عن "الفوضى"..

[Sherief AbdelWahab]

حد شاف فيلم "هية فوضى" ليوسف شاهين وخالد يوسف؟

خلص الكلام

[Folana]

السلام عليكم ورحمة الله...

أنا....

سكت الكلام...

[amrhoras]

انا ............ للأسف مشفتوش

ممكن بقى أعرف ماذا به فيلم يوسف شاهين

اكيد متعرفلوش معالم وهيقولنا دى السيما

واكيد فى مشاهد مخجله فأود ان أعرف حتى أعطيه ما يستحق ارجو الافاده

بيقولوا التدخين بيقتل الراجل ده مفيش حاجه محوقه فيه ليه :blink:

تحياتى وصباح الخيرات

عمرو

[ahmedarab]

لا للاسف

يا ريت اى حد شافة يقولنا

اية راية و يا ترى الفيلم بيناقش القضية الشائكة دى ازاى ؟؟؟؟

يا ريت يكون يستاهل لانة فعلا المفروض يكون موضوعة حلو

[nancy]

انا نازلة مصر الاسبوع الى جاى

وحاشوف كل افلام العيد

وحاكتب لكم ملخص كل افلام العيد وتحليل لكل واحد فيهم

وطبعا فيلم يوسف شاهين لو حلو حدخلة مرتين

لان شاهين دة عندى حاجة تانية

انا نازلة اسبوعين

اشوف السنيما

وكورنيش اسكندرية

ومتاحف ومصر القديمة

ورحلة نايل كروز للاقصر واسوان

يعنى فية الف حكاية فى اسبوعين بس

[ahmedarab]

يا الله ؟؟

كل دة فى اسبوعين ...ربنا يقويكى وتعرفى تعملى كل الحجات الحلوة دى

وانا ليا طلب عند حضرتك

يا ريت تبقى تحكيلنا بالتفصيل عن رحلة الاقصر واسوان بتاعت النايل كروز دى والنبى

اتفقنا ..تروحى وترجعى بالسلامة ان شاء الله

تحياتى

[Diab]

شاهين فاكر انه لما يعمل فلم هبروغليفي وكله الغاز انه جاب التايهة

عنده متعة انه يشوف الناس مش فاهمة حاجة وطالعة ضاربة اخماس في اسداس عشان يقولوا اكيد هو يقصد حاجة بس احنا اللي مش فاهين

.......

نفس قطعية بتوع الفن التكعيبي التجريدي السريالي التقدمي

بس الشهادة لله اخر غلم غير شوية

الناس بقت بتفهم الفلم

بس انا لو معايا 20 جنيه استسخر ادخل فيلم ليه بصراحة

احسن اروح اشتري بيهم كيلو سوداني اسواني ونص لب ابيض

[nancy]

فيلم هى فوضى

يبداء بستعراض مظاهرات حقيقية حدثت بالفعل وبداء بالدخول فى مشهد سنيما لمظاهرة تدخل لكادر سوق فى شارع ابطال الفيلم

يتم اخد المتظاهرين للقسم يير القسم ظابط ملوش شخصية والمسؤل الكامل هو حاتم امين شرطة

مسؤل عن كل حاجة تعزيب ورشاوى وكل المفاسد

وبيحب جارتة مدرسة الانجليزى فى مدرسة اعدادى بالعافية يحاول فرض نفسة عليها

هى بتحب ابن الناظرة وكيل النيابة وهو خاطب واحدة تانية بعد شوية بيسبها لانها بتنزل الجنين الى بيربطها بية

وبيرجع يفكر فى البنت الى بتحبة وامة راضية عنها الى هى منة شلبى

فى الوقت دة حاتم بيتبعها ومش عارف يخيها تحبة وبيدور على اى حد يعملة حجاب محبة فى الاخر لما بيلاقيها مصرة على وكيل النيابة دة

بيقرر انة يغتصبها وفعلا بيحاول يجرجرها بانة ماسك ابو صاحبتها

فبتروح تطلب منه يخرجه فبيخدها فى مركب وينزلها فى جزيرة ويغتصيها وترجع لاهلها بيعملوا محاضر وهو بيثبت انة كان فى مامورية لكن وكيل النيابة وام البنت وامة بيقوموا كل الحى ويهجم على القسم ويكسرة ويثبتوا الحقيقة ويخرجوا كل المحبوسين الى اخدوا افراج والقسم حبسهم

بيجةى امر وقف عن الاعمل لظباط القسم الى سلموا امرهم لامين الشرطة دة الى قضى عليهم

فبيقتل نفسة برصاصة فى الصدر بعد ما يلاقى ان كل حاجة اتكشفت

دة ملخص الفيلم

نيجى للتحليل

الفيلم بشكل عام جيد وان لم يكن بية حماس يوشف شاهين ولا حوراته السريعة ولا كدراتة الى بيكون فيها 3 شخصيات متتابعة

تحس بس بيوسف شاهين فى لحظات الرومانسية بوتر العاطفة

وفى اجزاء المجاميع وتحريك الكومبارس الكتير الى بتكون زى امواج البشر

انما كل الفيلم معقول وليس رائع

يجيب اكتئاب بس جيد بشكل عام

واقل اظلاما من حين ميسر

لو عوزين ملخص وتحليل حين ميسرا قولولى

[amrhoras]

بعد اذنك طبعا

فبلم مصطفى شعبان مش فاكر اسمه بس هو بيتكلم عن القضية الفلسطينيه على ما اعتقد

وفيلم احمد السثا هل هو فعلا عن احداث الجزيره اللى حدثت العام الماضى؟؟

شكرا هتبعك معايا شوي اخت نانسي

عمرو

[om marawan]

فيلم مصطفى شعبان اسمه جوبا

وفيه فيلم كريم عبد العزيز مش عارفين هو زى فيلم الهارب شوية ولا ايه ؟ انا ماشفتوش طبعا انا بس بسأل

بس أغنية الفيلم عجبتنى جدا

بس معلش يعنى هنتقل عليكى كتير :D ...

بعد اذنك يعنى بس انا نفسى اعرف فيلم حين ميسرة أخباره ايه لأن اعلانه شدنى وحاسس انه فعلا كئيب جدا بس الحقيقة انه للأسف كأابة واقعية

اما بالنسبة لرأيك فى موضوع تواجد اخراج يوسف شاهين فى الفيلم فاعتقد انه سببه زى ماهم كاتبين انه اخراج يوسف شاهين وخالد يوسف ( مخرج حين ميسرة)

[nshamy]

hey friends

am new here

w kalamko lazeeez 7aseet that u r all one :rolleyes: and this is so good bgd

ana da7'alt film 7een maysara really ka2eeeeeeeeb awii

i cried about 3 or 5 times , fe kam situation kda made me cry

bs howa msh we7esh bgd 3agabny tab3an film kawii

bs ely msh 7elw feh el manazer el fade7a :S

besara7a howa gareeeeeeeeeeeeeeeeeeeeeeeeeeeeeeeeee2 awyyy

الفاضلة nshamy

مرحبآ بك في محاورات المصريين ....

برجاء كتابة تعليقاتك باللغة العربية حتي نستطيع جميعأ متابعة الحوار و عملآ بقاعدة أساسية من قواعد محاورات المصريين ... اما اذا كنت لا تملكي لوحة مفاتيح عربية فبأمكانك استخدام تلك الموجودة بأقصي الصفحة الي اليسار للكتابة .... او استخدام هذا الرابط :كيبورد عربي

شاكرين مقدمأ تفهمك و تعاونك

فريق المشرفين