حدث بالامس

[الحازم حسن]

يا أخ حازم ربنا معاك وأنا عارف إن السفارة في السعودية مش تتحرك إلا لو كانت حاجه كبيرة قوي

نصيحتي لك إنك تتصل بمقدم برنامج " 90 دقيقة" وتحكيله إلى حصل بالضبط وبدوره يمكن يصحي القائمين على السفارة

لأن التعدي على المصريين زاد عن حده في دول الخليج وطبعاً أصحاب المعالي سفرائنا لن يحركوا ساكن إلا إذا جات لهم أوامر من فوق

أو إتفضحوا على شاشات التليفزيون

ولازم الموضوع ده ميعديش بسهوله ولازم تاخد حقك كامل "ما ضاع حق وراءه مطالب"

وربنا معاك

شكرا أستاذ مصري برغم اني عملت بنصيحتك وفعلا أرسلت للبرنامج ولكني لا اعتقد ان الموضوع ممكن أن يأخذ هذا الحجم

[tahereyad]

الحقيقه أنا فعلا آسف جدا و حزين للي حصل للأخ حازم,, و ألف سلامه عليه. أنا بس كان لي تعليق علي الموضوع و خصوصا انه حدث فالسعوديه, أنا مش عاوز أقول ان كل ضباط الشرطه بالشكل السيئ ده, لكن أكيد كل مكان فيه الكويس و فيه الوحش,,, انما فالآخر في قانون قوي المفروض ان الناس كلها امامه سواء بغض النظر عن الجنسيه ,,,, اللي عاوز اقوله انك لا تتنازل أبدا عن حقك,, لأنك في الحالتين سواء أخدت حقك (ان شاء الله) أو لم تأخذه ( لا قدر الله) ستكون كرامتك مصانه و ضميرك مرتاح و عمرك ماهتندم علي شئ,,,

المشكله الكبيره والمراره الحقيقيه مش في النماذج السيئه من الضباط السعودين اللي بيضيعو حق المغترب, ولا في السفاره اللي مش بتتحرك لنصره مصري مظلوم.

المأساه الحقيقيه يا ساده هي ما يفعله ضباط الشرطه المصريين في الشعب المصري, في ناس زي اخوانهم و آباءهم بدون أي حياء,, بل وصل الامر بهم لتعذيب المواطنين في الاقسام بدون اي ذنب و تصوير المشاهد بكاميرا المحمول,, وكمان التباهي بها و بما يفعلونه,,, ممكن تقولي فين بأه القانون اللي ممكن يجيبلك حقك فالوقت ده,,, و هاتشتكي لميييين..... آسف للاطاله يا جماعه اعذروني..

[hussaindoit]

أخي الغالي قلبي معاك واعلم ان الدمعه في الغربة بمقام بحر من الدموع في بلادنا

أخي مش حقولك غير ربنا كبير يساعدك ويقف جنبك ويرجعنا لبلدنا ويحنن قلبها علينا شوية

[afreet]

اخى العزيز

حاول فى اسرع فرصه انك تعمل كشف طبى لدى اتنين او ثلاثه من المستشفيات الخاصة ذات السمعه فى منطقتك واثبات كافة الاصابات بك التى لم يثبتها الكشف السابق عليك وعمل ملف كامل عن الاصابات حيث ان هذه الاصابات تقدر ماديا طبقا للنظام السعودى بخلاف الشق الجنائى

طبعا عملك لدى كفيل اخر يضعك تحت طائلة القانون وسيستغلون هذه النقطة شئت ام ابيت تنازلت ام لم تتنازل

ارسل نسخ من الملف الى كل من جمعية حقوق الانسان السعودية ومكتب الامارة بمنطقتك والسفارة المصرية ووزارة الخارجية المصرية ووزارة العمل المصرية فالكشف الموقع عليك اولا دليل ادانه ضدهم

هذا الموضوع لن ينتهى بالتنازل ولكن التنازل سيكون بداية المضايقات واعلم انهم سيضغطون على كفيلك لتخريجك نهائيا يجب ان تكون واعيا لما سيفعلوه

الملف الذى ستعمله ومراسالاتك واتساعها هى جواز خروجك من هذا البلد

[الحازم حسن]

شكرا لكل من ساهم بمعلومة او بكلمة مواساة وتضامن

اللي حصل اني رفضت فعلا التنازل لكن كل اللي حصل بعدها ان الشرطة أخدت رقم الموبايل بتاعي وقالت لي لا تيجي تاني احنا حنتصل بيك ولغاية دلوقتي محدش اتصل بيا خالص ومش عارف اعمل ايه ؟؟؟؟

شكر خاص جدا جدا جدا للأستاذ محمود أبو زيد على المجهود الكبير اللي قام به في هذا الموضوع وتعبه معايا واهتمامه بالموضوع وكأني ابنه .. جزاك الله كل خير أستاذي العزيز

[قاهرى]

عادى يا باشااا مهو دة الطبيعى مش فى السعودية فى كل العالم . طبعا ربنا معاك وسلامات

انا باء حصلى موقف مشابه انا اولا فى الامارات كونت ماشى بالعربية فى شارع سريع ومظلم طريق سفر وفجاة لقيت واحد كسر علينا الشارع كانت ادامى عربية لبست فية وانا باعجوبة بعت عنهم والحمدالله بس طبعا الراجل الى لبس لبس فى العربية ادمر خالص وشو لبس فى الازاز والثانى محصلوش حاجة لان الخبطة جتلو من ورا وبعدين طبعا مواطن وعربيتوا لاند كروزر اكيد منتوا عرفين . المهم انا وقفت اشوف الموضوع اية (كعادة المصرين عادى) لقيت الراجل الى كان ادامى الى عمل الحدثة دة مصرى المهم جت الاسعاف شلتوا هو ومراتوا والشرطة بتحقق فى الموضوع فوجات ان صاحب العربية الاندركوز المواطن بيقول انى تجاوزت الشارع لانى مكنتش شايف العربية دى لانوا (مكنش مشغل النور) ولقيت الظابط بيقوالو خلاص يا طيب ويا طويل العمر وبيعمل المحضر على ان المصرى غلطان علشان مكنش مشغل النور . طبعا انا مسكتش قولتلو انت كداب الى ادامى كان مشغل النور وانا كونت وراة ومشغل النور بردوا ازاى يعنى مشفتناش المهم الظابط قلى ادينى رقم تلفونك وتعالى بكرة القسم قولتلو ماشى . رحت القسم وقولت الكلام تانى نفسو لقيت الراجل المسبب فى الحادث المواطن دة بيقولو ( هااااااا حميد شو انت تصدق ها المصرين ) هدول كذا وكذا وكذا ... المهم طبعا انا مسكتش ورديت علية بس باحترم بعدها الظابط قلى طيب اتفضل انت اقعد برة شوية . وبعدها سالت اية الى حصل فى الموضوع عرفيت انهم طلعو المصرى الى مرمى فى المستشفى هو الى غلطان علشان مكنش مشغل النور وان الراجل الى كسر الطريق دة هو المتظرر وعلى المصرى كمان انوا يصلحلوا عربيتوا .... وشكرا لبلدنا وشكرا لسفارتنا ..ال اية عرفت انهم عيزين يودوا حرمنا المصريات تشتغل خدامات فى دول الخليج ((سمعتها فى برناكج 90 دقيقة )) طبعا انوا عرفين كويس اى الشغلة هتكون . هى بس هتكون مكتوب خدامة فى الاقامة بتاعتها لكن الشغلة الحقيقية مش خدامة بس .. ربنا يسطرها علينا وعلى حريم بلدنا.وكفاية اوى كدة مرمطة للمصرين بجدددد