اذهب إلى المحتوى
محاورات المصريين

أفكار أمانى الذكية للاستفادة من النفايات المنزلية !!


badroora

Recommended Posts

صباح الفل يا زيزيتا

معلش انا فعلا مقصرة فى الموضوع بس مش بايدى والله مرة بسبب مرضى والمرة التانية بسبب الجهاز المعفن لا مؤاخذةاللى

انا قاعدة عليه كان عطلان ودلوقت بنفض الشقة علشان العيد بقى كل سنة وانت طيبة وفرحانه بولادك يا رب اوعدك ان شاء

الله اول لقاء بعد العيد هيكون فى الورشة باذن الله وحضرى المطلوب وميمنعش برضه حضرى المعلوم

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

  • الردود 110
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

:wub: :wub:

مش شايفه الصور

طيب سريع كده

مناديل الورق الخاصه بالحمامات

بعد ما تخلص يفضل رول صغير

ممكن نعمله مقلمه او حصاله للصغار

الطريقه المرة الجايه...إن شاء الله

امانى برافوا عليك...مشاء الله

ستات المحاورات ميه ميه

ولو اتغاظوا الرجاله...مش هنعمل لهم التقليه

وعجبى

يرضينى الهواء الذى تتنفساه يحيينى

يسعدنى الكون الذى يحتويكما يحتوينى

انتما كل شئ

وانا من دونكما لا شئ

رابط هذا التعليق
شارك

  • بعد 3 أسابيع...

الاخوه الاعزاء نوشه . زيزيتا . بدريه . فولانه

وحشتونى معلش اتاخرت عليكم معلش لظروف الامتحانات

دلوقت حبدأ بعمل الفازه اللى وعدتكم بيها وسبق ان وريتكم مكوناتها

اولا ندهن البرطمان بالورنيش المخفف كما فى الصوره الاتيه

785918453.jpeg

نرش كسر الالماظ الفضى على البرطمان ونقوم بتوزيعه بالفرشاه ونتركه يجف كما فى الصوره

513312243.jpg

نقوم بلصق ورود نوشه الجميله على البرطمان ونتركه ليجف كما فى الصوره

998283771.jpg

نلون الورد حسب رغبه كل شخص ونرش كسر الالماظ حسب اللون ونتركه ليجف

549762603.jpg

ويبقى كده عندنا فازه جميله

mVr67439.jpg

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

بسم الله ماشاء الله...

براااافو يا أيمو والله والله بدايه جميله جدا...حقيقي سعيده وربي رفعتي راسي يا أحلي اماني...

بس عندي ملحظوة صغننه..ماتخليش ورق الورده فلات علي الزجاج حاولي تلصقي الطرف الاخير والطرف الأول ولا تلصقيها من المنتصف..حتي تبدو وكأنها بارزة قليلا...

بس بجد انا في منتهي السعاده ربنا يوفقك يا ايمو....

..........................................................................

بعد أذنك يا أيمو هارد علي ام البنات بفكرة عن رول الكلينيكس...

شوفي يا غاليه هاتي كلينيكس وأنقعيه في طبق مليء بالماء..وبعد حوالي ساعه أعصريه وضعي علي قليل من الغرا الأبيض..وافركيه جيدا..حتي يصبح سائل القوام قليلا..وغطي به الرول .

بعد أن يجف تماما رشيه بالبخاخ الذهبي..وأدعيلي علي النتيجه الرائعه لإن التحبيبات الموجوده بتعطي نتيجه شيك جدا في العمل...بعد ذلك ممكن تلصقي الرول نفسه في طبق مميز أو في اي شيء متوفر لديكي وتضعي فيه ورق الكلينيكس علي السفرة ....للأستخدام الفوري...

أماني أنا عارفه اننا أخوات يعني وكدهوت :lol: سوري بس مقدرتش امسك نفسي اصلي عملت الطريقه هذه في الرول باللون الذهبي والفضي وكانت لطيفه جدا...

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

السلام عليكم ورحمة الله...

أمانى الجميلة..تسلم ايديك..والله مجهودهايل...(ده أهيل من مجهود تفريغ التريلا حتى) :lol:

طب ياجماعة عايزين نستفاد من الاعمال اليدوية دى...انا باقول نفتح كشك نونو كده على ناصية المحاورات ونبيع البوضاعة للزوار..واهو نحوش قرشين نصيف بهم ان شالله فى تايلاند حتى .....

وباوعدك نفس الوعد اللى قطعته على نفسى لناش...حاجرب فى الاجازة كوووول حاجة...ويبقوا يأكلوا هم دليفرى بقى ..ولا جاتوه ..وانا مالى ... :)

انا عايزة ابنى مستقبلى المهنى....

على فكرة الكلمة اللى فوق دى أهيل ..الف ..هاء..ياء ..لام ...علشان تقرأوها صح بس

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

بسم الله الرحمن الرحيم

الاخوة الاعذاء اصدقاء الورشة

اشكركم على تشجيعكم ليا فتح نفسى للشغل

النهاردة هفرجكم على منتج جديد من بقايا عربيه اطفال

خدت العجله بتاعت انقاض العربيه وكان عندى فنجان مكسور خدت طبقه كمان

دخلت الطبق داخل العجلة وبقى شكلها كدة طفايه سجاير طبعا مش طفايه حريق

بعد ذلك اضفت لها لمسات من روائع نوشة ربنا يخليهالنا

حطيتها على ترابيزة ركن وقلت اشوف رأيكم

مستنية تعليقاتكم

ام البنات معلش نسيت ازكر اسمك امس مشكورة على تشجيعك ويارب يعجبكم

الصور,,

C7I88544.jpg

yaA88546.jpg

CoO88549.jpg

PsK88551.jpg

oYi88553.jpg

xel90515.jpg

SzY88555.jpg

بخصوص البراد انا عملته من عجينة نوشة والمرة اللى جايه هتشوفوا هعمل فيه ايه

على فكرة يا نوشة ايد البراد بعد ما نشف انكسرت منى وعملت ايد تانيه مظبطهاش ياترى علشان

البراد كان ناشف ولا ايه ارجو الافادة

امانى

تم تعديل بواسطة امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

يامساء الورد والياسمين....

برافوا عليكي يا أينو.......ماشاء الله...علي فكرة ممكن تضيفي فصوص ملونه للورده..وطبعا مجال الإبداع واسع...

عجبتني فكرة الطفايه جدا...ماشاء الله ..كمان ياستو بالنسبه للعجينه طبعا بسبب جفاف العجينه الاولي وعند أضافي جزأ تاني لازم يكون بحرص شديد...وكمان واضح أن نوع الغرا عندك هو ( غرا خشب ) وبالتالي لازم شويه حرص في التشكيل لإنه ممكن تتفتفت الحاجه وأنتي بتعمليها...

إلا صحيح أنتي عملتي البراد إزاي؟؟؟ايه دا...؟ ماشاء الله شكله رائع بسرعه أعترفي ...أنا منتظرة :hearts:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

انا المرة دى بفتح الورشة مش علشان اقدم عمل فنى جديد . لأ انا بفتح علشان مدينة بأعتزار للاخت فولانه

اولا انا اسفة جدا جدا لانى لم اتوجه بالشكر لحضرتك لما قمت به نحوى من تشجيع وايضا ترحيبك بعيد ميلادى لكن والله

ما قصدت ذلك فأنت بالنسبة لى اخت غاليه اعتز بصداقتها لأبد

واتوجه بالشكر لنوشة على تشجيعها وايضا ام البنات وربنا ميحرمنيش منكم جميعا

فين بقى بدريه وزيزيتا مش لقياهم انا هبدا فى عمل شكل جمالى لسى دى بدريه ويمكن زيزيتا مختفية اليومين دول شغالة

فى عمل جميل كدة هتفاجئنا بيه يلا يا زيزيتا اتفضلى برجلك اليمين وورينا الشطارة

احبابى انا شاكرة تشجيعكم والى اللقاء فى العمل الجديد

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

بسم الله ما شاء الله

الله ينور عليكي بجد يا استاذة امانى انا اساسا كنت داخل الموضوع علشان حضرتك بس لقيت عمالقة الجنس الناعم

بتاع محاورات المصريين هنا كلهم مدام ناش ومدام فولانه استاذة بدرية ومدام زيزتا وام البنات كلهم هنا

سلخيييييييييييييييير عليكم

بس بجد موضوع جميل صحيح بقى انا عندى سي دى روم بايظ

وعلبتين سيديهات

وفردة شراب يمين سودا

ينفع اعمل بيهم حاجة كويسة

على فكرة انا هاعمل برضو دعاية ليكي ان شاء الله زى ورشة الاسطى ناش اصل خلاص انا اخدت حق الحملات الاعلانية بتاعتها وانتى كمان برضو

ونفسى اقدملك مساعده متواضعه ليكي زى مساعده استاذة ناش

يا استاذ داروين فى هنا برضو تجمع وياريت نلاقى حل

ربنا يقدرنا على الخير ونخدم الناس :roseop:

بس بجد انتى استاذة

سلامى لكى

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

تسجيل متابعه للمجهود الجبار ده

تحية طيبه الى مدام امانى :roseop::roseop::roseop:

********

خلى بالك فى السيراميك ممكن يقع ويتكسر والورد يتفرفر بس متخفيش يامدام ناش هنستفاد بيه برده :P

تاكسسي قبل ماحد يرزعنى ببرطمان :blush2:

الدنيا يومان

يوم لك ويوم علبك

فافعل ماشئت

لكن تذكر

كما تدين تدان

رابط هذا التعليق
شارك

تصدقوا بقى إن أنا متغاظة منكم أوي .. أيوة انتي يا أماني وياناش .. سبقتوني ..وتفوقتوا علي في المواهب الفنية .. عموماً أنا حعمل أكتيفيشن لمواهبي وأكسر الدنيا ..

بجد يا أماني باين عليكي موهوبة .. بس بسرعة وحياة والدك شوية علشان الشتا قرب يخلص وما عملناش حاجة :blush2:

والست ناش بقى بعد إنضمام أم البنات ليها عملوا فريق جبار .. ياريت بقي المسئولين في المنتدي ينظموا لنا معرض كده في الروف بتاع المطرح بتاعنا علشان نعرض فيه إنتاجنا ..

و لا ننسي صاحبة الفضل هنا السيدة فولانة هانم كان لها التشجيع الكبير لأنها شجعتنا علي إظهار مواهبنا .. ياريت بقى تكمل جميلها وتفصل المواضيع الفنية دي في فولدر لوحده زي فولدر المطبخ يكون اسمه مثلاً الأشغال اليدوية علشان يكون سهل علي أي باحث يوصل له ..

عجبني أوي مرة بعمل بحث علي النت عن طريق جوجل علي أشكال سكارفات ولقيت من نتائج البحث الاسكارفات اللي أنا شاغلاها ومنزلها في المنتدي .. يعني انا بقول ان الموضيع هنا مش بتفيد أعضاء المنتدي بس لكن بتفيد أي حد بيبحث عن الموضوع نفسه ..

إيه يا عم سولي الشغل الجامد أوي ده .. ياللا بقى إفتح ورشة لشغل الجرافيك وورينا إزاي حتعلمنا الحاجات الحلوة اللي بتعملها دي ..

حورس واحشنا والله .. انا عارفة انك موجود دايما لكن انا مكسلة شوية عن دخول المنتدي .. بس مش عارفة ايه السبب .. يمكن البرد .. يمكن التعب .. يمكن الملل .. يمكن إنقطاع النت الدائم .. مش عارفة والله بس حسألني واقولك :roseop:

تحياتي للجميع

زيزيتا

ربي إرزق إبنتي صُحبة الأخيارِ

وخِصالَ الأطهارِ , وتوكّلَ الأطيارِ

رَبي وبلِغني فيها غاية أمَلي ومُنايَ .. بحَولِكَ وقوتِكَ

رَبي متعني ببرِهِا في حياتي .. وأسعِدني بِدُعَائِهِا بعد مَمَاتي

رابط هذا التعليق
شارك

مدام زيزيتا انتى منوره وياريت متغيبيش عننا

حقيقي انتى لما بتيجي بتورى المحاروات كلها :roseop: :blush2: :roseop::roseop: :P

الدنيا يومان

يوم لك ويوم علبك

فافعل ماشئت

لكن تذكر

كما تدين تدان

رابط هذا التعليق
شارك

يا صباح الخير يا زيزي..والله بنبسط جدا لما بشوفك في المنتدي....

النهارده درجه البروده غير عايه شكلها دخلت في خمس درجات مؤيه :roseop: ....وأحنا عندنا أمل تعمليلنا كام أسكارفايه علي كام لكلوك ومايمنعش توزعي معاهم كام بلوفر...يااااااة الواحد مش طماع أبدن أبدن...

منورانا والله ...أصل أنا وأينو هانتفق قولوا إن شاء الله نفتح البابين بتوع الورشتين علي بعض وهايبأة النظام فيفتي فيفتي....وطبعا عموله سولي معمول حسابها وكمان عمرو علي تشجيعه المتواصل مع أني حاقده عليه بعد مقابلتنا الأخيرة في باب المغتربين.....

بس معلش الدنيا برد والمسامح كريم :blush2:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

عمرو.........أنت نزلت مداخلتك أمتي؟؟ :blush2:

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك

بحاول انى اسكت انما مفيش فايده

مين اللى بينادى عليا وبيحقد عليا حقد تبقي(طبقى)

مدام ناش يامرحبا يامرحبا

خلاص انا سامحتك خلاص قلبي وربي رضيوا عنك ويابركة دعايا :blush2:

مش جيبالى عرض انا عندى عرض لأستاذ ابو ياسر عندى له عروسه تمام وهى اللى هتدفع كافة شيء بس يرجع مراته مصر :roseop:

ايه رأيك :roseop: :roseop:

تم تعديل بواسطة amrhoras

الدنيا يومان

يوم لك ويوم علبك

فافعل ماشئت

لكن تذكر

كما تدين تدان

رابط هذا التعليق
شارك

اهلا اهلا وسهلا ده الحبايب كلهم عندنا يا مرحبا يا مرحبا

فينك يا زيزيتا مش باينة عماله ادور عليكى مش لاقية لك اثر فضلتى تقوليلى فين الشغل فين الشغل ولما بدأت اشتغل لقيتك

مش موجودة زى بدريه فتحتلى الورشة وحطتنى امام الامر الوائع وبرضه اختفت ومش لقياها يارب ترجع بالسلامة المهم يا زيزيتا

زى ما قالت نوشة مستنية ايه لما الصيف يطلع نلبس بقى البلوفرات يلا بطلى كسل وخشى برجلك اليمين على ورشة التريكو

وانا ونوشة هنجولك هناك يمكن تحتاجى حاجة من عندنا وهو تنفعينا برضه احنا جيران واولى من الغريب. بجد بجد وحشتينى

ووحشنى طلتك الجميلة :blush2: :roseop::roseop:

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

سول فى ورشتى يا دى الهنا يادى الهنا

اهلا بيك فى ورشة الجبس بتاعتى واخدلى بالك ( الجبس) بتاع باب المغتربين فاكره اللى ممكن نجبس بيه ورده انت عارفها

بعد الشر عليه طبعا

منور يا سول وفى انتظار اليافطة والدعايه أما بالنسبة للسى دى بعمل فيه فكرة هتعجبك علشان بدريه طلبت نفس الطلب

اما الشراب احشيه بحبة قصاقيص اماش حلوة اماش دى وأعمله كورة شراب بتاعت زمان دى ولا ملعبتش زمان بالكرة الشراب

بشكر تواجدك يا سولى وابقى زرنا دايما وشوف منتجاتنا وبلاش تنده على اخويا داروين انا عارفه انه هيشجعنى وهيشوف

لنا مكان اوسع نحط فيه المنتجات

فى انتظار اليافطة ومتغبش علشان عايزة اعمل افتتاح

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

عمرو منور الورشة يا اهلا وسهلا بيك وبتشجيعك

ايه رأيك فى ورشة الجبس بتاعتى زى ما قلت لسولى خليك عارف بقى عمل الورشة بتاعتى فى ايه بس طبعا بعد الشر عليك

متهونش على مدام ناش تعمل فيك اى حاجة بس بعد المداخلة الاخيرة لك اشك فى كدة بس انا ممكن اتوسط لك عندها انا

عارفة انى غالية عندها وانت كمان غالى ومتقصدش حاجة انت تقصد حد تانى بس التعبير خانك صح

اشكرك على تواجدك وياريت تجيى الورشة زاير مش متكسر بعد الشر

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

نوشة حبيبتى انا قلت اختم الكلام فى الورشة معاكى علشان يبقى ختامها مسك

انا متشكرة انك بتفكرى تفتحى الورشتين على بعض ده شرف كبير ليا لان منتجاتك اروع من منتجاتى بكتير انا بصلح ما يمكن

تصليحه من الاشياء التى قد تهمل وتترمى بعيدها فى شكل فنى اخر

بشكرك لانى بستفيد اوى من شغل ورشتك وروعة منتجاتك وبعدين انا تحت امرك لو حبيتى تكسرى حاجة انا فى الخدمة وخدالى

بالك بس معلش المرة دى سماح بعد كدة يبقى فى كلام تانى

امانى

39078574.gif

الصداقة كنز لا يفنى لازم نحافظ عليه

رابط هذا التعليق
شارك

سول فى ورشتى يا دى الهنا يادى الهنا

اهلا بيك فى ورشة الجبس بتاعتى واخدلى بالك ( الجبس) بتاع باب المغتربين فاكره اللى ممكن نجبس بيه ورده انت عارفها

بعد الشر عليه طبعا

منور يا سول وفى انتظار اليافطة والدعايه أما بالنسبة للسى دى بعمل فيه فكرة هتعجبك علشان بدريه طلبت نفس الطلب

اما الشراب احشيه بحبة قصاقيص اماش حلوة اماش دى وأعمله كورة شراب بتاعت زمان دى ولا ملعبتش زمان بالكرة الشراب

بشكر تواجدك يا سولى وابقى زرنا دايما وشوف منتجاتنا وبلاش تنده على اخويا داروين انا عارفه انه هيشجعنى وهيشوف

لنا مكان اوسع نحط فيه المنتجات

فى انتظار اليافطة ومتغبش علشان عايزة اعمل افتتاح

امانى

استاذه امانى على طول كدة تحرجيني بزوق حضرتك

بالنسبة للجبس الحمد لله جت سليمه انا بعد كدة هابقى امشى جنب الحيط ولا اقولك انا هامشى فوق السور الى جنب الحيط

علشان ابقى فى السليم

وانا مستنى اعمل اية بالسيديهات الى مرمية عندى دى

اما بالنسبة للشراب اعمله كورة شراب اية بس يا استاذة دا دلوقتى هايعملو كورة تخش تجيب جون لوحدها

من غير ما حد يلمسها شوفتى بقي من غير ما الواحد يتعب نفسة ويشوط ويجهد نفسة

انا بقى عندى اختراع حلو اقصة واعمل نفسى واد فنكى بقي واعمله جوانتى او ايس كاب اي رأيك :blush2:

اهيه اليافطة

amane%20.jpg

يا رب تعجبك

سلامى لكى ودمتى بخير

سامح

سبحان الله وبحمدة سبحان الله العظيم

اللهم وفقنا لما تحبة وترضاة

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...