رسوب طالب في مادة التعبير..(تخيلوا)

[semsema]

رسب أحد الطلاب في مادة التعبير، وهذا أمر غير اعتيادي أن يرسب طالب في مادة سهلة كالتعبير، وعندما سئل الدرس عن سبب رسوبه في المادة قال:

كل مره نعطيه يكتب عن موضوع يخرج عن الموضوع. قالوا: أعطنا عينات من مواضيع التعبير التي كتبها...

فقال المدرس على سبيل المثال:

اكتب موضوع عن فصل الربيع.........

كتب الطالب:

" فصل الربيع من أجمل الفصول في السنة، تكثر فيه المراعي الخضراء مما يتيح للجمل أن يشبع من تلك المراعي، والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر، ويربي البدو الجمل، والجمل سفينة الصحراء ............الخ."

................ ويستمر الطالب في التغزل في الجمل وينسى الموضوع الرئيسي ...............

فقال المدرسون قد يكون قرب موضوع الربيع من الجمل وارتباطه بالرعي هو الذي جعل الطالب يخرج عن الموضوع ..

فقال المدرس لا....

خذوا على سبيل المثال هذا الموضوع الذي طلبنا من الطالب أن يكتب عنه .........

........................................

اكتب عن الصناعات والتقنية في اليابان.....

كتب الطالب:

" تشتهر اليابان بالعديد من الصناعات ومنها السيارات، لكن البدو يعتمدون في تنقلاتهم على الجمل والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر، ويربي البدو الجمل، والجمل سفينة الصحراء ............الخ."

قال المدرسون : هل هناك موضوع آخر؟ فقال المدرس كل موضوع يبدأ فيه لنصف سطر ينتهي بصفحات عن الجمل..

وهذا الموضوع بعيد كل البعد عن الجمل ...

اكتب موضوعا عن الحاسب الآلي وفوائده ......

كتب الطالب:

" الحاسب الآلي جهاز مفيد يكثر في المدن ولا يوجد عند البدو لان البدو لديهم (الجمل) والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر، ويربي البدو الجمل، والجمل سفينة الصحراء والجمل حيوان أليف ............الخ."

.......................................................

.....................................................

تقدم الطالب بشكوى للوزير بعد أن طلب الوزير التحقيق في الموضوع فكتب الطالب في خطاب الشكوى:

معالي وزير التربية والتعليم.........

السلام عليكم ورحمة الله وبركاته

أقدم لمعاليكم تظلمي هذا وفيه اشتكي مدرس مادة التعبير لأني صبرت عليه صبر الجمل، والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر..

ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى

والجمل حيوان أليف وكما يعلم سعادتكم أن الجمل يستمد طاقته من سنامه الذي يخزن فيه الكثير من الشحوم أما عيني الجمل ففيها طبقة مزدوجة تحمي العينين من العواصف............الخ..

[kokowawa1979]

عارفة ياسمسمة أنا أول ماقريت موضوعك كنت هارد وأقول لك عادي جدا- لكن ضحكت في الآخر :lol:

بالمناسبة فيه طالبة ثانوي في مصر كانت متفوقة جدا - وسقطت في جميع المواد بسبب موضوع إنشاء أو التعبير إن جاز التعبير :lol: لأنها انتقدت الولايات المتحدة والرئيس حسني مبارك - وحولوها هي وأهلها على أمن الدولة!! وكان القرار ترسيبها في جميع المواد وهي متفوقة أصلا فيها - علشان خاطر موضوع التعبير !! وتدخل حسني مبارك في الموضوع ولم المنافقين الدور - بس بعد بهدلة البنت المسكينة وأهلها !!!

يعني من الآخر ممكن موضوع التعبير يسقط لو ماخدتيش بالك من جماعة الأمر بالمعروف والنهي عن المنكر - مش كدة واللا إيه ياسمسمة :)

[Ahmad Farahat]

الحكاية دي ممكن تحصل لإن التعبير مفيهوش إبداع ومبقاش فيه حد بيبدع فيه خالص

يلا ربنا يرحم

[kokowawa1979]

أرسين كتب :

الحكاية دي ممكن تحصل لإن التعبير مفيهوش إبداع ومبقاش فيه حد بيبدع فيه خالص

طبعا إنت معاك حق ياعم أرسين في اللي بتقوله .

طرفة بسيطة في موضوع التعبير : كان زمان اللغة العربية تعتبر أصعب مادة في مواد الثانوية العامة - وكان المتفوق فيها يجيب 70% من الدرجة الكاملة - وكانت الطلبة بيشتكوا من تصحيح اللغة العربية والتشدد الزايد عن الحد في التصحيح خاصة موضوع التعبير اللي كان عليه 10 درجات - وحسبما سمعت طلبت الوزارة من الدكتور طه حسين وعباس العقاد وتوفيق الحكيم كتابة موضوع تعبير لعرضه على مصححي الثانوية العامة - فكانت النتيجة كالآتي :

طه حسين 3 من 10 العقاد وبلا فخر صفر من 10 الحكيم 4 من 10 !!!

وده طبعا لإن المصححين لم يفهموا ماكتبه العقاد صاحب العبقريات من أصله

أما الآن فالطالب في الثانويه العامة خطه مايتقريش ويجيب الدرجة النهائية في العربي - وعجبي !!!

يبقى إزاي مفيش إبداع ياعم أرسين !!!!

[Abdulaziz Omar]

ها ها ها ها هاااااااااااااااااااااااااااااااااااااااااااااااااااااااااااااااااااااااااااااااااااااااااااا

ربنا يسعد ايامك ياسمسمة

والله ضحكتيني بجد

مع ان صعب الواحد يضحك م اللي بيشوفه في الاخبار كل يوم

[Abdulaziz Omar]

الاخ kokowawa

جماعة الامر بالمعروف والنهي عن المنكر دي في السعودية....لكن مصر فيها جماعة المنكر بس

[kokowawa1979]

عبد العزيز عمر كتب :

الاخ kokowawa

جماعة الامر بالمعروف والنهي عن المنكر دي في السعودية....لكن مصر فيها جماعة المنكر بس

ماهو لو خدت بالك إن سمسمة من السعودية - ومتنساش إن جماعة المنكر اللي بتحكي عليها أصلها مستورد عن طريق الوليد بن طلال - واللا انت مش معايا !!!!

[Abdulaziz Omar]

عبد العزيز عمر كتب :

الاخ kokowawa

جماعة الامر بالمعروف والنهي عن المنكر دي في السعودية....لكن مصر فيها جماعة المنكر بس

ماهو لو خدت بالك إن سمسمة من السعودية - ومتنساش إن جماعة المنكر اللي بتحكي عليها أصلها مستورد عن طريق الوليد بن طلال - واللا انت مش معايا !!!!

طيب يااخي مدام هو اللي استوردها.....كان استورد النص الثاني

تم تعديل 19 يونيو 2007 بواسطة Abdulaziz Omar

[miramar]

عزيزتي سمسمة :

wst::

موضوعك رائع جدا وكنت متوقعة من البداية قصة عادية من قصص الفساد إلي ماليه البلد لكن صبرت عليه لحد النهاية و الصبر من صفات الجمل :sad:

والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر..

ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى

والجمل حيوان أليف وكما يعلم إلخ ......

ههههههههههههههههههههههههههههههههااااا

تقبلي تحياتي

ميمو

تم تعديل 19 يونيو 2007 بواسطة miramar

[Ghost]

الاخ kokowawa

جماعة الامر بالمعروف والنهي عن المنكر دي في السعودية....لكن مصر فيها جماعة المنكر بس wst::

wst:: :sad: wst::

طب ممكن نقول برضوة ان في مصر جماعات النهي عن المعروف ,, ان طبعا عارفنهم wst::

[Abdulaziz Omar]

الاخ الكريم Ghost

والله يااخي عندك حق

جماعة النهي عن المعروف للاسف موش في مصر بس.......دول اصبحوا زي السرطان في كل بلاد المسلمين

لكن نرجع ونقول: ((ويمكرون ويمكر الله والله خير الماكرين))

[semsema]

اونكل كوكوواوا العزيز كتب:

أما الآن فالطالب في الثانويه العامة خطه مايتقريش ويجيب الدرجة النهائية في العربي - وعجبي

شكل حضرتك كد بيتكلم عني.. انا حاسه كدا

يعني من الآخر ممكن موضوع التعبير يسقط لو ماخدتيش بالك من جماعة الأمر بالمعروف والنهي عن المنكر - مش كدة واللا إيه ياسمسمة

فعلا حاجه تجن الجماعه دي حاشره مناخيرها في كل حاجه بعيدا عن التعبير.. مره واحد من الهيئه ضرب صحبتي بعصايا عشان ماكنتش لابسه النقاب.. وعجبي

[semsema]

الغالي ارسين كتب:

الحكاية دي ممكن تحصل لإن التعبير مفيهوش إبداع ومبقاش فيه حد بيبدع فيه خالص

والله معاك حق..وخاصة انا لا بعرف اعبر ولا الف حتى.. وتقريبا الطلاب كلهم كدا

[semsema]

الاستاذ عبد العزيز كتب:

ربنا يسعد ايامك ياسمسمة

والله ضحكتيني بجد

مع ان صعب الواحد يضحك م اللي بيشوفه في الاخبار كل يوم

وانا فرحانه اني قدرت اضحك حضرتك.. تسلم

ميمو كتبت:

موضوعك رائع جدا وكنت متوقعة من البداية قصة عادية من قصص الفساد إلي ماليه البلد لكن صبرت عليه لحد النهاية و الصبر من صفات الجمل

والجمل حيوان بري يصبر على الجوع والعطش أياما، ويستطيع المشي على الرمال بكل سهولة ويسر..

ويربي البدو الجمل فهو سفينة الصحراء فينقل متاعهم ويساعدهم على الترحال من منطقة لأخرى

والجمل حيوان أليف وكما يعلم إلخ ......

ههههههههههههههههههههههههههههههههااااا

تقبلي تحياتي

تسلميلي يا حبيتي.. وانا كمان صبرت ع اللي كتبتيه صبر الجمل والباقي انت عارفاه..

[semsema]

اونكل كوكو كتب:

بالمناسبة فيه طالبة ثانوي في مصر كانت متفوقة جدا - وسقطت في جميع المواد بسبب موضوع إنشاء أو التعبير إن جاز التعبير لأنها انتقدت الولايات المتحدة والرئيس حسني مبارك

حضرتك فاكر لما اعدموا صدام حسين كان ايامها امتحانات الترم الاول وفي طالبه في الصف الاول الثانوي كتبت على اوراق الامتحانات كلها اشعار في صدام ترثيه فيه لانها ما شاء الله شاعره... ومحدش قدر يعملها حاجه .مش زي الاندال بتوع مصر

[kokowawa1979]

إزاى بقى ياسمسمة - ما إنت خطك زي الفل أهو وواضح جدا على الكمبيوتر

وبعدين تعالي هنا أنا ناسي : عملت إيه في الامتحانات - باللا بشرينا بقى إحنا سيبناك أكتر من شهرين علشان تتجدعني وتذاكري كويس - ياترى إيه أخبار النتيجة ياسمسمة ؟

إحنا عندنا هنا الثانوية العامة ظهرت و5 طلبة وطالبات بسم الله ماشاء الله جابوا 100 % تصوري ( في الإمارات ) ودي بجد - يعني جابو في التعبير العربي والانجليزي العلامة الكاملة

حضرتك فاكر لما اعدموا صدام حسين كان ايامها امتحانات الترم الاول وفي طالبه في الصف الاول الثانوي كتبت على اوراق الامتحانات كلها اشعار في صدام ترثيه فيه لانها ما شاء الله شاعره... ومحدش قدر يعملها حاجه .مش زي الاندال بتوع مصر

كدة يبقى الأمر بالمعروف والنهي عن المنكر أرحم بكتير من أمن الدولة عندنا - قصدي أمن الرياسة :lol:

أنا مستني تبشريني بالنتيجة ياسمسمة

ولك خالص تحياتي

[semsema]

تسلم خط حضرتك الجميل..

وبعدين بدري لسه فاكر تسألني.. عالعموم يلا مش مشكله..

الحمد لله حليت كويس بس ما فيش غير ماده وحده اللي ابدعت فيها ابداع انما ايه تحفه..

وطبعا الماده دي هيا النحو.. تخيل انا الفت قواعد جديده للنحو

وبقيت منافسه لسيبويه ونفطويه وخمارويه وعائلة الويه كلها

على فكره كان عندي النهارده امتحان جغرافيا والنهارده اخر يوم ..

جالنا سؤال عن الزراعه ووقفني افتكرت حضرتك على طول قلت ياريت تساعدني بس الحمد لله حليته في النهايه

بالنسبه النتيجه انشاء الله يوم الاتنين الجاي هبقى ابشرك

تحياتي

[kokowawa1979]

سمسمة كتبت :

بالنسبه النتيجه انشاء الله يوم الاتنين الجاي هبقى ابشرك

إن شاء الله من الناجحين والمتفوقين ياسمسمة - وهايبقى عندنا سيبويه- وسمسمهويه في النحو

[kokomen]

مساء الخير يا : سمسمة

موضوع الإنشاء موضوع مهم جدا .. لأنه بيكون شامل لكل شيء

يعنى شامل للإملاء والقواعد والبلاغة يستطيع الطالب المتفوق أن يبدع فيه

ويطلق إبداعه ؟؟؟؟؟؟ بس بشرط ما يكون زي موضوع الجمل ده

لأنه بصراحه زودها حبتين .. لا .. قولي اربع حبات وأكثر شويه

أوعي تكوني أنتي اللى المقصوده بموضوع التعبير ده .. هههههههههه

المفروض بصراحة نخير الطلبة بين شيئين : وهما

أولا : نضع الأجوبة ونطلب من الطالب أن يضع هو الأسئلة

ثانيا : أن يضع الطالب بنفسه الأسئلة والأجوبة عليها

وبالطريقة دي نكون قضينا على أي مشاكل للطلاب ونحببهم في الدراسة

أخيرا أتمنى لك النجاح والتفوق ولجميع الطلاب والطالبات

:) :) :lol:

[عبده بيه]

عادي جدا لان الان من الصعب الدراسات الكلاسيكية يعني التعبير والرسم والاشياء التي كانت من قبل ترفهية اصبحت صعبة وتبدلت بأخري ترفهية مثل الالعاب والنت والموبيل وغيره من التفهات