عمر بيك بتاريخ: 6 أبريل 2003 تقديم بلاغ مشاركة بتاريخ: 6 أبريل 2003 مش هو برضه اللي قال:يابلدنا ياغريبة فيكي حاجة محيراني ............... نزرع القمح ف سنيييييييييييين يطلع القرع ف سواني (وفي رواية أخرى : نزرع القمح بصعوبة) .. هو برضه اللي قال: "لولا النقادر لهلك الناس وطغي الباطل علي الحق ولا متطي الأَرذال ظهور الأفاضل وبقدر ما يخفت صوت الناقد يرتفع صوت الدَّجَّال ...... النقد البَنًّاء." عمر. ... 'wonders never cease'! رابط هذا التعليق شارك المزيد من خيارات المشاركة
Cleo بتاريخ: 22 أبريل 2003 كاتب الموضوع تقديم بلاغ مشاركة بتاريخ: 22 أبريل 2003 الأولة آه، و التانية آه و التالتة آه *** الأولة كان معانا دين يعلمنا و التانية كان الحيا و الخوف لاممنا و التالتة كان الأدب و العقل عاصمنا **** الأولة كان معانا دين يعلمنا حرام و حلال و التانية كان الحيا و الخوف لاممنا كبار و عيال و التالتة كان الأدب و العقل عاصمنا من الأوحال **** الأولة كان معانا دين يعلمنا - حرام و حلال و ضيعناه و التانية كان الحيا و الخوف لاممنا - كبار و عيال و دى نسيناه و التالتة كان الأدب و العقل عاصمنا - من الأوحال وراخر تاه ****** تمرى يا عين على صالة و بار مفتوح منه عبير الغوانى ولاوانى تفوح اهجم يا محروم، وكون ناطح على منطوح **** الأولة هات لى واحد يا جدع فرموت و التانية كوكتيل ويسكى، أشربه و أموت و التالتة، بالراحة تيجى، ولا بالنبوت **** الأولة آه و التانية آه و التالتة آه وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 22 أبريل 2003 كاتب الموضوع تقديم بلاغ مشاركة بتاريخ: 22 أبريل 2003 كنت أحسب الست جوهر فى صدف مكنون يرخص لها كل غالى فى الوجود، و يهون أيام ما كانت كتابها يكتبه المأذون... ويبات عريس الهنا فرحان بكنز قارون **** كتب الكتاب اتلغى و استبدلوه بخطيب يبات و يصبح - بدبلة - للفاميليا حبيب و تفوت سنين قبل ما يقولوا زفافها قريب وأخر المطاف يطردوه و يقولوا سافل دون **** وراح زمان الغزل و الحرقة و الأشواق لما النسيم كان يعرى بس ربع الساق أو تبتسم فى الفوال اللى فوالها راق أو يسمع اللى انشبك ضحكة من الأعماق تبات فحول الرجال - ولكل واحد داء دواه وصال الحبيب ... و إزاى... و امتى يكون **** ولا كنت أحسب فى يوم الجوهرة حاتضيع وتتلطع عالشطوط من جملة الملاطيع ويبات يدلل و يطبع رسمها الطبيع و يبيع بتعريفة للقراء... و للجرابيع الأغنيا علموها كل فعل فظيع و النصابين شغلوها واسطة فى المشاريع و المفلسين علموها تشترى و تبيع و النار فى قلب الغيور بتقطعه تقطيع من دى الزمان المودرن الأرعن المجنون وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 28 مايو 2003 كاتب الموضوع تقديم بلاغ مشاركة بتاريخ: 28 مايو 2003 فطرت الصبح فى الأوتوبيس على كوم لحم بالجورجيت و وجه صبوح و شعر يفوح بعطر الفل و الفيوليت و جوز رجلين تقول للعين : جمالى واللا مستجيت و فى غض البصر آيات.. و حافظها.. ولا غضيت و بالله ده يبقى صوم؟؟!! **** و نص اليوم قعدنا كوم ندارى الصوم و نتسلى أكلنا لحم أخواننا يا ريته كان كباب حلة أكلناه نى متجش بسب الدين و الملة و أمواتهم لعناهم و سبينا النسا فى البيت و كيلنا التهم للقوم..!! **** و بعد العصر و الصايمين ما بين تسبيح و قرايه خانقت مراتى و مراتى ما بين منخل و مقلاية و ستوتة اللى نفعانا فتحت دمغت بعصاية ولما استفتح القرآن قفلت الراديو و اتمديت و يا صايم دواك النوم..!! **** و قالولى السهر يحلا هناك فى حى لاتينى و أنا حى اللاتين سابق فى سهراته طلع دينى ذهبنا للحسين واخدين بنات حى السكاكينى و حى على الفلاح وانت.. ولا ردوا.. و لا رديت و ده كله فى أول يوم..!! (أصل مكانش فيه أيامها فوازير لسه) وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 4 يوليو 2003 كاتب الموضوع تقديم بلاغ مشاركة بتاريخ: 4 يوليو 2003 شوف بدع ربك و صنع إيده عشان يدلك على وجوده يرسم ظلاله على عبيده ظلال جميلة و ظلال تقيلة **** فلان ده ظله ملاك منور و فلان ده شكله جاموس مصور نعوز نبدل نعوز نغير قضا و تحكم ما فيهشى حيلة **** له ناس راسمهم من الخفافة ببدلة زرقة تلقاه قيافة و بجلبية يزداد لطافة الدم غالى و الروح نبيلة **** وناس راسمهم من الغلاسة و من التفاهة و من الغثاثة يلبس رمادى، يلبس طحينى تصرخ هدومه و تقول غيتونى *** ولما يلبس قميص منشى النعش يخجل أمامه يمشى ورباط رقبته وارد أوربا وارم فى صدره كأنه ضربه *** وجوز خةاتم دهب راشقهم تقول لاقيهم تقول سارقهم يكون فى عونه اللى طول حياته مجبور يعاشره إلى وفاته وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 3 أبريل 2004 كاتب الموضوع تقديم بلاغ مشاركة بتاريخ: 3 أبريل 2004 بياعة الفجل، أحسبها من الأبطال اللى لهم فى الميادين يتنصب تمثال فى الليل، و فى شهر طوبة، و الهوى قتال و الناس فى نومة - و بتنادى على الأكال راضية براسمال و مكسب، كله ربع ريال منه الغدا و الكسا هيه و ست عيال و تسأل الله من فضله يديم دى الحال **** فين الكرامة اللى ضاعت عنكم يا رجال ياللى استحيتم و فريتم من الأشغال لو كان "سليل الأمجاد" يشتغل عتال أو الأفندى، يكون جزار أو بقال مكانش فى كل ناحية فى البلد بطال يمد إيد السؤال للسادة و الأندال وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
Cleo بتاريخ: 6 ديسمبر 2004 كاتب الموضوع تقديم بلاغ مشاركة بتاريخ: 6 ديسمبر 2004 للرفع.. وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
هشام الجنيدى بتاريخ: 7 ديسمبر 2004 تقديم بلاغ مشاركة بتاريخ: 7 ديسمبر 2004 الله الله ربنا يزيدك من العلم وتعلمينا كمان وكمان انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان