يا مستشفياتك يا حكومة

[se_ Elsyed]

جريدة الأهرام بتاريخ 8/8/2007م

ده موضوع كبيييييييييييييييييييييييييييييييييير ولو إتكلمنا فيه للصبح مش هايخلص ... بس ضروري نناقشه

ضمن الجهود الجادة للقضاء علي الإهمال والفساد والتسيب داخل المستشفيات العامة‏,‏ استقل وزير الصحة والسكان الدكتور حاتم الجبلي طائرة الإسعاف الخاصة بالوزارة‏,‏ وقام بزيارة مفاجئة لمستشفي الأقصر العام‏.‏

وصل الوزير الجبلي إلي المستشفي عند الثامنة من صباح أمس الأول ليجده خاويا‏..‏ المدير ومعظم الأطباء وهيئات التمريض غير موجودين‏,‏ ومظاهر الإهمال واضحة‏,‏ حيث تنتشر القمامة في طرقات المستشفي‏,‏ بالإضافة إلي انبعاث الروائح الكريهة‏,‏ مع انتشار الذباب‏,‏ والأسرة غير لائقة‏,‏ وكثير من الأجهزة الطبية لا تعمل‏,‏ وعلي الفور قرر وزير الصحة تحويل جميع قيادات المستشفي إلي التحقيق‏,‏ ولأنه لمس نوعا من التميز في وحدة الأطفال المبتسرين‏,‏ فقرر صرف مكافأة مالية للدكتور أسامة فتحي والممرضة هند جاب الله لوجودهما بالوحدة ورعايتهما للأطفال بكفاءة عالية‏.‏ وواصل الجبلي زيارته المفاجئة لمستشفي الأقصر الدولي‏,‏ الذي أقيم لخدمة السياحة العلاجية في المنطقة‏..‏ لكنه اكتشف أن الوضع لا يختلف كثيرا عن الحالة السيئة في مستشفي الأقصر العام‏,‏ وعلي الفور قرر إنهاء عقد الطبيب محمد عوض الله من رئاسة مستشفي الأقصر الدولي‏,‏ وتكليف الدكتور محمد ربيع بالقيام بأعمال المدير‏.‏ لكن وزير الصحة لمس صورة أكثر إيجابية في محافظة قنا‏,‏ وذلك حينما زار مستشفي قوص العام فوجده يعمل بكفاءة عالية‏,‏ مع تسجيل حضور معظم العاملين به‏.‏ أما في مستشفي نجع حمادي‏,‏

فقد قرر الوزير صرف مكافأة مالية للدكتور إبرام فلتس بقسم الأطفال المبتسرين لانضباط العمل‏.‏ وفي مستشفي قنا العام‏,‏ قرر الوزير نقل أحد أفراد الأمن بالمستشفي لأنه أطلق صفارات تدل علي وصول الوزير إلي بوابة المستشفي‏!‏ وخلال الجولة‏,‏ قال الجبلي‏:‏ إن تكاليف العلاج علي نفقة الدولة لغير القادرين وصلت هذا العام إلي‏2,2‏ مليار جنيه بدلا من‏1,8‏ مليار جنيه‏,‏ وناشد المواطنين القادرين ترك العلاج علي نفقة الدولة لغير القادرين‏.‏

[badroora]

الاهمال فى المستشفيات ليس بجديد علينا

ولو السيد الوزير القي نظرة على المستشفيات الحكومية القريبه منه دون الحاجة الى زيارة مفاجئه الى المستشفيات فى المحافظات البعيده

هيلاقى الوضع لا يفرق كتير عما رائه فى الاقصر

واقرب مثال اى مستشفي عام او مركزى هتلاقي نسبة الاهمال لا تقل عن 90 %

الاهمال مش بسبب اهماء الاطباء او الممرضات او العاملين بالمستشفي

دول يعتبروا عناصر فرعية اسهمت فى نسبة الاهمال

اما النسبة الاكبر تقع مسئوليتها على وزرارة الصحة والقائمين عليها وبتوع الانتخابات

وزراة الصحة لا تهتم بالوقاية بل تدعى ذلك وتبدا تتحرك لما تحصل كارثه كبيرة وبعدين يفوقوا ويدورا

وغير طبعا نقص الامكانيات والاجهزة الحديثه والرعاية الدورية والاشراف الدورى

والعلاج وعدد الاسرة والامكانيات وغيره وغيرة ........................الخ

اما بقي بتوع الانتخابات طبها حد يسالنى ايه دخلهم فى الموضوع هقلوكم هما صميم الموضوع

اى منتخب فى دايرة ولا فى نجع من ضمن الوعود

التى يوعد بها الناس هى تطوير المستشفيات والمدارس وللاسف بعد ما يفوز ماحدى بيسمع عنه شيء ولا بيشوف خلقته تانى

اذن الاهمال مشترك فيه عناصر كتيرة فلابد من معالجة او بتر الجذور لتصلح الفروع

وعلى راى الغالى ابو احمد الاسكندرانى

لك الله يا مصر ودى من عندى يا مستشفيات مصر :P

[tahereyad]

القطاع الطبي في مصر بصفه عامه و المستشفيات بصفه خاصه تعتبر من أشد مظاهر الاهمال اللي موجوده فالبلد,, و ده له عدة اسباب أهمها و أقواها انعدام الرقابه,,, الخطوه التي خطاها السيد الوزير فعلا خطوه جاده جدا في طريق مكافحة الاهمال و الفساد الاداري في المستشفيات الحكوميه و المديريات الصحيه و المراكز و الوحدات الطبيه كمان,,, لكن دلوقتي,, السؤال الهام:

هل مافيش غير السيد الوزير في الوزاره كلها اللي ممكن يقوم بالزيارات التفتيشيه المفاجئه من النوع ده؟؟ و قصدي أن الوزير معروف عنه كثره مشاغله و مسؤلياته,,, لكن ليه مايكونش فيه فريق من ذوي الخبره و الثقه من وكلاء الوزاره اللي ممكن يقومون بمثل هذه الزيارات المفاجئه علي كل مكان في مصر يتبع وزارة الصحه,, بدون الالتزام بجداول أو تواريخ,, و بالتالي هاتكون الفرق دي هيه البعبع اللي هايهرب منه الفساد و الاهمال و هايتم القضاء عليه...

مش بس وزير الصحه,,, كمان فين دور المحافظين في جميع محافظات مصر و نزولهم الدوري علي جميع الدوائر بمحافظاتهم؟؟

من قصص الاهمال و الفساد الاداري اللي عرفتها, انه كان لي صديق يعمل كمهندس أجهزه طبيه,, في احدي زياراته لصيانه أحد الأجهزه في مستشفي حكومي,, تعارف علي طبيب شاب من العاملين بالمستشفي,, الطبيب الشاب اتبحبح مع صديقي بكلمتين كان آخرهم انه أخذه من ايده علي غرفه مظلمه و مهمله بالمستشفي الحكومي,, و هناك رأي زميلي العجب العجاب,, وجد أحدث و أغلي الأجهزه الطبيه اللي وصلت المستشفي,, و هو طبعا عارف قيمتها كويس,, مغطاه بكميه هائله من الأتربه ولا يعرف أحد قيمتها أو كيفية استخدامها,, كما قال لي زميلي ان هذه الأجهزه في مستشفيات خاصه و عيادات عندهم أقدم وأرخص منها بكثير و لكنها تدر علي أصحابها ملايين الجنيهات في الشهر,, الأجهزه دي لو تم تشغيلها في المستشفيات الحكوميه أكيد هاتساعد كتير الطبقه المطحونه في الشعب و هاتساهم في رفع تكاليف العلاج الباهظه جدا في المستفيات و المراكز الخاصه...

أما طبعا بتوع الانتخابات كما قالت الأخت نجفه لهم دور رقابي كبير جدا في دوائرهم لو قاموا بدورهم كما ينبغي و ماعملوش صداقات مع مديرين و أطباء المستشفيات من أجل مصالح شخصيه.

علي اي حال,,, من باب الاعتراف بالحق,, لابد أن نشكر السيد وزير الصحه علي مجهوده في محاربة الاهمال و سوء الاداره في المستشفيات,, و نتمني أنه يستطيع الرقي بالمجال الطبي بمصر و محو الصوره السيئه المترسخه داخل كل مصري عن هذا المجال..

[badroora]

الاخ العزيز طاهر كلامك صح 100% ووجهة نظرك سليمة تماما .

بس فى نقطة واحدة احب اتناقش فيها قبل مرحلة الرقابة

لو مثلا عندك بيت وغير متجهز كويس وفى كماليات كتير ناقصة وضرورية انهى الاهم انك تجيب مديرة منزل ولا تكمل الضرويات الاول بمعنى

المستشفيات العامة والحكومية محتاجة الاول صيانه كاملة فى النتقط التالية

1- صيانه المكان نفسة وتوفير جو صحى ومناخ سليم للمرضي وللعاملين يعنى مثلا فى المستشفيات الحكومية متلاقيش لا ادوات نظافة متوفرة ولا مرافق صحية سليمة نظرا لان المواطن البيسط لو دخل حمام غير نظيف ولا اتحجز فى حجرة مع 20 شخص اخر مش يقدر لا يشتكى ولا يفتح بئه

2- الاجهزة الطبية كتير جدا فى المستفشيات الحكومية تلاقي اجهزة من اذل الزمن وحاجات بدائية جدا

3- المستلزمات الطبية من سرنجات وخلافة كتير جدا تلاقيها ناقصة فى المستشفيات واحيانا المريض بيشترى المستلزمات دى نظرا لعدم توافرها

4- العلاج ثم العلاج ثم العلاج المفروض المستشفيات الحكومية تمد المرضي بالعلاج ببلاش ولكن نظرا لفقر الحكومة تلاقيها توفر العلاج الرخيص والغالى المريض عليه يشترية وطبعا زى مانت عارف مين اللى بيروح المستشفيات دى ولو هو قادر على شراء العلاج من برا كان رحلهم ليه

4- التتدريب المستمر للاطباء والممرضات وزيادة وعيهم وتحديثم بكل ما هو جديد

وااعطاء كرسات ودروس توعية وعمل تقيم دورى لمستوى اداء الخدمة سواء للطبيب او للمرضة

ولكن نظرا لانها مستشفي حكومية والمريض ميقدرتش يفتح عنية ولا بئه لو حاجة غلط صابته لكن على النقيض الاخر فى المسشتفيات الخاصة اللى شعارها الزبون على حق يعنى بتلاقي الناس مش عارفة ترضي الزبون ازاى

5- ياتى هنا دو الرقابة والمرور المفاجيء .....الخ

يبقي كدا انت جهزت المكان ورفعت مستوى اداء العاملين ووفرت كل سبل الراحة والامان

ووفرت ايضا بيئة صحية للمريض والعاملين

ووفرت كل الاحتياجات اللازمة لتسهيل امداد المريض بالاحتياجات الازمة

بعد كل دا من حق السيد وزير الصحة واعوانه عمل مرور ومتابعة كل شيء

وبعد كدا يبدا يحاسب على الاهمال لو وجد

لكن المرور قبل عمل كدا داء يبقي pointless يعنى مالوش لزمة لانه بالظبط هيبقي عامل زى لما اى حد مسئول بيزور مكان تلاقي الشوارع نضفت وللاشجار اتزرعت وهو بيبقي عارف كويس اوى ان دى ليست الحقيقة ومع ذلك بيتغاضي عنها

اما لو زار المكان على ارض الواقع كما عمل السيد الوزير دى تعتبر خطوة ايجابية لبدء حملة التجديد

اما لو كان مر وشاف المستشفي نظيفة والحياة وردى كان هيطمئن وبعد ما يمشي ترجع ريمة لعادتها القديمة

تم تعديل 8 أغسطس 2007 بواسطة نجفة المغرورة

[شينكاوي]

السلام عليكم , بخصوص هذا الموضوع اعتقد ان هناك ظاهرة خطيرة للغاية بالمستشفيات الحكومية ليست كلها ولكن في بعض منها وكنت شاهد عيان علي واحدة منها هناك بعض الاطباء المشرفين علي بعض الاقسام لا يهتم بالمريض الا اذا قام المريض بعمل كشف بعيادته الخاصة اولا ثم يقوم الدكتور بتحويله الي المستشفي الحكومي التي هو- الدكتور- موظف بها ومن خلال مروره علي المرضي يكون هذا المريض هو الحائز علي النصيب الاكبر من الاهتمام طبعا هؤلاء الاطباء عددهم بسيط في مناطق ومهول في مناطق اخري من مصر .

وفي احدي المرات دخلت مستشفي حكومي فوجدنا بحدود كل غرفة بها 9 سرائر لمرضي نايمين عليها والمرافقين يفترشون الارض ولما كان دخولنا بالليل متأخر كان الطبيب المناوب موجود وكنا كشفنا عنده الاول وهو حولنا علي المستشفي وجه ورانا علي المستشفي اي انه كان في الوقت المفروض انه بالمستشفي كان بعيادته مع انه وقت متأخر وصعب يكون في زبائن بالعياده واكيد هيكون في حالات محتاجه اليه بالليل بالمستشفي لان المرضي متوفرين ولكن بما انه لا توجد رقابه والانسان ليس عليه رقيب الا الله فهذا الموضع يخضع لضمير الطبيب.

وصدقوني المهنة الوحيدة التي لا يستطيع ان يكون هناك عليك رقيب فيها الا الله ثم ضميرك هي مهنة الطب فاي خلل وخطا هو خطا في تركيبة ضمير الطبيب وايمانه بالله سبحانه وتعالي

[محمد عبدالعزيز]

بصراحة أنا مبسوط جداً من هذا المرور لوزير الصحة ليس ﻷنه رأى بعينيه مدى الإهمال الموجود فى مستشفيات الحكومة فقط.

ولكنه أيضاً يعطى بصيص من الأمل للمجتهدين والكفاءات من العاملين البسطاء الذين يعملون فى صمت ولا يشعر بهم أحد.

عندما يكافئ الوزير المجتهدين والكفاءات والملتزمين فى عملهم فهذا يشجع غيرهم على الاقتداء بهم وبالتدريج تتسع دائرة المتقنين لإعمالهم وتضيق دائرة الإهمال.

هذا المبدأ - مبدأ الثواب والعقاب - ضرورى جداً للإصلاح والنهوض ولكن يجب أن يكون بالحق والعدل وليس بالواسطة والمحسوبية والظلم.

تحية للدكتور حاتم الجبلى وياريت نشوف من ده كتير, وياريت مايكونش ده وهم أو مجرد تهدئة مؤقتة للشعب حتى يتم تمرير مشروعات أخرى بدون معارضة.

[محمد عبدالعزيز]

السلام عليكم , بخصوص هذا الموضوع اعتقد ان هناك ظاهرة خطيرة للغاية بالمستشفيات الحكومية ليست كلها ولكن في بعض منها وكنت شاهد عيان علي واحدة منها هناك بعض الاطباء المشرفين علي بعض الاقسام لا يهتم بالمريض الا اذا قام المريض بعمل كشف بعيادته الخاصة اولا ثم يقوم الدكتور بتحويله الي المستشفي الحكومي التي هو- الدكتور- موظف بها ومن خلال مروره علي المرضي يكون هذا المريض هو الحائز علي النصيب الاكبر من الاهتمام طبعا هؤلاء الاطباء عددهم بسيط في مناطق ومهول في مناطق اخري من مصر .

وفي احدي المرات دخلت مستشفي حكومي فوجدنا بحدود كل غرفة بها 9 سرائر لمرضي نايمين عليها والمرافقين يفترشون الارض ولما كان دخولنا بالليل متأخر كان الطبيب المناوب موجود وكنا كشفنا عنده الاول وهو حولنا علي المستشفي وجه ورانا علي المستشفي اي انه كان في الوقت المفروض انه بالمستشفي كان بعيادته مع انه وقت متأخر وصعب يكون في زبائن بالعياده واكيد هيكون في حالات محتاجه اليه بالليل بالمستشفي لان المرضي متوفرين ولكن بما انه لا توجد رقابه والانسان ليس عليه رقيب الا الله فهذا الموضع يخضع لضمير الطبيب.

وصدقوني المهنة الوحيدة التي لا يستطيع ان يكون هناك عليك رقيب فيها الا الله ثم ضميرك هي مهنة الطب فاي خلل وخطا هو خطا في تركيبة ضمير الطبيب وايمانه بالله سبحانه وتعالي

التعاون مع طبيب بهذا الوصف ومجاراته فيما يريد يعتبر مساهمة واشتراك فى الجريمة وتشجيع له على التمادى فى جريمته.

نريد محاربة الفساد ولكن بعيداً عن مصالحنا الشخصية!!!... هل هذا ممكن؟

[شينكاوي]

السلام عليكم , اولا يا اخ محمد ده مش رغيف عيش مش كويس اوافق اشتريه ولا لأ ده انسان مريض والوقت متأخر وما قدمناش حل غيره انا والشباب اللي معاي لو تمسكنا بالمبادئ في اللحظة دي اللي معانا كان ممكن يموت .

ومع ذلك انا اتفق معاك في ان السلوك خاطئ وسبق وقلت ان الوحيد الطبيب هو اللي لا يمكنك كبشري رقابته .

وانت عارف في محافظات نائية ما فيهاش لا مستشفي خاصة فانت ليست لديك البدائل .

اكيد فهمتني .

[صـــــقـــــر]

اعزائى اتفقنا على عدم التعميم فى كل شىء

صحيح معظم المستشفيات الحكومية عاوزة تتهد وتتبنا من جديد والناس اللى ماسكينها يتغيروا

بس والله العظيم فى نماذج مشرفة جدا جدا لمستشفيات حكومية

مثلا انا اخويا دكتور شغال فى مستشفى التامين الصحى فى المنصورة اللى فى سندوب حاجة والله فعلا مبهرة

قيادة صارمة جدا هى التى تدير الطاقم كله وبالفعل هذا الفرع من انجح الفروع على مستوى الجمهورية بعد فرع

مدينة نصر . الراجل مدير المسشفى راعب الدكاترة اللى هناك معندوش استثاناءات لحد خالص . كله بياخد حقه

اماكن نظيفة جدا. عناية بالمريض مش قادر اقول ايه انا كنت مش مصدق لغايه لما دخلتها

الناس بتحاول تقلد الدكتور غنيم فى المنصوة . هى عدوى الانسان الناجح بيعدى اللى حواليه

وانظروا للمنصورة مركز عالمى للطب . لدرجه فى طلاب جايين من امريكا ليتدربوا فى مركز غنيم

انا اقول ان التغيير يبنغى ان يبدا من داخل الفرد وانه يتقى الله ويرعى الامانه اللى ربنا ائتمنه عليها كل فى موقعه

صحيح رواتب الاطباء فى الشهر ما تجييش فى ساعة سمكرى عربيات بس اهو ما يبقاش الدكتور والمريض

[أبو مروان]

بصراحة يا جماعة ده موضوع يحرق الدم .... و يخوف لاننا نتكلم هنا عن شىء خطير جدا فى حياتنا .. فالمستشفى هى المكان الانتقالى بالنسبة لكثير من الناس .... اما ان يخرجوا منها معافين و الحمد لله وسط ابتهاج الاهل و الاحباب او الخروج منها جثة هامدة مودعة وسط بكاء و عويل الاهل ... و للاسف الشديد القائمون على هذه الاماكن الحيوية معظمهم قد تبلدت حواسهم وماتت فيهم الرحمة و الانسانية و تحولوا من ملائكة رحمة الى رسل موت باهمالهم و طمعهم و جشعهم .... ولا يسعنا الى ان نقول حسبنا الله ونعم الوكيل ... وادعو الله العلى القدير معى " ربنا لا تؤاخذنا بما فعل السفاء من"

أخوكم أبو مروان