أنا نزلت الأجازة........أتفضلوا شوفوا أيه ألي حصل.......!!!!!

[سكندريه]

يا سلام ...... يااااه أد أيه أنا فرحانه .... أصلي أنا نزلت الأجازة .... أنتم عرفين طبعا أي أجازة بتكلم عنها الأجازة ...الأجازة ألي كلنا بنحلم بيها وبنعد الأيام والشهور علشان يجي الصيف (أفراج )يلا خدنا الأفراج الكفيل عملنا الأفراج ...!!!؟

سيبونا من الكفيل والأفراج خلينا مبسوطين أحسن أصلنا بنتكلم عن الأجازة والصيف ومصر وطبعا أنا من بلد المصيف (الأسكندريه) يا سلام ...الله..أيه الجمال ده

أصل أحلامي حتتحقق حنزل وحهيص والأرض حتتفرشلي رمل أصل انا نزله؟؟

أل يعني من هبلي مصر كلها مستنياني علشان أنزل ؟؟

وأروح يا جماعه وأنزل شهر .شهر واحد بس 30يوم وكان شهر؟؟؟

مش عرفه أبتدي منين والله منا عرفه ؟؟بس بجد بلادنا بتتغير بسرعه أوي يعني بجد أنجاز ؟؟؟شفت الشوارع بجد ربنا كرمنا بالمحافظ الجديد؟؟ أيه ده أيه ألي حصل ده تخيلوا غير عواميد النور ...؟؟؟أه والله عمود بفنوسين على الجنبين كدا حاجه جامده وكمان أيه مزود علمين على جنبين العمود للأسكندريه ومصر وبيرفرفوا في الهوا كدا يا سلام؟؟ وكل طبعا أسكندريه باقت كلها حفر وكل الكرنيش أتكسر مره تانيه معرفش ليه ويفضل الأهتمام بس بالكرنيش وربنا العالم بالغلابه ألي جوه؟؟

أما وأنت سايق عربيتك على الكورنيش حتلاقي شريط من أكوام القمامه تحت كل عامود ؟؟بتبعتر المصيفين والله المستعان؟؟

أسعار الشواطئ لازم تتغير تبعا للتطور الطبيعي يعني الفرد لا يقل دخوله عن 8 جنيه وده بس دخول وطبعا أنت مش لوحدك أنت مع أصحابك علتك أولادك الله المستعان ربنا يعين البنأدمين ألي عيشين هناك أنا مش فاهمه لغايت دلوقتي همه عرفين يعيشوا أذاي؟؟؟يعني حتى البحر ألي ربنا خلقهولنا علشان نستمتع بيه مش لكل الناس؟؟

يتبع الجزء التاني وفي تالت ورابع علشان متقرأوش كتييييير وتملوا

لأنه ده شهر بس الأحداث كتيره أوي

يهمني رأيكم مع تحياتي.......... :rolleyes:

[قاهرى]

هى جت على البحر يعنى ....... مهى المية الى انتى بتشربيها هنا فى الغربة بفلوس ولا اية ؟؟؟

الدنيا كلها غليت حتى الحجات الحلوة الى ربنا ادهلنا كلها بفلوس

ربنا يسطر علينا وعلى اولادنا بعد كدة مش عارف بعد كدة ايام اولادنا الى هيحصل ليهم ... ربنا يسطر بجد

تحياتى

[سكندريه]

شكرا يا قاهري على ردك الجميل ده

بس أنت عارف لو جات علينا مش مهم أنا صعبان عليا شعبنا ده المتبهدل وألي كل سنه بحس بمعاناته أوي

يعني في ألي ميقدروش يعملوا أيه يموتوا؟؟؟؟؟؟؟

نفسي الأحوال تتغير شويا والحياه متبقاش بالرتم السريع ده

أنا لما بشوف الناس بحس أنهم بيعجزوا من كتر شيل الهم ربنا يعين الجميع

تحياتي ليك يا قاهري wst::

تم تعديل 4 سبتمبر 2007 بواسطة سكندريه

[قاهرى]

اختى سكندرية والله انا ليا وجهه نظر ... الحياة عموما بقت صعبة سوء للى عيشين فى مصر واحنا كمان كمغتربين فمطلبات الحياة تتعدى بكتيررررر الراتب الى الانسان بيخدوا يعنى كمثال للمغتربين مثلا الشاب الى بيكون جى ومتغرب علشان يشتغل طبعا ساب مصر واتغرب علشان ياخد فلوس اكتر ويعرف يحوش يجى هنا ويشتغل بس المتطلبات الى علية اية ... ( شقة وشبكة واساس بيت وتوظيب بيت و و و و و ) طبعا لو بيشتغل اية مش هيتحملها لوحدوا لازم مساعدة من الاهل . تيجى نقول اتجوز مثلا تلقى دخل موضوع الفرح والتكليفوا وبعدها شهر العسل و الهدايا للعروسة و و و يرجع لشغلو ابيض عايز يجيب مراتوا ويعملها اقامة وتكاليفها بردوا كدة بقت الحياة هنا فى الغربة حياة زوجية عنى تكاليفها اضعاف لما كان لوحدوا خلصنا من كدة مبروك المدام حامل دخلنا فى سكة الدكترة والعملية بتاعة الولادة وعيزة ماما تكون جنبى و وو جية البيبى مش هتكلم باء سبوع و بمبرز هههههههههه ربنا معانا بجد ....

اما بقاء اخوتنا الى عيشين فى مصر انا مش هتكلم على الطبقة الغنية طبعا انا هتكلم على الطبقى التعبابة دول دلوقتى يا سكندرية فى حكم مصر وبطرية الرواتب و الحياة و الغلاء اصبح ملهمش مكان للمصايف والجو دة اصبحوا مهمشين وعلى راى المثل المصرى على قد لحافك مد رجليك كفاية ياخد اولادوا لجنينة الحيوانات وخلاص على كدة الله يكون فى عنهم بجد .. والله بجد فى مصر الطبقى المتوسطة دى اصبحت نادرة جدااااا جدااااا اما تلاقى واحد غنى جداااا والاغلب يكون حرامى ومرتشى (مش الكل طبعا) اما تلاقى واحد بجد مش لاقى ثمن العيش لا حةل الله .. انا فى اعتقادى اننا احنا الطبقة المتوسطة الى هما الناس المتغربة دى . بس احنا بنكون الطبقة المتوسطة فى بلدنا والطبقة الفقيرة فى البلد الى بنشتغل فيها .. ... ربنا يسطرها مع الجميع

تحياتى ليكى ... اسف للاطالة بس الموضوع دة لو فتحت فية مشكلة تانية ؟؟؟ تحياتى wst::

[عبده بيه]

اولا مبروك علي اجازتك وعقبالي يا رب

ثانيا هوه البحر كده في مصر بفلوس

وفي احلي شواطئ العالم في موناكو ونيس وكان و سان تروبيه ولاروشيل وبلاجات من الجنة ببلاش الا في مصر لازم تتدفعي يا اختي والحمد لله انه ما عرفشي انك جاية من الخليج كان دفعك بالدولار

تحياتي

[salemhegazy]

الاجازة الاجازة و ما ادراكم بالاجازة

يا اختى سكندريه هو مبدأ عند الحكومات المتعاقبة و النظام بيوصى بعض بيه ( اتعب الشعب يريحك لو ريحتة ها يتعبك) و ده كلام شرحة يطول

[سكندريه]

salemhegazyشكرا على ردك الجميل والشعب فعلا تعبان أوي ؟؟

شكرا يا عبدو بيه على التهاني بالأجازة والله لو أقلك الواحد راح زي ما جه في مشاكل ودوامه ورتم حياه سريع أوي

وفعلا لو يعرفوني من الخليج كنت دفعت بالدولار؟؟

قاهري أنت عندك حق في كل الكلام الجميل ألي بتقوله الشباب هناك في معاناه حقيقيه ما بين أنه عايز يتجوز ويعصم نفسه من ألي بيشوفه وبين أنه مش لاقي ومنين كل ده ؟؟؟؟؟؟؟؟وطبعا لازم أهله يسعدوه لأنه لو أعتمد على نفسه بالمرتب ألي بيخده مش حيتجوز ألا بعد لما يطلع على المعاش؟؟؟

أو يسافر بره ويكون مقطوه من شجره ويقاسي الوحده والله المستعان ويا رب تكون حققت طموحك وعديت بكل المراحل ألي ذكرتهالي وبديت حياتك ورتبتها ؟؟

أما أخر كلمتين قلتهم همه الخلاصه

الطبقه الغنيه المرتاحه بالرشاوي وغيره والفقيره التعبانه وأحنا ما أحنا ألا ترانزيت هناك ومصدر للدولارات للبلد وتشغيل البنوك دون مقابل لينا..........شكرا ليك قاهري ولكل من شارك في الموضوع تحياتي :rolleyes:

[مونتى]

اختى سكندريه اولا الف مليون مبروك على الاجازة وعقبالى ويفرج عنى الكفيل السنه دى ولكن لى تعليق بسيط على الموضوع واسف على تاخيرى فى المشاركه ولكننى كنت على سفر الايام الماضيه

مع كل اللى انت ذكرتيه عن مصر وعن الغلاء الموجود والاستغلال عند طبقة المستفدين بس هى مصر وهى اسكندريه ام تراب زعفران الى مقدرش انا ولاانت ولااى مصرى ينساه وكفايه ان انت بعيد عن تحكم الكفيل

مرة اخرى مبروك على الاجازة وعقبالى .

[processor]

اختي سكندرية ألف مبروك على الإجازة وعلى الإفراج ويارب تكون اجازة سعيدة عليكي (والله المستعان)

وياريت تبقي تحكيلنا على الحاجات الجميلة في مصر والناس عاملين ايه لما ترجعي بالسلامة ان شاء الله

مع تحياتي

[سكندريه]

اختى سكندريه اولا الف مليون مبروك على الاجازة وعقبالى ويفرج عنى الكفيل السنه دى ولكن لى تعليق بسيط على الموضوع واسف على تاخيرى فى المشاركه ولكننى كنت على سفر الايام الماضيه

مع كل اللى انت ذكرتيه عن مصر وعن الغلاء الموجود والاستغلال عند طبقة المستفدين بس هى مصر وهى اسكندريه ام تراب زعفران الى مقدرش انا ولاانت ولااى مصرى ينساه وكفايه ان انت بعيد عن تحكم الكفيل

مرة اخرى مبروك على الاجازة وعقبالى .

فعلا أنت عندك حق يا مونتى بس أنا مذكرتش حاجه لسه بس مش عرفه حسه أني مش عيزة أعيب في بلدي أكتر من كدا ضميري بيأنبني

لأني بحبها فعلا

المهم عقبالك يا سيدي وتروح لأهلك بالسلامه

تحياتي

[سكندريه]

اختي سكندرية ألف مبروك على الإجازة وعلى الإفراج ويارب تكون اجازة سعيدة عليكي (والله المستعان)

وياريت تبقي تحكيلنا على الحاجات الجميلة في مصر والناس عاملين ايه لما ترجعي بالسلامة ان شاء الله

مع تحياتي

الله يسلمك يا رب أنا فعلا رجعت من شهر والحمد لله وعقبالكم جميعا وتروحوا لأهلكم بالسلامه

شكرا جدا تحياتي

[قاهر العولمة]

على فكرة إنتي يا سكندريه بتبالغي شوية ... بقى مش عاجبك الأجازة ..؟؟

والله مالكيش حق ... خلاص خليكي بقى في الحتة النضيفة الجميلة إللي إنتي بتشتغلي فيها وما تنزليش مصر أم الدنيا بلدنا الحلوة العظيمة .. إللي محدش أبدا أبدا قادر يشوف الجمال الحقيقي إللي فيها .. مشكلتك يا سكندرية إنك شايفه مصر بنضارة الإمارات .. !!

وهنا ليا عندك سؤال .. أو عدة أسئلة وهي مهمة أوي عشان تحسي بقيمة مصر مهما كانت :

أولا : مشربتيش من نيلها ..؟

- نصيحة أوعي تعمليها لأن معظم إللي عملوها تعبانين بأمراض معرفش إسمها إيه والله .

ثانيا : طب جربتي تغنيلها .. ؟

- وبرضة منصحكيش تعمليها لأن كل الناس بتغني .. لما الغنا هو بقى الإنجاز الوحيد على مر العصور .

ثالثا : جربتي في عز ما تحزني تمشي في شوارعها وتشكيلها .. ؟

- أظن الشوارع حالتها بقت أصعب من حال أي حد عايز يشكيلها .. ده هي إللي بتشتكي شكوى مرة من الناس .. وعشان كدة برضة مانصحكيش تمشي في الشارع أصلا .

رابعا : طب مشيتي في ضواحيها .. ؟

- طبعا هبل لأنك لو مشيتي في حتة متعرفيهاش ولابسه دبلة دهب .. حتكون حياتك في خطر .

خامسا : الإجابة بنعم أو لا .. طيب ما كبرتيش فيها ..؟

- أيوة وبعد ما كبرنا إطردنا منها عشان تفضى لإبن البيه والباشا وإبن ال ... ، معلش الحماسه خدتني ردي إنت على السؤال ده .

سادسا : طيب ليكي صورة على الرملة هناك في جليم وألا ستانلي .. ؟

- مش حتلاقيها أساسا وألا حتدفعي التمانية جنية عشان بس تدوسي مكانها .

إيه يا شيخة .. ليه تظلمي الأجازة بس ... !!

ده إنت سكندرانية ... أمال لو كنتي من المحافظات المغضوب عليها .. تقريبا مكونتيش حترجعي بقى ..!!

على العموم نصيحتي ليكي إبعتي لكل إللي بتحبيهم وقت الشتا هنا يقضوا كام إسبوع معاكي بالتناوب .. والله حتوفري على نفسك الشقا ده .. !!

مع تحياتي للمطربة شيرين إللي بتغني في إربه مقطوعة ..!!!!

تم تعديل 9 سبتمبر 2007 بواسطة قاهر العولمة

[سكندريه]

على فكرة إنتي يا سكندريه بتبالغي شوية ... بقى مش عاجبك الأجازة ..؟؟

والله مالكيش حق ... خلاص خليكي بقى في الحتة النضيفة الجميلة إللي إنتي بتشتغلي فيها وما تنزليش مصر أم الدنيا بلدنا الحلوة العظيمة .. إللي محدش أبدا أبدا قادر يشوف الجمال الحقيقي إللي فيها .. مشكلتك يا سكندرية إنك شايفه مصر بنضارة الإمارات .. !!

وهنا ليا عندك سؤال .. أو عدة أسئلة وهي مهمة أوي عشان تحسي بقيمة مصر مهما كانت :

أولا : مشربتيش من نيلها ..؟

- نصيحة أوعي تعمليها لأن معظم إللي عملوها تعبانين بأمراض معرفش إسمها إيه والله .

ثانيا : طب جربتي تغنيلها .. ؟

- وبرضة منصحكيش تعمليها لأن كل الناس بتغني .. لما الغنا هو بقى الإنجاز الوحيد على مر العصور .

ثالثا : جربتي في عز ما تحزني تمشي في شوارعها وتشكيلها .. ؟

- أظن الشوارع حالتها بقت أصعب من حال أي حد عايز يشكيلها .. ده هي إللي بتشتكي شكوى مرة من الناس .. وعشان كدة برضة مانصحكيش تمشي في الشارع أصلا .

رابعا : طب مشيتي في ضواحيها .. ؟

- طبعا هبل لأنك لو مشيتي في حتة متعرفيهاش ولابسه دبلة دهب .. حتكون حياتك في خطر .

خامسا : الإجابة بنعم أو لا .. طيب ما كبرتيش فيها ..؟

- أيوة وبعد ما كبرنا إطردنا منها عشان تفضى لإبن البيه والباشا وإبن ال ... ، معلش الحماسه خدتني ردي إنت على السؤال ده .

سادسا : طيب ليكي صورة على الرملة هناك في جليم وألا ستانلي .. ؟

- مش حتلاقيها أساسا وألا حتدفعي التمانية جنية عشان بس تدوسي مكانها .

إيه يا شيخة .. ليه تظلمي الأجازة بس ... !!

ده إنت سكندرانية ... أمال لو كنتي من المحافظات المغضوب عليها .. تقريبا مكونتيش حترجعي بقى ..!!

على العموم نصيحتي ليكي إبعتي لكل إللي بتحبيهم وقت الشتا هنا يقضوا كام إسبوع معاكي بالتناوب .. والله حتوفري على نفسك الشقا ده .. !!

مع تحياتي للمطربة شيرين إللي بتغني في إربه مقطوعة ..!!!!

بجد أه ده يا قاهر العولمه النصايح كلها مش ممكن متفصله عليا تفصيل

بس أنت خضتني في الأول حسيت أنك عايز تضربني بحاجه

وقلت أيه يا أبناء الغربه أحنا مش متفقين على كدا

بس ريحت قلبي بالنصايح المهمه دي بجد جبت من الأخر

تحياتي لك قاهر العولمه

[قاهر العولمة]

لا العفو يا سكندرية أنا مش ممكن أتعدى على زميلة ليا في الغربة ويارب نكون كلنا دايما متفقين وإيد واحدة دايما ..

[ابن ام الدنيا]

يا جماعة انا نفسى انزل مصر عشان اشوف امى واخواتى مش اكتر وازاى كان على مصر فواحشاااااااااانى قوى قوى بالرغم من اى حاجة فيها واحنا متعودين على كدة والحل فى الموضوع دة ان كل واحد يصلح من نفسة ,,, ومن رايى ان الاعلام يعتبر اكبر بؤرة فساد فى مصر,,,,,,,,,,,,,,

وشكرا

على من قطر

[مونتى]

سكندريه مع كل ما لم تذكريه وكل ما ذكره ( قاهر العولمه ) هى دى مصر my love for ever ومتحاولوش تكرهونى فيها wst:: الامل موجود ياجماعه الخير ولسه السيد الاستاذ الدكتور رئيس الوزراء احنا جنكون من النمور الاقتصادية 2020 ها ها ها اااااااااااااااااها وعجبى

[tarek hassan]

يا أختي

أنتي والله فكرتيني بمسلسل سوري لسه شايفه النهارده عنوانه ( كله تمام )

راجل غلبان رجع من السفر قابل ابنه أزيك يا بني.... أزيك يا بويا ... عاملين إيه ...........كله تمام هنا الحمد لله ..

قاله فين الفاس اللي كانت هنا قاله انكسرت ورماناها ..........قاله انكسرت من أيه ..........قاله لما كنا بنحفر لدفن الجاموسة الحلوب بتاعتنا ..........قاله هي ماتت ............قاله أيوه لما البيت بتاعنا اتحرق ماتت فيه .........قاله والبيت اتحرق من ايه ....... قاله من أخويا اللي كان بيشرب السجاير .........قاله هو أخوك بيشرب سجاير ..........قاله كل اخواتي بيشربوا سجاير بعد ما ماتت أمي .........قاله وامك ماتت .........قاله أيوه ماتت زعلانه على أخويا اللي دخل السجن........ قاله أخوك دخل السجن .......... قاله أيوه لأنه قتل ابن عمي .... الخ آخره لكن كله تمام

يا أختي كله تمام في مصر وانتي بتشتكي من أسكندرية أمال لو رحتي ................. بلاش عكننه أجازه سعيده

[Alex Lover]

اختى سكندريه اولا الف مليون مبروك على الاجازة وعقبالى ويفرج عنى الكفيل السنه دى ولكن لى تعليق بسيط على الموضوع واسف على تاخيرى فى المشاركه ولكننى كنت على سفر الايام الماضيه

مع كل اللى انت ذكرتيه عن مصر وعن الغلاء الموجود والاستغلال عند طبقة المستفدين بس هى مصر وهى اسكندريه ام تراب زعفران الى مقدرش انا ولاانت ولااى مصرى ينساه وكفايه ان انت بعيد عن تحكم الكفيل

مرة اخرى مبروك على الاجازة وعقبالى .

اهلا بيكي يا سكندرية ... انا عضوة قديمة في المنتدي بس بقالي زمان ماشاركتش ,,, وبرضه لسه راجعة من مصر ... وانا اسكندرانية زيك ولكن اسمحيلي انا ماشوفتش كل اللي بتقولي عليه ده ... بالعكس اسكندرية بتزيد تألق وكون ان فيه بعض التكسير في الشوارع فهذا من باب التطوير .... جميله اسكندرية شوفي سان استيفانو وروعته والكورنيش والبحر والاهل والاحباب ... شوفي جرين بلازا في سموحة ... شوفي كارفور وسيتي سنتر شوفي نادي اللاجون وجماله ... ايه يعني الشواطئ بفلوس ماهو طول عمرها بفلوس علشان تقدري تستمتعي بشاطئ نظيف وخدمة مميزة .. واللي عايز شواطئ مجانية ماهم ماليين العجمي والهانوفيل وشوفي بقى الفرق ولو غليت التذاكر فده لان كل حاجة بتغلى كل حاجة .... انا مش عارفه ليه كل اللي ينزل مصر يرجع يشتكي ليه بس ... ايوه احوال كتير مش كويسة ولكن على رأي زميلنا كفاية انك بعيد عن تحكم الكفيل .. كفاية انك تحسي ان الهوا اللي بتشميه ده ملكك والارض والسما والبطاقة اللي في جيبك بتقول ان مفيش قوة في الدنيا تقدر تنتزعك من على الأرض دي لانها ارضك وبيتك ،

انتي عارفه يا سكندرية ... انا اول ما نزلت اسكندرية من اقل من شهر بقيت ماشية في الشوارع والله العظيم ماشية باضحك للناس كلها كل اللي تيجي عيني في عينها اضحكلها حاسه ان دي ام او خاله او اخت ومن غير ما تعرفني بيضحكولي وبيردو الابتسامة . عارفه ليه لاننا دم واحد واحساس جميل .. هههههههه تعالى اضحكي لاي حد هنا متعرفيهوش هيقولو عليكي مش طبيعية (العفو طبعا) ، والله انا راجعة من هناك على عيني وحاسة اني عايزة احضن التراب وابوس الشوارع واقولها هتوحشيني ، هتوحشني الامان هتوحشيني يا سكندرية بحلوك ومرك ...

Alex Lover

[سكندريه]

سكندريه مع كل ما لم تذكريه وكل ما ذكره ( قاهر العولمه ) هى دى مصر my love for ever ومتحاولوش تكرهونى فيها :quest: الامل موجود ياجماعه الخير ولسه السيد الاستاذ الدكتور رئيس الوزراء احنا جنكون من النمور الاقتصادية 2020 ها ها ها اااااااااااااااااها وعجبى

ماشي يا مونتى وأحنا مش بنكرهك فيها بالعكس أنا بحبها أووووووووووووي وعارف لو طلعت براها أحس أني زي السمكه ألي طلعت من الميه

بس والله أنا زعلانه على ألي بيحصل ولعلمك بأه الناس نفوسها باقت وحشه والمصلحه ما بين الناس باقت هي الأساس

أنا مش بقول كلام من الخيال أنا بقول كلام أنا وأنت وكل ألي بيقرألنا عرفينوا كويس أوي

وألي بديت بيه الموضوع أبسط ما يكون وكنت عايزة أخليه على أجزاء بس قولت بلاش أجرح في بلدي ألي برضوا بحبها أكتر من كدا

تحياتي ليك

وزي ما هي حبها طبعا أنت عارف الأغنيه دي

[سكندريه]

أهلا بيك ALEX LOVERأخت لينا في الغربه المريره تحياتي لمشاعرك الفياضه وأبتسامتك الجميله أكيد طبعا أبتسامتك جميله .......

وحمد لله على سلامتك

ومش مهم نختلف مع بعض

المهم نتفق مع بعض في حاجه واحده حبنا لبلدنا ألي نفسنا تكون أحسن بلد في الدنيا

تحياتي لكtarek hassan وكلامك جميل وقصتك أحلى بس تزعل شكرا لمرورك