عقد عمل فى الامارات (عاوزة رايكم بسرعة)

[mony]

السلام عليكم يا اخوانى

انا عاوزه اخد رايكم فى عقد عمل جايلى فى الشارقة بمرتب 2000 درهم والسكن والمواصلات علي الشركة دى كبدايه ليا اعتقد كويسة وخصوصا انى لسه متخرجة مفيش سنه تقريبا ومفيش خبره كبيره هنا فى بلدى تتدفع اللى هيجيب شغل انه يحطلى مبلغ كبير ليا و كمان هوه عقد سنتين يعنى انا كنت متخيله انى مثلا اروح هناك ااقعد كام شهر والضم شغل كويس بعدها بس صاحب الشغل قالى عقد 3 سنين بعد مفاوضات معاه قال سنتين مش عارفه اعمل ايه هوه صاحب الشغل ابن خاله بابيا و فى ناس كتير اعرفهم هناك يعنى انا ضامنه الناس بس مش عارفه كعرض نفسه ايه رايكم هقدر اعيش سنتين من عمرى ب 2000 درهم و ممكن بعد السنتين افكر فى شغل جديد ولا الحل ايه

ياريت تردوا عليا بسرعه لان الراجل عاوز رايى الاسبوع ده علشان الراجل عاوز يبعتلى التاشيرة

مع العلم يا جماعه انى هموت على السفر

[hooba]

للامارات ......أعتقد انه مبلغ قليل ....بس برضه علي حسب المهنه ......لأني أعتقد ان المصاريف و الحياه غاليه شوية ....

و بعدين الاخوه في الامارات يفيدوكي اكتر .....

النصيحه : متتسرعيش و فكري و اسألي كويس .....و الميزه ان صاحب العمل قريب للوالد ....

و ربنا يوفقك ....

ايهاب

[kokowawa1979]

السؤال يا أخت موني :

هي الوظيفة إيه بالضبط ؟

إذا السكن والمواصلات على حساب الشركة فأعتقد أنك ستصرفين مبلغ 1000 درهم على الأقل - مابين غذاء ( ده إذا كنت ست بيت شاطرة وهاتجهزي الأكل لنفسك . وكذلك المكالمات التليفونية التي ستتبادلينها مع الأهل - وكذلك االملابس الخاصة بك .

يعني هاتوفري مايعادل 1500 جنيه مصري شهريا على الأقل .

لكن لاحظي في البداية أن يكون الضمان الصحي والإقامة على حساب الشركة التي ستعملين بها - وإلا ستجدين أن جزءا مهما من مرتبك ضاع .

ميزة عقد عملك أنك ستعملين مع قريب والدك - وكذلك عملك في الشارقة حيث أن الشارقة مازالت تعتبر إحدى المدن المحافظة حتى الآن في الإمارات .

ده كل اللي اٌقدر اقوله لك دلوقت ياأخت موني - والله الموفق

[حلم بعيد]

يا اختي انا عايشه في الامارات

المرتب يعتمد علي نوع الوظيفه يعني ما هي الوظيفه؟

واذا السكن متوفر يجب ان تعرفي ما هو مستوي السكن اللي يقصده و مع مين؟

و اذا زي مابتقولي قريب والدك ليه يفرض عليكي مده عقد معينه؟ و خلي بالك ان اي صاحب عمل ممكن يعملك حرمان بعد ماتتركي العمل عنده يعني حرمان من العمل داخل الدوله لمده6 شهور بعد ما تسيبيه

انا شايفه ان الموضوع مش مطمئن اوي ..واهم حاجه ان الواحد يضمن انه اذا ساب بلده مايتبهدلش بره و ربنا معاكي

[mesryforever]

أختى العزيزه فيه بعض الأشياء اللي لازم تخديها في الإعتبار زي ما قالوا السادة الأعضاء

1- المبلغ ده أقل من العادي يعني ممكن بسهوله جداً تصرفي ما بين 1000 إلى 1200 درهم مصاريف أكل وشرب ولبس ومكالمات هاتفية للأهل في مصر وكمان فسح

2- مصاريف عمل الإقامة والتأمين الصحي يبقى على صاحب العمل أوعي يقولك هأعملهم ويخصمهم من راتبك

3- يجب معرفة مين إللي هتسكني معاهم لأن كل جنسية ولها طقوسها الخاصة بها وياريت لو يسكنك مع مصريات يكون أفضل على الأقل هتقدري تتفهمي معاهم وتبقوا تشتركوا بالأكل طبعاً ده أرخص بكثير من إنك تأكلي لواحدك

4- أوعى يقولك هأيدلك مبلغ كل شهر وهأحوشلك الباقي ده طبعاً غلط كبير

5- لازم تعرفي مواعيد الدوام لأن بعضهم ما بيلتزمش بمواعيد محدده يعني عندهم مش مشكله الوقت مفتوح "بعض الشركات إللي أصحابها مصريين " لأني كنت أول ماجيت كنت على واحد صاحب خالي ومواعيد الدوام غير منتظمه يعني مادام المكتب مفتوح وصاحب الشغل موجود يبقى لازم نشتغل . " أنا قولت بعضهم "

وطبعاً أنا قلقت من أن العقد هو كان ثلاث سنين وبعد تفاوض خلاهم سنتين

المهم قبل ده كله لازم تصلي صلاة إستخارة وربنا هيظهر إن كان الموضوع ده خير هييسره وإن كان غير ذلك ربنا يكرمك بأحسن منها .

[badroora]

السلام عليكم يا اخوانى

انا عاوزه اخد رايكم فى عقد عمل جايلى فى الشارقة بمرتب 2000 درهم والسكن والمواصلات علي الشركة دى كبدايه ليا اعتقد كويسة وخصوصا انى لسه متخرجة مفيش سنه تقريبا ومفيش خبره كبيره هنا فى بلدى تتدفع اللى هيجيب شغل انه يحطلى مبلغ كبير ليا و كمان هوه عقد سنتين يعنى انا كنت متخيله انى مثلا اروح هناك ااقعد كام شهر والضم شغل كويس بعدها بس صاحب الشغل قالى عقد 3 سنين بعد مفاوضات معاه قال سنتين مش عارفه اعمل ايه هوه صاحب الشغل ابن خاله بابيا و فى ناس كتير اعرفهم هناك يعنى انا ضامنه الناس بس مش عارفه كعرض نفسه ايه رايكم هقدر اعيش سنتين من عمرى ب 2000 درهم و ممكن بعد السنتين افكر فى شغل جديد ولا الحل ايه

ياريت تردوا عليا بسرعه لان الراجل عاوز رايى الاسبوع ده علشان الراجل عاوز يبعتلى التاشيرة

مع العلم يا جماعه انى هموت على السفر

اختى العزيزة

اولا ربنا يوفقك للاصلح يا رب

ثانيا موضوع كتير ولا شوية دا بيعتبر على طريقتك فى الحياة وانتى بتحبي تعيشي ازاى خلينى افنتهالك

مبلغ الفين درهم يعنى بالمصري 3000 وخدشة هو مبلغ كبير لو هتخدية وانتى عايشة فى مصر

اما فى الخليج انا طبعا مو فى الامارات بس تقريبا الحياه فى الخليج تعتبر واحدة مع فروق بسيطة

عندك مثلا

على حسب انتى هتحبي تجيبي نت فى البيت ولا تروحى نت كافية دى بردة ليها ملبغ هنقول مش مشكلة ابقي اشتركى فى وصلة مع الجيران

اللبس دا بقي المشكلة لو انتى متطلعة وبتحبي تلبسي

طبعا هتنبهري بالميك اب والماركات اللى هتلاقيها وعندك البرفيوم دا طبعا موال تانى

حبيتى تروحى سينيما عشان تقصري الملل والسينيما يا ريتها هتنتهى على سينيما وبس لا غدا قبليها وسينيما وشوبنج بعديها وغير المواصلات لو مش حبة تجيبي عربية ولو حبيتى تجيبي عربية بالتقسيط شوفى هينخصم منك كام والتامين كام بحوادث ولا بدون وهتدفعى بنزين كام وغير بقي الخبطات والتصليح عموما بلاها عربية قضيها تكسيات

هل انتى بتساعدى اهلك ولا لاء وهتبعتلهم قد ايه

مكالمات التليفونات :110: طبعا انتى بتسافري انسي ان حد يكلمك كلة رنات ولازم تتصلي انتى اللى فى الخليج بقي

وعندك وانتى نازلة مش ااقل من مرتب 3 او 4 شهور هدايا وغير مرتب شهر وزن فى المطار

لو انتى هتعيشي حياتك بالطريقة دى يبقي 2000 درهم زى قلتهم

اما لو انتى

هتموتى عالسفر بس خالى بالك الغربةمره اوى اكثر مما تتصورى واحساس مو سهل وااقل مشكلة او زعلة بسيطة او عرفتى ان لاقدر الله حد يعز عليكى تعبان وانتى مش قادرة تكونى جنبه دى بقي بملايين الدنيا .

فبليز لو انتى حبة تسافرى والسلام بلاش عشان النتيجة هتكون مؤلمة انا طبعا مش باكسر مجاديفك انا باكلمك كاخت

انتى بقي هتبقي اقتصادية وهدفك تحوشي ومش هيبقي عندك اى تطلعات يبقي اوك المبلغ كويس بس حياتك هتخنوقك لانك هتملى بسرعة من روتنها وطبعا نسيت موضوع الدهب دا بقي قوم تانى الستات حتى اللى مش بتحب الدهب تلاقيها فى الخليج بتدمنه بس مش مشكلة اهو ادخار بردة

من الاخر يا اختاه اقعدى مع نفسك وفكرى فى الموضوع من كل الاتجاهات

انتى عاوزة ايه من السفر وهتديلة ايه وخالى بالك اللى هتدية هيبقي غالى اوى غربة بعيد عن اهلك وحرمان من الاصحاب ومن الجو الجميل ومن احلى سنين wst:: عمرك

لو لاقيتي الموضوع موجزى توكلى على الله وسافرى ومش تحسبيها

والله الموفق

وملحوظة

انتى طبعا مش قولتلى هتشتغلى ايه ولو مش حبة تقولى مش مشكلة بس بردة طبيعة الشغل مهمة جدا لازم تكونى فى امان ومرتاحة نفسيا وراضية عن شغلك ويكون يتناسب مع مستواكى العلمي اوعى تستقلي بنفسك وتقبلي اى وضع بحكم انك لسه خريجة جديدة ومش عندك خبرة خد بالك انتى مش ولد عشان نقول اهو خليه يسافر يتمرمط عشان يتعلم لاء انتى برنسيسة ومن حقك تلاقي زوج يتمرمطلك وانتى بردة تبقي برنسيس فخالى بالك من النقطة دى مش كل الممرمطة بتعلم لاء ممكن تحبط وتقلل من قدر ومش كل حاجة هنتساوي فيها بالرجال هما يترمومطوا اوك اما احنا لاء الله خلقنا هيك مش بتوع مرمطة smk:

الحاجة المهمة اللى عاوزة اقولك عليها ودى خد بالك منها اوى اوى

اوعى تسافري تتعشمى فى حد ولا تدى لحد الثقة الكاملة عشان لما هتنصدمى فيهم هتبقي دبح ودى خدى بالك منها كويس انتى سافرتى او هتسافرى لوحدك ودى تعتبر مخاطرة لازم تبقي قدها وتحضري نفسك كويس ليها ولا تنتظرى مساعدة من اى حد لانهم وقت الجد عمرك مهتلاقيهم متعاونين زى ما كنتى متعشمة

شكلى كدا سديت نفسك

خلينا ندخل عالحلو عشان متتعقديش

الحلو فى السفر انك بتكبري عقلك وطريقة حكمك عالاشياء بيتغير ودا طبعا غير ركوب الطيارة وغير انك تشوفى بلد جديدة واشكال وثقافات وعالم تانى شخصيتك بتغير وبتطور للاحسن طبعا لو استخدمتى حريتك واستقلاليتك صح

وكمان هيكون لنا اخت زيك بدل ما ننزل فى فندق ننزل عليها

وتبقي تيجى توزرينا ونود بعض

انتى طبعا بتقولى ايه اللى بتفرض نفسها دى لما تسافري انتى اللى هتتحيلي على وعلى اى حد مصري كويس يقرب منك

اوك فكرى كويس وصلي صلاة استخارة

وربنا الموفق باذن الله

تحياتى يا قمر

تم تعديل 10 يوليو 2007 بواسطة نجفة المغرورة

[m_alaaelden]

السلام عليكم يا اخوانى

انا عاوزه اخد رايكم فى عقد عمل جايلى فى الشارقة بمرتب 2000 درهم والسكن والمواصلات علي الشركة دى كبدايه ليا اعتقد كويسة وخصوصا انى لسه متخرجة مفيش سنه تقريبا ومفيش خبره كبيره هنا فى بلدى تتدفع اللى هيجيب شغل انه يحطلى مبلغ كبير ليا و كمان هوه عقد سنتين يعنى انا كنت متخيله انى مثلا اروح هناك ااقعد كام شهر والضم شغل كويس بعدها بس صاحب الشغل قالى عقد 3 سنين بعد مفاوضات معاه قال سنتين مش عارفه اعمل ايه هوه صاحب الشغل ابن خاله بابيا و فى ناس كتير اعرفهم هناك يعنى انا ضامنه الناس بس مش عارفه كعرض نفسه ايه رايكم هقدر اعيش سنتين من عمرى ب 2000 درهم و ممكن بعد السنتين افكر فى شغل جديد ولا الحل ايه

ياريت تردوا عليا بسرعه لان الراجل عاوز رايى الاسبوع ده علشان الراجل عاوز يبعتلى التاشيرة

مع العلم يا جماعه انى هموت على السفر

لاء انتى برنسيسة ومن حقك تلاقي زوج يتمرمطلك وانتى بردة تبقي برنسيس فخالى بالك من النقطة دى مش كل الممرمطة بتعلم لاء ممكن تحبط وتقلل من قدر ومش كل حاجة هنتساوي فيها بالرجال هما يترمومطوا اوك اما احنا لاء الله خلقنا هيك مش بتوع مرمطة

الحاجة المهمة اللى عاوزة اقولك عليها ودى خد بالك منها اوى اوى

اوك فكرى كويس وصلي صلاة استخارة

وربنا الموفق باذن الله

تحياتى يا قمر

ياسلام يانجفه كلمتين في الصميم ... هي كل البنات بتعمل كده ؟

تقنعوا نفسكم أنكن برنسيسات ونحن الرجال نتمرمط علشان البرنسيسات !

بصراحه جديده علي دي ... أو متخيلش أن ده يكون فكركم ... طيب ماشي يأستاذه نجفه

الأيام جيه كتير ودوام الحال من المحال ومسيرها تلف وعمرها مادامت على حال هذه الدنيا

أختنا الفاضله mony سمو البرنسيسه

أستخيري ربنا سبحانه وتعالى ( صلي صلاة الأستخاره وبأذن الله تعالى ترتاحي لرأي )

وأدعوا الله عز وجل أن يوفقك في أختيارك وبأذن الله تتيسر أمورك وتبدئي طريقك وتنجحي

أخوكِ واحد من الرعيه

[mony]

انا مش عارفه اشكركم ازاى على نصايحكم الغاليه دى بجد ربنا يخليكوا ليا

بس الوظيفه "محاسبه وسكرتيرة" بمعنى انا خريجة تجارة انجليزى و هى شركة مقاولات هيمسكونى حسابات بناية كامله ده اللى فهمته هوه مش ابن خاله والدى الله يرحمه على طول بس بمعرفه بالوالد وانا والدى متوفى وبالنسبه لحكاية انى ابعت لاهلى فلوس فا لاء وحتى انا كمان مش فى دماغى احوش قوى الا لما يجيلى مرتب اعلى لانى سالت ناس كتير وحسيت ان 2000 يادوب على قد الحياه وايوة انا هنا فى بلدى بشتغل ب 1000 ج مصرى وبخلصهم مبحويش حاجة بس انا هدف من الامارات هوه السفر والتجربه فى حد ذاتها وكمان انا عارفه ان الوظيفه مرتب قليل بس انا مجرد احط رجلى فى الامارات هلاقى كذا عرض وده اللى قاله الراجل صاحب الشركة هوه مدير العام ليها قاله لواحد زميلى شغال عنده فى الشركه والواحد ده جه قالى لما شاف السى فى بتاعى قاله السى فى بتاعها جميل بس يخوف علشان مجرد ما تيجى هنا هتتخطف خطف وهيجلها عروض جامده هتسيب الشركة وانا هتحمل اقامة ومصاريف وفى الاخر تمشى علشان كده تمضى عقد 3 سنين ولما اتفاوضنا معاه قرر يكون عقد سنتين بس انا فى بالى ااقعد السنيتن بدول كفاح لحد ما يخلص مدة العقد و اشوف شغل احسن بمرتب احسن وخصوصا انى ساعتها هيبقى معايا خبرة اماراتيه بالنسبه للسكن هوه عباره عن استديو يعنى كل له حياته مش اود مشتركة ودى ميزة بس انا دلوقتى سهرانه ومش عارفه انام من التفكير بس هقوم اصلى استخارة قبل ما انام وربنا يسهل بس برده رايك ايه يا جماعه اه نسيت ااسالكم عن حاجة نفترض مثلا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

[badroora]

لا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

دى ملهاش شروط معينه دى بتبقي على حسب اتفاقك مع الشركة من الاول انك ممكن تنزلى بعد 6 شهور ولا لاء !!

موضوع الاجازات مش ثابت او فى قانون معين بيحكموا دا حسب بولسي المكان نفسة .

وربنا يوفقك ان شاء الله

[smart_7]

السلام عليكم

أختي mony ‎

انصحك بعدم السفر

وشكرا

[وائل كيوان]

نسيت ااسالكم عن حاجة نفترض مثلا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

سيدتى انتى سألتى من الناحية القانونية عن الخروج من الامارات اثناء سريان مدة العقد الفعلية ففى معظم دول الخليج هناك مدة قانونية لا يجوز السماح باكثر منها خارج بلد الاقامة وهى مدة ست اشهر فإن خرجتى من الامارات وفاتت مدة الست اشهر لا تستطيعى دخول الامارات مرة اخرى الا بغقد عمل جديد او زيارة جديدة وذلك لسقوط اقامتك بطوال مدة غيابك خارجها وليس هناك اى الزام عليكى فى اى شئ سواء من الشركة او من مدة العقد فسقوط الاقامة الغاء فعلى للعقد المبرم بينك وبين الشركة ولن يمنعك العقد هنا من العمل فى شركة اخرى ان حصلتى على عقد عمل جديد بعد سقوط الاقامة وهذا ما يفعلة بعض المصريين ان ارادوا التخلص من الشركات التى يعملون بها بالحصول على عقود من شركات اخرى فى مقابل انهم يسيبوا الخليج لمدة ستة اشهر والرجوع للعمل فى المكان الجديد

مع خالص تحياتى

المستشار بدولة الكويت

[mony]

نسيت ااسالكم عن حاجة نفترض مثلا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

سيدتى انتى سألتى من الناحية القانونية عن الخروج من الامارات اثناء سريان مدة العقد الفعلية ففى معظم دول الخليج هناك مدة قانونية لا يجوز السماح باكثر منها خارج بلد الاقامة وهى مدة ست اشهر فإن خرجتى من الامارات وفاتت مدة الست اشهر لا تستطيعى دخول الامارات مرة اخرى الا بغقد عمل جديد او زيارة جديدة وذلك لسقوط اقامتك بطوال مدة غيابك خارجها وليس هناك اى الزام عليكى فى اى شئ سواء من الشركة او من مدة العقد فسقوط الاقامة الغاء فعلى للعقد المبرم بينك وبين الشركة ولن يمنعك العقد هنا من العمل فى شركة اخرى ان حصلتى على عقد عمل جديد بعد سقوط الاقامة وهذا ما يفعلة بعض المصريين ان ارادوا التخلص من الشركات التى يعملون بها بالحصول على عقود من شركات اخرى فى مقابل انهم يسيبوا الخليج لمدة ستة اشهر والرجوع للعمل فى المكان الجديد

مع خالص تحياتى

المستشار بدولة الكويت

انت فرحتنى بكلامك مرسى قوى ربنا يخليك اصل الهدف من سؤالى ده ان لو فى اى حاجة فى الغربة ضيقتنى مش اضغطت على نفسى ولا احس انى عايشة فى سجن ساعتها فلوسى فى جيبى واول طايرة نازله مصر

بالنسبة للاخ smart انت معترض على السفر ليه احب اعرف رايك؟؟

[smart_7]

انا هعقب على أخر رد

للأخ وائل

ان معظم الشركات هنا في الإمارات ده لو مكنتش كلها حتى الشركات الكبيره لا يسمح بوجود جواز السفر مع العاملين بالشركه

يعني قصدي ان انتي مش هتقدري تسافري الا بعد 2 سنه اي بعد انتهاء مدة العقد

[Tafshan]

لا احب ان ارد على الموضوعات بمثل هذا المضمون لان كل شخص مختلف عن الاخر ..و ما يصلح لى ربما لا يصلح لكِ و العكس صحيح ..

بالنسبه للوظيفه .. اعتقد ان الراتب قليل جداً و نوعية شركات المقاولات التى توظف بهذه المواصفات توفر في الاغلب ما يسمى بسكن عمال يعنى عنبر فيه عدد كبير من الموظفين به اسره و ليس سكن بالمعنى المفهوم .. السكن في الامارات مكلف جداً ..

الظروف المعيشيه في مثل هذه السكنات تكون قاسيه بشكل كبير ..

ما يحز في نفسي ان الاسيويين لم يعودوا يقبلوا مثل هذه العروض و و بدأ يقبلها المصريين ..

المهم ..

بالنسبه لقانون العمل ..

عقد العمل عند الغائه يفرض حرمان لمده 6 شهور او سنه بحسب الشركه الكفيله و بالتالى الخروج من الامارات سيكون صعب الرجوع فيه ...

الامارات بشكل عام مكلفه جداً من حيث مستوى المعيشه .. 8000 درهم في الشهر هو الحد الادنى لحياه انسانيه في الامارات و ليست حياه مريحه ..

نصيحه محاسب بدون CPA في الامارات = وظيفه من هذا النوع المذكور ..

حاولى تعملى ال CPA قبل قرار السفر الى اي مكان ...

اخيراً ..

لو فعلاً الوظيفه عن طريق صديق والدك .. في اقتراح :

انه يبعث لك فيزة زياره و ليس عمل : تشوفى الجو و تشوفى ان كان ح يمشى معكِ و لا لأ .. و بعدين يمشى في اجرائات العمل لما تيجي الامارات ..

حاجه كمان ... خلى باسبورك معكِ لحد ما تطمنى من كل النقاط اللى قلتها لكِ ..

على فكره فرص العمل مش بالسهوله دى هنا .. الموضوع بيعتمد على النصيب .. و في قصص كثير لناس جت و مشيت بدون فائده ..

ربنا يوفقك

[Tafshan]

نسيت ااسالكم عن حاجة نفترض مثلا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

سيدتى انتى سألتى من الناحية القانونية عن الخروج من الامارات اثناء سريان مدة العقد الفعلية ففى معظم دول الخليج هناك مدة قانونية لا يجوز السماح باكثر منها خارج بلد الاقامة وهى مدة ست اشهر فإن خرجتى من الامارات وفاتت مدة الست اشهر لا تستطيعى دخول الامارات مرة اخرى الا بغقد عمل جديد او زيارة جديدة وذلك لسقوط اقامتك بطوال مدة غيابك خارجها وليس هناك اى الزام عليكى فى اى شئ سواء من الشركة او من مدة العقد فسقوط الاقامة الغاء فعلى للعقد المبرم بينك وبين الشركة ولن يمنعك العقد هنا من العمل فى شركة اخرى ان حصلتى على عقد عمل جديد بعد سقوط الاقامة وهذا ما يفعلة بعض المصريين ان ارادوا التخلص من الشركات التى يعملون بها بالحصول على عقود من شركات اخرى فى مقابل انهم يسيبوا الخليج لمدة ستة اشهر والرجوع للعمل فى المكان الجديد

مع خالص تحياتى

المستشار بدولة الكويت

في حالة لو حدث ذلك من حق الشركه وضعها في القائمه السوداء و بالتالى لن يكون من حقها ان تأتى للامارات مره اخرى ..

الالغاء الطبيعى هو الافضل لتجنب ذلك ..

على فكره قانون العمل في الامارات جيد الى حد كبير .. و اللجوء الى دائرة العمل و العمال منصف الى حد بعيد من حيث استرداد الحقوق الماديه او نقل الكفاله في حالات معينه .. و بالتالى التعامل القانونى يوفر الكثير من المشاكل ..

[tahereyad]

الاخت العزيز:

أعتقد أن الأخوه والاخوات أعطوكي ردود ممتازه بالنسبه للوظيفه, وانا برضه أحب أعلق علي كام نقطه:

[*]1 بالنسبه انك حديثة التخرج و غير متزوجه, أنا شايف المرتب مش وحش بالذات انك غير متزوجه و معندكيش أعباء كبيره زي المتزوجين و معاهم أسرهم

[*]2بالنسبه للسكن حاولي بس تعرفي طبيعته ايه, و مع مين, لأنك غالبا مش هاتحسي براحه كبيره من السكن في غرفه واحده مع الهنود الفلبينيات.

[*]3حاولي تتأكدي من أجازتك المدفوعه هاتكون قد ايه واذا كان الميعاد محدد ولا في أي وقت يعني المفروض لا تقل عن شهر مدفوع الاجر

[*]4 في بند الرعايه الطبيه لازم تتأكدي ان الرعايه الطبيه علي الشركه والا لو لا قدر الله حصل مرض,, الموضوع هايكون مكلف جدا جدا,, لدرجه ان في بعض من زمايلي لما كان أولادهم بيتعبو هنا كانو بيرسلوهم للعلاج علي مصر أوفر

[*]5وبالنسبه للأخو الي اتكلمو علي بند الهدايا, انتي مش متزوجه والهدايا هاتكون في حدود الاسره (الوالد والوالده والاخوه) وأعتقد ان الوضوع هايكون في حدود امكانياتك.

6 الحاجه الاخيره ممكن تعرفي تذاكر الطيران و مصاريف الاقامه عليكي ولا علي الشركه قبل ماتيجي (لأن الاقامه لوحدها بيحسبوها ب 6000 درهم وبيخصموا 500 من مرتب كل شهر وبالتالي هايكون المرتب أقل
وأخيرا أحب اقولك ان الحياه في الشارقه و عامه في الامارات ممتازه جدا و هايحصلك في الاول حاله انبهار و بعدين هاتتعودي علي الحياه الكريمه و مش هاتفكري فالرجوع لمصر (الا في لحظات الحنين للأسره والاصدقاء فقط),, وربنا يوفقك للي فيه الخير

[hooba]

لو فعلاً الوظيفه عن طريق صديق والدك .. في اقتراح :

انه يبعث لك فيزة زياره و ليس عمل : تشوفى الجو و تشوفى ان كان ح يمشى معكِ و لا لأ .. و بعدين يمشى في اجرائات العمل لما تيجي الامارات ..

حاجه كمان ... خلى باسبورك معكِ لحد ما تطمنى من كل النقاط اللى قلتها لكِ ..

الاخ طفشان ..... فكرة ممتازة و ده انسب و اسلم حل في حالة التجربة ...

الاخت موني ...... يا رييت تعرضي الفكرة دي علي صاحب العمل و يارييت تتمسكي بيها كمان......

لأن كده أفضل و تعرفي ظروف البلد و جوها ها يمشي معاكي و لا لأ و تشوفي مصاريفك ها تبقي ازاي و سكنك و كل ده و جواز سفرك معاكي ....

و علي فكرة لو مشيتي كويس مع الناس و اثبتي نفسك ده هايكون ادعي لانهم يتمسكوا بيكي و هيعرضوا عليكي عرض افضل .....

و ربنا يوفقك .......

ايهاب

[yasser6666]

اختنا موني اعتقد ان فكرة السفر لكي ستكون مفيدة جدا بغض النظر عن قيمة المرتب وهل سيمكنك التوفير ام لا؟

سوف تكتسبي خبرات في التعامل مع جنسيات مختلفة ومايسمي بمعترك الحياة العملية

ثانيا والاهم فعلا اتوقع انك ستعاملي معاملة اكرم الف مرة مما يجده المصري في بلده من مهانة وفساد ومحسوبية

يعني من الأخر يكفيك الحياة الكريمة بعيدا عن مصر

الي ان يأذن الله وبلدنا يحصل فيها تغيير

[Tafshan]

كلمه اخيره للجميع ..

من يبدأ صغيراً في الامارات يظل صغيراً ... و الاستثناء هو العكس : التمهل في الاختيار الاول يوفر الكثير من الوقت الضائع

[IHAB AZZAM]

انا مش عارفه اشكركم ازاى على نصايحكم الغاليه دى بجد ربنا يخليكوا ليا

بس الوظيفه "محاسبه وسكرتيرة" بمعنى انا خريجة تجارة انجليزى و هى شركة مقاولات هيمسكونى حسابات بناية كامله ده اللى فهمته هوه مش ابن خاله والدى الله يرحمه على طول بس بمعرفه بالوالد وانا والدى متوفى وبالنسبه لحكاية انى ابعت لاهلى فلوس فا لاء وحتى انا كمان مش فى دماغى احوش قوى الا لما يجيلى مرتب اعلى لانى سالت ناس كتير وحسيت ان 2000 يادوب على قد الحياه وايوة انا هنا فى بلدى بشتغل ب 1000 ج مصرى وبخلصهم مبحويش حاجة بس انا هدف من الامارات هوه السفر والتجربه فى حد ذاتها وكمان انا عارفه ان الوظيفه مرتب قليل بس انا مجرد احط رجلى فى الامارات هلاقى كذا عرض وده اللى قاله الراجل صاحب الشركة هوه مدير العام ليها قاله لواحد زميلى شغال عنده فى الشركه والواحد ده جه قالى لما شاف السى فى بتاعى قاله السى فى بتاعها جميل بس يخوف علشان مجرد ما تيجى هنا هتتخطف خطف وهيجلها عروض جامده هتسيب الشركة وانا هتحمل اقامة ومصاريف وفى الاخر تمشى علشان كده تمضى عقد 3 سنين ولما اتفاوضنا معاه قرر يكون عقد سنتين بس انا فى بالى ااقعد السنيتن بدول كفاح لحد ما يخلص مدة العقد و اشوف شغل احسن بمرتب احسن وخصوصا انى ساعتها هيبقى معايا خبرة اماراتيه بالنسبه للسكن هوه عباره عن استديو يعنى كل له حياته مش اود مشتركة ودى ميزة بس انا دلوقتى سهرانه ومش عارفه انام من التفكير بس هقوم اصلى استخارة قبل ما انام وربنا يسهل بس برده رايك ايه يا جماعه اه نسيت ااسالكم عن حاجة نفترض مثلا انا قررت بعد 6 شهور اسيب الامارات كلها وارجع مصر اتجوز اى حجه العقد هيخلينى مرجعيش ولا العقد بس مجرد بيمنعنى من الشغل فى حته تانيه فى الامارات لمدة 3 سنين؟؟

ب

بصي بالنسبه للشغلنات دي

انه يقولك سكرتيرة ومحاسبه متزعليش مني انا زي اخوكي ومجرب ومتمرط

بيبقوا عايزين مرمطون يشتغل معاهم(يمكن يطلع راجل كويس بس مظنش)

عايزيين واحد يعمل كل حاجه محاسب وكاشير وبياع لو فيه حاجه بتتباع ويروح البنك ويسلم رواتب وكل حاجه والله تتعمل

ناس ظلمه

لا يااختي انتي اساليه يعني سكرتيرة ومحاسبه

ماهو ياسكرتيرة يامحاسبه والاتنين في شركه مقولات بيكونو شغلهم طحن يعني مش سهل

وبعدين انا عايز اقولك من ناحيه تانيه معلش انا زي اخوكي وبنصحك

مش ممكن يطلع راجل مش كويس ويستفرد بيكي ويضغط عليكي بموضوع المرتب

اصل الناس دي ساعات متقبضش الشهر شهره بيركنو الفلوس معاهك ويقولك الشهر الجايوممكن الواحد ميلقيش فلوس ياكل

خدي بالك عشان خاطري (انا معرفوش بس ساعه مادا يحصل واو تحسي انه هيحصل ديلك في سنانك وعلي مصر عدل)

واحنا معاكي من خلال المنتدي

وموضوع المرتب ده صعب اوي

الامارات دي مفرمة فلوس انتي مش متخيله ان 2000 دول ميعملوش حاجه

بس والله بجد انتي ممكن تتخيطي في تاكسي عداد في الشارقه دي مشوار ميكملش 2 كيلو في 50 درهم ولا حاجه

طب الراجل ده موفر موصلات ليكي

باص الشركه مثلا

طب شركه مقولات ايه دي اللي هيبقي فيها بنات غيرك تسكني معاهم

انا لو اعتبرتيني اخزكي وبتسأليني عن راي

هقلك لا لا لا والف لا

خليكي في مصر احسن

احنا الشباب مش عارفين نعيش وبنفكر ننزل مصر كل يوم بدل المرة الف

مع اننا بقلنا كتيير ونعتبر استريحنا خلاص ووقت المرمطه عدا علينا

فكري بجد

اسمعي كلامي والله انا مابقول غير الصراحه وبامانه

بلاش