إنت الحب

[م.سامح المصرى]

السلام عليكم ورحمة الله وبركاتة

انا صممت كرت صغير كدة متواضع يعنى لحد بتابع موضوعاته فى المنتدى غالى عليا يعنى

بس يار رب يعجبة علشان انا عملتة فى السريع كدة على الماشى علشان كنت داخل انام

بس قلت اعمل الكرت الاول

وطبعا عايز تعليقاتكم

والسلام ختام

[Ahmad Farahat]

أهواك في قربك

وف بعدك

واشتاق لوصلك وارضى جفاك

وان غبت احافظ على عهدك

وافضل على ودي وياك

يورد على خاطري

كل اللي بينا اتقال

ويعيش معاك فكري

مهما غيابك طال

واحشني وانت قصاد عيني

وشاغلني وانت بعيد عني

وعمري ما اشكي من حبك

مهما غرامك لوعني

لكن أغير م اللي يحبك

ويصون هواك اكتر مني

أحمد رامي-إنت الحب

إبداع رائع يا صديقي تمنيت أن أرى هذه الكلمة في أي تصميم

تمنياتي لك بالنجاح والتوفيق

[nash]

ماشاء الله....

واضح أنك مشروع فنان جميل.....

حقيقي تصميم رقيق جدا....

بإنتظار المزيد

[amrhoras]

شكلك كدة مش هتحتاج انك تشترى كروت معايدة ومناسبات لخطيبتك :WelEgTks:

حقيقى فنان رائع ورقيق جدا تصميمك اللى فى السريع ده منتظر المزيد

وياريت تستمر

يحياتى اخوك عمرو

[م.سامح المصرى]

الله عجبكم تصميمى

دا انا هاهريكم تصميمات

والله يا nash ممكن بس طبعا طالما انتا قولت كدة يبقي انا كدة

الحمد لله يا أستاذ amrhoras ان التصميم عجبك

وحكاية خطيبتى دى بس هيا تيجي وانا اهريها تصميمات لغاية ما تفسخ الخطوبة

بالنسبة بقي للأستاذ Ahmad Farahat

فأنا عامل التصميم دا علشان شوفت فى موضوع انك عايز إنت الحب فى تصميم فقلت انا ان شاء الله

أول من هايعمل التصميم دا يا ريت تتقبل تصميم المتواضع دا

والسلام ختام

[amrhoras]

ياريت ايه بس ياعم انت

طب لو انا اعرف اصمم كنت خطبت اربعة بحالهم اصل بيني وبينك البنانيت بيحبو مرهفى الحس واخوك ملوش الا فى الزعيق احم احم

ربنا معاك وانت بجد معاك الموهبه على الابتكار غير الرقة فى اختيار وتدرج الالوان غير انها مناسبه جدا لموضوع الكارت

ربنا يديمها عليك نعمة وعلى فكره انت ممكن تنمى الهوايه دى بدراسة وتشتغل مصمم جرافيكس ودعاية واعلان عندى صديقي هو محامى وكان عنده التصميم برده هوايه وهو اللى ماسك دعاية شركة (White Whale) لو تسمع عنها غير عنده مكتب خاص للدعاية ممكن تتابع تصميمه من جريدة الاهرام كل يوم سبت حتلاقى اعلان باسم الشركة ده لو لسه بيعلنو عنها فى الاهرام

عموما ادعيلك بالتوفيق ان شاء الله

اخوك عمرو

[م.سامح المصرى]

لا يا عم عمرو انا اخلص الاول السنتين الى فاضلين فى المعهد

وازبط نفسيتي كدة وبعد كدة ابقى اخطب اربعة

واربعة تانيين اتجوزهم

هوا انا اساسا مصمم جرافيك

[قاهرى]

تسمحلنا solee اخد الكارات دة منك سلف اكنى انا الى عملو :D

بجد جامد جداااااااااااااااااااااااااااااا ...

كدبة بيضة كدة على السريع ههههههههههه والله موهوب وفنان بجد ..

[amrhoras]

اخويا قاهرى عاوز تاخد الكارت خده واجرى لازم تصيح لنا احم ماتعمل زى ماعملت فى السكرته كدى :wub:

مش عارف بتحبو ليه الفضايح ربنا امر بالستر

ينهار ابيض هو انا باعتلك على العام احم احم احنا بقينا على الهوا

عيب كدى يا اخويا القاهرى تنسب ليه اعمال غيرك لنفسك بقولك يا سولي انت هندسلنا كام كارت كدى عشان احنا ياخويا عوزين نتجوز وربنا يوفقك ابقى اخطب وزبط وخلص دراسة على اقل من مهلك بس يعنى احنا اخوات مع بعض :D ربنا يخليك ربنا يفتحها فى وشك ربنا يسترها معاك

اه عمرو حورس اسم حلو يتحط على كارت معايده :wub: ويتبعت للجو

تحياتى

اخوك عمرو

[م.سامح المصرى]

يا نهار يا قاهرى

انتا بتستأذنى دا انتا تاخدها وتوقلى اعمل تانى بس هيا بتاعت استاذ احمد فرحات انا ممكن اعملك واحدة ليك لو عايز

بالنسبة بقي لعمرو فكل كلامك اتسجل خلاص ارفع ايدك وحاجبك اليمين ولا اجيلك انا

أل عيب يا القاهرى أل

ما انا عارفكم يا بتوع تلتة تانى انتم :D

اما بالنسبة لأسمك يا عمورتى

عمرو تتحط فى كرت ويبقي اية انما حورس

أحم أحم دى لو اتحطت فى كرت هاتبقي كرت أثرى

ويمكن تخش فى سين وجيم ويعتقلوك ويقولوك وديت الاثار فين :wub:

ييييييييييييييييية دى ليلة يابا

انا ممكن اعملهولك بس فى السكرتة ها

عارف انتا السكرتة :wub:

تم تعديل 29 أكتوبر 2007 بواسطة Solee