احداث سبتمبر ...سيناريو جديد... ام خيال واسع

[7ar7or]

بعد تكرار حوادث اختطاف الطائرات من الفلسطينيين فى الثمانينات ظهر مشروع سرى داخل اروقه السى اى ايه يهدف الى التحكم فى الطائرات المختطفه اليا و عن بعد و الهبوط بها فى اماكن امنه و بالفعل تم تصنيع اجهزه تحكم تعمل بصوره اليه لدى تلقيها اوامر من الاقمار الصناعيه..لتغير مساراتها ..الى اخره

هذه مقدمه ضروريه للقارئ قبل قرائته لهذه الوصله

www.safy.cjb.net

قديمه مش كده

[الطفشان]

الموقع مش شغال

طيب تعالى نناقش الموضوع بالهداوة

نفترض ان كل الطيارات اليوم فيها الاجهزة دي

مين اللي حطها في كل طيارة؟

- الشركة المنتجة؟ هل في السر و الا علني؟

- لو في السر، هل فيه وحدة مخصوصة من المخابرات الامريكية بتيجي تركبها في المصنع بعد انتاج كل طيارة؟ طيب و العمال و المهندسين في المصنع طراطير؟

- لو في العلن، يبقى الكل عارف بيها و الموضوع مش سري اصلا، و كانت الصحافة كتبت عنها؟ مش كدة؟

- لو مش الشركة المنتجة، يبقى سر و الا علن برضه

حد جاب اوامر من فوق لكل شركة طيران انها تحط الموضوع دة في كل طيارة تملكها؟ هل ماحدش عرف خالص؟ ماحدش حس؟ فين عمال الصيانة؟

و بعدين مش في صيانة دورية؟ مهندسين الصيانة مش حيشوفوا حاجة غريبة متركبة مش موجودة في الرسومات؟ ماحدش حيسأل ايه دي؟ و لو باظت فين قطع غيارها؟ و مين حيصلحها؟

كل دة كتيمي كدة؟ مع وجود عشرات الاف الناس اللي بتشتغل على الطيارات كل يوم

طيب دة جوة امريكا

فين بقى الطيارات اللي في خارجها؟

اسرائيل ما تعرفش؟

مصر ما تعرفش؟

السعودية؟ باكستان؟ ايران؟

فين كل المهندسين المسلمين و العرب اللي بيشتغلوا صيانة؟

حد حيقول لهم مالكوش دعوة "بالبتاعة" اللي هنا دي، ماحدش يلمسها و لا يصلحها و لا حتى يقول انها موجودة؟

هل دة كلام منطقي؟

و بعدين اذا كانت الاجهزة دي متركبة، ليه طيارة بنسلفينيا وقعت و اندشت في الارض؟ مش كانت بتتوجه عن بعد و خلاص؟

الكلام بعد سبتمبر 11 كان عن التفكير في امكتانية اضافة حاجة زي كدة، و بعدين قالوا لأ، دي حتبقى هي مشكلة في حد ذاتها، لان ممكن يساء استخدامها

كفاية مؤامرات بقى، دماغنا ورم

[7ar7or]

الاخ الطفشان

أولا : صلحت الوصله

ثانيا: يكفى قطعه الكترونيه مدمجه بحجم علبه الكبريت فيها البروسيسور و البرنامج اللازم لتقوم بكل العمل

ثالثا : اين المؤامره اللى سيادتك بتحكى عنها

رابعا : أنا آسف لورم نافوخ سيادتك من هذا الموضوع