تجرأ واشتكى امين شرطة فنال جزاءه رمي من البلكونة

[Mohammad Abouzied]

استلم أهالي ناصر جاد الله الذي لقي مصرعه على يد عددٍ من أمناء الشرطة بالعمرانية فجر أول أمس الثلاثاء جثة ابنهم القتيل من مستشفى أم المصريين واستنكر أقارب المجني عليه الوجود المكثف لقوات الأمن في المشرحة وأثناء الدفن خشيةَ قيام أهالي القتيل بمظاهرة أمام مديرية الأمن كما قاموا باستفزاز أهالي القتيل إلى درجةٍ كادت تؤدي إلى مشاجرةٍ بين الطرفين.

وكان قد تمَّ التحفظ على 4 أمناء شرطة تعرفت عليهم زوجة القتيل وشقيقته وآخر تعرَّف عليه ابنه بالإضافة إلى نحو 5 أمناء شرطة قام الأهالي بالاعتداء عليهم وإحداث كدماتٍ وجروحٍ بهم.

وقال أحد أقارب القتيل- بحسب موقع إخوان أون لاين - إن الضابط الذي شارك في الاعتداء ويُدعى أحمد النواوي له العديد من أقاربه يعملون بوزارة الداخلية ومنهم مَن يحمل رتبة لواء مشيرًا إلى أنه يستحيل توجيه اتهامٍ لهذا الضابط، وأنه سمع كلامًا عن لصق التهمةِ بأحد العساكر.

وكانت الحادثة قد وقعت أمس الثلاثاء؛ حيث قامت مجموعةٌ من ضباط وأمناء الشرطة المصرية مكونة من 15 أمين شرطة وضابطين باقتحام منزل المواطن ناصر صديق جاد الله 39 سنةً ويعمل سبَّاكًا ولديه ثلاثة أولاد، وقاموا بإلقائه من الدور الثالث من منزله في منطقة الزهراء بالعمرانية فلقي حتفه على الفور.

إلا أن بعضَ وسائل الإعلام خاصةً القومية قد نشرت أن مشاجرةً وقعت بين عائلتين بالعمرانية استخدمت فيها زجاجات ماء النار والشوم والحجارة، فسارع رجال الشرطة لاحتواء الموقف والقبض على أطراف المشاجرة الذين حاول بعضهم الهرب وطاردتهم قوة المباحث.

وزعمت أن من بين الهاربين كان السباك ناصر صديق جاد الله الذي اختبأ داخل منزله بشارع مجلع روماني.. فصعد خلفه رجال الشرطة واقتحموا شقته بالدور الثالث فتملكه الخوف، وحاول القفز من الشرفة إلى الشقة المقابلة فسقط في الشارع جثةً هامدةً، مما أثار غضب الأهالي فتدافعوا للاعتداء على أفراد الشرطة وأصابوا 3 من المخبرين.

واتهمت أسرة السباك 3 من قوة الشرطة بقتله عمدًا وأنهم قذفوه من الشرفة حتى لا يستطيع المثول اليوم أمام قاضي معارضات محكمة جنح العمرانية للإدلاء بشهادته ضد زميلهم أمين الشرطة "أمير صبحي" المحبوس على ذمة اتهامه بسرقة موبايل و270 جنيهًا من السباك القتيل.

وقد أمرت نيابة حوادث جنوب الجيزة بإشراف المستشار خالد البحيري المحامي العام باحتجاز أطراف المشاجرة التي نشبت بحي العمرانية، وتشريح جثة السباك ناصر صديق جاد الله الذي سقط من شرفة شقته بالدور الثالث أثناء محاولة رجال الشرطة القبض عليه باعتباره أحد أطراف المشاجرة لبيان سبب الوفاة.

كما كلَّف فريق النيابة المكون من حازم الجيزاوي ومحمد الطحاوي ومحمد يحيى وكيلي أول النيابة المباحث بالتحري حول الواقعة وبيان مدى صحة اتهامات عائلة القتيل لأفراد قوة الشرطة بقتله عمدًا لمنعه من حضور جلسة تجديد حبس زميلهم أمين الشرطة المحبوس على ذمة قضية سرقة القتيل.

واستمعت النيابة إلى أقوال زوجة القتيل وأشقائه وأكدوا أنه لم يلقَ بنفسه من شرفة شقته بالدور الثالث، وأن أفراد قوة المباحث ألقوا به بعد الاعتداء عليه بالضرب المبرح

الرابط">http://www.alshaab.com/news.php?i=7943"]الرابط

[badroora]

لا حول ولا قوة الا بالله العلى العظيم

مش عرفة مصر هتوصل لحد فين البلد معدش فيها امان والغلبان بينداس تحت الرجلين ولا حتى ليه فدية

المفروض بدل ماتكوت الخدمة فى شرطة الشعب يغيرواها ويكتبوا

الشرطة تخنق الشعب

الشرطة تقتل الشعب

الشعب مالوش اى اهمية عند المحسوبية

حسبي الله ونعم الوكيل وان لله وان اليه راجعون :rolleyes:

تم تعديل 10 أغسطس 2007 بواسطة folana

[محمد عبدالعزيز]

أتذكر أن الأخ الفاضل مهيب - يارب يرجع بالسلامة - قد أبدى خوفه من قبل فى أحد المواضيع من أن يتطور رد فعل المواطنين على تجاوزات جهاز الشرطة إلى شبه حرب أهلية.

تذكرت هذه المقولة أثناء قراءتى لهذه الحادثة ومثيلاتها فى الآونة الأخيرة, بل تخيلتها أيضاً حية أمامى عندما قرأت أن أهل المواطن الذى مات نتيجة التعذيب فى قسم بالمنصورة توعدوا بالأخذ بالثأثر من الضابط الذى قتل ابنهم إذا لم يحكم عليه بالإعدام.

هل هذا هو مايتمناه الرئيس لأبناء البلد؟

هل يريد لهم أن يدخلوا فى حرب أهلية للحصول على أهم الحقوق, ألا هو العيش بأمان فى هذا البلد؟

هل سينفع ضابط الشرطة هو وأولاده أن يستغل نفوذه وسلطته فى إهانة وتعذيب المواطنين بدون حق وبلا أى سبب حينما يقتله أحد المواطنين أخذاً بالثأر؟

هل سينفع ضابط الشرطة إرضاء رؤسائه على حساب الحق والعدل والقانون حينما يقدم كبش فداء لهم إذا عجزوا عن حمايته؟

حسبنا الله ونعم الوكيل

[Folana]

السلام عليكم ورحمة الله ....

نجفة كتبت:

مش عرفة مصر هتوصل لحد فين البلد معدش فيها امان والغلبان بينداس تحت الرجلين ولا حتى ليه فدية

المفروض بدل ماتكوت الخدمة فى شرطة الشعب يغيرواها ويكتبوا

الشرطة تخنق الشعب

انت تقصدى ان الشعار هو الشرطة فى خدمة الشعب.....بس دى معلومات قديمة محتاجة تحديث...الشعار فى اقسام البوليس دلوقت هو "الشرطة فى خدمة الوطن "

ومعروف طبعا مين هو الوطن ..........

[ناصر الملك و الملكية]

"الشرطة فى خدمة الوطن "

الشرطة و الشعب فى خدمة الوطن

اللهم لو كانوا غيروه تانى...

[mesryforever]

حسبي الله ونعم الوكيل

[Folana]

"الشرطة فى خدمة الوطن "

الشرطة و الشعب فى خدمة الوطن

اللهم لو كانوا غيروه تانى...

السلام عليكم ورحمة الله..

تمام كده...ما اتغيرش ولا حاجة لسه انا كنت ناسية فقط..."الشرطة والشعب فى خدمة الوطن"...

اتذكر انى وقتها نظرت لزوجى - وكنت باستخرج بطاقة الرقم القومى - وقلت له ياه..هم استكبروا علينا انهم يكونوا فى خدمتنا وكمان مش عايزين يخدموا الوطن لوحدهم وبيفرضوا علينا شعاراتهم.......

باشكرك اخى الفاضل على التصحيح....

[se_ Elsyed]

"الشرطة فى خدمة الوطن "

الشرطة و الشعب فى خدمة الوطن

اللهم لو كانوا غيروه تانى...

السلام عليكم ورحمة الله..

تمام كده...ما اتغيرش ولا حاجة لسه انا كنت ناسية فقط..."الشرطة والشعب فى خدمة الوطن"...

اتذكر انى وقتها نظرت لزوجى - وكنت باستخرج بطاقة الرقم القومى - وقلت له ياه..هم استكبروا علينا انهم يكونوا فى خدمتنا وكمان مش عايزين يخدموا الوطن لوحدهم وبيفرضوا علينا شعاراتهم.......

باشكرك اخى الفاضل على التصحيح....

ما فيش حاجه بتفضل على حالها يا فلانه يا بنتي

طب ما هو عندك مُسمى وزارة التربية والتعليم .. راحوا شايلين التربية ... ومخليينها وزارة التعليم فقط .... ومالناش دعوة بالتربية ... يعني وظيفتنا نخرج عيال متعلمين ومش متربيين ...

أو زي إعلان مرقة الدجاج .. خلي التعليم علينا .. وسيب التربية عليك ...

بس صدقيني يا فلانه ... هاتصدقيني صح ؟

مش مهم المسميات .. لكن المُهم الفكر ..

يعني هما لما كان إسمهم " الشرطة في خدمة الشعب " .. كانوا صحيح بيخدموهم ؟ ولا كانت خدمة زي خدمة الغُز ؟

عارفه المثل اللي بيقول : أخر خدمة الغُز علقه سُخنه ؟

بس للامانة من ساعة ما جه السيد الوزير حبوب العادلي وإحنا بنسمع منه احلى شعارات - جوفاء -

ما فيش تعذيب في أقسام الشرطة .... وبصراحة نفذ وعده .. ما بقاش في تعذيب لكن بقى في سحل وقهر ونفخ والتلاتة دول تخطوا مصطلح التعذيب . يعني التعذيب كان أرحم

ما فيش حريم هايتقبض عليهم لمجرد إنهم أقارب متهم أو مشتبه فيه ... وفعلاً ما بقاش يقبض على حريم ... لكن بقى يعتقلهم و و أشياء أخرى ربنا يعافينا ...

والله العظيم يا فلانه يا بنتي حدثت في منطقتنا هذا الصيف جريمة قتل ... عيال صغيرة بيلعبوا في أحد نوادي البلاي ستشن .. راح مجموعة منهم ضاربين واحد ومن كتر النزيف على ما نقلوه المستشفى راح مات ... العيال هربوا طبعاً وجت الشرطة وبكل بساطة أخدوا كل إمراة تمُت بصلة لهم ... وهايفضلوا في قسم الشرطة يتعذبوا إلى أن العيال يسلموا نفسهم ...

وتحيا جمهورية مصر العالمية ...

[المكافح]

ماشى يابنى أدمين دانا الشرطة دانا اللى بزلزل الزلازيل دانا فرعون النيل اللى ملاقاش حد يردة ولسة ياما هايحصل فيكى يا محروسة او ياللى كنت محروسة وحسبنا الله ونعم الوكيل فى كل حبيب عادلى فيك يا داخلية مصر

[شينكاوي]

طبعا مش عاوز ازيد واعيد في كلام عن تجاوزات الشرطه في حق البني ادمين ولكن في الصعيد لما ظابط بيتزنق في حتة سلاح بيجبر المواطنين يسلموا الحتة دي وبعدين يا جماعه دا لما الباشا بس بيعدي - طبعا الباشا ده مش شرط الظابط دا ممكن حتة امين شرطة-بس يعدي تشوف حالة من الرعب بين الناس حتي اللي موقفه سليم بالمرة عارفين ليه خوفا من الظلم والجبروت .

انا شفت ابن الراجل اللي اترمي جه واسمه ابانوب والله العظيم - علي الرغم انهم نصاري - لكن مصريين وممكن يكون عندهم وطنية وشرف وكرامه احسن من ال.... اللي رما ابوه الولد كان عنده هيستريا والله يا جماعه انا خايف في يوم اترمي كمان من اي حتة ما هي بقت بلد الرمي .

واخيرا للظالم يوم وان طال سوف يؤخذ بالنواصي والاقدام

هناك رب عالمين يحاسب

يؤتي بالقاتل والمقتول يوم القيامة والمقتول يمسك بتلابيب القاتل قائلا يا رب سل هذا فيما قتلني

[u]صدق رسول الله صلي الله عليه وسلم .... الشرط والجلاوزة كلاب النار يوم القيامة.... والجلاوزة هم اعوان الحاكم الظلمة [/u]

[مـي]

بسم الله الرحمن الرحيم

مش عارفة أقول ايه غير ..

حسبي الله و نعم الوكيل .....

و أنا فعلا انصدمت لما سمعت الخبر ده في التلفزيون .. و لازم الضابط اللي عمل كدة يتعاقب و يعدموووه هو و اللي معاه ...

تم تعديل 12 أغسطس 2007 بواسطة مـي

[Automatic]

"الشرطة فى خدمة الوطن "

الشرطة و الشعب فى خدمة الوطن

اللهم لو كانوا غيروه تانى...

طب ده مش بطال اليافطه الي فوق قسم دهب بتقول "الشرطة و الشعب فى خدمة القانون"

تم تعديل 13 أغسطس 2007 بواسطة Automatic

[تيتو]

هو فيه ايه

ايه اللى بيحصل ده هو مفيش حد يوقف الإجرام ده

والموضوع بيزيد وهاهو خبر منشور بالمصرى اليوم

مقتل شاب داخل قسم مركز المنصورة

لقي شاب مصرعه داخل قسم مركز أول المنصورة، بعد أيام فقط من مقتل مواطن في قرية تلبانة علي أيدي ضابط القسم نفسه.

كان رجال مباحث القسم ألقوا القبض علي محمد محمد ممدوح «١٧ سنة» للاشتباه به أمس الأول، وبعد مرور عدة ساعات من وجود المشتبه فيه داخل القسم، خرج منه جثة هامدة، وعلي جسده آثار ضرب وتعذيب.

تسلمت أسرة الشاب جثته، تمهيدا لدفنه. تحرر محضر بالواقعة وأخطرت النيابة للتحقيق. اتهم أفراد أسرة الضحية رجال المباحث بضربه حتي الموت داخل القسم.

[الحازم حسن]

تقرير لمنظمة العفو الدولية

[abo_sameer]

الشعب تحت تصرف الشرطه

والشعب في خدمه الشرطه

[aimen]

لأننا راضيين بكده ؟ لأننا فى نظرهم شئ موجود منه كثير ؟ فما فيش مشكلة لو مات مننا شوية ؟ وزير الصحة الأردنى وكمان وزير استقالاوا علشان 200 حالة تسمم واحنا عندنا لو الشعب اتسمم كله مافيش حد يتحرك ؟ حيبى الله ونعم الوكيل

[ahmedarab]

لا حول ولا قوة الا بالله

حسبنا الله ونعم الوكيل فى اللى خلوا مصر وصلت للدرجة دى

[MOOOM]

بجد يا جماعة إلي بيحصل من الشرطة ده كثير .. وللأسف لا حياة لمن تنادي .. يعني مهما يحصل بردو هيفضلوا زي مهما ولا فيه مسؤول يحاسب ولا قانون رادع ..

ثم مين قال إن الشرطة والشعب في خدمة القانون .. ولا حتى .. الشرطة والشعب في خدمة الوطن

الشعب بس هوه إلي في خدمة الوطن .. والشعب بس هوه إلي في خدمة القانون

إنما ولا الشرطة بتتدخل في خدمة ولا قانون ولا وطن .. بيتدخلوا بس في خدمة مصالحهم الشخصية وبريستيجهم ووجاهتهم

وطبعاً لكل قاعدة شواذ .. بس للأسف إن القاعدة الأن هي عدماء الضمير من رجال الشرطة .. ونادر جداً لما تلاقي ضابط شرطة محترم أو ابن ناس .. ومش هجيب سيرة الأمناء ولا العساكر .. لأن دول للأسف ومع احترامي للجميع [ كلاب القسم ] يعني ممكن يعمل أي حاجة علشان يرضي الباشا بتاعة .. وزي مالباشا بتاعة بيعمل فيه .. بيكون هوه عايز يعمل في الناس

الظاهر كدة إن الشرطة الفاسدة دي لازملها كل شوية واحد يتضرب بعربية من كوبري أكتوبر .. ولا رصاصة بربع جنيه من مجهول .. والظاهر مينفعش معاهم إلا طريقتهم [ أضرب المربوط .. يخاف السايب ] يبقى بردو لازم [ عاقب الفاسد علشان يخاف الباقي ] دي مش دعوة ولا مناشدة للإرهاب .. بس الكلام ده في حالة عدم تطبيق القانون على الجميع .. الكبير والصغير .. الباشا والزبال

يا جماعة .. والله العظيم .. وعن تجربة شخصية .. فيه أحكام كثيرة جداً جداً تصدر من القضاء .. بس الأحكام دي لا تنفذ .. ليه .. بسبب أمين شرطة صعلوق أو ظابط شرطة مرتشي أو معندوش ضمير ياخدلو أرشين من الخصم .. وضاع الحق .. وابقى قابلني لو أخذت حق ولا باطل

فعلاً هيا دي قمة الديمقراطية على رأي الفنان محمد صبحي في مسرحيته .. [ من حقك أنك تعترض .. ومن حقي إني أسجنك ] فيبقى من حقك إنك ترفع قضية .. وأنا كرجل شرطة وقانون بردو من حقي إني أنفذ الحكم أو لا ..

وموضوع الثأر ده غير مرتبط ولا بالصعايدة ولا غيرة .. أنا واحد من الناس [ وعافانا الله وإياكم ] لو حصل لي أياً من الأحداث التي ذكرت .. وكان ليا عمر بعديها .. مستحيل أعرف أعيش إلا لما أخذ ثأري بنفسي ... ومش من واحد بس ,, من العيلة كلها [ لو القانون مقدرش ياخد حقي ] لأن الفرد من غير كرامة لاقيمة له ويكون الموت أرحم ليه من العيش بدون كرامة