أرغب فى ترك هولندا لمصر أو بلد عربى

[KaBo]

سلاموا عليكوا.

والله يا جماعة انا بقالي فترة مش بدخل لاني كنت بعاني من مشكلة في دخول المنتدي لكني كنت متواصل يوميا في منتدي الواحة المصرية .

انا شوفت الموضوع ويمكن متأخر شوية لكن مش مشكلة لكن اللي عايز اقولة ان صوابعك مش زي بعضيها يعني زي ما قالوا الطريق مش مفروش بالورود واكيد انت سمعت عن الظروف في مصر والغلاء الفظيع اللي بقة علية مصر .

لكن في عدة مقومات لنجاح اي مشروع لاني ليا اصحاب فتحوا محلات اكل كثير منهم اللي نجح ومنهم اللي قفل ومقدرش يكمل . دا راجع في الاول وفي الاخر علي دراسة المشروع جيدا واختيار المكان علية عامل كبير علي نجاح المشروع . دا غير الافتكاسات . يعني الشعب المصري بتاعنا بيحب يجرب الحاجات الغريبة اللي ميعرفهاش زي محل عصاير هنا عامل عصاير غريبة وبسم الله ما شاء الله شغال 100% . عايز اقولك ان بعد اختبار المكان الجيد يكون تشطيب المكان وزوقة ونظافتة هيكون عليها عامل كبير ايضا غير البروبجاندا اللي لازم تتعمل

دا غير افتكاساتك بقي والبركة فيك . دا غير انك لازم بردة تشوف الوضع بنفسك وعلي الطبيعة قبل ما تعمل اي حاجة وانا اؤيد فكرة انك تنزل تشتغل لمدة قصيرة في مصر عشان تتعرف علي اللي بيحصل في الموضوع كلة

بتمني ليك كل توفيق وعايز اقول ان مش كل الناس وحشة ومش كل الناس وحوش مش بتحب المساعدة

في ناس بتحب المساعدة وعمل الخير وفي الاول وفي الاخر عمل الخير بيعود لصاحبة دا اللي كتير غايب عنة

تحياتي لك وفرصة سعيدة جدا استاذ وائل