انت مش عارف بتكلم مين؟

[EBN ELBLD]

فى احد تعقيباتى على موضوع طرحهه احد الساده اعضاء المنتدى(لن اذكر اسمه لعدم الاحراج) الكبار الذين لهم سلطات عليا ولهم حق شطب التعقيبات التى يرون انها غير لائقه(طبعاً من وجهه نظر سيادتهم)

قام هذا المراقب بشطب التعقيب بالكامل وارسل لى رده على بريدى الخاص طالباً من العبدلله ان اقدم اعتذار له وبالطبع رديت عليه بالكلام الازم ولكن بدون ان اعتذر له لانى لا اعتقد بانى اسأت اليه ولكن نحن المصريين بنحب ان نحبكها شويه ولما واحد ينتقدنا نقوم نقوله: انت مش عارف بتكلم مين؟

وكل واحد له سلطه فى مكان ما يضع نفسه فى مكان اعلى من النقد وكأنه معصوم من الخطاء وأعلى من ان يُنتقد

اين الديمقراطيه يا من تطالبون بالديموقراطيه

[وحداني]

للاسف اننا كلنا كذلك، لا نحب النقض حتي و ان كان من شخص لا يريد الا تنبيهنا الي ما يخص المصلحه العامه، انه في ثقافتنا او تعليمنا منذ الصغر،،،،لا اعرف

و لكن المصيبه هي ان يكون ذلك في مجال لا حكم لاحد علي احد فيه، مثلما يدعي احدهم انه اكثر وطنيه من الاخرين،

ادعو الله ان يشفي الجميع من هذا الداء الذي طالما ،،، ودانا ورا

[هشام عبد الوهاب]

الاستاذ ابن البلد

لا داعى لكل هذا الموضوع ابسط من ذلك كثيرا ،، كل ما فى الامر ان تعليقك على رساله لأحد الاعضاء لم يكن مناسبا ووجدت من الانسب حذفه وذلك دون اى تدخل من العضو نفسه .

لا يوجد عضو ذو سلطه عليا واخر ذو سلطة غير عليا .

[disappointed]

لا نحب النقض

عزيزى الفاضل وحدانى

أرجو أن تسمح لى بهذه الملحوظه اللغويه الخارجه عن الموضوع

الكلمه الصحيحه لغويّا هى النقد وليس النقض , لأن النقد مشتق من الانتقاد أى التفنيد من منظور رافض أو معارض لطرح ما , بينما النقض معناها لغويا هو الهدم أو الازاله الكامله لشيء ما

مع خالص التحيّه

[أسامة الكباريتي]

بسم الله الرحمن الرحيم

"او كنت فظا غليظ القلب لانفضوا من حولك"

أظن أنك كنت حتى الآن غاية في الفظاظة .. وقد أسأت للرجل .. والآن تفتعل مواقف تشهيرية لا أدري هل هي بقصد الإرهاب أو البحث عن الشهرة .. أم أن هناك غرض يخفى علينا ..

الرجل كما تقول بعث لك على بريدك الخاص .. بمعنى أنه لم يشأ إحراجك .. وفضل حل الموضوع خارج صفحات المنتدى ..

لكن يبدو من إصرارك على هذا التحرش أنك لم تفهم المغزى !! ..

حقا أنا عاجز عن فهمك .. والإزعاج أصبح شعارا لك حيثما حللت .. ولذا أراني مضطرا إلى الرد عليك هنا لكي تكون المسألة واضحة في نفس الصفحة .. فقد أسأت في الأولى .. وتصر على الإساءة حتى الآخرة ..

وللإخوة الذين يتبرعون في الإدلاء بآرائهم والتطوع في صب الزيت على النار .. حتى قبل اكتمال الصورة .. التريث من سمات التعقل ..

و "من شاء أن يتحدث فليقل خيرا ..... أو ليصمت"

[EBN ELBLD]

ارجو نشر الكلام المحذوف الذى ارسلته عشان الناس تحكم اذا كنت غلطان ام لا الناس دلوقت سمعوا القصه من طرف واحد وفاكرين انى اسأت للمذكور لذا انا مصمم على نشر التعقيب الذى ارسلته

القاضى العادل يسمع للطرفان وليس طرف واحد دون انحياز

مش كده والا ايه يا بتوع القانون؟

وبلاش نقوم بدور القاضى والجلاد فى نفس الوقت

والحمد لله انا عندى الشجاعه الادبيه لأن اعتذر لأى مخلوق اذا كنت اسأت اليه انا راجل كبير مش عيل صغير واعرف العيب

وبلاش تاخذوا المنتدى حكراً لكم

اسستم المنتدى حتى يكون متنفساً لنا الف شكر لكن ان تتحكموا فيما نتقوله تحت بند مراعاه الذوق العام والادب هذا شيء آخر

[هشام عبد الوهاب]

يا سيدى نحن لسنا فى خناقه فى الشارع او مشادة كلامية ع القهوه علشان الناس تحكم ونرضى بالحكم و مين اللى له حق عرب .

كلامك المحذوف رأينا ان به اساءة لأحد الاعضاء ( بالبلدى كده قلة ذوق وهزار بايخ ) واتحذف والرجل لم يبدى لا اعتراض ولا غيره الا من خلال رسالة لك انت شخصيا .افهم بقى .

القاضى العادل يسمع للطرفان وليس طرف واحد دون انحياز

مش كده والا ايه يا بتوع القانون؟

اهى دى برضة قلة ذوق . ايه بتوع دى . يا استاذ ارجوك

اختر كلماتك بطريقة افضل ولوسمحت بلاش تضيع وقتنا فى تفاهات.

[EBN ELBLD]

هشام عبد الوهاب

لا يا سيدى مش خناقه فى الشارع او مشادة كلامية ع القهوه علشان الناس تحكم ونرضى بالحكم و مين اللى له حق عرب

انا لا بتاع قهاوى ولا شوارع

برجاء اعاده قرائه تعقيبك وشوف ميين بقى اللى بيغلط

والا انت عاوزنىاغلط؟

لا مش راح اديكم فرصه

[Mohammad Abouzied]

انا لا بتاع قهاوى ولا شوارع 

مالها بس القهاوي ما كلنا بنقعد على القهوة

متكبرش المواضيع وأشرب واحد عناب من قهوة الفيشاوي يطري على قلبك ياراجل ولا معندكمش عناب في امريكا

ايه رئيك نعمل مشروع قهوة الفيشاوى في امريكا ايه رئيك تكسب دهب

[se_ Elsyed]

معليش أنا كنت معدي من جنب الخناقة دى فقرأت حاجة لفتت إنتباهي وقولت أصحح بس الاية اللى ذكرها الاستاذ أسامه الكباريتي وهى الاية رقم 159 من سورة آل عمران وتصحيحها هو " ولو كنت فظاً غليظ القلب لانفضوا من حوالك"

[Hassan]

ايه رئيك نعمل مشروع قهوة الفيشاوى في امريكا ايه رئيك تكسب دهب

حضرتك ماتنفعش...هو بالتأكيد عايز واحد من البلد اللى بيحبها ...

[disappointed]

والا انت عاوزنىاغلط؟

لا مش راح اديكم فرصه

R/Valium 3 mg tablet

قرص واحد مساءا

ويمكن استبداله بأى مهدّئ آخر مع الاكثار من شرب الكاكاو والنعناع المغلى والاستماع الى موسيقى هادئه مع كوب لبن دافئ قبل النوم

والمتابعه بعد أسبوع

[EBN ELBLD]

عليا النعمه انت راجل عسل يا دكتور disappointed او خايب الامل (مش برضه معناها كده؟)

ومن قلبى والله عشان خاطر الناس الحلوه اللى زيك كده انا مش زعلان وصافى يا لبن

الدنيا قصيره يا جدعان ومافيش داعى نشرب نشــا على بعض دا النشــا يجيب امساك

خليها تمشى عشان المولى يسهلها

[disappointed]

خليها تمشى عشان المولى يسهلها

ربّنا (يسهّلها )للجميع ويمنع عننا "تلبّك" العلاقات

:cry: :cry:

بس خللى بالك برضه ان كثرة "الاسهال" ممكن تجيب "جفاف" بين الناس

:roll: :roll: :roll:

وأعتقد ان الأستاذ هشام والأستاذ أسامه كانت نيّتهم هى تجنّب هذا الجفاف والوقايه منه قبل حدوثه

عموما حصل خير

حصل خير زعيع يعنى

:cry: :cry:

[Mohammad Abouzied]

كفاية كده يا جماعة برضه الضحك بيضر الصحة زي النكد برضه

معرفة خير انشاء الله

وما محبه الا بعد مناغشه وسلملي على المترو

فين اخونا رجب

[EBN ELBLD]

حذفت المداخلة

[تصحيح]

عيــــــــــــــــــــــــــب

[أسامة الكباريتي]

بسم الله الرحمن الرحيم

أعتقد أن الموضوع قد استنفذ أغراضه وبات (وهو) من أوله مملا ..

فهلا أغلقتموه