ما هو اكتر موقف محرج اتحطيت فيه؟

[بنت شعنونة]

اييه هوا اكتر موقف محرج اتحطيت فيه؟؟؟؟ :D :D

ها احكيلكم على موقف من بتووووووووعي

ودول كتيييييييييييير

من كام يوم كان ليا زميل عزيز وكان بيمتحن لماجستير

المهم هوا عرفني ايام الرسالة ونجح

ومن يومها وهوا يقولي يا شانا يا بنتي وشك حلو عليا فعلا :D

وناس كتير بتقولي الحكاية دي مع اني بخاف منها جدا ومش بحبها :wink: :roll: :lol:

المهم

مفروض النتيجة كانت تطلع اليومين دول

ف اتصل واحد صاحبة بالبيت وقاله انه نجح وانه جاب النتيجة من الكنترول

طبعا بيته زقطط و الناس فرحت

وعلى الليل اتصل بيا وقالي انه نجح

طبعا فرحتله وباركتله

وفين حلالالالالالالاوتي بقى

وشفت بقى انا وشي حلو ازاي

وفين العزومة

ولجل الحق الولد كان كريم وقرر يعزمني حلاوة النجاح في اي مكان اختاره

وانا بقىىىىىىىى ما صدقت

واشي هاتلاي شوكولاته

واشي انسيال كان عاجبني

واشي روح دورلي على عريس :D :D

المهم بهدلت الولد طلبات

وخلصت المكالمة

تاني يوم بتصل عشان اخد حقييييييي بقىىىىى

لقيت صوته مش تماما؟؟؟؟

مالك يا ابني؟؟؟؟؟؟؟

طلعت الولد ســــــــــــقــــــــــــط؟؟؟؟؟؟؟؟؟

:) :) :) :)

وان الأرض تنشق وتبلعني؟؟؟؟؟؟؟ ابدا؟؟؟؟؟؟؟؟

طب اختفي؟؟؟؟؟؟؟ ابدا؟؟؟؟؟

اهاااااااجر طيب؟؟؟؟؟؟؟

لا وايييييييييييه قبلها هاريااااااااااااه

وشي حلو وشي حلووووووو

:(

لما الولا كره سيرتي اصلا :(

____

الاخت شعنونة

تم تعديل العنوان ليعبر اكثر عن المضمون

الادارة

[moody00x]

والله العظيم انى كنت ناوى أفتح التوبك ده انهاردة......ايه توارد الخواطر ده يا شانا :roll: :roll:

المهم ما أكتر المواقف ...لكن فيه موقف حصل معايا من كام سنة كده...أيام الكلية....واحد صاحبى وخطيبته أنا معاهم من أول يوم تعارف لححححد انهارده...دلوقتى. معاهم تلاتة بالصلاة على النبى....المهم فى فترة الخطوبة حصل سوء تفاهم بينهم والموضوع اتكعبل خالص ...طبعآ بحكم إنى قريب منهم جدآ كان لازم أقوم بدورحمامة السلام...وطبعآ أقعد هنا شويه وهنا شويه....أحاول أهدى الجو شويه

المهم فى أحد هذه الجلسات كنا فى الميريلاند وجه واحد شايل ولامؤاخذه جردل بيبيع حاجة ساقعة...وكان رخم رخامة .....وغتيت غتاتة. :mad: :twisted: ...والنبى يا بيه ربنا يخليكو لبعض ....والنبى يا آنسه ده رزق...ربنا يخليلك البيه.. :D ..ربنا يتمم بخير يابيه. :o ...ده رزق العيال يا ست هانم. :lol: ....نفتح بقى يابيه...وراح هوب فاتح إثنين. :? ...يا عم يهديك يرضيك أبدآ....المهم فاتحهم وسابهم لينا ...بعد شويه

قلنا نمشى ...باطلع الفلوس بقى عشان البيه اللحوح وهبااااااا :? :? :shock: :shock: :shock:

مافيش فلوس....نسيتهم فى البيت....يادى الفضيحة ضاع البريستيج ...

طب لو فى محل ولا كازينو كنا هانسيء المحل دلوقتى هانسئ ايه بقى؟ :D :D

طبعآ أنا بقيت فى ربع هدومى..لسه هى هاتلاحظ الموقف إلا والمكان كله فى نفس اللحظه إنقلب رأسآ على عقب ...الراجل الرخم دخل حتة خناقة مع واحد أرخم منه. :) :) ..والضرب إشتغل ودى كانت أحلى فرصة للهروب الكبير.. :) :) :wink: :wink: ..

طبعآ أنا فهمتها إن مايصحش نقعد فى مكان وفيه خناقه بالشكل ده

وطبعآ من ألأبواب الخلفيه هات يا فكيك.. :arrow: :arrow: ...

المهم الجماعة إتصالحو وبقو فله وإتجوزو وخلفو ولازم كل ما نشوف بعض أقولها

دا رزق يا ست هانم :D :D :D

[بنت شعنونة]

هههههههههههههه

حلوة يامودي

ومعلش عمرك اطول من عمري بقى :D

انا بقى اتحطيت في حاجا فظيعة ايام شغلي في الطواريء :D

جالناطالب طب منتحر

المهم كان وخاد علبة دوا بحالها

المهم انا عمالة اكتب تقرير الحالة عشان احوله

وهوا عمال يترعش قداممي يا عيني من الدوا

المهم قعدت ارغي معاه

ليه يا ابني تنتحر وكدا (قال يعني بقى انا اللي عاقلة قوي) :?

المهم عرفت من الولدوالبنت اللي معاه انه متخانق مع خطيبته ف انتحر

وانا بقى هاتك يا كلام :D

حد يعمل كدا؟؟؟؟؟

يعني من قلة البنات يا خويا :twisted:

كاتهم نيلةكلهم

وهيا فين دلوقتي مش لازم تبقى معاك :twisted:

قامت البنت قالت اصل عندها امتحان بكرة

دي حتى منهارو عشانه :D :D

:? :? :?

ايواايوا ماهوا باين

لا طبعا كان لازم تسيب الدنيا وتيجي جنبه مش هيا السبب

واتعصبت قوي :mad:

المهم شوية كدا لقيت الولد اللي معاه خدني علىجنب

وقالي

يا دكتورة عاوزاقولك على حاجا :roll:

البنت اللي بتكلمك دي تبقى اخت خطيبته

رحت واخداها من قاصرها وروحت من الباب اللي ورا :lol: :) :) :) :) :D :D :D :D :D :o :roll: :roll: :roll: :roll: :roll: :roll: :roll:

[بنت شعنونة]

امبارح بقى حصلي موقف عجججججب :(

رحت كارفور قلت بقى اشتري طلبات البيت

المهم كنت عاوزا بيض ابيض عشان مش بحب الأحمر

ف لقيت بيض ال 24 ب 10

وواحد تاني ال 24 بيضة ب 7ج؟

قلت والله جميل خالص

دا ارخص

ورحت واخدا

المهم خدت بعضي

وروحت على الكاشير احاسب على الحاجات بقى

و انا واقفا قلت ابص على طبق البيض دا كدا

المهم

ببص؟

لقيت مكتوب عليه بيض نباتي فاخر؟؟؟؟؟ :shock: :shock:

وانا التخلف حط عليا؟

نباتي؟؟؟؟

ياخرابي؟

يعني ايه نباتي دي؟

بيتزرع؟؟؟؟

واقلبلكم في البيض فوقاني تحتاني؟

شكله عادي يعني...!!

بيض عادي زي اللي بناكله؟

امال ايه نباتي دي؟؟؟؟؟؟؟

كل دا والرجال بيحاسب وانا ماسكا الطبق ومتنحة

لقيت الراجل بيقولي

ممكن؟؟؟

اه اه

اتفضل حضرتك

وهوا بيحاسب وانا عماله افكر؟ :shock:

اقوله يعني ايه نباتي؟ والا يقول عليا متخلفة؟ :shock:

يا حول الله يا ربي

وانا شكلي بنت ناس كدا ومثقفة؟؟

المهم سكت

وروحت وفضلت اقلب في البيض اني افهم؟؟؟؟

ابدااااااااااا :(

النهاردا بقى سالت بابا

يعني ايه

قالي

انه بياكلو الفراخ نباتات :oops: :roll:

رحت سالاه بمنتهى البرائة

امال الفراخ بتاكل ايه اصلا؟؟؟؟؟؟؟ :shock: :shock: :D :D

[صعيدي]

أعتقد و الله أعلم نباتى يعنى بيض خالى من الكولستول وده مفيد للقلب. بس انتى مقلتيش البيض كان طعمه ايه وكمان انتى اكلتيه مسلوق ولا مقلى ولا اوموليت ولا...

المهم بلاش تستعملى كتاب ابلة نظيرة علشان البيض النباتى ما كانش على ايامها

و بالهنا و الشفا

[الطفشان]

لقيت مكتوب عليه بيض نباتي فاخر؟؟؟؟؟ :shock:  :shock:

لا لا لا يا شعنونة

ما تسمعيش كلامه، مش كدة

و بعدين انت قريتيها غلط

هي مش نباتي، هي بناتي

يعني مافيهوش بذر

[بنت شعنونة]

ههههههههههههههههههههههههههههه

ههههههههههههههههههههههههه

حلووووووووووووووة من غير بذر دي :lol: :lol:

والله يا استاذ صعيدي انا خايفا اكله لحد دلوقتي

بس اوعدك ها اجربه في اخواتي النهاردا :roll:

[nora]

السلام عليكم ورحمة الله وبركاته

انا اديلي فترة طويلة مشتركتش خالص معاكم بس انا بدخل كتير واعد اقرى مداخلاتكم الجميلة و حبيت اشارك معاكم النهرده يا ريت يعجبكم

في يوم كنت خرجة مع خطيبي وكنت بأه طبعا لبسة ومتشيكه وكنت زي الأمر طبعا كعادة :D :) :D :D

المهم ومتأنتكه ولبسة جيبة طويلة وكعب عالي وعماله اتعامل برقة خالص : :twisted: :twisted: :) :D

المهم ركبنا تاكسي علشان نروح مشوارنا ، ولما وصلنا هو نزل الاول

وانا جية هنزل وراه طبيعي :roll: :wink: المهم نزلت رجليا الاتنين بأسلوب الآنسات الاتيكيت وهما نزلين من العربية ينزلوا رجليهم الأتنين مره وحده مش رجل ورجل :? :? وعلشان وانا نزلة مش مركزه في نزلتي وكل الي مركزه فيه اراقب خطيبي :twisted: :twisted: ليكون بيبص هنا ولا هنا المهم لقيت نفسي وبلا مقدمات بحضن الارض وكأني برقص باليه ووقعت انكفيت على وشي :shock: :shock: :D :cry:

وكان السبب ان الجيبة شبكت في كعب الجزمة فشنكلتني :D :D :(

زطبعا مش هقول كان اية منظري ادام خطيبي بس هو كل الي عملة انه شلني واعد يضحك والناس كلها طبعا بتتفرج علية :D :D

بس ومن يمها بطلت البس كعب عالي :D :D :(

سلام :!: :roll:

[kokowawa1979]

:D زي ماقلت لك يادكتورة المنتدي كان عايز إنعاش :D واهو حصل والحمد لله بموضوعك :D :D

لقيت مكتوب عليه بيض نباتي فاخر؟؟؟؟؟

يمكن سموه نباتي علشان الفراخ اللي بتنتجه عاملة ريجيم ومامبتكلش غير سلطة خضرا علشان الكوليسترول زايد عندها شوية :D :D :lol: :lol: :lol:

[ابويحيى]

آكل للحوم البشرية اراد ان يصبح نباتي ماذا يأكل

بائع الخضار

[بنت شعنونة]

هههههههههههههههههههههههههههههههههه

نورا انتي سككككرر

بجد انا هلكت ضحك من قلبي

الله يسعدك :oops: :oops:

ابو يحي... ايه الأفترا دااااااا :)

و الله يا جماعا المواقف كتيييييييييييير جدا

وكلها تموت ضحك..:oops:

وعلى سيرة الكعب العالي بقى

في خطوبة اخويا

طبعا عملت فيها حماة وست العاقلين وبتاع

واخويا وخطيبته هارووووني توصية

والنبي اعملي فيها عاقلة ليلة واحدا :twisted:

المهم لبست برضه واتانتكت

والليلة كلها مواااااقف

انا ومامة العروسة كنا مرعوووووبين من لحظة الشربات

اخويا اصلا ما بيعرفش يشرب حد والعروسة شرحة

والشربات جه من هنا

وانا و مامتها وقفنالهم زي جوزين العفاريت وعمالين

حاسب

ها توقع ع الفساتتتتان

حاسبي البددددددلة

بلالالالالالالالالالالاش شرباااااااات اصلالالالالالالا

وفعلا

صورناهم بس بيه :D

المهم عدت نص الليلة وجه وقت تقطيع التورتة وبتاع وخلصوا

وكنا كللللنااااا واقفين حواليهم

ف انا ليا ابن عمتي اد اخواتي كدا وهوا تخيييييييييييين قوي بس سكر

وانا بحب كل شوية اغلس عليه واضربه

وهاااااااريته ضرب في الفرح

المهم خلصنا التورتة

لقيت قفا شبه قفا ابن عمتي تمام

رحت تلقااااااائيااا

طررررررراااااااااااااااااااااااااااااخخخخخخخخخخ على ضهره بككككل قوتي

لقيته اتدور...

اوباااااااااااا

دا ماطلعش ابن عمتي؟؟؟؟؟؟؟؟؟ :shock: :shock: :shock:

وانا جالي حالة عته منغولي

وقعدت اقول اسفة يجي مليون مرة في الثانية ووشي جاب الواااااااان

بس حمدت ربنا انه طلع زميل اخويا

يعني ما جتش في حد غريب :roll: :D

بس بعدها رحت ضربت الواد ابن عمتي عشان يحطني في الموقف دا :twisted: :twisted: :twisted: :twisted: :twisted: :D :D :D

[بنت شعنونة]

في موقف برضه ما انساهوش طول عمري ابدااااااااا

مرة ايام شغلي في الأستقبال

جالنا واحدا ست وابنها جايبين جوزها وهوا مغمى عليه

هما نوبيين

وهيا عمال تعيط

المهم طلعناهم برا وبصينا ع الراجل لقيناه متوفي

حظه كان فيه نايب من العناية المركزة موجود معانا

فراح قعد يعمله مساج ع القلب وانعاش وكدا

المهم خرجنا كلنا عشان نشوف بقية الحالات وقفلنا الستارة حوالين السرير داير مايدور عشان نحجز الراجل اللميت مع الدكتور اللي بيحاول ينعش قلبه

المهم مشيت وعملت حاجات

وبعدين افتكرت اني ما عملتش تقرير وفاة للراجل النوبي

فرحت اشوف هوا لسا موجود والا نقلوه والا ايه

رحت..

بفتح الستارة....

بقيته قاعد وبياكل جزرة؟؟؟؟؟؟؟؟؟ :shock: :shock: :shock: :shock: :shock: :shock: :shock: :shock: :shock: :shock: :shock:

وانا بقى كان قلبي ها يقف؟؟؟؟؟؟؟؟

ورحت متنحة في وشه واقوله

هوا انت مش مت؟؟؟؟ :shock:

قد يبصلي كدا ببلاهة وهوا بياكل الجزرة

وانا قلبي عمااااااااال تكتكتكتكتكتكتكتكتكتكتكتكتكتككتكتكتكتككتت من الهلع

يا عم انت هوا انت مش كنت ميت من شوية؟؟؟؟؟؟؟؟

وبرضه بياكل الجزرة ومش معبرني

انا طلعت من الستارة من هنا

وكنت هامووووووووووت بجد

فلقيت مراته جاايا تجري ها يا دكتورة عنده ايه؟؟؟؟

قلتها انتي بتسأليني انا؟؟؟؟؟؟؟

دا بياكل جزززززرررررر؟؟؟؟؟؟؟؟؟

وقعدت اعيط :roll: :roll: :oops: :oops:

[sos]

:oops: :oops: :oops: :) :D :D

[Salwa]

شانا حبيبتى.

مش ممكن.

انتى عسل...انا مش قادرة امسك نفسى...تسألى الراجل برضه؟

كان لازم يتأسف لك....هو غلطان المرة دى.

بوظ التقرير.

والا قريبك...

اهو موقف قريبك ده حصل معايا...بس بطريقه...اصعب كتير.

من كام سنه..

والدتى كانت هنا..ونزلنا نتسوق.

وكانت عاوزة تشترى لاخويا،آخر العنقود،قميص شيك قوى..ينفع مع

البدله اللى هى اشتريتها يوم قبلها.

دوختنى..مش عاجبها..كللللل القمصان اللى فى افخم المحلات.

وانا كنت تعبانه ومتغاظة...وساكته.

ودخلنا محل...،وفجأة.

شفت مانيكان عليه قميص تحفه.

كانت ماما فى الناحيه التانيه من المحل.

،كنت مش لابسه النظارة،

ومسكت القميص لقيته حرير طبيعى...وصرخت..ماما تعالى هنا

اخيرا..ايه رأيك.؟

لقيت ماما بتبص لى بذهول....

//والمانيكان//....بيقول للبياعه...انا معملتش حاجه...هذه السيده

حضرت ومسكت قميصى وبدأت تتكلم....صينى.

قصده على العربى.

وكان موقف.

كل ما افتكر ..اضحك.

سلام.

[بنت شعنونة]

ههههههههههههههههههههههههههههههههههههههههههه

ههههههههههههههههههههههه

ههههههههههههههههههههههههههههههههههههه

لالالالالالالالا

دي بقى قوووووووووووييييييييية جدااااااااااااا

هههههههههههههههههههه

والله يا ماما سلوى حضرة سككررررر :oops: :) :roll: :oops: :oops:

[1_Nadim]

بصراحه انا فطست من الضحك سواء علي الراجل اللي صحي وقال ايه بياكل جزره كمان وانت تعيطييييييييييي :oops: :oops:

او ابن عمتك اللي ضربتيه لانه حطك في الموقف السخيف ده :oops: :)

فعلا كان لازم يكتب اسمه علي قفاه علشان ما تغلطيش

والله دمكم خفيف فعلا

[ســيد مرزوق]

شانا ... مش ممكن ... حرام عليكي لميتي جيراني عليا ..

فضلت اضحك بصوت عالي جدا ومش قادر أسكت ... والناس عارفين إني قاعد لوحدي ... حسيت بحركة خارج باب الشقة .... بصيت من عين السحلية ( قصدي العين السحرية ) .. لقيت البيبان بتفتح والعيون متجهة ناحية باب شقتي !!!

بصراحة كنت محتاج شوية الضحك دول .

فكرتيني بموقف برضه يموت من الإحراج والضحك حصل لي سنة 91 في مصر أيام الغزو نزلنا مصر وكان شغلي في الزمالك وكان معايا سيار شفروليه وباركنها بصعوبة في شوارع الزمالك الجانبية الضيقة ... المهم كانت متوسخة ومش لاقي فرص أغسلها ... فمرة بعد ماركنتها شفت واحد شكله مبهدل شوية وعمال يغسل سيارة وهاتك يا غسل بالفوطة والجردل وشغال بذمة وضمير .... عجبني إخلاصه فرحت مميل عليه وقلت له : سلامو عليكم ياعم .... رد السلام ... قلت له بعد إذنك يعني بعد ماتخلص العربية اللي في إيدك دي ممكن لو سمحت يعني تغسل لي عربيتي اللي هناك دي ؟؟؟ وأنا ماليش بركة إلا إنت واللي عايزه أنا حاضر ...

راح باصص لي حتة بصة وكان هاياكلني بعينيه ..

وراح قايم واقف على حيله ومشوح لي بايده في وشي المذهول ...

جرى ايه يا استاااااااذ .... دي عربيتي !!!

طبعا أنا كنت عايز الأرض تنشق وتبلع البعيد .... واعتذرت له بسرعة وللخلف در وهاتك ياضحك طول مانا ماشي ..

[moody00x]

جرى ايه يا استاااااااذ .... دي عربيتي !!! 

دى بالظبط زى ألأستاذ حمام فى غزل البنات لما إفتكر الباشا الجناينى

:oops: :oops: :oops: :)

[بنت شعنونة]

موقف طاااااااااازااااااا

لسا حاصلي النهاردا

:(

كنت خارجا من المستشفى النهاردا

المهم فيه بوابتين جنب بعض واحدا للناس والتانية عربيات

وبتاعة الناس بتكون دايما زحمة

المهم وانا خارجا لقيت عربية داخلة ف فتحوا البوابة الكبيرة

قلت اخرج منها بالمرة بقى..

المهم

وانا بخرج لقيت الولد اللي سايق العربية زميلي وخطيب صاحبتي الصدووووقة يعني عشرة 8 سنين..:)

وكان بقالي يجي سنة ما شفتوش

فرحت عاملاله باي باي بحرارة

راح مبتسم جدااااا وعاملي باي باي بحرارة برضه وهوا جوا العربية

رحت مبتسمة قلت بس

ها يقف وينزل يسلم

ف اتدورت وببص عليه وانا الأبتسامة من الوددددددددن للودددددن..

:D :D

لقيته مشي شوية بالعربية...!!

قلت عادي يمكن عشان قدام البوابة ها يقف بعيد شوي عشان ما يقفلش السكة..!!

وكملت مشي وراه برضه.. :) :!: :!:

لقيته كمل مشي برضه :shock: :shock:

قلت امشي وراه اكيد ها يركن عند الرصيف

كل دا وانا مبتسمة ابتساااامة اااااااااااااااااااااااااااااد كداااااااااااا

بلهاااااااااااء..

وفجأة.....

الولد كمل مشي ولف من بعييييييييييد خالص

وانا كان منظري سخييييييييييييييييييييييف

وانا ماشيا طول الوقت ورا العربية وهوا ولالالالالالالالالالالالالا

هناااااااااا

:twisted: :twisted: :twisted: :twisted: :twisted: :mad: :mad: :mad: :mad: :mad: :mad: :) :D :lol: :lol: :lol: :lol:

[Salwa]

شوفى ياشانا يابنتى.

انتى تعملى لك واحد عصير ليمون...وماتتفرجيش على التلفزيون قبل

ماتنامى،علشان مايجلكيش كوابيس،تنامى 8 ساعات على الاقل.

ولمدة يوم كامل...

اقنعى نفسك انك اسعد واحدة فى الدنيا.

ولما حد يسألك كنتى بتضحكى على ايه؟

قولى لهم.....آه......دى مفاجأة.......حاتعرفوها بعدين.

ولا يهمك..على الاقل كنتى بتضحكى.

والمفاجأة..

حاتلاقى الكلام اتحقق فعلا.

ماهو كله عدوى.....ربنا يسعدك.