منهجها امريكي .. المدارس كلها تقريبا بتعمل كده

بالنسبة للفرنساوي مش عارفه من سنة كام بس كان عندهم تيتشر فرنساوي

بالنسبة للجنسيات فالجو العام كلهم تقريبا مصرييين .. هي مدرسة عائلية كده .. بس الكيجيهات ابلاتهم جنسيات تانيه ميار كانت مدرستها باكستانية والاسستنس بتاعتها فلبيني ..

بصي هقولك مهو احنا مش هندفع خمس ست الاف ونتشرط كمان ونقول هاتوا لنا كنادوة .. كتر خيرهم اصلا انهم بيدوا للبنت تخته ولعب وتعليم ورحلات وباص كمان بالمبلغ ده ..

واخيرا لو ناوية تنقلي لبنتك من الملك خالد بعد السنة دي يبقى من دلوقت دخليها مدرسة تانيه حرام تدفعي المبلغ ده كله وترجعي تنقليها .. دخليها الملك خالد في حاله واحده بس لو انك ناوية تكملي باذن الله هناك على طول انما ترمي فلوسك كده عشان سنة او اثنين حرام ..

[المهندسه]

و الله يا remo كلام الاخوه كله مضبوط و لكنك لو تفضلى السعر طبعا فكلام الاخت doha مضبوط جدا لانى شوفت بنفسى و تبينت وكلامها مضبوط فالمدرسه فعلا كانت فى البدايه مش متظبطه بس دلوقت كويسه جدا و فى مدرسه تانيه فى الشارع الورا مدرسه الالسن و دى انا قدمت لبنتى فيها لعده اسباب اسمها الاماكن و دى الفرع التانى لمدرسه الاقبال العالميه و كلهم مصريين و الفرنساوى من kg2 و ده السبب الرئيسى انى دخلت ابنتى فيها لانى من البدايه كنت عاوزه اقدملها فى مدرسه منهج فرنسى و لكن ماحصلش نصيب كانت المدرسه بعيد اوى كنت هعذبها فى الباص اوى ...مدرسه الاماكن مصاريفها 5200 غير الباص 2500 الكتب 400 الزى فى المحل المتعاقد معاه المدرسه مش عارفه السعر و هى مدرسه محترمه و القائمين عليها كلهم ممتازين...واختيارهم للمدرسات فعلا بدقه لانى قدمت اكون مدرسه لغه فرنسيه او رياضيات قالولى فى امتحان لاختيار افضل مدرسه مقدمه للوظيفه مع ان فى مدارس كتير بتقبل بأى مدرسات خصوصا لو امهات طلبه ..روحيها و شوفى ..والله الموفق

[ديم]

السلام عليكم ، كل سنه وانتو طيبين انا كنت حابه أضيف تعليقي على الموضوع ليه يا جماعه محدش بيتكلم عن مدرسة الرمال العالمية انا اولادي مسجلين فيها وبيدرسوا فيها والله انها ممتازه من ناحية التعليم ومن ناحية الأقساط اما اذا كان في حد عندو رأي تاني ياريت ياريت يقولي لأني مسمعتش حد اتكلم عنها