شراء شقة فى الإسكندرية أسألكم المشورة

[وردوفل]

السلام عليكم -اهم حاجة للى عاوز يشترى شقة هى ترخيص المبانى -تروح الحى وتسال عليه -لان القانون محدد الارتفاع مرة ونص عرض الشارع -ايضا المنطقة المحصورة بين البحر وشارع جمال عبد الناصر لايزيد الارتفاع عن 6ادوار مهما بلغ عرض الشارع وده ادى الى البناء بدون ترخيص بالتالى سلق البناء اى يبنى بسرعة غير ملتزم بقواعد البناء ويسكن علشان الحى ميهدمش المبنى وده ادى لمئات من العمارات يعلم الله مدى صلاحيتها-وبالتوفيق ان شاء الله

[newcomer]

لاه يااختي نيوكومر ممكن المحامي يقولك حلي ودي في حالة مااذا فوضتيه في انهاء اجراءات تسجيل الشقة ..

يعني انتي روحي لمحامي ويكون متخصص في كتابة العقود وماشابه واطلبي منه يوضح لك وضعك القانوني ايه وهو هيكون امين معاكي لان هيستفيد في كل الاحوال مهو انتي مش هتعرفي تتمي اجراءات التسجيل لوحدك وفي نفس الوقت هيطلع له فيها مبلغ كويس ..

ادفعي استشارة واسئلي وفي كل الاحوال المحامين الكويسين مش ناقصين قضايا وهيدلوكي على الطريق المختصر مباشرة ..

باعتذر عن تأخرى فى الرد.....

انا لسة شايفاه حالا.....

يبدو انى عندى مشكلة فى خاصية التنبيه

و باشكر حضرتك جدا.....لاهتمامك و ردك

[newcomer]

بس لازم تروحى الشركة اولا

هو ده ان شاء الله اللى ناوية اعملة

هاضطر اسافر بس...... علشان المقابلة دى...

و ربنا يعمل اللى فيه الخير

باشكر حضرتك جدا لأهتمامك و ردك

و برضه باعتذر عن التأخير فى الرد

[محمود الاسكندرانى]

الاخت العزيزه:

السلام عليكم ورحمة الله

انا من اسكندريه من حى العجمى و لسه واخد شقه تمليك من سنه قريبه بعض الشيء من البحر

بمبلغ 110 الف جنيه بمساحة 120 متر دفعت 70 الف والباقى على 5سنوات بواقع 10 الاف كل سنه

وهناك اماكن كثيره حلوه واسعارها معقوله فى العجمى واكتوبر غرب اسكندريه

اما شرق اسكندريه فالاسعار اغلى قليلا واذا اردتى شرق انصحك بشارع 45 هو الشارع المقابل لحى ميامى

ولكنه قبلى ويربطه بالبحر نفق يسمى نفق 45

شارع ممتاز والمسافه بينه وبين البحر لا تتعدى 300 متر اقل او اكثر قليلا

اسعار الشقق به معقوله جدا مقارنه بميامى

وايضا المندره والمعموره بها شقق قريبه من البحر وباسعار اقل بكثير من اسعار الشقق بالقاهره

واهلا بك مقدما فى اسكندريه واى استفسار انا بأذن الله مستعد

[بحار الغربة]

طيب يا اهل الخبرة

هل فيه فرصة ان الاقى شقة فى سموحة بعد مديرية الامن كده لغاية جرين بلازا

وياترى لو موجودة المتر يعمل كام هناك فى المنطقة دى ..؟؟؟؟

وياترى منطقة رشدى المتر سعره كام اليومين دول

كيلوباترا بحرى برده سكنت فيها ومنطقة حلوة وليا معاها ذكريات ايم الجامعة ... فى شارع الدير .... ياترى هناك المتر يعمل كام برده ؟

ماحدش من اهل الخبرة يستعرض لنا المناطق دى كده واسعارها كام اليومين دووول ؟؟؟

وشكرا

[بحار الغربة]

فينكم يا شباب

طيب يا اهل اسكندرية

[صـــــقـــــر]

للرفع

الاخوة الاعزاء انا اعانى من نفس المشكلة انا عايز شقة فى الاسكندرية اتجوز فيها بس مش عارف اروح لمين واروح فين

انا نازل مع نهاية السنة ان شاء الله مصر.ياريت الافادة وياريت اسعار معقولة وياريت لو فى تقسيط.

شاكر لكم :lol:

[عطر الجنة]

طيب يا اهل الخبرة

هل فيه فرصة ان الاقى شقة فى سموحة بعد مديرية الامن كده لغاية جرين بلازا

وياترى لو موجودة المتر يعمل كام هناك فى المنطقة دى ..؟؟؟؟

وياترى منطقة رشدى المتر سعره كام اليومين دول

كيلوباترا بحرى برده سكنت فيها ومنطقة حلوة وليا معاها ذكريات ايم الجامعة ... فى شارع الدير .... ياترى هناك المتر يعمل كام برده ؟

ماحدش من اهل الخبرة يستعرض لنا المناطق دى كده واسعارها كام اليومين دووول ؟؟؟

وشكرا

اسكندرية شققها كلها مولعة و غالية لاننا فى الصيف و كمان ندرة الاراضى ذات الموقع الجيد و ان وجدت فسعرها اعلى من حد التصور

تخيلو متر الارض على البحر فى منطقة ميامى ب 55 الف جنيه

ناهيك عن تحديد الارتفاعات

يعنى الانسان الان يقول معاه كام يعنى حدوده المادية كام و بعدين يشوف دول يجيبوا كام متر و فين

[بحار الغربة]

ما شاء الله الاسعار بقت نار

والموضوع ده لقيته وانا بدور بالصدفة واكتشفت انى كنت مشارك فيه

ياجماعة

هو مبلغ 140 الف جنيه ينفع اشترى بيه شقة فى شارع 45 ؟؟؟؟ مع انى ماعرفهوش

وهل فيه منطقة احسن اعرف اشترى فيها بالمبلغ ده

طبعا غير العجمى

وشكرا

[kokomen]

ما شاء الله الاسعار بقت نار

والموضوع ده لقيته وانا بدور بالصدفة واكتشفت انى كنت مشارك فيه

ياجماعة

هو مبلغ 140 الف جنيه ينفع اشترى بيه شقة فى شارع 45 ؟؟؟؟ مع انى ماعرفهوش

وهل فيه منطقة احسن اعرف اشترى فيها بالمبلغ ده

طبعا غير العجمى

وشكرا

السلام عليكم

المشكلة إن الأسعار أرتفعت بشكل كبير في الإسكندرية وخصوصا بزيادة الحديد والأسمنت كل شهر تقريبا

ومع دخول الصيف الأسعار بتزيد زيادة غير طبيعية .... أما بخصوص مبلغ ال 140 ألف جنية فهو مناسب ولكن في مناطق معينة

مثلا شارع 45 بيكون مقسم إلى قسمين ... بحري عبد الناصر .. وقبلي عبد الناصر

بحري عبد الناصر بيكون قريب من البحر وده الأسعار فيه أصبحت خيالية جدا لا تقل عن 300 ألف تقريبا

أما قبلي عبدالناصر فيمكن تجد فيه أسعار أقل شوية يعني في حدود 120 ألف إلى 200 ألف جنية

لأنه يعتبر شعبي شوية

ده تصوري عن الأسعار وأرجوا ألا أكون مخطئ في تحديد هذه الأسعار

تقبل تحياتي

[بحار الغربة]

اشكر اهتمامك بالرد على سؤالى

وحبيت اخد رأيك

ياترى شقة فى العجمى افضل ام شقة فى شارع 45

طبعا بالمبلغ اللى ذكرته لحضرتك وهو 140 الف تقريبا

ولو زودت المبلغ شوية واصبح 180 الف ايه احسن مكان ادور فيه

شكرا جزيلا

[بحار الغربة]

منتظر الرد يا شباب

[pink rose]

منتظر الرد يا شباب

شوف حضرتك الموقع دا

الوسيط - اسكندرية

هاتلاقي فيه شقق و اسعارها مقاربة للمبلغ اللي حضرتك قولت عليه

يعني فيه شقة في بحري ب 175000 تاني نمرة من البحر احسن من العجمى مليون مرة

ما اعرفش انا ما بحبش العجمي خالص مع انهم خلاص دخلوا فيه صرف صحى بس تقيل على قلبي من زحمته

افتح الموقع و دور براحتك فيه

و ان شاء الله يرزقك بشقة حلوة و سعرها معقول

تم تعديل 1 يونيو 2010 بواسطة remo