فولكس فاجن الجديدة .........

[miramar]

شركة فولكس فاجن نزلت آخر اصدارتها عربية فولكس فاجن ليموزين

ملحوظة : كلمة فولكس فاجن بالألمانية تعني سيارة الشعب

اتفرجوا بقى على السيارة الي تكفي شعب دي

مرمر

[الطيار المصرى]

حالة الشعب الألماني تقطع القلب لو هي دي سيارة الشعب عندهم....

السيارة الفولكس من السيارات اصحاب الاداء الرشيق و المرونة و التوازن....

لكن انا طول عمري شايفها عربية سبور.....مش متخيلها ليموزين...

عشان كده انا مستغرب التصميم شوية....بس برده سيارة هايلة...

شكرا يا مرمر علي الصور الجميلة دي...

تحياتي...

الطيار المصري

[Ahmad Farahat]

طول عمري احب ابص لسيارة الشعب واتفرج على بوزها اللي من قدام

بس معادتش سيارة الشعب كده

يعني لو دي جت هنا يا مرمر ووريتها لواحد وقلتله دي سيارة الشعب

ممكن يديني مقلب حرامية

أو يرزعني بمطوة

عموما مبروك على الشعب العربية

[قديم]

والله وكبرتي يا فولكس واجن ..

وكل شي فيك كبر ..

اه يا زمن ..

بصراحه انا كنت فاكر فولكس سياره برازيليه .. اول مره اعرف انها المانيــه ..

[se_ Elsyed]

مش ملاحظين إنها 4 سلندر بس !!!!!!

تيجي إزاي دي ؟

وإزاي الحجم ده كله واللي عامله زي الاتوبيس تقدر 4 سلندر تجرها ؟

[seeem]

يافندم العربية دي معمولة تحت بير سلم...

مش اوريجنال يعني..

بص فى الصور كويس وفصاج العربية حتلاقيه معمول عند ابو حلاوة اسطى صاج ودهان

وبعدين الفروق بين الابواب باينة قوية ....

ولا إيه....

[قاهرى]

شكرا يا مرمر صور حلوة تسلم ايدك

بس بصراحة العربية مش حلوة خالص

مش ليقة على الفولجس فاجن منظر العربية دى ابدا

شكل وش العربية اسبور وهى ليموزين ...... لا لا لا عجيبة اوى مش حلوة بصراحة .

يا تتغير كليا يا يخليهم فى الاسبور احسن لكن نصف كدة ونصف كدة لا مش حلوة العربية

بس تسلم ايديك على الحجات العجيبة الى تجبيها يا مرمر

[miramar]

الطيار المصري توقع ان اي شركة اليومين دول هتعمل اي حاجة عشان تكسب زبون

ارسي بعد الشر عليك

قديم هو مش باين من اسمها انها المانية ؟؟

سي السيد انا معرفش في العربيات لا اربعة سلندر ولا 500

سيم انت بقى ماسك عدسة مكبرة وانت بتشوف الصور :closedeyes:

قاهري رايي من رايك والله

مرمر