الزعيم والمشير

[ragab2]

الزعيم والمشير

الثنائى الطروب

...................

وجلس الضباط الصغار الفراعنة

وحكام مصر السابقين المقدم والرائد

والذين انتحلوا صفة زعيم ومشير

............ بعد الانقلاب فى الستينات

جلسوا يتدبرون أمر الرعية على رمال

شاطئ المعمورة بالاسكندرية ونسوا أن

يستشيروا ويستعينوا بالمتخصصين المصريين

الذين يستعان بهم فى الخارج فى كل التخصصات

وكان شاغلهم الأساسى

هو الحصول على الأموال اللازمة

وبأى طريقة ممكنة للصرف على مغامراتهم

الطائشة ومشاريعهم الفاشلة بعد أن أفلسوا الخزانات

ونسوا أن الشعب

الذى يخططوا ويدرسوا له قد أنجب

أعظم شخصيات حفرت باسمائها علامات فى

التاريخ العالمى وصاحب أعرق حضارة بين الحضارات

وطرأت عليهم فكرة شيطانية

وغير مدروسة وهى سلب وسرقة

أموال المصريين وبحجة التأميم للمصانع

والمزارع والصحف والأراضى وحتى المستشفيات

ورفضوا تحذير ونصيحة

وزير ماليتهم الدكتورالمتخصص

حسن عباس زكى ورفضه لهذه الفكرة

الشيطانية والغير مشروعة واستبدالها بالضريبة

التصاعدية على الدخل والاستفادة بفرق الزيادات

وفضلوا واختاروا التأميم

لأنه كان فرصة سريعة لهم

لجمع الأموال المطلوبة باسرع وقت

وكذا فرصة

لاذلال أصحاب رؤوس الأموال وقمع كل الأصوات

ومورست كل أصناف البطش

والتنكيل ضدأصحاب رؤوس الأموال

واعتقلوا وعذبوا وسلطوا عليهم وسائل الاعلام

...... للتشهير بهم وجربوا معهم جميع الممارسات

حتى عبود باشا الوطنى المخلص

والذى خاطر وتطوع بنقل الأسلحة التشيكية

مجانا الى مصر. غدروا به وصادروا أمواله

ولم يسلم من السلب والتأميمات ولا حتى الاهانات

هكذا كانت تحكم مصر فى الستينات

وبطريقة ارتجالية ومزاجية وصبيانية والحاكم

هو صاحب العزبة يمارس فيها أعمال البلطجة

والنهب ويحكم بطريقة العصابات وله كل التجاوزات

وهكذا خرب اقتصاد مصر

وهربت رؤوس الأموال للخارج

ونهبت المصانع المؤممة وتوقف

الاستثمار الخارجى والداخلى وأحجم عن

الاستثمارفى مصر كل البلاد وجميع الشركات

ولما ازداد حجم البطالة

وقتها فى مصرلتوقف الاستثمارات

كانت الشركات المؤممة مأوى للعاطلين والكسالى

....... وملجأ لأصحاب الواسطات ومرتع للاختلاسات

أما ضباط الجيش المغضوب عليهم

فكانت هذه المؤسسات المؤممة

خير مكان للتخلص منهم وتجنبا لشرورهم

وخاصة الذين لم تستوعبهم الوزارات والسفارات

ولعدم خبرتهم

بالحياة المدنية والتجارية سرقت بواسطنهم

ودون أن يدروا وتحت أعينهم نهبت الشركات

وهكذا نهبت وخربت مصر

واقتصاد مصر فى جلسة مسامرة

بين الصديقين المراهقين أمام كبائنهم الخاصة على

رمال شاطئ المعمورة بالاسكندرية فى مطلع الستينات

ومازالت مصر

منذ عشرات السنين

نحاول اصلاح ما أفسدوه فى بضعة ساعات

............ أثناء جلسة فرفشة ودردشة ومسامرات

هكذا خربت مصر اقتصاديا ودمرت

وبعدها هزمت عسكريا بواسطة أشبال الزعامات

وهكذا ضاعت مصر

بواسطة الثنائى الطروب

غلمان الأمس الزعيم والمشير

وكانوا أخطر على مصر من كل العصابات

اللهم ساعدنا على بناء بلدنا

وتصحيح ماخربه الزعماء والزعامات

...............................

المواطن المصرى المهموم

رجب

[bansia]

ياعم لازم تغمنا اكثر من الى احنا فية ماهو من ساعة مااتوادنا  قالولنا اربطوا الحزام علشان الزعيم عاوز فلوس ومن ساعتها واحنا رابطينة

وحسبنا اللة ونعم الوكيل

[zakaria]

تحيه  للاخ رجب الثانى على موضوعه

لكن عندى تصحيح صغير

قعدة استراحه المنتزة كانت قعدة حشيش

المرحوم عامر والمرحوم السادات كانوا من كبار مدخنى الحشيش وهو من لزوميات المغامرات النسائيه  ايضا

اما المرحوم عبد الناصر  كان  

second smocker

[ragab2]

أهلا أخى زكريا

والحج بانسيا

على العموم كل قعدتهم كات حشيش

وبلا أزرق وهما اللى خربوا البلد

وأستأذن أخى بانسيا وأقول

حسبنا الله ونعم الوكيل فيهم

[Imhotep]

  يعني ولادي, اللي لسه ربنا مرزقنيش بيهم و اللي نفسي يطلعوا مصريين علي, لما يسألوني مين اللي بنا السد و خلق زوار الفجر.... و ليه خسرنا67.... و مين اللي جاب نصر اكتوبر و معاه الفساد و الانفتاح... ارد عليهم و اقول لهم ايه!!!!! عمكوا رجب و زكريا و بانسيا قالوا ان السادات و عامر كانوا حشاشين و ان ناصر كانPassive or Second Smoker.... و ان اللقاءات كانت في المنتزه مش المعموره!!!!! عمومآ ولادي بيقولوا لكم مقدمآ... شكرآ علي التسطيح... اوووو... اسف... شكرأ علي التوضيح!!!!!  

  انا بموت في الهزار... بس مش علي طول... و لازم يكون بهدف.....

  دروس مستفاده:

1- لشعب مصر و اولهم انا... لازم نعرف امتي نهزر و امتي نتكلم جد.

2- مش كل الهزار مفيد... من الهزار ما قتل.

3- مش كل اما واحد يتكلم جد... نتهمه بأنه محبكها.

4- التحبيك احيانآ مفيد.

[ibn alneel]

شعر  جميل         ان  ناصر  نفخ  فى المصريين  وخلهم يظنوا  انهم  قوة  عطمى  

وبعدين انكشف ان زعيمنا  فشار

وهو  قال فى قضية المخابرات لما قبض على صلاح نصر ان البلد  كانت تحكمها  عصابة  

ونسى انة  كان رئيس  العصابة

وقلنا  حنبنى  وادينا  بنانا السد  العالى  

ريسنا  ملاح ومعدينا        

نفختنا  

[ibn alneel]

انجازات  المخابرات  المصرية  ايام  الزعيم  الملهم  

انشاء  جمعية  لتبادل  الزوجات  

عمل افلام  جنس  وبيعها  فى لبنان

تدريب النساء والرجال  على ان الجسد  فوطة

القبض  على  تمرجى  وبواب بتهمة العمل على قلب نظام الحكم    

كل  واحد  قرفان من جارة يبلغ  عنة انة يعمل لقلب نظام الحكم

استعمال احدث ما توصل لة العلم الحديث من علاج  للمعتقلين  العلاج  الكهربائى   والكلاب البوليسية   لنهش  البواب  الذى يعمل لقلب نظام الحكم ليعترف من من البوابين المشتركين معاة  

اغتصاب  زوجات المعتقلين  

اجبار  ابن  لاغتصاب  ابوة  هذا  ذكرة مصطفى امين فى سنة اولى او تانية سجن  

واخيرا  حمزة البسيونى مدير السجن الحربى   عندما  كان يعذب المعتقلين  احدهم  دعى اللة ان

يخفف  عنة  قالة  حمزة  البسيونى  اللة  مسجون فى الزنزانة اللى جانبك    

(Edited by ibn alneel at 1:24 pm on June 28, 2001)

[ragab2]

هل نحاسب الذين تسببوا فى الهزيمة

الى الآن لم يحاسب أحد على الهزيمة

وتكلف المصريون الغلابة كل شيئ

[ragab2]

صلاح نصر استورد ادوات تعذيب

من المانيا لتعذيب المعارضين المصريين

من التى استعملتها النازية أيام هتلر ضد المنشقين الالمان

[ragab2]

لماذا لا نحاسب المسؤلين عن افلاس وتدمير وهزيمة مصر الى الآن

[uk sphinx]

اضم صوتى بشدة لطلب السيد رجب فى محاسبه من المسئول عن هزيمه يونيو 67 ..

واتحدى ان يعملوها ..

لانهم مش عايزين الشعب يصحى بعدما غسلوا دماغه ..

مصطفى امين كان جاسوس وتقبض عليه .. ماذا ننتظر منه فى حديثه عن من سجنه ..

لو هو برىء .. اتحادكم انكم تطلبوا اعادة محاكمته .. وهو القضاء اليوم بعيدا عن جبروي عبد الناصر ..

لو كان قلبكم فعلا انكم تعرفوا حقيقه بلدكم .. خلوا الوفد يرفع قضيه رد شرف لمصطفى امين .. هو مش برضه مصطفى امين اتربى فى بيت الزعيم سعد زغلول .

اتحادكم برفع قضيه رد شرف لمصطفى امين ..

واتحدكم فى رفع قضيه لمحاكمه المسئولين عن حرب اليمن ويونيو 67    

[uk sphinx]

للمرة المليار ..

ادرسوا ايجابيات كل زعيم وكملوها .. وادرسوا سلبيات كل زعيم وتجنبوها ..

حرام اننانعمل كدة .. طبعا حرام ..

لاانكم عارفين ان ايجابيات عبد الناصر اكبر من سلبياته ..

وبعدين تتكلمون عن النفاق ..

من كان يعبد محمد .. فمحمد قد مات .. ومن كان يعبد الله ورسوله .. فالله حى لايموت ..

ومن كان يحب حكامنا فقد ماتوا .. ومن يحب مصر .. فليعمل لها .. فمصر موجودة باذن الله حتى يوم الساعه ..

فعملوا لها .. والشاطر يورينا

[freefreer]

ما هى الملفات كلها مع اللوبى الناصرى شركاء عبد الناصر .. ياريت يفتحوها

و بعدين ايه حكاية مصطفى امين .. الله .. هو جمال عبد الناصر .. الزعيم الخالد اللى كان مستفرد بالبلد كلها .. و مقدراتها و ارواح الخلق كلها .. عبد الناصر ليس مسؤلا عن الهزائم و البلاوى و مسؤل عنها صحفى غلبان فى احدى الجرائد .. ده كلام

زى برضة عبد الناصر بعد النكسة قلب على مراكز القوى .. و قال كانوا عاملين دولة جوة الدولة .. الله و انت كنت فين يا سيادة القرطاس العظيم .. عايز تحارب بريطانيا العظمى و امريكا و اسرائيل و انت شوية مساعدين ليك حولوك لطرطور ..

ياريت الملفات تتفتح .. علشان نشوف حفلات الرقص و السمر و المجون .. الأستهتار بالشعب .. الأستهتار بالعدو .. الأتكال على الأيتيان بالنصر عن طريق الحداقة و الفهلوة ..تصدير الثورات و المؤامرات .. و بعثرة اموال الشعب ..

قولوا  لهيكل يقدم ما تحت يده من مستندات .. هيكل و الشافعى .. و الشاذلى .. كل واحد يقدم المستندات اللى تحت ايده .. قولوا لمصطفى بكرى ..

كله مكتم و عايز يبيع القصص .. قصة .. قصة .. الثمن اولا ,, الدولارات اولا ..

قولوا لهيكل يجى هنا .. لو وطنى صحيح يجى هنا ..  يكلمنا و نحاسبه .. لكن هيهات ..

[uk sphinx]

ياريت ياخى فريرفرى ..

والله باضم صوتى لصوتك..

[uk sphinx]

اخى رجب .. هذة هى بعض وزراء مصر ايام عبد الناصر.. اكون سعيدا لو اخبرتنى من منهم لم يكن يستحق منصبه ..وهل هم من اهل الثقه ام اهل الخبرة ..

وياريت تكون قد ستمعت لحديث الدكتور عبد المنعم حجازى فى حديثه شاهد على العصر فى قناة النيل الاخباريه .. فى يوليو عام 2001 .. مع عمربطشيه ..

وهو يتحدث عن كيف كان يحكم عبد الناصر ويقارن ذلك مع انور اسادات .. ياريت تبعت لعمر بطشيه يعيد هذا الحديث ..

اساتذة الجامعات الحاملين لشهادة الدكتوراة ..

حسن عباس زكى ..                                     ( مستشار الشيخ زايد.. حاكم دوله الامارات).  ..

عبد المنعم قيسونى                                        ( رئيس وزراء مصر) ..

على الجريتلى ..

عبد المنعم حجازى                                       (رئيس وزراء مصر ) ..

مصطفى حليل                       (رئيس وزراء مصر.. ونائب زعيم الحزب الوطنىحاليا .. ورئيس جمعيه الصاقه المصريه الاسرائيليه) ..

نور الدين طراف ..

احمد عبدة الشرباصى..

احمد الباقورى                                          ( من جماعه الاخوان المسلمين) ..

حكمت ابوزيد                                           ( اول وزيرة مصريه وعربيه واسلاميه)د ..

محمود فوزى                                              ( رئيس وزراء مصر)

عزيز صدقى                                              ( رئيس وزراء مصر ... والذى بنى الف مصنع فى خمس سنوات.. مازالت تعمل)

صدقى سليمان...                                         ( مهندس السد العالى ورئيس وزراء مصر)

سليمان عبد الحى

محمد حلمى مراد

ابراهيم شكرى                                           ( زعيم حزب الشعب)

عبد الخالق حسونه

سيد مرعى

احمد شقير

موسى عطا الله

حلمى سلام                                                ( من انشاء 5 مصانع للدواء فى مصر )                            

احمد زندو

من الضباط حاملى شهادة الدكتوراة

عبد القادر حاتم

ثروت عكاشه

محمود فوزى

يوسف السباعى

[ragab2]

أخى سفنكس

مهما كان حجم الوزراء وما يحملوه من  الدكتوراة

ولكن ناصر كان المتصرف الوحيد فى شؤون الدولة والوزراء ليس لها تصرف أو وجود معه

وقد حكى الدكتور حسن عباس زكى أن ناصر وعامر هم الذين صنعوا قرارات التأميم على رمال بلاج المعمورة  بالرغم من تحذيره لهم مرارا ولكنهم كانوا يتصرفوا بمزاجهم وبفكرهم المحدود

[uk sphinx]

اخى رجب .. لو كنت استمعت لحديث عبد المنعم حجازى فى شهر يوليو عام 2001 فى برنامج عمر بطيشه .. شاهد على العصر .. كنت عرفت ان ماتقوله لا اساس له من الصحه ..

لو انك عادل وتريد معرفه الحقيقه المجردة .. دور على هذا البرنامج وشوف مصر كانت بتتحكم ازاى ..

اللهم قد ابلغت .. اللهم فاشهد ..

وحسبى الله ونعم الوكيل

[ragab2]

أخونا العزيز سفنكس

نصف الموضوع المكتوب كتبته من أقوال حسن عباس زكى فى قناة النيل

وهو الذى قال نصحت ناصر بعدم التأميم وفرض ضريبة تصاعدية بدلا منها

ولكنه كان مستعجل على الفلوس وسرقة أموال المصريين وكسر شوكة الأغنياء واذلالهم

حيث أنه أفلس الخزانة على مشاريعة الخاسرة ومغامراته الطائشة

[ragab2]

[b:post_uid0]

أخر خبر على لسان الأستاذ مفيد فوزى وقد تقصى موت المشير

قال أن المشير أنحر ولم ينتحر بمعنى قتل[/b:post_uid0]

[uk sphinx]

ولما قلت كدة قلتوا لى اطلع من البلد .. دلوقت الكلام بقى حلو لما مفيد فوزى قاله ..

سبحان الله..