حسبي الله ونعم الوكيل...

[farasha79]

ولله يا سي السيد انا جديده على المنتدى و عماله اقرأ في كل المواضيع و انا مبسوطه من كلامك الجميل ده ..

اول واحد يرفع معنوياتي هنا و سأواصل رحلاتي :D

[ابو يوسف]

لكن رحم الله امرءا عرف قدر نفسه

خايفة اموت حد او ااذي حد بجهلي :(

ساعتها ضميري مش ها يرحمني

هذا المقطع هو أكثر ما لفت نظرى فى مداخلتك !!!

انت انسانة صريحة جدا مع نفسك و مع الآخرين ...

لم تتباهى و تدعى انك من نظرة واحدة للمريض تعرفى عنده ايه ... و تعالجيه كمان ...

من غير كشف او اشعة او تحاليل و دياولو ...

لكن ماذا عن مئات خريجى الطب الذين يضطروا لمزاولة هذه المهنة عن كره و عدم علم ؟؟؟ أو لانهم لا يتقبلوا ان يمارسوا مهنة اخرى بعد كل هذا التعب ؟؟؟

لنا الله !!!!

[shakoosh]

يا أخت شعنونة أنت فكرتينى بصديق إستثمر أمواله فى محل للدواجن و بعد 3 شهور قابلته و سألته عن حاله ..قال الحمد لله أكلت كل الفراخ !!

[abofasad]

يا دكتورة شانا

سيبك من كل الكلام ده وخليكي معايا انا

مافيش احسن من محل مصمط يعني كوارع ولحمة راس

ده بيكسب دهب .. صدقيني .. انا عاوز مصلحتك

[Lancelot]

اما موضوع خسارة سبع سنين 

خسارو زي دي اهون عندي من روح انسان تضيع بسببي

هي المشكلة في السبع سنين ..... مش أحسن لها إنها متخسرش عمرها اللي جاي كله – ربنا يطول في عمرك يا شانا – في حاجة هي مش بتحبها و لا طايقها أصلا ....

أيوه هي غلطت لما وافقت علي – مش هأقول إختارت – الطب .... لكن الغلطة ممكن تتصلح في أي وقت ....

It’s never too late

أصل يا جماعة سهل عليكوا أوي إنكم تقولوا "لأ حرام تضيعي سبع سنين" أو "الطب هو المستقبل" أو حتى "هو كان لعب عيال و لا إيه" ... لكن إنتوا مش عارفيين الإنسان اللي في الموقف ده بيكون إحساسه إيه ... الواحد بيكون فعلا بيتعذب ... إحساسه إنه أساء الإختيار و إحساسه إن الموقف ده فرض عليه ... مرة يحس بالذنب بسبب الأول و مرة بالظلم بسبب التاني ... كل ما تقف أمامه مشكلة في شغله أو دراسته ديه يجيب الفيلم من أوله ... و بعد كل فشل يجيب الفيلم من أوله ... و تبقي ديه هي حكاية كل يوم ... صدقوني الكلام مش بالسهولة ديه ... أنا عارف كويس أنا بأتكلم عن إيه ... ديه مشكلتي أنا كمان ....

فراشة .... علي رأي سي السيد ... عمالة تنتقلي من زهرة لزهرة و من موضوع لموضوع ... نورتي المنتدي ... و keep going .... :lol: :lol:

[farasha79]

الاخ Lancelot

كلامك و كلام سي السيد بيشجعني و بيبسطني

انا سايبه شغلي طول اليوم و عماله اقراأ مواضيعكم الشيقه اللي بتنسيني ابص في الساعه

اشكركم :D :D :xmas: :inlove: :D :) :)