البرامج الدينية قبل المولد الرمضاني-دعوة لإعادة النظر

[Sherief AbdelWahab]

من وعود حبايبنا الحلوين إن الجرعة الدينية ستزيد في رمضان..سأنتهز الفرصة و أفتح الموضوع للنقاش ليس فقط حول الجرعة الدينية في رمضان..بل عن كم و كيف الجرعة الدينية في رمضان وغير رمضان..

لماذا تذاع البرامج الدينية في مواعيد مضروبة بالنار؟ ولماذا دخل بعضها مؤخرا لعبة الإعلانات؟ هل تحتاج إلى تعديلات خفيفة أم إلى تغييرات جوهرية تناسب وضع المجتمع المسلم حاليا؟

خلص الكلام

[Cleo]

أخى العزيز شريف....

من أهم الإجراءات لتطبيق المذهب "الياسلامى" التركى فى مصر هو إخراس أبواق الدين فى البلد...

فكان فى رمضان تكثر البرامج الدينية..... الخطوة التالية، هى زيادة المواد الترفيهية الرمضانية المسخرية "ورا بعض من غير ما تاخد نفسك" مع الإبقاء على نفس كم البرامج الدينية...

الخطوة التالية هى الحفاظ على مستوى المواد الترفيهية الرمضانية المسخرية "ورا بعض من غير ما تاخد نفسك" كما (و ليس بالشرط كيفا) مع تقليص مساحة البرامج الدينية و إذاعتها فى أوقات يمون المشاهد فيها أغمى عليه من التخمة التليفزيونية أو فى أوقات لا يشاهد فيها التليفزيون أحد مثل الفترة الصباحية و النس متواجدة فى أشغالها، أو فى الساعات المبركرة جدا من الصباح (الساعة واحدة اتنين بعد نص الليل) و الناس نايمة حتى تستطيع أن تستيقظ مبكرا للسور أو للذهاب للعمل...

و أنا أتوقع أن يتحول شهر رمضان الكريم فى خلال 10 سنوات إلى شهر الترفيه و العيد القومى للتليفزيون و فوانيس رمضان و السهرات الرمضاينة بالشيشة و الحشيش و الراقصات الشرقيات (أى ولله حتى فى رمضان... انت بس مشى حالك مع بتوع سياحة و الأمن و يبقى كله فى التمام) و أن نحكى لأولادنا عندما يسألونا عن رمضان .... "أصل الناس زمان كانت متعودة تصوم فى الوقت ده من السنة"

اللهم إنى أعوذ بك من فتنة المحيا و الممات....!!!!!!!!!!!!!!!

[etreby]

و أنا أتوقع أن يتحول شهر رمضان الكريم فى خلال 10 سنوات إلى شهر الترفيه و العيد القومى للتليفزيون و فوانيس رمضان و السهرات الرمضاينة بالشيشة و الحشيش و الراقصات الشرقيات (أى ولله حتى فى رمضان... انت بس مشى حالك مع بتوع سياحة و الأمن و يبقى كله فى التمام)

الأخت كليو. لا نحتاج إلى عشر سنوات. هذا بالفعل ما يحدث الآن بل و منذ من أكثر من خمس سنوات على أقل تقدير أصبح الشاغل الأول للشباب فى رمضان أن يحجزوا فى الخيمة الرمضانية و أين يسهروا كل يوم و التمثيليات المهمة على التليفيزيون و الجلوس على المقهى و شرب الشيشة طبعا أمر مفروغ منه و لكن يكون بصورة شبه إجبارية يوميا فى رمضان. حتى المطاعم التى ليست لها علاقة بالشيشة فها هى تفتح للشباب أحضانها فى رمضان و تقدم لهم الشيشة. أصل يا أخت كليو اللمة فى رمضان متنفعش من غير شيشة!!!

فأين العشر سنوات التى تتحدثين عنها؟

:mad:

[Cleo]

ايه يا أخ اتربى التشاؤم ده...!!!!!!!!!!!

على الاقل يا أخى لسه فيه برامج دينية بتيجى قبل الفطار على طول و الناس مشغولة فى المطبخ...... و كمان الفترة الصباحية ملغمة بالبرامج الدينية... بس الناس هى اللى مش مهتمة تشوفها و بتنزل تروح الشغل أو المدرسة أو الكلية...... و كمان فيه مسلسلات دينية ممتازة... بتيجى الساعة اتنين بعد نص الليل بس احنا اللى كسلانين و بنسيبها و نخش ننام علشان نروح أشغالنا الصبح و نضيع تانى الفترة الصباحية...!!!!!!!!

عيب كدة يا زميل... نشتكى من أى حاجة و خلاص..!!!!!!

:D

[Sherief AbdelWahab]

و..بدأ رمضان!

لم تتغير البرامج الدينية كثيرا لا شكلا و لا مضمونا...و ما قالته الزميلة كليو على تشاؤميته هو الواقع...بدءا من المواعيد المضروبة بالنار و نهاية بالأفكار التي لا تتغير!...

إما أن يكون برنامج حديث يحدث فيه المتحدث لفترة..أو برنامج تليفوني-والحديث عنها اليوم مقتصر لدواعي رمضانية!-أو برنامج مسابقات ينزل إلى الشارع!-مثل الإعلامي الظاهرة جمال الشاعر الذي يقدم برنامج صباح الخير فضلا عن البرنامج المذكور رغم تعليمات صفوت الشريف بألا يقدم رئيس أي قناة برنامجا خارج قناته!..ولوحيد حامد اعتراضات عليها أرى أنها صحيحة..وإن كان نصها لا يحضرني الآن!

أتمنى أن يخطئ معدو تلك البرامج و يركزوا على المعاملات و السلوكيات في الإسلام..أتمنى أن يرتكبوا خطأ أكبر و تنتج برامج دينية بالانجليزية لتوصيل صورة الإسلام الحقيقية بدون رتوش إلى الغرب و إلى المسلمين غير الناطقين بالضاد..

أتمنى أن يخطئ هؤلاء و يفعلون الشيء الصحيح!

خلص الكلام

[Cleo]

و ما قالته الزميلة كليو على تشاؤميته هو الواقع

:) :D :D :D :D :D

[KWA]

بسم الله الرحمن الرحيم

السلام عليكم ورحمة الله وبركاته

إذا كان هذا ما يحدث في التليفزيون المصري ... فماذا سوف نقول علي بعض الفضائيات العربيه ....طبعا انسي الفضائيات اللبنانيه حتي لا تخسر صيامك....التليفزيونات العربيه و الفضائيات في منافسه حاميه لكسب اكبر عدد من المشاهدين من خلال نجوم العرب و التمثليات الشيقه التي تحوي علي كل الوجوه بدون أستثناء و الدلع و المنافقه و التفاهه و الغباء .....

برامج دينيه ايه الي انتم بتتكلموا عليها كفايه أذاعه أذان الصلوات الخمس و ربما في المستقبل يتم أذاعه 4 بدلا من 5 ......عجبكم و لا لأ......

[Farida]

ربنا يكون فىعون اللى ما عندوش دش لكن برامج قناة اقرأ جميله ده حتى LBC بتجيب عمرو خالد ,,,,, و و الله فيه برنامج جميل اسمه الله اعلم بييجى على دريم الساعه 4 الا ربع قبل الفطار و يعاد 4 الا ربع صباحا بيقدمه ابراهيم عيسى برنامج هايل ...

بس صحيح ايه كميه برامج المطبخ دى !!!!!!!!!!!!!!!!!!!!!!!!!!!!!!!!!!!!!!!!!!!!!!

[Sherief AbdelWahab]

الأخت فريدة..هذا رأيك...

لم نتحدث بعد في صلب الموضوع...الحاجة الماسة إلى تغيير شامل في شكل و مضمون البرامج الدينية ... هذا التغير الذي يجب أن يواكب مشاكل الانسان المسلم في الوقت الراهن!

كلنا كشباب مسلم نعاني من تشتيت فكري و فقهي واضح...و من ازدواجية صارخة في كلام كثيرين ممن يتكلمون في الدين...و آخرهم طبعا الدكتور عبد المعطي بيومي الذي "عين"-مبني للمجهول-في رتبة مفكر إسلامي!...

كلنا كمسلمين نعاني من غياب الحديث عن المعاملات في الاسلام ...ثلث هذا الدين الحنيف...كل ما نسمعه في وسائل الاعلام:تكرار العمرة حلال أم لا ...زرع الأرحام حلال أم لا...و كأننا لم نسمع عن حقائق بسيطة أهمها أن الإسلام طالبنا بالحرص على طلب العلم و إعمال العقل و إتقان العمل و حسن معاملة الناس!

وأقول-حتى ولو وصفت بالسطحية-أن ظهور مشايخ الشرائط مرفوض تحت أي مسمى..كما أن ظهور الدكتور بيومي و غيره من أدعياء الاجتهاد مرفوض مرفوض مرفوض!

خلص الكلام

[achnaton]

كان فيه زمان قبل ما تؤسس الدولة جامعة الأزهر .. نكته تناقلتها وسائل الإعلام آنذاك .. وأعتقد أنها كانت أحد اسباب تأليف مسرحية العالمة باشا ..

كان فيه هيئة كبار العلماء .. كان إسنها كدة ومش عارف إذا كانت موجودة ولا لأ .. وفى يوم وصل الى الهمهورية العربية المتحدة اللى مصر زمان .. دعوة من هيئة عالمية تدعوا علماء مصر الى إجتماع علمى هام .. والدعوة راحت على عنوان هيئة كبار العلماء .. ونشططت العمم آنذاك .. وكل واحد كافح عشان الرحلة وراح كلوت بيه إشترة الشنط الضخمة وكتب عليها بالخط النسخ هيئة كبار العلماء وأسم الشيخ وعنوانه ورقم تلفونه خوفا من الضياع

وراحوا يحضروا الأجتماع .. وبصوا لقوا المؤتمر مافهوش لغة عربية .. والترجمه من الأنجليزية الى آى لغة تانية غير العربية .. جابو مترجم سريعا من السفارة فوجدوا الناس المجتمعين بتكلموا فى حاجات غريبة .. زى عمليا ت القلب المفتوح .. وغزو الفضاء .ز وتطوير ما توصل اليه بيل .. و... ..و... وقالوا دول ناس كفرة مفيش ولا واحد اتكلم عن الأسراء والمعراج .. وشروط صيام المرأة .. يالابينا ياشيخ فلان .. ويا فضيلة الشيخ .. ويامولانا .. وسابوا المؤتمر وخروجوا دون آية إعتذار .. وأسقط فى يد منظمى المؤتمر .. وسألوا إيه الحكاية يا جماعة الوفد المكصر روح ليه .. قالو لهم .. دول علماء فى الدين الأسلامى فقط .. ومن يومها فكروا فى أنشاء جامعة الأزهر لتخريج علماء فى مختلف التخصصات .. وبقالى كام سنة .. كل ما اصحى من النوم بدرى واحب أتفرج على صباح الخير يامصر .. فى البداية كدة الاقى برنامج ضخم فى المقدمة والعنوان .. الأعجاز العلمى فى القرآن .. اول مرة قلت لنفسى إيه العظة دى .. بدأ إنتاج جامعة الأزهر وعلمائها .. وإذ بى أفاجأ بدكتور باطنى بيقلد شيخ الكتاب فى قريتنا زمان لما كان يحب يرسم نفسه فى رمضان يقد يدرس للناس بعد صلاة العشاء .. وآهو آى كلام .. آهو الدكتور ده فكرنى به .. وأسأل نفسى .. خلاص لم يبقى أمام مسئولى التلفزيون علمان يكلومنا عن الأعجاز العلمى الفعلى للقرآن جايبين أخصائى أمراض باطنة يكلمنا فى تفسير الآيات .. ؟؟؟ وياريت بيفسرها صح زى المفسرين المتعلمين ؟؟ دا تبص تلاقيه واخد جملة من ده .. وجملة من .. والله يرحمك ياشيخ سيد قطب ..

وخلص الكلام ( مع الإعتذار الشديد للأخ العزيز شريف )

اخناتون