أأه

[بنت شعنونة]

الكلام كثير..والليل طويل..و الوحدة صعيبة

وليلي دمعة..و ظلال شمعة..و خيالات غريبة

و قلم و ورقة..وخروج يرقة..وبداية قصيدة

والليل طول..والنهار تحول.. والدنيا ماهب حبيبة

وطفل يبكي..وعيون تحكي..قصايد ظلم شديدة

والأرض بركان..ثاير في كل مكان..وايام تمر عصيبة

يتحرك زلزال..يهد كل الأمال..يخلق دنيا جديدة

بس الليل طول..والنهار تحول..والدنيا ماهب حبيبة

وعيون ولهانه..وقلوب عطشانه..وكل يدور خليله

و حبيب مجروح..وقليبه مذبوح..واللي ذبحه كان حبيبة

وحروف تخدع..و ابواب تقرع..والضحية انسان كان بحال سبيلة

بس الليل طول.. والنهار تحول.. والدنيا ما هب حبيبة

ودم ينزف..و تراب يجرف.. وكل راض بنصيبة

و انسان يموت..واليوم يفوت..ما حد يدري وش ممكن يصيبة

وام تنوح..واب قلبه ما قدر يبوح..بالحزن على ابنه حبيبه

بس الليل طول..والنهار تحول..والدنيا ما هب حبيبة

وليلي دمعة.. وظلال شمعة..وخيالات غريبة

جدران و ظلمة.. وليل عتمة..وانا بروحي وحيدة

و حروف تتطاير..من قلب حاير..ولسان انسانه بعيدة

و قلم و ريشه.. ولون و تهميشه..و ااه من قلوب تعيسة

بس الليل طول.. والنهار تحول....

.........والدنيا ماهب حبيبة!!

[وسام]

واضح ان خلع ضروس العقل اثر على لهجتك ........ عليها رشة من لهجة الخليج :D

سلامتك ...... :(

[Seafood]

و ضرسي سوس..و مشروعي فلس..و فى البطاقة المهنة طبيبة

[بنت شعنونة]

وسام..

الله يسلمك

شكرا :roll:

فواكه البحر..

محاولة ظريفة للتكملة

بس مهما كان في البطاقة المهنة طبيبة اكيد ارقى من اي مهنة تانية :wink:

:?

[MuslimaEgyptian]

و حبيب مجروح..وقليبه مذبوح..واللي ذبحه كان حبيبة 

وحروف تخدع..و ابواب تقرع..والضحية انسان كان بحال سبيلة 

27سنة كان محصلتهم= خلع 3 ضروس عقل!!

يا خــســارة

تجارب عمليه..ونعم من الله بالميه..تعالوا نحاول نحصيها

شمس ساطعه ...وميه ساقعه...وسرائر دفيئه

وأكل علطرابيزه..ملوخيه وخبيزه...وبطون مليئه

وقلم بالشعر ولهان...ووشعننه صحيح... لكن كلها طيبه

وصحه تمام..وقلب بينبض..وعيون بصيره

ونت وتلفزيون..وعربيه ولبس...فى زمن البطاله المريره

وإخواتى ربنا يخليهم...وبابا حواليه...ومهنه مفيده

صحيح مبتجبشى تمنها...بس كفايه نظره إنسان..إتعالج على إيدى

وبكره الدنيا تروق...بالصبر مش بالدموع...وإبن الحلال هييجى

الحمدلله على اى حال..فقدر الله وما شاء فعل..وانا عبده حميده..

[اللمبى]

أأه....أحسنت يا اختى العزيزه......

مسير الدنيا تضحك تانى من جديد :D

وتبقى ببعد حزنك ياقلبى سعيد :D

وتتبدل اهاتك باحلى المواويل :(

وتشوف نهار حياتك بعد الليل الطويل

الدنيا دى حكايه مرويه من زمان :)

لا فرح فيها دايم ولا حزن ولا هوان :mad:

لكنها دايره بتلف بالايام :?

وزى ماعليت غيك هاتعليك كمان :D

الصبر يا صديقى مش كلمه او دموع :)

الصبر الحقيقى جهد وشكر وخشوع :)

ماتقولش يا نهايتى وترضى بالخضوع :mad:

لكن قول يا بدايتى راح اشبع بعد جوع :D

يالى خسرت امبارح كله :o

بكره اهو جاى قوم قوله :cry:

هاخد منك المقسوم لى :D

وارضى بقدرى حلوه ومره :D

مسير الدنيا تضحك ... مسير الدنيا تضحك :D

لا شعر ولا خواطر .. مجرد كلمات ... علشان محدش يزعل .. :D

السلام عليكم

[ragab2]

وليه ننسى ساعات الفرح ونفتكر الدموع

اللى كان فيها حياتنا مرح وضحك مشروع

والا الحزن عندنا غية .. والفرح فينا ممنوع

يالى غاوى البكا اضحك . دة الزعل مرفوع

لو نفتكر نعم الله نسجد وتشكره بخشوع

والرزق من عنده وكمان الشبع بعد الجوع

الموت علينا حق حتى لو فى وسط دروع

ليه ننسى الحقيقة ونعمل للوهم .. ذيوع

وليه نسيب الأصل ونبحث ... على الفروع

ونعمل من الحبة قبة ومن لاشيئ موضوع

دة بعد الليل يطلع النهار ولازم للضوء قشوع

وعمر الظلم مايدوم .. والزمن مالوش رجوع

والظلم لما يعم يبقى عدل طالما فيه شيوع

والعدل لازم يسود ... ومافيش بتوع ولا بتوع

اعمل لآخرتك. وماتكونش فى الدنيا مفجوع

عاوز تعيش بالعرض ومن كل شيئ كذا نوع

كان لى واحد صديق . غنى لكنه كان جربوع

عاش فأرى يعد الفلوس وللموت كان مفزوع

ترك العزب والأراضى للعيال تجرى فى الربوع

خد ايه معاه لما مات غير الكفن والفقر والجوع

بدل النكد اضحك . وللحزن ماتعملش خضوع

الضحك شفا وحدك أو حتى فى وسط جموع