بنت شعنونة بتاريخ: 9 يناير 2003 تقديم بلاغ مشاركة بتاريخ: 9 يناير 2003 وحشتيني..وحشتيني قوي يا ابو العيال.. الولاد كلهم بخير..هنادي و حسين و عبدالعال.. وكلنا هنا تمام..المهم انت تكون بخير وعال العال.. انا عارفة انك بتتعب عشانا و طول الليل و النهار شغال.. معليش..بكرة ربنا يهونها ياغالي و يرزقك بالمال.. بس اهم حاجه يا عبده..اوعاك من الحرام..دا ما فيش احسن من الرزق الحلال.. وسيبك من اي حاجة تبعدك عن ربك..او اي حاجة ب تنقال.. دا ما فيش حد بعد عن ربه.. الا و كان حاله مال.. صحيح ياعبده..امك بتقول لك ما تنساش الشال.. وابوك بيقولك هاتله سبحة و عقال.. اما انا..فبقولك..ترجعلي بالسلامة يا ابو العيال.. يا ساترني..و مهنيني..و رافع راسي في العالي.. يا جوزي.. وحبيبي..وحياتي... .........يا ابو العيال........... :roll: :roll: :) وانا من البلد ديييييييييييي رابط هذا التعليق شارك المزيد من خيارات المشاركة
Cleo بتاريخ: 9 يناير 2003 تقديم بلاغ مشاركة بتاريخ: 9 يناير 2003 شعنونة.. أوعى تكونى قريبة الأبنودى....!!!! :) :lol: :lol: بس برافو عليكى..... حلوة جدا........ :lol: وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
إبن مصر بتاريخ: 9 يناير 2003 تقديم بلاغ مشاركة بتاريخ: 9 يناير 2003 جميله جدا يا شعنعن ... ولو تسمحيلى ابعت الرد ... أصيله والله يا غاليه يا مهونا الغربه عليا وهما تقلت بى الاحمال الاقيك فى ضهرى وشايله اتغربت لجل ما اراضيكى واشد أزرك واديكى ولو ما بينا ايام وسنين فى الشده دايما بالاقيكى اطمنى على سندك باتعب وباشقى وبابعتلك تمن عرقى والله حلال والرب شايفنى وشايفك وسلام ختام ليكى تحيه ولامى وللبت بهيه قوليلهم راجع انشاء الله وليك راجع ياغاليه إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
بنت شعنونة بتاريخ: 10 يناير 2003 كاتب الموضوع تقديم بلاغ مشاركة بتاريخ: 10 يناير 2003 كليو.. ربنا يخليكي يا رب ياريت نطول حتتتتتتتة من الأبنودي دا راجل فنااااااان اصيييل فعلا :) ابن مصر :) بحب مداخلاتك قوي.. لأنها بتحسسني ب هل من مبارز :) طب استلم دي.. :roll: :D :wink: ترجعلي بالسلامة يا غالي يا روحي وحياتي وابو عيالي يللي في بعدك اتلخبط حالي.. وفي قربك تنصلح احوالي.. يا شايل همي واحمالي.. بس قوولي يا ابو هنادي.. ما وحشتكش وانت بعيد عني؟؟ اوعى تكون عينك غازت على حد بعدي ازعل واخاصمك ولسانك ما يخاطبش لساني ولو انه ما تهونش عليا يا غالي :) وانا من البلد ديييييييييييي رابط هذا التعليق شارك المزيد من خيارات المشاركة
ragab2 بتاريخ: 10 يناير 2003 تقديم بلاغ مشاركة بتاريخ: 10 يناير 2003 . أبو هنادى راجل مكافح وفى كل البلاد جال أم هنادى بعشرين راجل , وست بنت حلال يتغرب فى شغله وهى قاعدة جنب العيال يتعب ويشقى لعياله وراحته مش ع.البال فى الغربة بعد الشغل , بيغنى ولا متقال حاجة تصبره وتهون عليه بعده عن العيال مرة تلاقيه عامل معمار ومرة يشتغل شيال يعنى كدة راجل مجدع , , وله فى كل مجال فىغياب أبو هنادى يسأل ع. العيال الخال مرة سمعت أم هنادى ان حال جوزها مال بتشاغله بنت الجيران , , اللى اسمها آمال أم العيال بعتت له جواب تسأل عن الأحوال طمنها فى جواب وقال لها كله عال العال ومن ناحية الموضوع التانى لا تشغليله بال دوزك تمام ودى اشاعات فاضية وشغل عيال فيه ناس ماورهاش ألا التوقيع عمال على بطال أم هنادى عندى بالدنيا لا يتقلها دهب ولا مال آمال وأم آمال لا تهز شعرة من راسى. أَُمَّال وخلى بالِك م. العيال وخصوصا الواد بلال وان سمعتى اشاعة تبقى أحسن فال المهم .البت هنادى طلبها منى الواد جمال فاكراه اللى كان زارنا مع أمه واخته فريال عاوز يقدم شبكة , , اسورة وخلخال شاب طموح بس , , حالته على قد الحال شغال بياع فى محل , والصبح فى الجرنال خدوهم فقرا يغنيهم الله بالرزق الحلال دة الفقر مش عيب , , ولا يأثر فى الرجال ياواخد القرد لماله يبقى القرد ويزول المال شباب اليومين دول خنافس ولابس انسيال جمال راجل شهم من غير بحث ولا سؤال شارى هنادى ,, وتفريطه فيها محال عايز يشبك ويدخل فى اجازته فى عيد العمال ولما أرجع بالسلامة ,,, أحكيلك وأكمل الموال السلام ختام ياغالية وسيبك م.القيل والقال مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
Cleo بتاريخ: 10 يناير 2003 تقديم بلاغ مشاركة بتاريخ: 10 يناير 2003 مش الممكن المتعة اللى الواحد بيحس بيها وهو عمال يتجول بين القصائد فى "سوق عكاظ" بتاعكم ده.....!!!!! زيدونا أزادكم الله من نعيمه..... :D وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
بنت شعنونة بتاريخ: 10 يناير 2003 كاتب الموضوع تقديم بلاغ مشاركة بتاريخ: 10 يناير 2003 تقراها من اليمين.. تقراها من الشمال ها تفضل غالي يا عبد العال دا انت دخلتك علينا تسوى الدنيا و الاموال نسوى ايه من غيرك بس يا ابو العيال ومهما حصل عارفا اني ها افضل في عنيك غزال دا انا برضة هنية .. ملكة الدلع و الدلال فاكر يا عبد العال.. فاكر لما كنا نقعد وتغنيلي الموال..:D عند الساقيه اللي عليها النخل مال وانا كنت اتمايل واتبختر وبدقة رجلي يرن الخلخال.. فاكر..فاكر يا عبد العال لما كنت تلمس ضفايري وتقولي دول جدايل ورد الخال.. فاكر..فاكر يا عبد العال؟ :) :) :) وانا من البلد ديييييييييييي رابط هذا التعليق شارك المزيد من خيارات المشاركة
بنت شعنونة بتاريخ: 10 يناير 2003 كاتب الموضوع تقديم بلاغ مشاركة بتاريخ: 10 يناير 2003 الا صحيح يا ابو العيال شبكة ايه و وايه اصل الموال؟؟ انت ناسي ان هنادي من يومها موعوة لأبن عمها العتال؟؟ وانت اديته كلمة يا ابو هنادي.. والراجل يتربط من اللسان ايوة صحيح البت مش رايداه.. بس حدانا مافيش بنات تكسر اللي اتقال الا حقة دي كانت تبقى عيبة يا ابو العيال واهل الكفر كلاتهم.. هنادوة و عفارمة و دربال كانوا ياكلوا وشنا.. ونبقى مضغة في اللسان وقالوها زمان يا ابو هنادي.. الأعمى ما يشوفش من الغربال.. فكر يا غالي ...وقولي ايه شورك يا عبدالعال :roll: :roll: وانا من البلد ديييييييييييي رابط هذا التعليق شارك المزيد من خيارات المشاركة
أسامة الكباريتي بتاريخ: 11 يناير 2003 تقديم بلاغ مشاركة بتاريخ: 11 يناير 2003 شعللتيها يا شعانينو .. مش معقول .. قال كثير عزة قال .. فطرتكم غاية في الأناقة .. هل من مزيد يا أساطين الزجل .. يا حيف ع اللي جرحهم جرحي وفوق الجرح داسوا صاروا عساكر للعدى وكندرة العدو باسوا حسبنا الله ونعم الوكيل رابط هذا التعليق شارك المزيد من خيارات المشاركة
ragab2 بتاريخ: 11 يناير 2003 تقديم بلاغ مشاركة بتاريخ: 11 يناير 2003 . يصل ويسلم ليد الست حرم الريس عبد العال ................. حرمنا المصون الغالية كيف الحال انتى والأنجال وبعد ... تكسرى باام هنادى كلام بعلك عبد العال وعايزة تجوزى ,, هنادى حتة عتال وعريسها موجود عال العال لو وحشتك ماكنتيش عملتى بكلامى فصال غزال ايه دة انا اللى بختى بيكى مال كنت واد حبيب , واتقمع بالشال فاكرة أما ابوكى بصلى وقال جيمس بوند دة ولا خيال بعدها ادحدر بىالحال دنا رفضت ابن أخوي الواد مرسال اللى عامل فيها فنان وبيشتغل طبال دة لو عرفوا فى البلد , , كان الدم سال وكان مصير دوزك بعلك أبو عيالك , للزوال لو مصممة روحى لابوكى وخدى العيال عاوز أسعد هنادى واحقق لها راحة البال كفاية عشان عيالى متغرب وباشوف أهوال هى كلمة وهاتمشى ,,, مهما العتال قال الراجل بس بكلمته على بيته والعيال خلى بالك م. الغيرة وكلام العزال جمال ساعى فى الجريدة وبكرة يكتب مقال موظف حكومة أحسن من قطاع الاهمال كسيب من يومه ومشغول بجمع المال وكفاية خيبة أبوها على رأى المثال هنادى غيرالحول والعرج شكلها مش بطال وجمال عاقل ومش طالب ملكة جمال ولا حتى بيهتم بخلفة العيال السلام ختام يامغلبانى يا أم العيال مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
إبن مصر بتاريخ: 12 يناير 2003 تقديم بلاغ مشاركة بتاريخ: 12 يناير 2003 الاخت العزيزه شعنعن...... حطيت رحالى فى الغربه لما ضاق الحال وسبت بلدى وأهلى وانت ياام العيال ما خوفت من بعدى ولا الغربه ولا الترحال ما همنى الا ليلى لما يجى وادور على عينيك وحضن دافى يضمنى و لقمه من ايدك حلال ولكمه سلامتك لما أتعتب وشد حيلك لو حزنى طال وكلمه فداك لو خسرت دا صحتك بكنوز المال وكلمه وحشتنى يا غالى تهون حملى لو كان حمل جبال واقول تسلمى لى يا غاليه يا أصيله أم العيال .. اما استاذى الغالى رجب فمعنديش ليه غير : استاذنا رجب .. لما كتب .. كل الكلام من قلمى احتجب هاقول ايه واعيد ايه ده كلامه والله حروفه دهب والوزن عالى والمعنى غالى وفى الحكاوى بيقول عجب وكلام جميل ووصف أصيل تفهمه دايما من غير تعب وارجع واقول.... استاذنا رجب لما كتب كل الكلام من قلمى احتجب ابن مصر إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
ragab2 بتاريخ: 13 يناير 2003 تقديم بلاغ مشاركة بتاريخ: 13 يناير 2003 . العفو الكبير ياابن مصر ياأصيل يا درة المنتدى, ولنا هنا زميل الشعر أنواع فيه الغزل والعويل وفيه الترويح عن المريض والعليل ان كنت باكتب,غيرى فى الكتابة فيل ومازال شعرى بالنسبة لغيرى , ضئيل ياابن مصر لما تبدأ الكتابة قلمك , يسيل فى كل موضوع ليك فيه, , , وزجلك دليل يعيش المعلم يتعلم ومهما يتعلم, قليل والشعر له بحور من أيام ,, آدم وقابيل والزجل شعر الغلابة , وابن السبيل شعنونة, , أزجالها وكلامها جميل لا تحس فيه بالمط ولا التطويل فيه زجل لما تقراه تلقآه تقيل وفيه زجل يتغنى مع التطبيل والشعرا منهم الخفيف والثقيل رسمت جيب حريمى مش طويل .......................... . العفو الكبير ياابن مصر ياأصيل يا درة المنتدى, ولنا هنا زميل الشعر أنواع فيه الغزل والعويل وفيه الترويح عن المريض والعليل ان كنت باكتب,غيرى فى الكتابة فيل ومازال شعرى بالنسبة لغيرى ضئيل ياابن مصر لما تبدأ الكتابة قلمك يسيل فى كل موضوع ليك فيه, ,, وزجلك دليل يعيش المعلم يتعلم ومهما يتعلم, قليل والشعر له بحور من أيام ,, آدم وقابيل والزجل شعر الغلابة , وابن السبيل شعنونة, , أزجالها وكلامها جميل لا تحس فيه بالمط ولا التطويل فيه زجل لما تقراه تلقآه تقيل وفيه زجل يتغنى مع التطبيل والشعرا منهم الخفيفوالثقيل رسمت بزجلى جيب مش طويل مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
إبن مصر بتاريخ: 14 يناير 2003 تقديم بلاغ مشاركة بتاريخ: 14 يناير 2003 استاذى الغالى ... شكرا جزيلا على المجامله اللطيفه من سيادتك ..... وارجو أن تحوز الكلمات التاليه الرضا.. قالوا زمان الغربه غول وله انياب تنهش فى الى ارتحل وفات الاحباب وطوى البلاد بالسفر وعاش مع الاغراب يبات وحيد دمعته عالخد نار وعذاب ماحد شاف بلوته ولا لاقى فيها اصحاب وتسرقه الليالى يلاقى قلبه شاب احلامه جو القلب ضلمه عليها ضباب احلى سنين العمر الى فيها شباب راحت وعدت يا ولدى من غير حتى عتاب يندب على غربته ويلعن الاسباب ويقول لو زمانى رجع ومهما شفت صعاب ما كنت يوم سبت بلدى ولو شلت فيها تراب ابن مصر إن ربا كفاك بالأمس ما كان.... يكفيك فى الغد ما سوف يكون رابط هذا التعليق شارك المزيد من خيارات المشاركة
بنت شعنونة بتاريخ: 31 مايو 2006 كاتب الموضوع تقديم بلاغ مشاركة بتاريخ: 31 مايو 2006 عارفة اني طولت عليك الغياب لكن معلش يا نور عيني .. بلاش العتاب.. لو عرفت سبب تأخير المراسيل.. ها تعرف انه ظنك عمره ما خاب لا بيه ولا ب البت بهية... اسكت يا عبد الوهاب مش البيت باينة ... اللهم احفظنا... مسكون بالأحباب.. ربنا يجعل كلامنا خفيف عليهم.. ويبعدهم عن الأعتاب.. البت بهية بقالها جمعتين.. تقولي يا امه.. انا بشوف حاجات تتعب الأعصاب... و وحياتك يا ابو العيال... خدتها وخبطت ع الحكمة في كل زاوية وباب.. بس كلهم طمنوني وقالولي .. بنتك مافيهاش الا شوية اوهام!! الولية جارتنا.. ما انت عارفها ام خطاب.. قالتلي عليكي وعلى الشيخ زرياب يعملها زار ويطلع الأسياد... سامحني يا ابو العيال ما يأخرنيش عنك غير الشديد المتعال.. واطمن.. ها نعمل الزار وها ابلغك في الحال وادعيلنا كدا تكون الأخبار عال العال.. الا صحيح.. انت ناوي ترجع السنة دي والا زي كل عام اوعاك يا ابو العيال.. دي الحالة ضنك ومافيش امل ل قدام خليك كمان سنة والا تنين.. تعملك قرشين ينفعوا العيال وسلملي على اخويا متقال وقوله ما يقطعش المرسال... :) وانا من البلد ديييييييييييي رابط هذا التعليق شارك المزيد من خيارات المشاركة
elhondos بتاريخ: 31 مايو 2006 تقديم بلاغ مشاركة بتاريخ: 31 مايو 2006 يوم ما يتم كتب الكتاب بتاع هنادى على العتال ايه رايكوا نجيب الريس متقال يعزفلنا كام موال :) الحياه مليئة بالحجارة فلا تتعثر بها بل إجمعها وابن بها سلما تصعد به نحو النجاح رابط هذا التعليق شارك المزيد من خيارات المشاركة
صبح بتاريخ: 31 مايو 2006 تقديم بلاغ مشاركة بتاريخ: 31 مايو 2006 فى الحقيقة شكرا للى طلع الموضوع ده من خبايا المنتديات أقل ما يقال روعة وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا رابط هذا التعليق شارك المزيد من خيارات المشاركة
واحد تاني بتاريخ: 31 مايو 2006 تقديم بلاغ مشاركة بتاريخ: 31 مايو 2006 جرجاص – نجع ابو حمده يوصل حدا دوار العمده ويسلم للشيخ عبادي من يده لام هنادي اما بعد زوجيتنا الغالية كدهوه برضك؟ دا اسمو كلام؟ سنتين وتلاتوشهر وتسعتيام مستنظر منك مكتوب تسويرة لمنظر لعيال موصلني منك حتى سلام كل يومين اسأل متقال موصلش يا صاحبى المرسال؟ يتبرجل ويقول لي انشالله بكره هتتعدل لاحوال اتارينك فكرك محتار متوغوشة ع البت هنادي وبتطلعي من حضرة لزار اسمع يا بهية اللى هقولوا اني راجع على اول مركب الحق اشيل على كتفي الدار قبل يا غالية الدنيا ماتخرب جوزك ابوعيالك عبمتعال شيال لحمال بلد الغربة الصعبة كفر الوحدة يا عابر الدهر سيب بينا أثر قدمك اياك تكون امعة وجودك شبه عدمك رابط هذا التعليق شارك المزيد من خيارات المشاركة
بنت شعنونة بتاريخ: 31 مايو 2006 كاتب الموضوع تقديم بلاغ مشاركة بتاريخ: 31 مايو 2006 يا عييييييييييني عليك يا استاذ واحد تاني :rolleyes: يالا بينا تاااااااااااااااااني :huh: :) الرد ع المكتوب كله مقدر ومكتوب وان كنت نويت ترجع سلهوب يبقى كله في ايد ربك المعبود.. مبعوتلك من حدانا لستة طلبات نعملك ايه بقى.. النجع كله عاوز خلجات بتك هنادي عاوزة خلخال و الحاجة امك بتوقلك عاوزة من الذهب سلسال واوعى تنسى تجيب لعبة للواد ابنك امال وحماتك يا عبدالعال مش ها اوصيك بقى.. وانت كلك نظر و حمّال وقول لأخويا متقال ان كان ناوي يرجع.. يرجع في التو و الحال حرام عليه سنية.. كاتب كتابه عليها بقاله زمان؟ خلونا بقى نقيم الأفراح ونغني للملاح الموال احسن البت دهية شافت معله اهوال ولولا الملامة كانت فاتته ولا همها حب ولا مال وكلنا بنسلم عليكم .,. انا و العيال ترجعولنا بالف سلامة.. وانا من البلد ديييييييييييي رابط هذا التعليق شارك المزيد من خيارات المشاركة
واحد تاني بتاريخ: 31 مايو 2006 تقديم بلاغ مشاركة بتاريخ: 31 مايو 2006 كلوباترا-من سوق زنانيري اخر بيت فالحارة السد للباتعة تسليم باليد اما بعد واحشاني يا باتعة واحشاني البت فرنسا والواد سعد واحشيني وخنقتي ملهاش حد ايوووه... اما الغربة دي كلها قهر .......... (تنطق أهر) بتعلم فالجتة وتحني الضهر واهو فات شهر ... واني نستنوا يجينا منك رد واخيرا ...امبارح بعد الضهر وصلنا الظرف اللى عليه ورد ايدي بترعش واني قاعد بكتبلك رد شوفي يا باتعة ... واوعي تجيبي سيرة لحد اني مش راح نرجع حسب الوعد المركب عطلانه فقبرص ورجوعنا المينا مش باليد بس بجد ... اول مالمركب تتحرك اني هفرك ... وهنعدوا الايام عد لحد منرجعوا حارة السد بس امانة عليكي يا باتعة خدي بالك من خالتك وعنيكي دايما عالواد سعد وقوليلو يبطل حرباطاليا واني اجيبلو معايا لعبة بجد وسلامي لكل الشارع حودة وحنتيرة وميمي وكل نفر عندكوا باليد من راجلك ابوعيالك وحبيبك اسد البحر الريس رعد يا عابر الدهر سيب بينا أثر قدمك اياك تكون امعة وجودك شبه عدمك رابط هذا التعليق شارك المزيد من خيارات المشاركة
الباشمهندس ياسر بتاريخ: 5 مايو 2010 تقديم بلاغ مشاركة بتاريخ: 5 مايو 2010 انا قربت اعيط تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان