se_ Elsyed بتاريخ: 28 يوليو 2007 تقديم بلاغ مشاركة بتاريخ: 28 يوليو 2007 ما تتخيلوش الموضوع ده شاغلني من فترة كبيرة قد إيه ؟ وساعات بأقعد أسأل نفسي " هو عدم اللامؤخذه فين بوليس الأداب في الشارع المصري ؟ " قصدي يعني مين بيظبط إيقاع الشارع ؟ ومين بيضمن أن الشارع منضبط ومافيش مثلاً شباب بيتحرش بفتيات ماشيين في حالهم في الشارع ؟ أو ناس مش محترمة قاعدين على قهوة مش محترمة ونازلين مضايقة في اللي رايح واللي جاي .... أو نفس القهوة اللي مش محترمة دي مشغله الكاسيت بتاع الأغاني على الأخر والصوت يقتحم على الناس بيوتها ويجعل حياة الناس جحيم ويوم ما تتصل بالشرطة بتيجي بصراحة ياخدو المعلومة ويتنهم راجعين .. ولو إن الكاسيت بقى موضى قديمه وحل محله قنوات الأغاني الفضائية اللي بقت تنمو وتتكاثر ولا الأرانب ... وياريت معظم تلك المقاهي بتضع التليفزيون داخل المقهى .. إلا إن من تبجحهم وتسيبهم بقت التليفزيونات توضع في منتصف الشارع ، والقهوة أو المحل بتلاقيه متر في متر لكن واخد من الشارع حوالي 30 متر . ولا مؤخذه الحدائق العامة وما أدراك ما الحدائق العامة واللي بيحصل فيها .. مين بياخد باله من اللي بيحصل واللي بيصل في كثير من الأحيان إلى - سوري - إرتكاب فاحشة الزنا على مرآى ومسمع الناس وجهاراً نهاراً .. يعني مش ناس بتستتر تحت جُنح الظلام وتفعل ما حرم الله .. ولكنهم يتحدون المجتمع ويفعلون ذلك أما الجميع ؟ أخوكم س س ماشي بالعربية لا به ولا عليه من أيام قليلة ومعدي قدام إيه بقى ؟ لا قدام كازينو ولا فندق ولا نايت كلوب ... والله العظيم تلاته معدي أمام القصر الجمهوري بكوبري القبة وعلى الطريق العام اللي يفصل بين القصر وبين محطة مترو الأنفاق وألاقي ولد وبنت ممكن في ثانوي كده ولا حاجه ونازلين بوس في بعض والبشر رايحين جايين شايفين المنظر وكأن ده اصبح شيء عادي ... ولسان حال الناس بيقول .. " البت راضية والواد راضي .. مالك ومالنا إنت يا قاضي ؟ " الحمد لله لا أدعي إن ده منتشر في مصر .. أو إن ده هو العادي .. لكنه يحدث ... ويكفي إن هناك في أماكن معروفه ومجرد ذكر إسم المكان بتلاقي الناس إشمئزت ووشها إتلون لإنها عارفه إيه اللي بيحصل هناك زي حديقة المطار او طريق مساكن الشيراتون او المقطم وكله كوم وكورنيش النيل كوم تاني .... على سبيل المثال .. والشرطة عارفه وكل فين وفين لما يعملوا منظر ويداهموا الأماكن دي ويلموا كام عيل من هناك . لكن بشكل عام ... كان يا ما كان ..كان فيه زمان ... جهاز شرطة إسمه مباحث الأداب وكان مسئول عن حالة الشارع زمان .. لكن شكلهم جالهم عقود عمل في الخارج في الكويت أو السعودية أو سلطنة عُمان .. عشان كده ما بقيناش نشوفهم ولا في المنام ... زيهم زي شرطة والعياذ بالله المرور ... يومياً وعلى غيار الريق تقأا حوادث مرور يشيب لها شعر الولدان .. وولا حياة لمن تنادي .... من فضلكو .. رجعوا لنا شرطة الأداب تاني أصلهم وحشونا قوي .. من فضلكوا وروا العين الحمرا للناس المنفلتة في الشارع عشان يتقوا الله وكل واحد يعرف إن للشارع حُرمه .. من فضلكم قولوا للناس دي روحوا أماكن مغلقة أو وراء جدران وإعملوا اللي إنتو عايزينه وحسابكم عند ربنا .. لكن في الشارع لأ .. لإن الشاعر ملك لنا جميعاً يا ترى أنا صوتي مسموع ولا بأهلفط وسيذهب صوتي أدراج الرياح ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
كمبورا 6 بتاريخ: 28 يوليو 2007 تقديم بلاغ مشاركة بتاريخ: 28 يوليو 2007 السيد الفاضل سى السيد انت عارف صوتك ح يروح فين ادراج الرياح طبعا مع الاحترام من يهن سهل الهوان عليه ..... رابط هذا التعليق شارك المزيد من خيارات المشاركة
Folana بتاريخ: 28 يوليو 2007 تقديم بلاغ مشاركة بتاريخ: 28 يوليو 2007 السلام عليكم ورحمة الله..... أنا أأمن على كل كلمة قلتها يا س.س....وأضيف الى ما ذكرته حديقة الميرلاند.....وحيث ان سكنى القديم قريب منها وكنت امارس رياضة المشى حول اسوارها ....فكنت اشاهد مايعف اللسان عن ذكره...زى ماتفضلت ووضحت كده ويزيد.... ومن المثير للدهشة والاشمئزاز معا...البشر اللى واقفين بره السور...كل واحد حاجز مكان من بعد المغرب..وماسك فى السور بايده وواقف فاغر الفاه ..جاحظ العينين...لا واللى يغيظ بقى ..ان المشاهدين دول بيتضايقوا جدا لو حد شتم اللى جوه الحديقة لانه افسد عليهم متعة المشاهدة.... والمضحك فى الموضوع ان فيه عربة شرطة واقفة على ناصية احد الاضلاع ...مش عارفة ليه؟... أنا باحزن جدا لان سن البنات والشباب دول لا يتعدى 18 سنة بحال من الاحوال.....ويرتكبون الفاحشة على مرأى ومسمع الجميع........مش عارفة ايه اللى جرى فى الدنيا....الناس بقت تستسهل الغلط وارتكاب الفواحش...وماتيسر من رمى المحصنات كمان .... نسأل الله العفو والسلامة اللهم لا تؤاخذنا بما فعل السفهاء منا.... { لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ } رابط هذا التعليق شارك المزيد من خيارات المشاركة
desert_eagle70 بتاريخ: 28 يوليو 2007 تقديم بلاغ مشاركة بتاريخ: 28 يوليو 2007 انا بشكرك يا سى السيد انك فتحت الموضوع ده بجد بس على فكرة المشكلة موجودة من زمان بس هم خلاص فضلوا ساكتين عليها لحد ما وصلت للأحداث اللى حصلت فى وسط البلد واللى بعتبرها بداية الشرارة لأحداث تانية جاية كتير يعنى هى كانت بتحصل فى المترو والأتوبيسات والأسواق بس كانت الناس بتتكلم واللى بيعمل كده بياخد جزاءه .. دلوقتى زى ما يكون الموضوع عادى .. وكمان شرطة الأداب مادام مبيجلهاش بلاغ ملهاش دعوة بحد بقت بتخاف يطلع ابن لواء ولا حد واصل ولا هى تطلع بنت أو أخت حد من اللى بيقولوا عليهم الواصلين وبالتالى الضابط بالأمين بالبوكس اللى راكبينه يتنقلوا مباحث الكهرباء يا ااما يشغلوه اى حاجة ملهاش لازمة .. بصراحةالموضوع زاد عن حده .. بس هل الحل فى ايد بوليس الأداب هل هو اللى هيحمى حرمة الشارع إذا كان البولس أصلاً معندوش أداب ولا قوانين ازاى هيطبقها بس انا متأكد برضه إن أحنا لسه بخير وعندى أمل ان كل شىء يتصلح إن شاء الله . وسلام عليكم لا داعى للخوف من صوت الرصاصة .. فالرصاصة التى ستقتلك لن تسمع صوتها رابط هذا التعليق شارك المزيد من خيارات المشاركة
afreet بتاريخ: 30 يوليو 2007 تقديم بلاغ مشاركة بتاريخ: 30 يوليو 2007 ياسى السيد انت فتحت عش دبابير اتفضل اقفله تانى زى مافتحته ياعم الشيخ مافيش ضابط فى مصر يرضى يوقف شاب او فتاه لعمل مخل بالاداب الا لو فيه اخباريه او كمين او العيال شكلها تعبان عندى من القصص مالا يسع المنتدى حملها عن معارفى ضباط الى تاخر ترقيته والى اتحاكم والى اتبهدل لانه عمل فيها خضره الشريفه ومسك ناس فى وضع مخل وطلع ابن خالة صاحب ابن بواب عمارة اللواء فلان او علان دلوقتى فى التانى السلامه وفى العجله الندامه اذا ماجالوش امر مباشر بعمل كمين او تصفيه مكان مابيتحركش حتى لو قدام عينه اما عن الفاحشة فالنظام الجديد فى مصر انه لا عيب الا الزنا وما دون ذلك فهو طيش شباب حتى الزنا لو مره واحده مش مشكله المهم ماتكونش مهنه " راجع فتاوى مفتى الجمهوريه " مع خالص تحياتى وكل واحد يسك على عياله صبيان وبنات وربنا يسترها وما يسكوش هم عليه رابط هذا التعليق شارك المزيد من خيارات المشاركة
Ahmad Farahat بتاريخ: 30 يوليو 2007 تقديم بلاغ مشاركة بتاريخ: 30 يوليو 2007 من حوالي أربع سنين واحد صاحبي طلب حاجتين مني يتعلم عروض ويسمع شريط فيه خطبة التأميم لجمال عبد الناصر رحنا لجنينة القبة وقعدنا سوا خلصت الدرس وقعدنا سمعنا الشريط في آخر الشريط فوجئنا براجل وست نازلين في بعض .................. ووالله العظيم قعدت أقله يا فولان المنظر ده حقيقي فعلا مكنتش مصدق مع إني قعدت ربع ساعة أتفرج وأنا مش مصدق ملحوظة أنا كنت قاعد بعييييييييييييييد علشان كده مااتخانقتش معاهم ألام على هواك وليس عدلا ................ إذا أحببت مثلك أن ألاما رابط هذا التعليق شارك المزيد من خيارات المشاركة
ديكارت بتاريخ: 31 يوليو 2007 تقديم بلاغ مشاركة بتاريخ: 31 يوليو 2007 طب ايه رايك يا سي السيد لو كان عندنا هيئة الامر بالمعروف زي اللي في السعودية ؟؟ والظـُّلْمُ من شِيَمِ النِّفُوسِ فإنْ تجدْ ذا عِفَّةٍ فلعلةٍ لا يَظْلِمُ رابط هذا التعليق شارك المزيد من خيارات المشاركة
الطيار المصرى بتاريخ: 1 أغسطس 2007 تقديم بلاغ مشاركة بتاريخ: 1 أغسطس 2007 في نزهة قصيرة مع شيخ فاضل اتتلمذ علي يديه علم التجويد........مررنا بحديقة تسمي حديقة علي ابو النور بالعباسية....... فالقيت نظرة فاذا بالشباب و الفتيات جالسين و هم.........كما قلتم تماما.... و نظر الشيخ فاذا به لا يصدق ما يري......(وهو القاطن بالعباسية من سنين)...... و عندما لفت نظره و قلت: حضرتك اول مرة تشوف اللي بيحصل ده؟فاقسم بالله انها المرة الاولي....... ولم ينم هذا الشيخ ليلتها من هول ما رأه......و عندما اصبح ذهب الي صديق له يعمل بمنصب مهم بجريدة الاهرام... و قام الشيخ بكتابة مقالة يصف فيها غياب الامن في تلك المنطقة.....و لكن لم تنشر سوي مقطع صغير من المقال.. ولكن قام هذا الصديق بارسال نسخة من المقال الي حبيب العادلي و نسخة اخري الي اسماعيل الشاعر مدير امن القاهرة...... و بعد يومين.....استدعي الشيخ أيمن الي قسم العباسية..وقالوا له:ليه اللي انت عملتوا ده يا فضيلة الشيخ؟مش حاجة زي كده تيجي تقولنا..اديك حولت مسؤل المباحث و عدد من ضباط القسم الي التحقيق.....و تم بعد ذلك حملات لاخلاء تلك الحديقة.. هذا الكلام حدث منذ ما يقرب الستة شهور.....و لست ادري ان كان هذا مستمرا ام كما يقول المثل"عادت ريما لعادتها القديمة" معين الدمع لن يبقى معينا .... فمن اي المصائب تدمعينا زمان هون الاحرار منا .... فديتِ وحكم الانذال فينا ملأنا البر من قتلى كرام .... على غير الاهانةِ صابرينا كأنهمُ اتوا سوق المنايا .... فصاروا ينظرونَ وينتقونا لو ان الدهر يعرفُ حقَ قومٍ .... لقبل منهم اليدَ والجبينا عرفنا الدهرَ في حاليهِ .... حتى تعودناهُ ما شدا ولينا فما رد الرثاء لنا قتيلا .... ولا فك الرجاء لنا سجينا سنبحث عن شهيد في قماطٍ .... نبايعه امير المؤمنينا ونحمله على هام الرزايا .... لدهرٍ نشتهيهِ ويشتهينا فأن الحق مشتاق الى ان .... يرى بعض الجبابر ساجدينا رابط هذا التعليق شارك المزيد من خيارات المشاركة
se_ Elsyed بتاريخ: 1 أغسطس 2007 كاتب الموضوع تقديم بلاغ مشاركة بتاريخ: 1 أغسطس 2007 شكراً لتفاعل المشاركين مع الموضوع ديكارت كتب طب ايه رايك يا سي السيد لو كان عندنا هيئة الامر بالمعروف زي اللي في السعودية ؟؟ أنا عارف إنت بترمي لإيه يا لئيم ... أولاً إنت واحشني .. وثانياً طمننا على أخبار تايلند ؟ ثالثاً : أنا حاسس كده وأرجو إن إحسسي يكون مش سليم .. إن إنت عايز تقول إن عشان أنا في السعودية يبقى تأثرت بالفكر الوهابي وأنادي بتطيبق فكرة هيئة الأمر بالمعروف والنهي عن المُنكر في مصر .. بص يا سيدي : الحمد لله أنا من الناس اللي لا تتأثر بأي أفكار بسهولة ، بالإضافة إلى إن أي فكر حتى لو كان شيوعي لو يتوافق مع ديني ومبادئي فمرحباً وأهلاً وسهلاً به ، ولا تعنيني المسميات مُطلقاً .. يعني يسموه بوليس الأداب ، يسموه هيئة الامر بالمعروف .. إن شالله يسموهم عسكر الدرك ... ما يهمش الإسم على قدر ما تهم المسئوليات والواجبات والمداومة على تنفيذ تلك الواجبات واللي اهمها المحافظة على النظام والاداب العامة في الشاراع . أنا بصراحة مش عارف يا ديكارت إنت من انهي جيل .. لكن شكلك كده في اواخر التلاتينات أو اوائل الأربعينات .. صح ؟ ما علينا يبقى بالتأكيد كده شوفت طشاش زمان في الثمانينات عساكر الدورية وهما بيعدوا في الشارع وراكبين خيول ... والله العظيم شوفت المنظر ده بنفسي وأنا صغير .. وكان شيء رائع يُدخل الرهبة والخوف في نفوس المجرمين ويخليهم يفكروا ألف مره إنهم يبلطجوا في الشوارع .. أو يخلي شاب وفتاة مجرمين وما تربوش يفكروا ألف مرة إنهم يرتبكوا مثل هذه الفواحش في اماكن عامة ... وعايز حد يغلطني ويقولي هل كان في مثل هذه المناظر زمان ؟ أي نعم لم ولن نكون مجتمع ملائكه .. لكن على الأقل القاذورات دي كان لها أماكن مخصصه .. أو كانت تركتب خلف الأبواب المغلقة اللي مالناش دعوة بها لإننا نتحدث عن الشارع اللي هو ملك للجميع . وقبلها بعشرين او تلاتين سنة وحتى أيام الإحتلال الإنجليزي العثماني المشترك شاهدنا أفلام تواكب تلك الفترة ولم تكن تتعرض لهذا الموضوع مباشرة ولكن كان يأتي ذلك في سياق الأحداث .. حتى احداث الأفلام الكوميدية نفسها .. فكنا نشاهد عسكري الدورية راكب بسكلته .. مع العلم إن بتاع البسكلته ده كان بيبقى السوبرفيزور كمان .. أما العساكر العاديين فكانوا بياخدوها كعابي وكل عسكري بيبقى له منطقة معينة بيشرف على امنها وبالتالي كنت بتلاقي معدلات الجريمة أو الإنفلات قليلة جداً .. بالرغم من إن العساكر دول غلابة وما كانش معاهم سلاح .. اللهم إلا حتت عصايا وصفارة في بؤه بحيث لما يكون في خطر مُعين يقوم مصفر تلاقي زمايله إتملوا وساعدوه ... واحد هايقولي .. ده مصر زمان يا عم كانت عشرين مليون بالكتير قوي .. وبالتالي كان يسهل السيطرة على الأمور .. أقول له ما هي نسبة وتناسب .. يعني 20 مليون لو كان فيهم 100 ألف شُرطي بمختلف أجهزتهم .. دلوقت إحنا 75 مليون وممكن تلاقي عندنا مليون شرطي مع الأخذ في الإعتبار التجهيزات الحديثة مثل السيارات المخصصة لهم واللي مسخرين أبوها في توصيل الهانم للنادي والاولاد للمدارس والشغالة لسوق الخضار .. أو بيخرجوا الظباط يتفسحوا بها في الأماكن العامة ... حد يقدر ينكر إن في مناطق كثيرة وخصوصاً الشعبية وهي التي تُمثل معظم أحياء القاهرة على سبيل المثال يختفي فيها دور رجل الأمن تماماً ، قول بقى مرور قول أداب قول زي مانت عايز وفين وفين لما يتحرك رجال قسم الشرطة التابع لها هذا القسم لما تكون في مصيبة تستاهل وبياخدوا ساعتها العاطل في قلب الباطل وبيسوموهم سوء العذاب مما يجعل الكثير بل الأغلبية تكره حاجه إسمها رجل الشرطة . وبالتالي بقى المناطق دي وهي مُتسعة وكبيرة جداً جداً اكثر مما تتخيلوا .. بيحدث فيها ما يحلو لك أن تصفه من إنفلات ومن تجاوزات .. تبدأ من إستيلاء المحال التجارية على الشوارع الرئيسية كنوع من أنواع التوسع الأستيطاني ... ثم مروراً بأصوات الكاسيتات في المحال التجارية والتي تنطلق من صباحية ربنا إلى المساء وليذهب السكان إلى الجحيم ثم الأفراح والليالي الملاح التي تُقام في منتصف الطريق الرئيسي وممكن تستمر يوم أو يومين واللي عايز يستخدم الشارع يضرب راسه في الحيط وما أدراك ما يحدث في هذه الأفراح ... هذه الاجازة كنت قاعد مع أصدقاء يعملو في مجال تجارة السيارات . فعزموني على فرح اخوهم اللي هايقام بعد عدة أيام .. ولأني ما كنتش فاضي ففضلوا يعدوا مزايا حضور الفرح .... الفرح كان هايقام في الشارع العام وبشكل ضخم يسد الشارع من اوله لاخره .. ومن هذه المزايا إن البانجو هايتوزع على المعازيم ببلاش .. واللي مستقيم وما بيشربش بانجو فهايبقى في حشيش لتلبية وتنوع الرغبات .. وعلى أنغام ضرب البانجو والحشيش سيكون هناك راقصات فاتنات ... ده غير البيرة طبعاً اللي هايبلعوا بها الكوكتيل ده كله .. فاعتذرت له وقلت له أولاً انا بادوخ من الميه الساقعة ولو هاتقدموا في الفرح ده شاي بلبن ممكن أفكر أجي .. ثانياً لازم أطمئن وأعرف مين المحامي اللي هايدافع عننا لو إتمسكنا متلبسين ؟ طبعاً المخاوف دي لا محل لها من الإعراب لإن رجال قسم الشرطة في المنطقة بيبقوا حاضرين بيجاملوا أصحاب الفرح .. وبيبقوا متظبطن وقابضين المعلوم .. وبالتالي فالشرطة في خدمة الحشاشين . فاكرين الموضوع اللي كتيته من حوالي 4 شهور عن القرار اللي أصدره السيد المحافظ الوزير عبد العظيم محافظ القاهرة ومنع فيها إقامة أي سرادقات في الشاعر سواء عزاء او فرح .... لللللللللللللللللللوووووووووووووووووووووولللللللللللللللل ... عايز بس أقوله حاجه بسيطة .. يا سيادة الوزير المحافظ روح نام وإتغطى كويس وأما تبقى قد كلمتك إبقى إتكلم عشان شكلك ما يبقاش بايخ . ده مثال صغير لما يحدث في الشارع المصري الذي أصبح يُطبق مباديء الديمقراطية بحذافيرها .. لإن زمان قالوا لنا إن الديمقراطية هي " حكم الشعب لنفسه بنفسه " فما تجننوناش بقى .. ما هو الشارع زي الفل أهو وبيحكم نفسه بنفسه بعيداً عن القوانين أو وجود جهات تطبق وتحافظ على هذه القوانين وكل واحد في الشارع بيعمل اللي هو عايزه وبيختار طريقة الحكم اللي تناسبه . الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
afreet بتاريخ: 1 أغسطس 2007 تقديم بلاغ مشاركة بتاريخ: 1 أغسطس 2007 كما قال اخونا سى السيد وكما قال الجميع الشارع والامن جزء من منظومة الدولة ولما كانت المنظومة مخرومه فاكيد الشارع لازم يكون زيها لن تجد قطاع واحد فى مصر لم يصبه الفساد وسوء الادارة والتبلد اشمعنى الشارع الى هايبقى غير كده نحن نعيش فترة شيخوخة الحكم وهى فتره عصيبه وربنا يعديها على خير رابط هذا التعليق شارك المزيد من خيارات المشاركة
Diab بتاريخ: 1 أغسطس 2007 تقديم بلاغ مشاركة بتاريخ: 1 أغسطس 2007 (معدل) أنا لما أيام الثانوية العامة كنت راجع انا وصاحبي بنجيب ورقة التنسيق بتاع الجامعة في تقاطع ش فيصل مع المريوطية لاقينا الشارع واقف والعربيات نازلة بيب بيب بيييييييييييييييييييييب بيييييييييب بنبص كدة لقينا عربية جيب شيروكي واقفة بعرض الشارع فيها راجل وست نازلين في بعض (ـــــــــــــــــــــــــ عشان الرقابة ) أه والله العظيم بقي وأحنا طبعا حصلنا أسبهلال لأن اول مرة نشوف حاجة كدة عيني عينك -ساعتها كان أيام فيلم تايتانيك وواضح أنهم كان متأثرين بالفيلم جامد بس حب يمثلوه في العربية مش أخر السفينه بنبص للسواق لقينا بيضحك وفي عينه براءة كبراءة الأخوة من دم إبن يعقوب كان حتة دين shot فشر عادل امام يلا بلا نيلة . ربنا يهدهم تم تعديل 1 أغسطس 2007 بواسطة Diab أن تأتي متأخراً خيراً من أن لا تأتي أبداً Better Late Than Never رابط هذا التعليق شارك المزيد من خيارات المشاركة
tahereyad بتاريخ: 5 أغسطس 2007 تقديم بلاغ مشاركة بتاريخ: 5 أغسطس 2007 طيب خد عندك يا سيدي,,, عشان بس تعرف ان ده كله بيجي من فوق,,, من المبني اياه اللي في الميرلاند برضه: دورة تدريبية برعاية '' وزارة التربية والتعليم '' على '' الزنا '' الآمن جمال شحاتة نائب شبرا يتقدم بسؤال عاجل لوزير التعليم 04 / 08 / 2007 تقدم جمال شحاتة (عضو الكتلة البرلمانية للإخوان المسلمين عن دائرة قسم ثان شبرا) بسؤالٍ للدكتور يسري الجمل (وزير التربية والتعليم) عن دورة تدريس الجنس الآمن للطلبة المتفوقين في مركز إعداد القادة بالجزيرة، والتي أُقيمت لمدة خمسة أيام. وكان ذلك بعد الخبر الذي نُشر بجريدة (المصري اليوم) عن الطالب عمار ياسر والذي فوجئ بتدريس طرق ممارسة الجنس الآمن، وكيفية استخدام الواقي الذكري، وكيفية ممارسة الجنس مع أكثر من فتاةٍ دون الإصابة بمرض الإيدز. وبعد تحرياتٍ قام بها النائب علم أن المسؤول عن هذه الدورة هي جمعية (Dance 4 life) الرقص من أجل الحياة، والتي أذاع برنامج (البيت بيتك) حفل الختام لها، وظهر فيها الطلبة والطالبات يرقصون بأسلوبٍ أثار مشاعرَ المشاهدين، وعلقت المذيعة بالقول: إن اليوم شهد تخرج 80 من قادة المستقبل!! وطلب شحاتة توضيحًا من المسؤول عن إقامة هذه الدورة برعاية وزارة التربية والتعليم، والسماح بنشر الثقافة الجنسية الغربية التي تتعارض مع عادات وتقاليد مجتمعنا الإسلامي والمسيحي المتدين بطبيعة الحال. ســـــــــــالمة يا سلامة روحنا و جينا بالسلامة رابط هذا التعليق شارك المزيد من خيارات المشاركة
الأفوكاتو بتاريخ: 5 أغسطس 2007 تقديم بلاغ مشاركة بتاريخ: 5 أغسطس 2007 (معدل) الزملاء الأعزاء, فى المناسبات القليلة التى أزور فيها المحاورات, اسعدنى الحظ بقراءة هذا الموضوع للأخ الزميل القديم العزيز سى السيد, و الذى كنت فى الماضى ( عندما كان لدى القدرة على عطاء أكثر) أهديه كل مقال أكتبه بشأن الأمور التى لا تعجبنى فى الشارع المصرى( الشارع ليس مجرد الطريق, بل كل ما يحدث فى مصر), أو حتى الشارع الإنجليزى. و قد مس هذا الموضوع وترا حساسا فى نفسى, لهذا رأيت أن أشارك ببعض الرأى. إن ما يحدث من أمور منافية للآداب, و التقاليد المصرية المسلمة, كان يحدث فى الماضى, و لكن , كما قال الأخ سى السيد, كانت هناك شرطة خاصة بهذا السلوك, و كانت تقوم بواجبها على أكمل وجه. تغيرت معالم الحياة فى مصر فى السنوات الأخيرة, بحيث أصبحنا نرى مزيدا من الفساد و الإنحلال فى الشارع المصرى, كلما زرت المحروسة. رأيت مزيدا من مظاهر التسيب, و قد هالنى أن بعضها يفوق ما نراه فى بعض شوارع لندن, بل أن زوجتى الإنجليزية أبدت إستغرابها أن مثل هذه الأمور تحدث فى مجتمع متحفظ متدين, على هذا ا المستوى. و لكن, لا يجب ن ننظر فقط إلى هذه الظاهرة بدون إلقاء نظرة شاملة على ما يحدث فى الشارع المصرى( مرة أخرى, ليس الطريق), لنجد أن ما يحدث ليس سوى صفحة واحدة من كشكول التسيب الذى ينخر فى المجتمع المصرى. فالشرطة أصبحت شيئا غير ما كنا نعرفه فى الماضى, أى شرطة فى خدمة الشعب. فقد أدت السلطات الغير محدودة الممنوحة حاليا للشرطة ( و شكرا لقوانين الطوارئ و قوانين مكافحة الإرهاب التى أرسلنا وفود قانونية على مستوى رفيع إلى إنجلترا لكى يتعلموا من الإنجليزأساليب قمعية تفوقنا فيها بكفاءة منذ عام 52), إلى إحداث عدة أمور: 1- أن أفراد الشرط , بداية من العسكرى, مرور بالأمين, و الضابط, منتهيا بمدير الأمن, يعتقدون أنهم فوق القانون, و أصبحوا جميعا بهوات, و بشوات, و معالى, .. الخ 2- أن المواطن المصرى أصبح يهاب الشرطة, و يعتقد أنه يجب أن يهادن و يستجيب لطلبات الشرطة, مهما كانت مخالفة للقانون. 3- استغلت الحكومة هذه الرهبة من الشرطة, فوظفتها لأغراض سياسية كما فعلت أستراليا فى قضية الدكتور حنيف, 4- أدى هذا إلى الإعتقاد أن مهنة ضابط شرطة تؤهل لشاغلها أن يحصل على خاتم سليمان الذى يفتح جميع الأبواب. 5- مما أدى إلى بعض الآباء إلى دفع رشاوى تقدر بمئات الألوف من الجنيهات لضمان قبول أبنائهم فى كلية الشرطة, مع الأمل فى إسترداد هذا المبلغ طوال فترة بقاء الإبن فى وظيفته. 6- ماذا تتوقع من مثل هذا الضابط الذى تم تعيينه فى الشرطة عن طريق الرشوة و المحسوبية؟ 7- أليس من حقه أن يتعلم الدرس, و ينزلق إلى درجة الفساد التى ضمنت له وظيفته؟ لا أدعى أن هذا هو تصرف كل أبو أو كل ضابط شرطة. و لكن الوقائع التى تصل أخبارها إلى المواطن المصرى عن عدم القدرة للحصول على موقع لأى وظيفة بدون رشوة أو وساطة, يدل على أن من يسعده الحظ لكى يصبح ضابط شرطة, ربما قد حصل على خاتم سليمان( الرشوة أو المحسوبية), الذى يفتح له كل الأبواب. و الغريب أن وزارة الداخلية تعلم كل هذا, و لكن لأن الخوف من الشرطة يصب فى صالح الحكومات الديكتاتورية, التى يعتمد تواجدها على القوات المسلحة, بما فيها الشرطة, فإن أية تصرف طائش من ضابط شرطة, يكون مسموحا به, أو مغفورا له, إلا إذا فاحت رائحة عفنة, تجبر الحكومة على تقديم هذا الضابط إلى محاكمة صورية, تنتهى بالبراءة, أو الإيقاف لمدة 3 شهور( وهى عقوبة لا توجد إلا فى مصر) , و ذلك للحفاظ على ماء وجهها. لهذا, فإنى إضيف إلى شكوى الأخ سى السيد هذه الإنحرافات الأخرى, لكى نصب لعناتنا على كل من أخل بمهام وظيفته, و سمح للفساد لكى يستشرى, و يستفحل, و يهدم مجتمعنا الطيب المسالم. تقبلوا تحياتى, تم تعديل 5 أغسطس 2007 بواسطة الأفوكاتو أعز الولد ولد الولد إهداء إلى حفيدى آدم: رابط هذا التعليق شارك المزيد من خيارات المشاركة
مومو الامور بتاريخ: 6 أغسطس 2007 تقديم بلاغ مشاركة بتاريخ: 6 أغسطس 2007 اخى الغالى سى السيد مساء الخير الاخوة الاعضاء امساكم الله بالخير اود اولا ان اشكر سى السيد لتواجدة فى المنطقه العريقه كوبرى القبه وقصر القبه العريق ثانيا اود ان انوة انه كان قصر حكم مصر والسودان فى نفس الشارع وسمى لذلك امتداد شارع مصر والسودان ثالثا انا ترعرت فى هذة المنطقه وتركتها منذ 12 سنه على حالها كانت منظقه جميله مريحه هادئه اقرب لتكون مصرالجديدة وارض الجولف الحدائق العامه ياما بتشوف والناس مش فاضيه تعرض حد لان البجاحه وصلت حدها الدنيا اتقل خيرها والادب والعلم لم يصبحوا سمه الانسان سمه الانسان الان للاسف الشديد يعرف كم ظابط على كم امين شرطه وخال امه مدير فى الداخليه وبنت عمت خاله امه مديرة فى البحث الجنائى كل واحد عايش ومش فارقه معاة لما يجرا حاجه هيطلع ونسيوا الرقيب الاعلى عز وجل دعونا نقول الله يرحم الادب الله يرحم الرجوله الله يرحم الاخلاق الله يرحم العفه الله يرحم الاحترام الله يرحم الكرامه كلهم ماتوا فى حادثه امتا الحادثه حصلت منعرفش فين حصلت فى كل المجتمعات العربيه للاسف فى كل مكان اخيرا نقول لهؤلاء الشباب لاتنسوا الديان فكما تدين تدان والله يستر على ولايانا جميعا والسلام عليكم ورحمه الله وبركاته مومو الامور التوقيع و الصورة الرمزية هدية من الاخت مصرية يعني مصرية أشكرك رابط هذا التعليق شارك المزيد من خيارات المشاركة
FOX OF ARAB بتاريخ: 9 أغسطس 2007 تقديم بلاغ مشاركة بتاريخ: 9 أغسطس 2007 والله العظيم تلاته معدي أمام القصر الجمهوري بكوبري القبة وعلى الطريق العام اللي يفصل بين القصر وبين محطة مترو الأنفاق وألاقي ولد وبنت ممكن في ثانوي كده ولا حاجه ونازلين بوس في بعض والبشر رايحين جايين شايفين المنظر وكأن ده اصبح شيء عادي دا أحسن رد على اللى بيحصل، إحنا عايزين نرجع الآداب و الأخلاق لينا إحنا ، و بعد كده ندور على شرطة الآداب. اشكرك اخى الكريم على الموضوع There can be hope only for a society which acts as one big family ,not as many separate ones رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان