اذهب إلى المحتوى
محاورات المصريين

جواز سفر.....

mnman

بواسطة mnman
في موضوعات خفيفة

 مشاركة

Recommended Posts

mnman عضو جديد

mnman

بتاريخ:
بتاريخ:

جواز السفر المصري او العربي علي وجة العموم مغضوب علية عالميا.... يعني مش ناقص الا انهم يطالبوا العرب بفيزا لزيارة الصحراء :? :? ... نيجي نشوف جواز السفر البلجيكي ياعيني علية.... امريكا مفيش فيزا ....اوربا كلها ... امريكا الجنوبية .... من الاخر العالم كلة مفتوح امامك لو جوازك بلجيكي و اسمك غير عربي..... دة حتي جواز السفر البرازيلي لة مميزات... ممكن تروح دول الاتحاد الاوربي بحد اقصي 3 شهور من غير فيزا و كمان امريكا الشمالية والجنوبية و كندا و استراليا.... يا عيني يا عيني......

أما جواز السفر المصري فتروح بية الضاهر او ضرب شكمبة او عزبة القرود او ابو خروف من غير فيزا ... غير كدة عندك فين الفيزا......

الانكد من كدة ان سعات ضباط الشرطة في مصر لما تطلع جواز السفر ميخدش بية كتحقيق شخصية..... :( :( :( .... يعني برة وجوة...

ومع الاعتذار للعمدة عمنا فري فري ... ..ياللمدلهمة البصبورية المصرية

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
Masrawy Abroad عضو جديد

Masrawy Abroad

بتاريخ:
بتاريخ:

بحكم عملي ورؤيتي لعشرات الباسبورات المختلفة من جميع انحاء العالم في داخل مصر سابقاً وهنا بالخارج حالياً (مش دبلوماسي) :) :) أحب أقولكم أن الباسبور المصري للأسف من أسوأ أشكال الباسبورات في العالم....حتى شكله عامل زي الجرنال ويمكن أكبر باسبور شفته في حياتي ...مش فاهم ازاي وزارة كبيرة زي الخارجية عندنا لا تضع تصميم جديد لباسبور انيق وشيك وبحجم الباسبورات الطبيعية .....

* نلغي الكتابة اليدوي دي اللي حاجة تكسف فعلا....وكأننا كتبة قاعدين بريشة ودواية حبر...

* معظم باسبورات دول العالم لا تضع خانة للوظيفة (مش موجودة من أساسه) وده منطقى لان الباسبور وثيقة سفر وتحقيق شخصية...وبعدين الواحد ممكن يغير وظيفته كتير وتتغير المسميات..هل نفضل بأه نطلع كل شوية واحد تاني ونضيع التاشيرات السارية على القديم؟

* الباسبور طريقة فتحة والبيانات فيه جاءت بصورة غير عملية حيث تجد صورتك وبياناتك موزعة على صفحتين بعكس اي باسبور تاني البيانات في صفحة واحدة....الحقيقة في البنوك في الخارج او بعض المؤسسات او المطارات بيضطر المسئول بعد ما يغلب وانا نتفق معاه انه يسأل لو سمحت فين البيانات ولا بيتفتح منين الباسبور ده :(

* الوزارة اتكلمت وقالت فيه باسبور جديد بشكل جديد والحق انني رايت باسبور مصري جديد وبلون جديد وكتابة الكترونية وده كان عام 1999 ...وكان مع دبلوماسي مصري.....واتضح ان الباسبور الجديد اتعمل للدبلوماسيين وللأن لم أراه معمول للعامة :mad:

* اللغة الفرنسية اللي مكتوب بيها ومش فاهم أو لاقي ليها أي مبرر ...هو الشعب عارف انجليزي لما نكتبه احنا بالفرنساوي...موضوع القانون بتاعنا ولا مش عارف ايه ...ده كله في الهجايص..عاوزين انجليزي...

* الباسبور ده لن يتغير من أيام جدي الله يرحمه...رغم اننا غيرنا رخصة السواقة وعملنا مشروع الرقم القومي اللي اكلف ملايين وها يغطي 70 مليون نفس.....ولكن الباسبور اعتقد ان 20% على الاكثر من مصر مطلع باسبور في مصر

* العجيب انك لو تشوف باسبور ماليزيا أو اندونيسيا (مش ها اقول ألمانيا ولا انجلترا ولا حتى الكيان الصهويني) ها تلاقي ان باسبورهم قمة الشياكة والفن

* موضوع الباسبور ما هو إلا برنامج سوفت وير تنتجه شركات عالمية متخصصة في الوثائق الرسمية ووثائق تحديد الهوية..وذلك لاستخراج الباسبور بالشكل ده........وده المطبق في العالم كله...

when_born.jpg
رابط هذا التعليق
شارك
yasser6666 عضو جديد

yasser6666

بتاريخ:
بتاريخ:

معاك حق والله يا منمان بس حنعمل ايه في حظنا الوحش?? ده لو دخلت بيه دولة اوربية تجد ضابط الجوازات يمرر كل اللي في الطابور امامك في ثواني وييجي لحد عندك ويتنح... كأنه أول مرة يشوف باسبور في حياته ويقعد يدقق في التأشيرة كأنك مزورها بنفسك في وقت فراغك...ده غير الأسئلةالكتيرة والأستفسارات عن تاريخ حياتك لو قدر يعني.... وده كله بسبب بطاقة التموين الخضرا اللي بيسموها الباسبور المصري :) :) :lol:

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك
mnman عضو جديد

mnman

بتاريخ:
  • كاتب الموضوع
بتاريخ:

مصراوي أبرود كتب:

نلغي الكتابة اليدوي دي اللي حاجة تكسف فعلا....وكأننا كتبة قاعدين بريشة ودواية حبر...
اللغة الفرنسية اللي مكتوب بيها ومش فاهم أو لاقي ليها أي مبرر ...هو الشعب عارف انجليزي لما نكتبه احنا بالفرنساوي

بصراحة عندك حق مليون المية شكل البسبور و الكتابة باليد و الخط الردئ و الغلاف الشفاف الي بعد كام مرة استعمال بيتقطع و يعد ظابط الجوازات يبصلك من فوق لتحت و يحط البسبور تحت عدسة كبييييرة...

حاجة تكسف...

أخي ياسر... انا كنت مرة رايح رومانيا شغل و نزلت المطار و في الجوازات عدي كل البشر وجة عندي و خدني علي جنب وهاتك سين وجيم و اسمك و سنك و قرف .... ودي كانت يمكن ابوخ مرة في مطار خارج مصر لاني اترزعت ساعة افهم في حضرتة... و طبعا دة كوم و جوازاتنا في مطار القاهرة كوم تاني .....

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
yasser6666 عضو جديد

yasser6666

بتاريخ:
بتاريخ:
اللغة الفرنسية اللي مكتوب بيها ومش فاهم أو لاقي ليها أي مبرر ...هو الشعب عارف انجليزي لما نكتبه احنا بالفرنساوي...موضوع القانون بتاعنا ولا مش عارف ايه ...ده كله في الهجايص..عاوزين انجليزي...

دي الفايدة الوحيدة في بطاقة التموين انها مكتوبة بالفرنساوي وياريت ما تتغير لان ضابط الجوازات في أي بلد بيشعر انه جاهل ومش عارف يفهم بالضبط ايه اللي مكتوب وساعتها ممكن الواحد يقوله اي حاجة ويقوله ماهو مكتوب عندك اهه :) :) :lol:

انما لو كان كله بالأنجليزي حنبقي مفقوسين قوي وكله علي ميه بيضا :D :D :D

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك
Proud Muslim عضو جديد

Proud Muslim

بتاريخ:
بتاريخ:

و الله معاكم حق .. الجواز شكله عرة .. و يكسف .

خصوصا موضوع الفرنساوي ده .. يعني لازم التماحيك و التنطيط ؟؟

سبحان الله .

ذو العقل يشقى في النعيم بعقله.. واخو الجهالة في الشقاوة ينعم

هذه مدونتي:

Fathy

رابط هذا التعليق
شارك
mnman عضو جديد

mnman

بتاريخ:
  • كاتب الموضوع
بتاريخ:

براود مسلم كتب:

خصوصا موضوع الفرنساوي ده .. يعني لازم التماحيك و التنطيط ؟؟

وياريتنا علي كدة ممكن ندخل فرانسا من غير فيزا... :? :?

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
linux عضو جديد

linux

بتاريخ:
بتاريخ:
بحكم عملي ورؤيتي لعشرات الباسبورات المختلفة من جميع انحاء العالم في داخل مصر سابقاً وهنا بالخارج حالياً (مش دبلوماسي)  :)  :lol: أحب أقولكم أن الباسبور المصري للأسف من أسوأ أشكال الباسبورات في العالم...

اوافقك فى كل اللى قلته. اضافه صغيره: فى رحله عمل فى اوربا العام الماضى قابلت دكتور فى احد جامعات مصر فى هيثرو. المهم كان معاه البسبور المصرى الجديد: صغير و جميل ولونه اخضر زيتى شويه. طبعا انبهرت و سألت الراجل ازاى جاب البسبور الشيك ده. قال لى ان "المفروض" ان البسبور ده للدوبلوماسين و ال VIPs بس. طبعا سألته هو جابوه ازاى فقالى انه له قريب فى وزاره الخارجيه خلاه بقدره قادر من فئه الVIP !!

اما بالنسبه لبقيه الشعب ... عندك حق ... انت خمنت صح ... دول بقى ولاد الغساله (مقتبسه من حوار آخر بالمنتدى :) )

رابط هذا التعليق
شارك
Deconvolution عضو جديد

Deconvolution

بتاريخ:
بتاريخ:

على فكرة الباظابورت الجديد نفس الشكل بس بالانجليزي

الخطة لمئوية الجديدة لتغير الشكل بإذن الله تعالى :) :idea:

رابط هذا التعليق
شارك
Cleo عضو جديد

Cleo

بتاريخ:
بتاريخ:
يعني مش ناقص الا انهم يطالبوا العرب بفيزا لزيارة الصحراء ... نيجي نشوف جواز السفر البلجيكي ياعيني علية.... امريكا مفيش فيزا ....اوربا كلها ... امريكا الجنوبية .... من الاخر العالم كلة مفتوح امامك لو جوازك بلجيكي و اسمك غير عربي..... دة حتي جواز السفر البرازيلي لة مميزات

يعنى هى ال 100 جنيه بتاعت الفيزا اللى خستعت معاكو...!!!! خلاص... روحوا سوريا... العرب بيدخلوها من غير فيزا.....

و تحيا الوحدة العربيييييييييياااااااااااااااااااة

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Masrawy Abroad عضو جديد

Masrawy Abroad

بتاريخ:
بتاريخ:
طبعا  سألته هو جابوه ازاى فقالى انه له قريب فى وزاره الخارجيه خلاه بقدره قادر من فئه الVIP !!

الصراحة زعلتني يا لينكس...ما كنتش فاكر ان كمان بقى بيطلع بالكوسة للـ VIP ... :( :( ....ويا ترى مين هم دول...طبعا كون انه دكتور لا يشفع لأنه طلعه بالكوسة اللي مضيعانا....اول مرة أشوف وثيقة اثبات شخصية لدولة يتقسم درجات...درجة أولى فاخر (لولاد الذوات والدبلوماسيين والمعارف والحبايب والقرايب) ....والثاني درجة ثالثة (لسواد الشعب وياكلوا طين مش مهم... مش كفاية طلعنا ليهم باسبور من اساسه...هو حد كان يحلم منهم)....

الأمر الثاني والعجيب برضه ان هناك جنسيات دول تانية زي اندونيسيا او ماليزيا مش فاكر.....بياخدوا تاشيرة كندا في المطار....الباسبور السعودي لحد العام الماضي كان بيدخل كندا بتاشيرة في المطار عند الوصول كندا...واتلغت بضغط من امريكا طبعا على كندا...ما علينا من دول.

أنا باتكلم ان فيه بلاد نامية وليست (من دول من الدول الصناعية الكبرى) باسبورها ليه امتيازات كبيرة زي ما ذكرت ماليزيا ..ودول من أفريقيا والله..

الطامة الكبرى ان دولة زي البرازيل كما ذكر مانمان ممكن يدخل اوربا كلها بدون تاشيرة.....طيب اشمعنى احنا...!!؟؟ أكيد دي اتفاقيات معاملة بالمثل ومذكرات تفاهم موقعة بين الدول والا ما كناش نلاقي دول تعبانة بتدخل اوربا وامريكا واحنا لأ...

هو وزير الخارجية فين؟ أتنا بحس ان قضية فلسطين والعراق واخدين 95% من مجهوده وفكره وغير كده الرعايا وملايين المصريين اللي في الخارج يولعوا بجاز مستعمل ومسروق كمان..

الموضوع بيفكرني بتسعيرة الاتصال الدولي بمصر من أمريكا أو من كندا..تتفرج على سعر المكالمة في الدقيقة تجيلك صدمة من أول شيء وهو سعر المكالمة للكيان الصهيوني اللي تقارب الاتصال المحلي هنا..وكذلك الامارات ارخص مننا والبحرين ولبنان...المكالمة من أمريكا لكوريا بعشرة سنت الدقيقة....ليه؟؟ :? :?

بنظرة سريعة على اسعار الاتصال تلاقي مصر واقعة في فئة اسعار اما الدول التعبانة طحن وهم دول كتير او المتخلفة وهي معظم أفريقيا طبعا عدا جنوب أفريقيا او الدول البوليسية زي العراق أو كوبا او كوريا الشمالية او ليبيا

أكيد دي اتفاقيات برضه بتتوقع لترخيص الاتصال وتسهيله...طيب مصر فين من الاتفاقيات دي...وزير الاتصالات فين؟

هم الوزارء فين؟؟

when_born.jpg
رابط هذا التعليق
شارك
Cleo عضو جديد

Cleo

بتاريخ:
بتاريخ:
أنا باتكلم ان فيه بلاد نامية وليست (من دول من الدول الصناعية الكبرى) باسبورها ليه امتيازات كبيرة زي ما ذكرت ماليزيا ..ودول من أفريقيا والله.. 

يعنى هو احنا لينا امتيازات جوة بلدنا لما هايبقى لينا براها.!!!!! :!: :!: :!:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
الطفشان عضو جديد

الطفشان

بتاريخ:
بتاريخ:
أحب أقولكم أن الباسبور المصري للأسف من أسوأ أشكال الباسبورات في العالم....حتى شكله عامل زي الجرنال ويمكن أكبر باسبور شفته في حياتي ...

* نلغي الكتابة اليدوي دي اللي حاجة تكسف فعلا....وكأننا كتبة قاعدين بريشة ودواية حبر...

* معظم باسبورات دول العالم لا تضع خانة للوظيفة (مش موجودة من أساسه) وده منطقى لان الباسبور وثيقة سفر وتحقيق شخصية...وبعدين الواحد ممكن يغير وظيفته كتير وتتغير المسميات..هل نفضل بأه نطلع كل شوية واحد تاني ونضيع التاشيرات السارية على القديم؟

* الباسبور طريقة فتحة والبيانات فيه جاءت بصورة غير عملية حيث تجد صورتك وبياناتك موزعة على صفحتين بعكس اي باسبور تاني البيانات في صفحة واحدة....الحقيقة في البنوك في الخارج او بعض المؤسسات او المطارات بيضطر المسئول بعد ما يغلب وانا نتفق معاه انه يسأل لو سمحت فين البيانات ولا بيتفتح منين الباسبور ده  :( 

* الوزارة اتكلمت وقالت فيه باسبور جديد بشكل جديد والحق انني رايت باسبور مصري جديد وبلون جديد وكتابة الكترونية وده كان عام 1999 ...وكان مع دبلوماسي مصري.....واتضح ان الباسبور الجديد اتعمل للدبلوماسيين وللأن لم أراه معمول للعامة  :mad: 

* اللغة الفرنسية اللي مكتوب بيها ومش فاهم أو لاقي ليها أي مبرر ...هو الشعب عارف انجليزي لما نكتبه احنا بالفرنساوي...موضوع القانون بتاعنا ولا مش عارف ايه ...ده كله في الهجايص..عاوزين انجليزي...

* الباسبور ده لن يتغير من أيام جدي الله يرحمه...رغم اننا غيرنا رخصة السواقة وعملنا مشروع الرقم القومي اللي اكلف ملايين وها يغطي 70 مليون نفس.....ولكن الباسبور اعتقد ان 20% على الاكثر من مصر مطلع باسبور في مصر

* العجيب انك لو تشوف باسبور ماليزيا أو اندونيسيا (مش ها اقول ألمانيا ولا انجلترا ولا حتى الكيان الصهويني) ها تلاقي ان باسبورهم قمة الشياكة والفن

* موضوع الباسبور ما هو إلا برنامج سوفت وير تنتجه شركات عالمية متخصصة في الوثائق الرسمية ووثائق تحديد الهوية..وذلك  لاستخراج الباسبور بالشكل ده........وده المطبق في العالم كله...

اتفق معك بشدة في كل ما قلته

الأمر الثاني والعجيب برضه ان هناك جنسيات دول تانية زي اندونيسيا او ماليزيا مش فاكر.....بياخدوا تاشيرة كندا في المطار....الباسبور السعودي لحد  العام الماضي كان بيدخل كندا بتاشيرة في المطار عند الوصول كندا...واتلغت بضغط من امريكا طبعا على كندا...ما علينا من دول.

أنا باتكلم ان فيه بلاد نامية وليست (من دول من الدول الصناعية الكبرى) باسبورها ليه امتيازات كبيرة زي ما ذكرت ماليزيا ..ودول من أفريقيا والله..

اظن ان هذه الدولة تكون ماليزيا، و السبب هي انها في الكومونولث (على ما اذكر)

ايضا الدول الافريقية الاخرى (زي غانا و نيجيريا) كومونولث

و كذلك الهند و باكستان و بنجلاديش

الشعب اراد الحياة و القيد انكسر

رابط هذا التعليق
شارك
ديكارت عضو جديد

ديكارت

بتاريخ:
بتاريخ:

انا والحمد لله اتخلصت من الجواز المصري

مع ان الجواز التايلندي يعطي امتيازات في شرق اسيا فقط ... الا ان شكله حلو ومطبوع بالليزر :cry:

والظـُّلْمُ من شِيَمِ النِّفُوسِ فإنْ تجدْ ذا عِفَّةٍ فلعلةٍ لا يَظْلِمُ
رابط هذا التعليق
شارك
الصاوى عضو جديد

الصاوى

بتاريخ:
بتاريخ:
اظن ان هذه الدولة تكون ماليزيا، و السبب هي انها في الكومونولث (على ما اذكر)

ايضا الدول الافريقية الاخرى (زي غانا و نيجيريا) كومونولث

و كذلك الهند و باكستان و بنجلاديش

يعنى برضه الثورة هى السبب ، فلولاها كنا بقينا كومونولث

:cry: :cry: :D :D :D :D :D :D :lol: :lol:

1.png

لا يمكن أن يحيا المجتمع المسلم إلا بالنصيحة والتواصي، المؤمنون يأمرون بالمعروف وينهون عن المنكر ويؤمنون بالله، هذه رابطة المؤمنين ، نعمل فيما اتفقنا عليه، ولينصح بعضنا بعضاً فيما اختلفنا عليه، ولا نقر بدعة ولكننا ننصح إخواننا في أخطائهم وينصحوننا في أخطائنا حتى نكون مجتمعاً رائداً يحبه الله.

انضم الى مجموعة

وتواصوا بالحق وتواصوا بالصبر

رابط هذا التعليق
شارك
ديكارت عضو جديد

ديكارت

بتاريخ:
بتاريخ:

اخي

الجواز وثيقة تسهيل مرور ... لا اكثر ولا اقل

والظـُّلْمُ من شِيَمِ النِّفُوسِ فإنْ تجدْ ذا عِفَّةٍ فلعلةٍ لا يَظْلِمُ
رابط هذا التعليق
شارك
حشيش عضو جديد

حشيش

بتاريخ:
بتاريخ:

جواز السفر بتاعى مكتوب عليه فى خانة التجنيد:

(أنهى الخدمة العسكرية وتحت التعبئة) :shock: :shock: :shock:

حاولت أن أفهم ما المقصود بتحت التعبئة...يعنى تعبئة فى أزايز ولا فى شوال...مش يرحمونا بقه...حتى بعد ما خلصنا الجيش... مش يسيبونا نشوف حالنا...قلبى...بابا بابا...روحوا منكم لله...الله يخرب بيوتكم...وكانت هذه أخر كلماته :D :D :D

المخرج السينمائى/حشيش

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
mnman عضو جديد

mnman

بتاريخ:
  • كاتب الموضوع
بتاريخ:

كليو كتبت:

يعنى هى ال 100 جنيه بتاعت الفيزا اللى خستعت معاكو...!!!! خلاص... روحوا سوريا... العرب بيدخلوها من غير فيزا.....  

و تحيا الوحدة العربيييييييييياااااااااااااااااااة

المشكلة مش فلوس ياكليو المشكلة مبداء.... يعني السائح من دول يجي مصر ياخد فيزا في المطار واحنا لازم دعوة و حساب في البنك و جواب من الشركة وغيرة... يمكن انا ما عانتش كتير بحكم شغلي لاكن اقسم بالله شفت ناس دايخة لشهور علشان تزور ابنها ولا بنتها و لا حتي سياحة....

اما موضوع الوحدة العربية متفكرنيش... مرة اتجنيت في عقلي و كان عندنا مشروع في الاردن و الشركة قالت بس منامن بيتكلم عربي .. قلت مفيش مانع رحت السفارة في بلجيكا قالي انت مصري ملكش فيزا اتفضل روح بلدك التانية الاردن... قلت فرصة ياواد يامنامن تنزل مصر يومين و من هناك علي الاردن عدل و زي الفالح نزلت مصر يومين أجازة و يوم السفر زي الشاطر رحت المطار وتذكرتي في ايدي ... لقيت الظابط بتاع الجوازات بيبصلي من فوق لتحت و قالي رايح فين ... رديت الاردن ان شاء الله ... قالي ان شاء الله لية... قلت لة الموضوع من طقطق لسلاموا عليكم... المهم كان لازم اروح لضابط الاتصال في المجمع علشان التصريح.... وفي المجمع حدث ولا حرج.... من الاخر وبعد بهدلة لاني ماكنش متأمن عليا في مصر و اشرح و جوابات من الشركة و غيرة... المهم بعد يومين رفض يديني التصريح و قالي روح هاتلي فيزا الاتحاد الاوربي و انا اديك التصريح :cry: :cry: ... قلت اشمعني ... رد البية اصل بصبورك علية فيز من هناك ... قلت لحضرتة بس انا مقيم هناك مبخدش فيزا بدخل بالاقامة و طلعتلة الاقامة قعد يقلب يمين و شمال وقالي ترجمها وتعالي... خرجت علي مكتب الحجز حجزت تذكرة بلجيكا و رحت الاردن عن طريق بلجيكا......

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

انا كل سنة لما انزل مصر باقدم لضابط الجوازات الباسبور الأمريكى و المصرى و فى كل مرة بلا استثناء "يركنى" على جنب بتاع عشر دقائق و يبعت الباسبور بتاعى مكتب ثانى علشان يكشفوا على الأسم ولغاية دلوقت مش عارف بيعملوا معايا كده ليه. فى 15-20 زيارة دول مرتين بس ماتركنتش وفى المرتين قدمت الباسبور الأمريكى بس. فى الأول لما كانت الحكاية دى بتحصل كنت بابقى فى منتهى الخجل والخوف والغضب. دلوقت ما بتفرقش ,على الاقل حاجه تشغلنى لغاية ماالشنط تيجى على السير. بس نفسى اعرف السبب!

على فكره الامريكان لازم ياخدوا فيزا قبل ما يسافروا البرازيل. يمكن علشان بعض الحراميه الأمريكان بيهربوا بالفلوس على هناك؟ الأخ mnman ممكن يدلنا.

من تالات اربع سنين سافرت كولومبيا فى رحلة عمل فى منطقة غير امنة فاخدت معى الباسبور المصرى علشان لو وقعنا فى ايد الثوار اخبى الباسبور الأمريكى و اقول ان انا مصرى فيسيبونى. (يا حدق!!! :cry: ) :idea:

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      CNN :"حبر المريخ" الفريد.. دبي ترحب بالقادمين بمفاجأة على جواز السفر
      يحمل المسافرون القادمون إلى دولة الإمارات العربية المتحدة عبر مطارات دبي، الثلاثاء، ذكرى جميلة تؤرخ وصول "مسبار الأمل" الذي أطلقته الإمارات قبل حوالي 7 أشهر نحو كوكب المريخ في أول مهمة فضائية علمية عربية لاستكشاف الكواكب، وفقاً لما ذكره الموقع الرسمي للمكتب الإعلامي لحكومة دبي. View the full article

      بواسطة News Bot
      كُتب

    • News Bot
      0
      CNN :"حبر المريخ" الفريد.. دبي ترحب بالقادمين بمفاجأة على جواز السفر بالتزامن مع وصول مسبار الأمل إلى المريخ
      دبي، الإمارات العربية المتحدة (CNN)-- سيحمل المسافرون القادمون إلى دولة الإمارات العربية المتحدة عبر مطارات دبي الثلاثاء ذكرى جميلة تؤرخ وصول مسبار الأمل الذي أطلقته الإمارات قبل حوالي سبعة أشهر نحو كوكب المريخ في أول مهمة فضائية علمية عربية لاستكشاف الكواكب، وفقاً لما ذكره الموقع الرسمي للمكتب الإعلامي لحكومة دبي. وبالتزامن مع وصول مسبار الأمل إلى مداره حول الكوكب الأحمر، وبدء مهامه العلمية، سيجد زوار الدولة والقادمين عبر مطارات دبي "ختم المريخ" الأول من نوعه في العالم،... View the full ar

      بواسطة News Bot
      كُتب

    • Osama khalil
      0
      رفض جواز سفر من السفارة السعودية
      رفض جواز سفر من السفارة السعودية وطلب برنت تامينات والمؤهل ما الحل

      بواسطة Osama khalil
      كُتب

    • طائر الشمال
      0
      حوار بين جواز سفر عربي و .. جواز سفر أوروبي!
      حوار بين جواز سفر عربي و .. جواز سفر أوروبي!تجاور جوازا سفر عربي وأوروبي على المكتب الملاصق للمدخل الرئيس في المطار الدولي.تخيلتُ الجوازين وقد تناطحا، وتصارعا كما تتصارع الديكة، ثم تحاورا أخيرًا، فكان أنْ سَجّل خيالي الحوارَ التالي:جواز السفر العربي: ما الذي جاء بك إلى هذا المكان، ثم وضعك بجانبي كأننا نِدّان يتساويان في الورق والقيمة وحامِلَيّنا؟جواز السفر الأوروبي: أما المكان فحاملي يحمل وجهُه عينين زرقاوتين تفتحان له مغاليقَ مطارات عربية يعرف قسوتَها حاملُك حتى لو كان يعلق على جدران داره شهادة

      بواسطة طائر الشمال
      كُتب

    • Guest احمد
      1
      استخراج جواز سفر - لمن في قوائم الممنوعين من السفر
      انا اعمل بالسعوديه وجيت اجدد الجواز وبعد شهر اترفض قالولي ان اسمي في قايمه الممنوعين من السفر او متشابه مع حد مطلوب ايه الحل 

      بواسطة Guest احمد
      كُتب

×
×
  • أضف...