أفكار أمانى الذكية للاستفادة من النفايات المنزلية !!

[badroora]

انا قولت افتح الموضوع دا عشان ادبس امانى بصراحة عشان متنسناش ولازم هى كمان تتحرك وتبدأ نشاطها عشان اخر السنه المنافسة هتبدأ بين انتاج زيزيتا وناش وامانى .

وعشان امانى متتأخرش او تكسل قولت نعملها موضوع تشجيعيى عشان تبدأ العمل .

والان مع كلمة المقدمة للاستاذة امانى

فللتتفضل وتقولنا هتقدملنا ايه اليوم .

نجفة المشجعة بالقلب للمواهب النسائية المصرية

على السيدة أمانى

التقدم الى المنبر لأستفتاح ورشتها .

[Folana]

السلام عليكم ورحمة الله...

سباقة بالخير يا بدرية كالعادة..ولو انى كان نفسى امانى تتشجع وتفتح الموضوع لكن يظهر هى دى الطريقة الوحيدة اللى حتجيبها هنا....

امانى ...ممكن اخليكى تستفتحى معانا ...لو عندك باجور قديم وعايزة تعملى منه شكل ديكورى ...ياترى ممكن؟

والبرطمانات بقى يا امانى انت عارفة ما اكثرها ...انا بارميها بصراحة..بس لو ممكن يكون لها استخدام يبقى اشكرك جدا...

:D

[امانى]

حبيبتى بدريه صباحك فل

انا لسه كنت بكتب واعبر عن فرحتى للاخت ناش عن مبادرتها لنا فى عمل عجينة السراميك وعلقت

على الكتب والاقلام والسيديهات بتوعك وقلت عمالة اعصر مخى علشان اعمل لك بيهم حاجة

انا مدبستش ولا حاجة بالعكس انت اتحتى لى تفريغ شحنة الفن اللى مدوخنى دول ومش عارفة

اخرجهم بس استنى شويه لما نتعلم صنع الورود من السراميك لانها هتنفعنى اوى فى اضافة اللمسة

الجمالية للعمل اللى هنعمله بسى حضرى كوباية تكون مشروخة لو مفيش اشرخى كوباية او سلة

مهملات صغيرة بلاستيك او برطمان صغير ملهوش لازمة زى برطمان المربى علبه ملهاش عاذة يعنى

كركبى كدة ودورى هتلاقى حاجات كتيرة ملهاش فايدة ربنا يسهل ونعمل لها شكل جمالى 0

على فكرة انا مسافرة النهاردة وجايه يوم السبت يا رب احضر قبل ما اختى ناش تبدا فى العمل

متستعجليش يا بدريه ده احنا حنكون فريق عمل يهوس باذن الله

اشكرك من كل قلبى على تشجيعك الدائم لكل المواهب وربنا يجعلنا عند حسن ظنكبنا

امانى

[nash]

لااااااااااااااا الظاهر الخميس والجمعه هايكونوا أحلي ويك أيند علينا.... :D

أتفضلي يا اماني سرقتلك ميكروفون الولاد وأهو معاكي علي الهوا مباشرة من استاد الاسرة والطفل

برافوا يا بدريه والله خليها تتدبس وتقولنا اسرارها

[miramar]

اماني اماني هو هو

بس مش ملاحظين حاجة في الموضوعين

ولا راجل رد ؟؟؟؟؟

الغيرة بدات تشتغل

مرمر

تم تعديل 15 نوفمبر 2007 بواسطة miramar

[badroora]

ولا راجل رد ؟؟؟؟؟

الغيرة بدات تشتغل

لا وانتى الصادقة يا ميرا كل الرجالة دلوئتي هيحاولوا هيحسنوا معاملتهم مع نسائهم لان دلوئتى المرآة هتدخل العالمية من باب الاسرة والطفل :rolleyes:

وكل واحدهيخاف على نفسه لان بعد ما البلية تجرى فى يد النساء هتبقي خلاص زمن سي السيد انتهى ( مع احترامي لاخونا س س )

وممكن تخلع فى اى لحظة نياااااااااااااااااااااااهه

ويأتى زمن المرآة العاملة الحرة المتحرره

زمن سي السيد

بعد الانفتاح النسائي وبراعة المراة فى اثبات ذاتها

زمن ست امينه رجع يا نساء

ماي هارت عندك يا مااااااااان :blink:

تم تعديل 15 نوفمبر 2007 بواسطة Badria Mekkawy

[miramar]

خلاص زمن سي السيد انتهى

سي السيد اين انت ؟؟ :blink:

سي السيد مش هيظهر النهاردة :rolleyes:

مرمر

[قاهرى]

ينهر ابيض ..... انا داخل علشاان اشوف ازاى الانسان ممكن يستفاد من النفايات المنزلية لكن فوجات بهجوم وحرب على الرجالة ...

طبعا تحياتى لبدرية / امانى / مرمر / فولانة /nash

بس احب اقول لبدرية ان الراجل هيفضل راجل مهما وصلت المراءة لاى منصب او اى مستوى .. الرك على الشخص نفسو بيعرف يمشى بيتوا ولا بيتوا هو الى بيمشية ......

انا مش بقول زمن سى السيد ... لا فعلا عندك حق زمن سى السيد انتها بس مش معنى كدة الصور الى انتى حصاها ... الراجل لما بيساعد مراتوا بفرض بيكون بهدف الحب مش القهر

لكن اظاهر انتوا مينفعش معاكم الحب ........ انتى عيزين زمن سى السيد يرجع تانى ونوريلكم العيد الحمرة زى زمان ....... والله لانده كل الشلة بتاعتى عى المحاورات ونعلن الحرب عليكم .....

هجوووووووووووووووووووووووووووووووووووووووووووم يا شباااااااااااااااااااااااااااااااااااااااااااااااااب :closedeyes:

[nash]

:lol: :lol: اماااااااااااااااااااني

أين أنتي يا فتاة..... المهله أنتهت ...وجاري البحث عنك :blush2:

يا هانم وراكي شغل جامد....والنهارده السبت...أو اول ساعات يوم الأحد...

لو ما ظهرتيش في خلال الكام ساعه هانبعت فرقه مخصوصه للقبض عليكي ...حمدلله علي السلامه مقدما :blush2:

[قديم]

الله الله .. مدام ماش وميرا مار .. له له له .

كانت الواحده فيكم راسها مدفون بين اكوام الملخصات والمحاضرات والتحضيــر ..والدروس . والمذاكره .

الله يذكر ايام الدراســه بالخــير . كنا يا دوب نشوف موضوع موضوعين باليوم والان هجـــوم هجووم .. الحمد لله هما يومين اجازه وبس .. والفاضي يعمل قاضي . وهو هذا اللي استفدناه من الاوبك ...

امانى ...ممكن اخليكى تستفتحى معانا ...لو عندك باجور قديم وعايزة تعملى منه شكل ديكورى ...ياترى ممكن؟

.

استاذه اماني وفلونا نصيحه اوعو تنساقو لنصايح مدام ناش الفنيه وشغل المعلمين . اليوم عجينه سيراميك وبكره نشوف محشي اسلاك كهرباء وفيشه وطفاي وكلبســه . وهاتي الفاس والقدوم .واوعي ايدك والدريل ..

قاهرى

ينهر ابيض ..... انا داخل علشاان اشوف ازاى الانسان ممكن يستفاد من النفايات المنزلية لكن فوجات بهجوم وحرب على الرجالة ...

خلي بالك ازمــه طاقــــه ونا مش عايز اشارك في حل الازمــه العالميــه للطاقه العمر مش بعزقــه

تم تعديل 17 نوفمبر 2007 بواسطة قديم

[Ahmad Farahat]

بصراحة الشهادة لله ستات المحاورات حاجة تفرح

نينة فولانة متبحرة في علوم الطبيخ حتى عرفت تجيب قرار فطار عم زهيري التونسي

ده غير النهارده منزله شرح غسل الميت

والأسطى ناش بصراحة فاتحة ورشة فشر ورش هندسة حلوان ولا سيما ورش الميكانيكا

ودلوقتي بقى الدور على أختنا أماني اللي دبستها من نجفة

داحنا بقى عندنا سنتر في المحاورات يا جدعان

عموما

عموما يعني

أنا واخويا كوكوواوا ممكن نفتح كافي للطرب الأصيل في الفنون ده علشان متقولوش الرجالة أكل ومرعى وقلة صنعة

واللي ميحبش الطرب ممكن يروح على صالون الشعراء يقرا له كلمتين

بس ناقصنا سينما

بالمناسبة يا ستات

مفكرتوش تفتحوا أتيليه

ده هيبقى جنان

واهو كلها خدمات لعامة الشعب

ياريت تروحوا باب الغنون واللي عايز أغنية بأي اكستينشين يحبه يقلي وميخافش(rm or mp3 or wav(

هاجيبهاله ان شاء الله

يلا يا هوانم

فتكم بعافية

سي أحمد

[nash]

خلاص باقي من مهله الأجازة كام ساعه....

ياسلام مروا زي النسمه الرقيقه ...فعلا ..أولادنا شباب يفتحوا النفس..علي الأجازات والفسح...اييييييييييييييييييييه ...ملايكه ماشاء الله يخزوا العين :blush2: ..ربنا يهون....

انا شايفه حركه تمرد من القسم الخشن..وممكن نعمل هجوم مضاد..بس الأوفر اللي قدمه أحمد باشا فرحات...سيجعلنا نغض الطرف....ونقوله ياسلام لو تفتح الكافيه....فكرة جميله..

وطبعا يا أحمد بمناسبه البؤين الحلوين دول...هاديك الورده دي :blush2: .

.........................................................

الله يكرمك يا قديم باشا اسمها ناااااااش مش ماااش :lol:

انا ملاحظه أن بقت كل مشاركاتي تصحيحات إملائيه....شكلي هاسيب الأسرة والطفل واقفلكم زي ست الناظرة....بس محدش يدقق علي التاء والهاء..والبي التقيله والخفيفه...

كان نفسي أخلص جزأ كبير في الأجازة لكن مافيش فايده..القطط ولادي بيتنططوا حواليه...عصافير..بيزقزقوا ( كداااااااابه..ماتصدقونيش ) :lol:

..........................................................

أماني نحن بانتظاااااارك..هيا يا فتاة تقدمي واعلني عن نفسك :lol:

[amrhoras]

ما شاء الله اغيب ليله اجى الاقى ورشة تانيه مفتوحه :blush2:

وايه حكاية الصور دى يابدريه :blush2:

ياعيني بقى الراجل حيغسل الصحون لا حول ولا قوة الا بالله ده قصر ديل بقى ولمؤاخذه

ازيك يابدريه عامله ايه يابدريه كيفك يابدريه عامله ايه يابدريه يارب تكونى بخير يابدريه

مدام ناش كيفك يا مدام ناش عامله ايه يامدام ناش يارب تكونى بخير يامدام ناش

مرمر عامله ايه يامرمر كيفك يامرمر عامله ايه يامرمر يارب تكونى بخير

حبيت بس اسجل انى بدأت اتابع كل انشطتكم وبسجل انى معجب بالنشاط جدا

بس بيقولوا ايه صباح الخير ياجارى انت فى حالك وانا فى حالى مش عارف احنا تعبينكم فى ايه

قولتوا بتعاملونا وحش رحنا مغيرين المعامله شويه

قولتوا زهقنا من قعده البيت قولنا انزلو اشتغلو

قولتوا مش قادرين عايزين مساعده قولنا نساعدكم شويه فى شغل البيت

انما انسو انه يجي اليوم اللى المودام تكون فيه قاعده واحنا بنعمل كل حاجة

حبيت بس اسجل انى متابعكن عن كثب انما ورش العمل دى كلها ليه ليه ليه لماذا ؟؟ اوعو تكون خطه للقضاء على مهام الرداله :lol:

يله كفايه انهارده كدى

تحياتى حورس

أ/داروين انت فين ياحبيبي بيهربن الى اماكن جديده اهوه

وكمان انتو نسيتوا وسايبين الباب موارب عشان كده انا سمعت كل الكلام واتسجل طبعا :wub:

نيجي بقي للمهم فى ترخيص باقامه ورشه عمل؟ :lol:

فين تراخيص وزارة الصحه؟

فين تراخيص مزاولة النشاط؟

فين موافقة الكفيل ( الازواج) ان وجدوا؟ :lol:

خلصتوا العشا للعيال؟ وعملتوا الفطار ؟ ونظفتوا البيت؟ وغسلتوا الغسيل ؟ وحضرتوا اكل الغدا؟ وكويتوا الهدوم؟ :lol:

[zizetta]

أنا قلقانة على أماني قوي يا جماعة .. حد يطل عليها طلة أحسن يكون حصل لها حاجة.. :blush2:

[ابو محمود]

انا بصراحة جيت اكلم وأرد لقيت أخونا عمرو قام بالواجب وأكتر كتر خيرة مستحملش اى أهانة لبنى جنسة

وكمان الأخ الشاعر اتكلم بس بحياد مقبولة يادبلوماسى مأنتا فاتح حدوتةوهما متبعنها يعنى المصلحة غالبة متشكرين كان لازم تكون زى أخونا عمرو على فكرةياردالة الحرب بدئت من بدرية لانها نشرت ووزعت منشورات محظورة ويعاقب عليها قانون حقوق الرجل ودة قانون يجرى تنقيحة حاليآ بعد قانون الخلع علشان الأضهاد والعجرفة بتاعة حريم اليومين دول اللة يرحم ست أمينة وأيامها كانت نعم المثل للست ماشى كدة ياسيد أحمد جاة اليوم اللى بيخلصومننا اللى انتا عملتة مش قلتلك دول مابينسوش وذى القطط فينك ياسى السيد الرجال فى عصر العولمة اتبهدلت منك للة يابوش

[amrhoras]

اخيرا أ/محمود رد فينكم يردالة مصر

يادى الفضيحه ام جلاجل يادى الجرسه (بتعطيش الجيم) أم حناجر بتعطيش الجيم تانى

انادى بالصوت الحيانى 3D واقول اجتمعوا وشوفوا واسمعوا وعوا

نحن فى خطر داهم التتار قصدى الستات اعلنوا الحرب وقادمون ههههههههه

لا بس عشان خاطر الموضوع وميقولوش اننا بنكبت المواهب انا حتابع من بعيد لبعيد

بس والله تشكر بدريه مع اعتراضى وشجبي للصور انما بأحييها على الموضوع وتشجيع الزميله امانى

ومعجب جدا برد مدام زيزيتا دخلت ومفيش تعليق من تعليقاتها الممتعه واللذيذه

اما احمد بيه سأقول له ليه يابني كدى

اخويا قاهرى اكرمه الله هو صاحب الدعوه مش بفتن بس عرفان بالجميل بصراحه

تحياتى للجميع

[قديم]

ولا مؤاخــده مدام ناااااش على الاخطاء المطبعيــه اصل جهازي متعود على كدا بعدين جهازي عربي ما تفرق معاه حرف حرفين زياده او نقصان.

اذا كنتو بتعملو عجينه سيراميك بردو احنا بنعرف كل حاجه حتي المتبل تعمله . لكن مواهبنا مخبيها لليوم الي زي كداا

بعدين فرحات بيه ايه الي متبحرين بالطبيخ تعرف هذااكبر طبق تبوله في العالم تم تحضيــره في فلسطيـن

اترككم مع الخبر

أضيفت بضع قطرات من زيت الزيتون في اللمسة الاخيرة على طبق "تبولة" صنعته مجموعة من الشركات الفلسطينية في محاولة لدخول موسوعة جينس للارقام القياسية كأكبر طبق تبولة في العالم.

وتم كشف الستار عن طبق التبولة الذي وصل وزنه الاجمالي الى أكثر من طن في احدى قاعات مدينة رام الله أمام جمع ممن حضروا لتذوق السلطة الاشهر بين الاطباق الشرق أوسطية.

وينتظر المنظمون ردا من موسوعة جينس خلال الاسابيع المقبلة بعد أن تم فحص المقادير والمواصفات من قبل وزارة الصحة الفلسطينية. ووضعت التبولة في طبق قطره الداخلي 3.30 متر وارتفاعه 25 سنتيمترا.

وقال غسان عبد الجواد الطاهي المسؤول عن المشروع ان المقادير التي استخدمت لصنع التبولة كانت من الزراعات المحلية 2130 ضمة (حزمة) بقدونس و 400 ضمة نعناع و 70 كيلوجراما من البرغل و 100 كيلوجرام من عصير الليمون و 35 لترا من زيت الزيتون.

وانتشرت رائحة البصل والنعناع من مكونات التبولة التي تكفي لاطعام حوالي 3000 شخص في قاعة استخدمت للعرض بدلا من الشارع الرئيسي للمدينة كي لا تذبل السلطة بسبب حرارة الجو. وتم تقطيع المقادير خلال 18 ساعة قبل موعد العرض بمشاركة أكثر من 20 شخصا اضافة الى عدد من المتطوعين.

هذا وكانت اخر محاولة لصنع أكبر طبق تبولة في العالم قدمت من احدى القرى اللبنانية عام 2001 بالوزن الاجمالي 1514 كيلوجراما لكنها فشلت بأن تسجل في موسوعة جينس.

[amrhoras]

ولا مؤاخــده مدام ناااااش على الاخطاء المطبعيــه اصل جهازي متعود على كدا بعدين جهازي عربي ما تفرق معاه حرف حرفين زياده او نقصان.

اذا كنتو بتعملو عجينه سيراميك بردو احنا بنعرف كل حاجه حتي المتبل تعمله . لكن مواهبنا مخبيها لليوم الي زي كداا

بعدين فرحات بيه ايه الي متبحرين بالطبيخ تعرف هذااكبر طبق تبوله في العالم تم تحضيــره في فلسطيـن

اترككم مع الخبر

هذا اكبر دليل على ان الراجل ممكن يعيش بطوله ياكل ويغسل ويشتغل بنفسه وهذا هو قانون البقاء :happy:

ا/قديم اهلن بك فى الرابطه معانا B)

B) B) B) B)

[قاهرى]

عمور باشا .. تسلم على عرفانك بالجميل .................

بس مش ملاحظ يا عمور الكل دخل جوة بيتوا وقف على نفسو من بعد لما دافعنا عن اسمنا احنا (الردالة)

والله مبيجوش غير بالعين الحمرة

[ابو محمود]

يبدو ان النساء انسحبت من المعركة ؟؟؟؟؟

الرجاء عدم ترك اى علامات لنا على أرض المعركة

دول عاملين خطة وطريقة جديدة للهجوم ..

يبدو ان هناك مناوشات غير مرصودة على أجهزتنا

خلى السلاح صاحى صاحى ...... مرشات عسكرية ..... ربنا يسامحمك يابوش يابن بربارا وينتقم لنا منك انت السبب فى السطوة بتاعتهم دى