اذهب الي المحتوي
بنت شعنونة

نهيتك ما انتهيت و الطبع فيك غالب...!!!!!

Recommended Posts

اسمعوا القصة دي وقولولي رايكم..

من كام يوم حكى لي زميل عن لسان اخته عن صديقة لها.. اسمها فلانه

فلانة كانت مخطوبة لفلان..... (ولا اعرف بقى عن حب والا مجرد خطوبة الله اعلم..)

المهم صاحبتها كانوا عارفين انه بيدخل على النت ب اسم مستعار بعينه.. ف راحوا كلمهو على النت وصدروله واحدا بنت ماية تكلمه بدلع

المهم الموضوع خلص على انه ادالها نمرة تلفونه عشان تكلمه

وكلمته... :?

برضه بمياصة ودلع واللذي منه..

وانتهى الحوار الى اخذ معاد في مكان معين عشان فلان يقابل الهانم المايصة..

كل دا في خلال يوم تقريبا او يومين على حد ما فهمت...

راحوا البنات اتصلوا ب فلانة وحكولها على اللي حصل.. وقالولها تيجي معانا عشان تشوفيه وهوا مستنيها..!!؟

لأن المجموعة كلها كانت رايحا تتفرج عليه في المقلب..

فلانة رفضت.. وقالت لو جه كلموني بس قولولي انه راح...

الولد راح فعلا

ولقى امة لا اله الا الله مستنياه هناك..

وباسلوب الضحك طبعا.. انت ايه جابك هنا.. وانتوا ايه جابكوا هعنا..

اصل احنا كنا مارين بالصدفة

انت شكلك مستنيى حد...؟!

- لالا ابدا

وكدا

طبعا الشعب راح قالها انه جه وحكولها على الموقف..

راحت البنت فسخت خطوبتها فورا

المصيييييييبة هنااااااا ايييييييييه بققققققى

انه والد العروسة...و زميلي اللي حكالي... وحتى اخواتي لما حكيتلهم القصة

كله مستنكر انها فسخت الخطبة؟؟؟؟!!!!!!!!!!

وانها غلطانا... :twisted: :twisted: :twisted: :mad: :mad: :mad:

بالذمة دا اسموا كلالالالالام!!!!!؟؟؟؟؟؟؟

مستنية رايكم؟؟؟؟؟ :mad:

شارك هذه المشاركه


رابط المشاركه
شارك

بسم الله الرحمن الرحيم

انا يا جميل هارد عليك بتجربة شخصية

انا حصل معايا نفس الموقف ده بالضبط بس انا طلعت واعى وموقعتش فى المطب وكمان كان بعيد عن خطبتى خالص

لكن كلام بينى وبينك انا كان نفسى اروح واقابل البنت دى

ولازم تعرفى كويس ان اى خطوبة بتبقى فى الاول الامور مش على مايرام

ولاموضوع كله بيرجع للبنت

هى اللى بتقدر تخلى خاطبها يعمل حاجات زى دى او لا

المهم عشان انا مش بحب الكلام الكتير

صاحبتك غلطانة

اسأل مجرب ولا تسأل طبيب :?

شارك هذه المشاركه


رابط المشاركه
شارك

عزيزتى شانا...

طبعا صاحبتك عنده حق... إزاى بعد كده تثق فى واحد كان بيبصبص لغيرها و هم لسه مخطوبين "فرش" ؟؟؟ أمال فى وسط الخطوبة هايعمل إيه؟؟؟ أمال بعد الجواز بسنتين تلاتة عشرة هايكون إيه الوضع؟؟

المشكلة مش أنه بص لواحدة تانية.. المشكلة أنه استمر فى الاندفاع ورا نزوته من غير كنترول... يعنى مكالمة تجر مكالمة تجر ميعاد...!!!

ولما هو يخون الثقة فى بداية العلاقة.. طب إيه اللى يضمن سلامة نيته معاها؟؟؟ طب إيه اللى يضمن أنه مش هايعمل كدة و ألعن بعد الجواز؟؟؟

:baaa: :baaa: :baaa: :baaa:

شارك هذه المشاركه


رابط المشاركه
شارك

يا عيني عليكي يا كليو..

ادي الكلام والا بلاش... :) :wink: :wink:

اسمعي بقى كلام الأعداء "الرجال " كان ايه...

طب وايه يعني انه راح شافها؟؟؟؟

دا هبالة الراجل ما عملش حاجا غلط!! مش يمكن كان بيضيع وقت بس!!

وليه تفسخ الخطوبة؟

الله؟؟ يعني انتوا عاوزين تحطوا الأكل قدام واحد صايم وتنقطواله ماية وتقولوله ما تاكلش؟

وبعدين الغلط اصلا على صاحبتها..

انا لو مكانهم اقطع علاقتي بيهم مش بخطيبي!!

دا اسمه كييد نسا..

ولو هما ما كانوش اصروا على اغرائه... ماكانش نزل ليها..

دا النبي نفسه "موسى" كان ها يغلط لولا امر ربنا وانقاذه له...

:mad: :mad: :twisted: :twisted: :? :? :?

ادي الكلام اللي سمعته من طقم الرجال... :? :?

شارك هذه المشاركه


رابط المشاركه
شارك

واللة الموضوع كلة ملخبط يا د/شعنونة

طب من الاول كدة هو مغير اسمة لية؟؟؟؟

ما دة برضة فية سوء نية و غش اذا كان يقصد استعمالة فى الخداع و اذا كانت خطيبتة عارفة انة مغير اسمة كان المفروض من الاول تسألة عن السبب.

واذا كان هو كدة من الاول خربان امال بعد الجواز ؟

بس عندى ليكى سوال هى سألت علية كويس؟

يعنى مثلا بيصلى والا لآ؟

شارك هذه المشاركه


رابط المشاركه
شارك
دا النبي نفسه "موسى" كان ها يغلط لولا امر ربنا وانقاذه له... 

يا شنشن هم قصدهم "يوسف" و ده أكبر دليل أنهم "حافظين مش فاهمين"

ثانيا مفيش شئ فى الدنيا يبرر الغلط

ثالثا محدش يقارن الإغراء اللى تعرض له سيدنا يوسف بإغراء واحدة مش محترمة فى التليفون... واضح أنه عنده استعداد للصياعة (أسفة على الكلمة) و محاولش يقاوم أصلا

رابعا : ربنا منجاش يوسف من الفتنة إلا لما يوسف نفسه (عليه السلام) دعا ربنا أنه يخرجه من الورطة دى

خامسا كما ال الأخ رجائى هو سىء و المتآمرين أسوأ منه و عليها أن تقطع علاقتها بكل من خطيبها ده و أصحابها اللى دبروا المقلب غير المحترم

شارك هذه المشاركه


رابط المشاركه
شارك

احم احم

معلش يا كليو

دي غلطة مطبعية مني انا مش منهم :) :oops: :oops: :roll: :roll:

استاذ امون

موضوع تغيير الأسم... دا وارد على النت هنا يعني شيء عادي مش غريب

اما بقية التفاصيل ف والله مش عارفا

انا حكيت اللي اتحكالي بالضبط..

استاذ رجائي

انت جبت المفيييييييييييد فعلا :idea: :roll: :roll:

شارك هذه المشاركه


رابط المشاركه
شارك
دي غلطة مطبعية مني انا مش منهم

مش مهم يا قطة إن كانت غلطة مطبعية.... لأن فيه فعلا ناس كتير بتقارن انحرافاتها و تشبهه بموقف سيدنا يوسف و طبعا شتاااااااااااااان

شارك هذه المشاركه


رابط المشاركه
شارك

طبعاً غلطان ويستاهل اللى يجرى له والبنت خطيبتوا دى جدعة وعندها كرامه فعلاً ، العبرة مش إنه يقابل بنت أتعرف عليها عن طريق النت لكن الطريقة والنية اللى قابلها بها ، طيب ما انا متجوز اهو وأعرف أصدقاء من الجنسين كتير من النت وبنتقابل مع بعض ولكن بشكل محترم وإستحالة يتطرق الى أى طريق آخر.

لكن الزبون ده كانت نيته وحشه خاصة بعد الـ " ساسبينس " اللى أنت عملتيهولنا يا شنشن فى الطريقة اللى كانوا بيكلموا بعض بها قبل الفخ اللى اتعملوا .

يعنى بإختصار هو كان رايح ومخطط لحاجات مش كويسه.

شارك هذه المشاركه


رابط المشاركه
شارك

من كان منكم بلا خطيئه فليرجمه( هو وليس هى ) بحجر.

تذكرت هذا الكلام و أنا أقرأ الردود المختلفه هنا ، صحيح هو غلطان و لكن هى ايضا أخطأت لأنها لم تصمد أمام أول تجربه !

وهى ايضا غلطانه لأنها تعرف مجموعه من البنات التفاهات و منهم البنت ( المايصه ) اللى قامت بالتمثيليه .

وهى غلطانه انها سمحت لأصحابها بتجربة خطيبها .

شارك هذه المشاركه


رابط المشاركه
شارك

لو كانت الأخلاق ستختبر بهذه الطريقة ولو كان الاخلاص سيمتحن بهذا الاسلوب فعلينا أن نقول على الفكر والعقل والمنطق وهذا الجيل السلام...

بصراحة كله لعب عيال في لعب عيال .. وأسفة للتعبير ده ولكني لم أجد غيره يسعفني بعد قراءة هذه القصة..

جيل فاضي بكل ما تحمل هذه الكلمة من معاني،، فاضي على كل المستويات.. سواء الخطيب الدون جوان، كذلك الصديقات والأصدقاء السطحيين وكملت عليهم الخطيبة الساذجة التي تعطي فرصة لشوية مهرجين يلعبوا لعبة عبيطة مع واحد أعبط.

شارك هذه المشاركه


رابط المشاركه
شارك
لو كانت الأخلاق ستختبر بهذه الطريقة ولو كان الاخلاص سيمتحن بهذا الاسلوب فعلينا أن نقول على الفكر والعقل والمنطق وهذا الجيل السلام...

بصراحة كله لعب عيال في لعب عيال .. وأسفة للتعبير ده ولكني لم أجد غيره يسعفني بعد قراءة هذه القصة..

جيل فاضي بكل ما تحمل هذه الكلمة من معاني،، فاضي على كل المستويات.. سواء الخطيب الدون جوان، كذلك الصديقات والأصدقاء السطحيين وكملت عليهم الخطيبة الساذجة التي تعطي فرصة لشوية مهرجين يلعبوا لعبة عبيطة مع واحد أعبط.

يوجد عباره بالإنجليزيه تعبر تماما عما أريد قوله

can't agree more

يعنى بالعربى موافق تماما على كل كلمه فى المداخله دى ولاأستطيع أن أزيد عليها كلمه واحده

شارك هذه المشاركه


رابط المشاركه
شارك

طبعا .. اذا لم تستحي فاصنع ما شئت ..

هي لم تختر الزوج ذو الدين و هو بالطبع لم يختر صاحبة الدين .

يشربوا هم الاتنين بقى .

يعني الى متى يظل الدين و اعتبارات الدين بعيدة عن حياتنا ؟؟

الى متى يظل الشاب يبحث عن المرأة الجميلة ؟؟

الى متى تظل الفتاة تبحث عن الشاب الحليوة أو صاحب السيارة العجيبة ؟؟

طبعا نتيجة حتمية لمثل تلك الزيجات التي قامت على أسس غير شرعية , أظن ان ما بني على باطل فهو باطل .

عن أبي هريره رضي الله عنه، عن النبي صلى الله عليه وسلم قال:

(تنكح المرأة لأربع: لمالها ولحسبها وجمالها ولدينها، فاظفر بذات الدين تربت يداك ) البخاري و مسلم .

طبعا سيقول البعض أنه لا مانع ان تكون جميلة اوغنية او أو , نعم صدقتم و لكن يا فرحتي بغنية لا تعرف من دين الله شيئا الا اسمها !!

لا يفهم أحد اننا أتحامل عليها .. الاثنين عندي سواء في الخطأ .

اللهم اهدي رجال و نساء المسلمين .

:( :( :(

شارك هذه المشاركه


رابط المشاركه
شارك

لو كانت الأخلاق ستختبر بهذه الطريقة ولو كان الاخلاص سيمتحن بهذا الاسلوب فعلينا أن نقول على الفكر والعقل والمنطق وهذا الجيل السلام...

أحييك يا ست أمينة ... و هذا معنى من معاني ... الفتنة نائمة لعن الله من أيقظها ... و لا يوقظها إلا شيطان ... و هؤلاء البنات اللواتي أوقعن هذا الساذج هن شوطانات ... فلقد أيقظن الفتنة في هذا الشاب .. و وسوسن له (يا سلام .. على وسوسن دي )... و لا شك أن الشاب قد أخطأ ... لكنه خطأ الإنسان إذا ما قورن بخطأ الشيطان ...

شارك هذه المشاركه


رابط المشاركه
شارك

اعتقد ان البنت المايصة اللي وافقت انها تكلمه بالتليفون لها غرض من ورا العملية دي وهو انها عاوزة تلطش العريس من صاحبتها الخابيبة اللي اتسرعت وفسخت الخطوبة.

وعاوز اقول للبنت الشعنونة (على فكرة بيعجبني جدا اسلوبها في الكتابة ولكن في غلطات إملائية كتيرة) هو فيه عرسان اليومين دول

شارك هذه المشاركه


رابط المشاركه
شارك

حقيقى لما قرأت اللى كتبته شانا استغربت جدا , فبالرغم من انى من نفس الجيل اللى اتكلمت عنه الا انى حسيت انى عندى تسعين سنه بالنسبه لهم ,(ده ايه الهايفه اللى هما فيها دى)

شارك هذه المشاركه


رابط المشاركه
شارك
الست أمينة:لا أعلم من أي جيل انت ؟ما هذه الحكمة؟دعينا نقول "قطعت أمينة قول كل خطيب"لك كل  التحية

الحقيقة أنا باحمد ربنا ان انا مش من جيل الأيام دي، صحيح أنا جيلي لم ينقرض بعد :D ولكن بصراحة الانحدار الفكري سريع للغاية، ومعلش انا انفعلت في ردي بعض الشيء لأني فعلا شفت ان اللي بيحصل ده مهزلة وباستغرب جدا ان من خلال هؤلاء ستتكون الأسرة وسينشأ جيل قادم وسيرقى المجتمع.. وعجبي على اللي جاي :cry:

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • انا انتهيت خلاص

      انا فعلا انتهيت و نفسيتى فى الحضيض و السبب وزارة الاتصالات و الحكومة و كل الدنيا ياااااارب الفرج من عندك يارب من اكتر من 3 شهور و بالضبط من يوم 27 سبتمبر لما سجلت فى منحة وزارة الاتصالات تراك السوفتوير قلت خلاص الدنيا ضحكت و حقدر ابقى مبرمجة بحق و حقيق و اشتغل زى الناس لكن يا فرحة ما تمت لان الوزارة ان شاء الله شكلها حتبعت لنا النتيجة على القرافة لان الشباب المساكين المسجلين فى المنحة و منتظرين نتيجتها خلاص جاهم الضغط و السكر و راح شبابهم اقرأوا بنفسكم كلمات شاب تعيس مثلى مقدم فى المنحة دى م

      في موضوعات خفيفة

    • نهيتك ما انتهيت ، وديل ال؟؟؟ عمره ما ينعدل

      طبعاً الجرايد ارادت الإحتفال المبكر بانتصار فتح بغض النظر عن مشاكل فتح و تقدم حماس وعلى طريقة الإخوان وحشمت صدر العنوان الرئيسي للمساء ~~~~~~~~~~~~~~~~~~~~~~ فتح تتقدم..في الانتخابات الفلسطيني البيت الأبيض: نتابع النتائج.. وموقفنا من حماس لم يتغير أبو مازن: مقبلون علي مرحلة جديدة.. والدخول في مفاوضات المرحلة النهائية رام الله - واشنطن - وكالات الأنباء: كشفت النتائج الأولية للانتخابات التشريعية الفلسطينية عن تقدم مرشحي حركة فتح للفوز بحوالي 63 مقعداً.. بينما تحصل حركة حماس علي 58 مقعدا

      في مختارات من الصحف

    • الطبع غالـــــــــب

      نصحتك يابنى تنعدل .. لم تنعدل .. الطبع فيك غالب ! وديل الكلب عمره ماينعدل ... ولو علقوا فيه قالب .!

      في الحياة النيابية و الديموقراطية فى مصر

    • حقوق الطبع وتصوير الكتب ... وأمانتنا كمسلمين ..

      منذ فترة وجدت شرائط فيديو عليها محاضرات لحمزة يوسف في أحد المحال ( صاحبه باكستاني ) , وكان سعر الشريط الواحد رخيص في حدود دولارين , بالطبع لم يكن نسخة أصلية , ولكنني إشتريتهم على أي حال .. ثم وأنا عائد إلى المنزل جال بخاطري هذا السؤال .. هل من حقي أن أشاهد هذه الشرائط .. وهي شرائط منسوخة ؟ وظلت الشرائط في البيت لفترة , وأنا أتجنب أن أشاهدها .. لأنني لم أكن مرتاح لهذا الأمر ... ثم سولت لي نفسي يوماً أن أشاهد أول مشهد فيه فقط , لأعرف هل هناك تحذير عن حقوق الطبع أم لا .. وبالصدفة كان أول شيئ

      في هدى الإسلام

×
×
  • اضف...