خواطر..

[بنت شعنونة]

احيانا يقف المرا منا بين يدي نفسه

يناجي نفسه وتناجيه

كم اتمنى ان اغلق عيني ولا افتحهما

فهي كثيرا ما تحمل من الصفاء بينهما اكثر مما تحمله ظلمتهما

واتيه انا في دواخلي ادعبس من هنا وهناك ابحث عن تلك الحجرة الصغيرة

التي القيتها في بركة دمي

بعدما اغلقتها منذ زمن

احيانا اشعر بها تنبض بداخلي

تريد ان تتحرك

تريد ان تخرج من البيضة الحجرية برعما اخضرا فربما ينبت البرعم ويصبح وردة حمراء؟

ولكن هيهات

ف اللون الأحمر عندي لون معدوم الا في بحور الدماء النازفة

ربما اكون انا صاحبة النظارة السوداء

ربما تكون الأيام هيا من البستني اياها

لا نعلم

ولكن

كلنا نبحث عن ذلك البرعم النادر

افرادا او جماعات

فكلنا نحلم بتذوق عسله

وكم من العسل قد غشوه وكم منهم قد صنعوه تصنيعا

واعود انا الى قوقعتي المعهودة

بعد ان اكون افرغت ما في حبعتي في مياه البحر المالحة...:(

كلام فارغ..... :neutral:

[اللمبى]

السلام عليكم

لا يا سيدتى ليس كلاما فارغا .. بل هو كلام من القلب يطلق عليه بالفعل خواطراى استرسال للافكار دون ترتيب وعلى قدر الرومانسيه التى فى حامل القلم يكون الجمال والرومانسيه فى الكلمات .

لذا وجب التنويه ... ليس كلام فارغ .

السلام عليكم

[ragab2]

الحمد

لله على السلامة ياست شعنونة

وحشتنا خواطرك القلبية الجميلة

كل سنة وانتى طيبة

[بنت شعنونة]

اخي اللمبي ..:)

اشكرك على كلماتك المشجعة ولكن هييييه نعمل ايه

اوقات الواحد يحس انه ها يتخنق بما يحس انه مفتقد عاطفة معينة باي شكل من اشكالها ويبقى المتنفس الوحيد انه يكتب المشاعر دي للورق يمكن يحس بيها او يمكن يفضي شوية من اللي جواه مادام ماحدش يستاهله :cry:

اخي د.رجب

ربنا يخليك يارب

وكل سنة وكلكم طيبين يارب ويعود عليكم الشهر باليمن والبركات يارب

:lol:

[وسام]

كلام فارغ............

[اللمبى]

اخي اللمبي ..:lol:

اشكرك على كلماتك المشجعة ولكن هييييه نعمل ايه

اوقات الواحد يحس انه ها يتخنق بما يحس انه مفتقد عاطفة معينة باي شكل من اشكالها ويبقى المتنفس الوحيد انه يكتب المشاعر دي للورق يمكن يحس بيها او يمكن يفضي شوية من اللي جواه مادام ماحدش يستاهله :cry:

اولا هم الخاسرون الذين لم يفوزوا بك ..

ثانيا .. من اجل ذلك وجد القلم ووجد الورق لنخط عليه ما بنا حتى نصل الى الرسم بالكلمات وعندها لن نشعر بالوحده ابدا

السلام عليكم

[بنت شعنونة]

وسام...

صدقت فعلا

فما هي الا كلمات فارغة كما اسميتها انا

فكل من يصدق انه مازال يوجد حب في هذا الزمن

فهو انسان ما بيده الا كلام فارغ

وهذا ما اصل اليه دائما

مجموعة كلمات.. :roll: :cry: :?

اخي الغالي اللمبي...

كتبت كلمات منذ زمن كانت تقول

امسك بقلمي لأخط حروفه وتجرح خد الورقة

فتظهر حروفه كيرقات تائهة تنتشر هنا وهناك تبحث عن مأمن

ثم ما تلبث ان تتحول تلك اليرقات الى فراشات مشوهة

وها انا انثر فراشاتي المرهقة هنا وهناك

على ارتاح منها قليلا

قبل ان ينتهي الوقت

ويتحول زماني الى قبر صامت

:neutral:

[وسام]

لما تعرفى ايه الهدف اللى عايزة تحققيه و فين الهدف دة حترتاحى كتير

[بنت شعنونة]

في دي عندك حق وسام :lol:

لكن يا ترى امتى هلاقي الهدف؟

او بالأصح امتى هالاقي نفسي

لو لقيتها

الدنيا كللللللللللهاااا مش ها تفرق معايا

لكن اهو

ادينا كلنا ب ندور على اهدافنا

:roll:

[اللمبى]

الابنه الغاليه..

السلام عليكم

ٍنظرت الى خط اسود يفصل بين الصمت والكلمات

وجدته تاره يصمت وتاره يصرخ بالضحكات

هل خط الخط قلمى

ام كان سراب

ام كان بقايا ورفات

اظنه لم يكن ابدا

لم يوجد خط .. ولا صمت .... بل لم توجد ابدا كلمات

[بنت شعنونة]

اخي اللمبي...

;)

كلمات وهمهمات

ضحكات وابتسامات

عاش من عاش

ومات من مات

كلنا مصيرنا الى الرفات

ولكني لا املك سوى بقايا الرفات

وبضع من كلمات

واهداف ضائعة تبتغي الثبات

فلم اعد انا انا

ولن اعود لما فات

في دنيا ملخصها كان كلمة........ هات

:neutral:

[daktara]

حمدا لله على السلامه يا شعنونه

[متسائل]

أرى أنك تستمتعين بالتوهان.. و تستلذين العذاب.

براحتك.

[بنت شعنونة]

دكترا

ربنا يخليك :cry: :roll: :lol:

متسائل

ممكن اطلب من حضرتك طلب بعد اذنك..

ممكن اي موضوع ليا ما تقراهوش؟!!

او على الأقل

لا تعلق عليه

من فضلك.......!

:neutral:

[متسائل]

متسائل

ممكن اطلب من حضرتك طلب بعد اذنك..

ممكن اي موضوع ليا ما تقراهوش؟!!

او على الأقل

لا تعلق عليه

من فضلك.......!

:neutral:

الطلب مرفوض.

و أرى أني دائماً أصيب فيما أرى فيك، و لهذا يؤلمك ما أقول. و ترغبين فقط فيمن يلف و يدور محاولاً ألا يجرح مشاعرك.. و رأيي أن هذا ليس ما تحتاجينه.. بل تحتاجين صدمات تفيقك من "التوهان المتعمد" الذي تعيشين فيه.

أنصحك بزيارة مختص.

تحياتي.

[بنت شعنونة]

متسائل

انا كذا مرة امسك نفسي عن الرد عليك

بس المرادي بقى معلش

اعذوروني

اولا

حضرتك تتكلم عن نفسك وبس

انما تحكم عليا او مصيب او مخيب ف دا شيء خاص بيا

سعادتك مش اله يعني عشان تحكم على الغير وماحدش طلب منك كدا اصلا

واطن يعني ابسط اصول المنتديات او الذوقيات ان العضو له الحرية فيما يكتبه او من يرد عليه

بلاش المنتديات

معلش بقى انا طلبت منك ما تردش على حاجا ليا

انا مش لاقيا اعصابي :twisted:

حضرتك اله وبتحكم وتعمل والله العالم انت شخصيتك عاملة ازاي

وبعدين يعني ايه زيارة مختص؟؟؟

هوا مين فينا اللي دكتور يا سيد!!!

ياريت لو حضرتك عاوز ترد عليا بعد كدا

تختار اسلوب ارقى من كدا في الرد

وبلاش الأسلوب المستفز على الفاضي دا من فضلك

مش شطارة هيا يعني

باالعكس دي ليها اسم تاني طبيا

اسمها بارانويا

تسمع عنها؟؟

وياريت ما اقراش رد لو سمحت

اففففففف

استغفر الله العظيم

:twisted:

[وسام]

اعصابك شعنونة

الحكاية مش مستاهلة كل دة منك

[daktara]

الساده المشرفين على المنتدى

اليس فيما سبق تجريحا وقذفا مباشرا يستحق معابه العضو متسائل؟

ولا هى خيار وبتنجان

فاكرين عملتوا ايه فى ليمو؟

[daktara]

الساده المشرفين على المنتدى

اليس فيما سبق تجريحا وقذفا مباشرا يستحق معاقبه العضو متسائل؟

ولا هى خيار وبتنجان

فاكرين عملتوا ايه فى ليمو؟

[felfel]

شعنونة واللمبى -- خواطر جميلة بجد ويريت الأستمرار

شعنونة روأى المزاج وأهبدينا كام بيت من اللى هما :oops:

الأخ متسائل ياعم فى أية بس الموضوع كلة أدب وخواطر ومفيش داعى التجريح

أخيرا ياريت نرجع ونكمل الموضوع