مسابقة : أين الدركسيون ؟

[se_ Elsyed]

مسابقتنا مُغرية

وجوازينا فورية

لفة في طريق المقطم بالعربية داهيه

لو عرفت إنت وهيه : فين درسكيون العربية ؟

وعقدني يابو أشرف وكل واحد يروح يولع في الـ 128 اللي معاه

[KANE]

:blink:

:blink: :blink: :) :)

:)

ودي بنزين 80 ولا 90

[Folana]

السلام عليكم ورحمة الله ....

:blink:

:blink:

الخالق الناطق عربيتى.... :blink:

أقولك انا فين الدريكسون..الدريكسون بيتخلع وبيفضل مع السواق علشان العربية نونكن تتسرق من قدام الدكان.....احتياطات امن يعنى....

:)

[محمد عبدالعزيز]

إطلع من دول يا سى السيد, إنت باين عليك مصور لنا كابينة طيارة من الداخل عشان تلخبطنا.

[إبن مصر]

تعمل بنفس مبدأ جيل ال أف 16 وال أف18 فلو نظرت الى الصوره الخامسه ستجد فى الباب دراع يشبه عصا قياده الطائره وفى مكان الفتيس ستجد عصتان .

وهما يعملان سويا كاداه توجيه وسرعه وتحكم .

ولكن الى الان لم يثبت جدوى هذا النوع من التحكم لصعوبه التوجيه المفاجىء فى السرعات البطيئه .. الا انها ممتازه فى السرعات العاليه .

فلو دققت النظر اكثر ستجد انه ليس هناك دواسات بنزين او فرامل اذ ان كل هذه الوظائف فى عصتا القياده الى جانب العصا الموجوده فى باب السائق ( او الباب اليمين ).

اما الفتيس فالسياره هيدروماتك وهو عباره عن 4 ازرار متعامده فى التابلوه البيضاوى الموجود فى منتصف السياره وظاهر فى الصوره الاخيره .

[tahereyad]

سيبك انت,, هي ال 128 و الا فلا,,, عالأقل فيها اربع ابواب و كل واحد يركب باحترامه,, و ينزل يزؤ برضه باحترامه,, و بعدين بتعملك ساوند سيستم ممتاز وونس جامد عالطريق ينسيك كل همومك و الامك..

و كفايه كمان انها فخر الصناعه الوطنيه,,, و سمعني هاعأّدك

[أبو محمد]

دى عربية كانت البرومة سارحة فيها وبترش دواخل .. والميكانيكى وبتاع العفشة كانو مفصصينها للسمكرى وبتاع الدوكو .. ولسه ماركبوش أجزاءها بالكامل

[ام البنات]

إحم إحم

هو انتم بتعقدوا الناس ليه

العربيه نظيفه قوى..العيال بتوعهم مش بياكلوا شيبسى فى العربيه wst::

والعرسه :blink: بتاعتهم مش بتتغدى فيها...؟

وتروح تتمشى وترجع تبات فيها...؟

ارحمونا :sad:

[se_ Elsyed]

غلط

غلط

كلكو ساقطين ما عدا طنط فلانه

هو فعلاً إحتمال الدريسكيون بيكون بيتخلع زي وش الكاسيت كده :blink: والحرامي اللي هايهوب من العربة هايتعقد في حياته فبعد ما يتعب ويطفشها هايقعد يلف يمين وشمال عالدريكسيون مش هايلاقيه ..

وبعدين يا عم أحمد محمود يا خبير يا حربي ... آف 16 إيه وتوبولوف إيه ؟ دي العصايا على اليمين يابا ... طب فرضنا واحد إيده الشمال مشلوله ... أو أشول مثلاً ... يعمل إيه بقى ؟يقعد في الكرسي اللي جنب السواق ؟

بس أنا شخصياً ما حبتش الحته دي ..

أنا عايز دواسات وهيصه وزومبليطه في العربية ... ودريكسيون محجر أقعد أعافر وأحارب عشان أعمل يوتيرن وألم الشارع عليه عشان ألف لفه

أما بهذا المنظر فالواحد ممكن ينام وهو سايق مما يُعرض حياة عابري السبيل للخطر ..

وشكراً

[إبن مصر]

وبعدين يا عم أحمد محمود يا خبير يا حربي ... آف 16 إيه وتوبولوف إيه ؟ دي العصايا على اليمين يابا ... طب فرضنا واحد إيده الشمال مشلوله ... أو أشول مثلاً ... يعمل إيه بقى ؟يقعد في الكرسي اللي جنب السواق ؟

بالظبط يا اكسلانس... الكرسى التانى الى جنب السواق فيه نفس العصايه علشان السواقه فى البلاد الى السواق بيقعد يمين..

لو نظرت سعاتك الى العصايتين الى مكان الفتيس هاتلاقيهم متوئمتين بنفس الزراير والمهام يعنى كل واحده بتعمل نفس الشىء.. وكمان التابلوه هاتلاقيه كده برضه الزراير الى فيه ماعدا زراير الهيدروماتيك الى فى النص متؤمه ..

واحد من الجمهور يقول يعنى متؤمه يا عن الحج أحمد.. اقوله انا ...يعنى معمول منها نسختين فى اتجاهين متضادين تخدم كل واحد يقد على اى كرسى من الكراسى الى قدام ويقوم بالقياده.

وهى فعلا فيها سنسور طريق يا ابو السيد.. يعنى نام سعاتك وهى مع الجى بى اس الى موجود فى التابلوه هاتحدد طريقك من قبليه والسرعه وهى تقوم بالباقى ..

بس..

اه والنيييييييييعمه..

عموما هيا متنفعش عندنا هنا..... علشان المطبات الصناعى بتأثر على الكامبيوتر بتاعها ... :blink:

أحمد محمود

دكتوراه الدركسون المقارن جامعه بنز بألمانيا و دبلومه العفشه الالمانى من كوم حماده بلندن

[Ahmad Farahat]

إنت عقدتنا يا ابني

أنا لو عندي عربية زي دي صعب أمشي بيها في الشارع لتتوسخ

حرام عليك

راعي الغلابة اللي عندها 128

والأغلب منهم اللي لسه بيتشعبطوا

إييييييييييييييييييه

سيبوني ف حالي

أبكي على حالي

[amrhoras]

غلط وبعدين يا عم أحمد محمود يا خبير يا حربي ... آف 16 إيه وتوبولوف إيه ؟ دي العصايا على اليمين يابا ... طب فرضنا واحد إيده الشمال مشلوله ... أو أشول مثلاً ... يعمل إيه بقى ؟يقعد في الكرسي اللي جنب السواق ؟

أيوه وبعدين مالهم بقى الاخوة اللى بيكتبو بالشمال متخبطش فى الحلل لو سمحت ياكبتن سي السيد انت ياكبتن انت ياكبتن انت bv:-

اينعم انا باكل وبكتب وبشيل بايديى الشمال بس اليمين برده ليها استخدامتها امسك كباية الشاى بالشمال والسيجارة ف اليمين مثلا

امسك ياقة قميص الناس اللى بتتكلم علينا مثلا يعنى :sad: فاهمين ياللى انتو معايا bv:- يارب تكون الرسالة وصلت

اده احنا على الهوا

اصبحنا ملطشة ولا ايه فين المسؤل هنا حد ياخدلى حقى

شوفتوا خليكم شاهدين ياسادة يامسؤليين احنا اتبهدلنا مش بنعرف نسوق عربية عشن شمال ويمين تفرقة عنصرية :blink:

وكمان مش عارف مين اللى جاب العربية بتعتى هنا بطلو الحقد التبقى ده مليتو البلد ياحقودييييين الردكسيون يا اذكيه تحت التابلوه في صندوق سحري تقولها يمين تدخل يمين شمال شمال سرعة 120 تمشي 120 تاكنولوكيا

لسه جشايبها للواد ابني اولة امبارح بس الحجارة تعبانة وكمان الجناحين بتاعتها دى بتخبط فى سقف اى نفق وملهاش ابواب نسويها دول وايه يماما لسه حنشوف ونسمع

bv:-

تحياتى الى اخويا سي السيد

رمضان كريم ليكم كلكهم اخوكم عمرو حورس الاشول wst::

[قديم]

والله يا سي سيد الايام الي عدت خلطت الاوراق كلها علي بعضها ورق المدارس على ورق السمبوسه على روق البقدونس

يعني صوم ومدارس ونشاء الله بكره عيد .يا دوب قدرنا نركز فين قمر الدين في المكتبه ولا المقلمه عند البقال

.كله كوم وزحمه الاسعار كوم ثاني .ولا على العمله الجديده

يعني اللي طلع من الازمه اكيد يقدر يعرف الدركسون فين..

شكل العربيه محترمه تسمع الكلام وبنت ناس محترمه تقول لها يمين تروح يمين تقول شمال تروح شمال .

[badroora]

هلا والله بالجميع

العربية دى زى مقال قديم بالظبط بتشتغل بالصوت

يعنى بدون دركسيون وبتشتغل بال voice order

بس اللى مش عرفة هل بتشتغل ببصمة الصوت ولا اى صوت يعنى مثلا لو واحد تنح قاعد جنب السواق وراح قال يمين فى شمال فستوب هل العربية هتسمع الكلام ولا هتشتغل بصوت صاحبها بس

الاحتمال التانى

زى مقال الغالى ابو محمد العربية كانت وكلاها البرومة ودى صورتها قبل

وعلى راي المثل اللى بيقول دلع المرسيديس اللى وكلها الباروما بالرش والديكور تطلعلك عربية عروسة بدون دركسيون

SCL600اللهم نولنا مرسيدس

والله بعدها اتبرع بالكورولا بتاعتى لاى بيت ايتام

[se_ Elsyed]

بتشتغل بالصوت !!!!!!!!!!!!!!

يعني لو عايز أحود في الشارع اللي جاي اللي على ناصيته بتاع العصير أقولها : الهدف إلى اليمين بدرجة 45 ووجه سن نملة الدبانة على الناشينكاه بطريقة مستقيمة على محل العصير ... إضرب ..... ض َ ر َ ب َ ؟

يا جماعة إحترموا مشاعرنا شوية ولا أنا غلطان اللي باعرض لكم أحدث ما توصل له العلم في مجال التكنولوجيا ؟

ناس تقول دي بتمشي بالعصايا ..

وناس بتقول الدريكسيون مستخبي في الدواسة وأول ما الواحد يقعد عالكرسي يقوم طالع له زي عفريت العلبة

ورأي أخر بيقول ببصمة الصوت

ورأي مُرجح بيقول دي بتمشي ببركة دعا الوالدين

ومازال الجدل مُستمر .. ومازلت الجائزة محجوبة

[badroora]

بعد البحث والتفحص وطبعا طيران النوم وروح التحدي لاثبات الحقيقة

وطلعت بالاتى

يلا بقي يا س س ادينى الجايزة

اولا العربية دى مش لسه انطرحت فى الاسواق

دى تجربة عملتها شركة مرسيدس ولسه مش نفذتها

والعربية بتشتغل بالعصاية

واليكم الدليل

الحقوا اقراو اخر فقرة فى الفيدويو دا وفيها مكتوب كيف تشمي هدى السيارة

يعطيكوا العافية

http://www.youtube.com/watch?v=MiCMmQaQke0

تم تعديل 27 سبتمبر 2007 بواسطة نجفة المغرورة

[قديم]

انا مصر اننا اخ الجائزه او اشوف احد معاه الجائزه المهم الجايزه دي ماتبات عنك لاخر الشهر

اعملي همتك معاي شوي يا تحفه اصل السيد راسم عليها لو ما عرفنا الحل

يا ساده يا كرام

العربيــه دي تعرف الاماكن . وتعرف السكه كويس . وفيها رادارات تعمل لها برمجه وتتبرمج للمكان الي انت عايزتروح له .

يعني طياره مصغره بس على قدنا يا سي سيد تروح تزبط الزراير . بيت الحج ابو حسين حسب الخريطــه المرفقــه . وهي تلف يمين شمال لحد ما توصلك.

تم تعديل 27 سبتمبر 2007 بواسطة قديم

[kokomen]

العربية دي متنفعش عندنا لعدة أسباب

أولا: مفيش فيها دركسيون يبقى الواد بليه الميكانيكي حيسوقها أزاي لما يجرب تيل الفرامل اللى ركبهولها

ثانيا : دي عايزة واحد حاصل على رخصة طيران تجاري مش واحد معاه رخصة سواقه مزورة من مرور الوايلي

ثالثا : الزراير الكثيرة دي مش كويسة يعني ممكن تخرب بسرعة والأسطى برعي والواد بليه أبو دماغ عاليه مش حيقدروا يصلحوها

رابعا : دي سيارة نازله في لعب البلاي أستيشن 3 الجديدة يعني علشان الولاد تلعب بيها

[miramar]

انا عندي 2 زي دي في الجراج بتاعي

وواحدة زيهم بس حمرا لسة عاملالها اوردر عشان احضر بيها ماتش الأهلي الي جاي

الي عايز توصيلة يا جماعة ما يكسفش هابعتلكوا السواق

طبعا انا باهزر معاكوا ده انا لسة مطلعتش بطاقة

بس انا اوعدكوا اول متطلع رخصتي هاخدكوا لفة

الاخ سين سين حضرتك عندك واحدة من دول عشان تاخدنا لفة بيها؟؟

مرمر

[se_ Elsyed]

انا عندي 2 زي دي في الجراج بتاعي

الاخ سين سين حضرتك عندك واحدة من دول عشان تاخدنا لفة بيها؟؟

مرمر

يا مرمر أنا لو معايا الدركسيون بس بتاع العربية دي كنت روحت فتحت منتدى لوحدي .... خليها عالله