حدوتة

[ابو حلاوه]

كان يا ما كان نقطة ميه

مجرد نقطة ....كبرت و بقت سرسوب ميه و سرسوب الميه كبر و بقي زي فرع نهر صغير ...........

دخلت فيه فروع انهار صغيره تانيه..........و النقطة اللي بقت نهر صغير بقت تكبر و تكبر و تغطي ارض و تروي ارض ...... ناس فرحت بالميه و ناس زعلت علي الارض......

المهم ان النهر كبر و كبر و و المراكب بقت تنقل بضايع من اول النهر لاخره و مناطق عمرها ما وصلتها ميه و صلتلها

و البضايع اللي بتنقل كل حاجه بقت رايحه جايه فوق و تحت و يمين و شمال

و مناطق عمرها ما عرفت بعضها قبل كده... من خلال النهر عرفت بعضها و اتبادلوا البضايع و العلم و المعرفه

المشكله ان النهر بقي يكبر و يكبر و ناس ابتدت تخاف من الفيضان اللي ممكن يغرق كل حاجه

واحد قال نحفر قنوات تدخلنا علي انهار تانيه و التاني قال لا... انت بتتهافت.... احنا نبني سد. ... و الكلام زاد و علي...... نحفر و نزود و لا نبني و نتحكم .....

المهم الحكومه اياميها خدت القرار نبني سد ....... و النهر.....بقي نصين قبل السد ميه بتتكوم و تزيد و تهدد.... و امام السد نهر الميه اللي فيه مش هي قيمته الحقيقيه و مش كافيه

المشكله ان الميه ورا السد كثير و خطر .........يا تري نعمل ايه.؟؟؟؟؟؟

و الحدوته لسه ما خلصتش