أفيدونا عن تواجد بالونة المعدة فى السعودية أو الإمارات

[badroora]

سلام عليكم

اخوانى الاعزاء

اللهى يخليكم يا رب ممكن بس حد يسألى عن

بالونة المعدة

او

Stomach Balloon

Gastric Balloon.

Intragastric Balloon

دى كلها حاجة واحدة وهى بالونة المعدة بس فى ناس بتعرفها بمسميات مختلفه يعنى لو قولت بالونة المعدة تنح يبقي جرب التلات كلمات دول لحد ما توصل ليها

الله يخليكم انتوا عارفين البحرين عملة زى ماتكون عذبة صغيرة وسألت فيها مش لاقيت

عوزاكم بس تسالولى

هى بكام

ونوعها ايه اقصد انتاج شركة ايه والبلد مهم جدا

وممكن اشتريها ازاى يعنى فى اماكنية توصيل DHL

الله يخليكم مطنشوش

عاوزة بقي اشوف شهامة ولاد البلد

اختكم السائلة

نجفة

[badroora]

:) يا مسهل يا رب سهلها على عبيدك يا رب

[se_ Elsyed]

ما تصبري على رزقك يا لنضه .. قصدي يا نجفه .. الناس هايردوا عليه بُكره وهاشوف مين هاينفخ البلالين وأرد عليكي وإذا كان كده نشحنولك الحاجه والحساب يجمع .

[badroora]

ما تصبري على رزقك يا لنضه .. قصدي يا نجفه .. الناس هايردوا عليه بُكره وهاشوف مين هاينفخ البلالين وأرد عليكي وإذا كان كده نشحنولك الحاجه والحساب يجمع .

:closedeyes: انا قولت حاجة انا باسخنكم بس !!!

[Ghost]

انا قولت حاجة انا باسخنكم بس !!!

انا سخنت خالص مالص كمانالص ... و نزلت اسأل على البلونة ديه . و قلت في نفسي يا واد يا جوست اطلع راجل مع ولاد بلدك و هتلها البلونة يا ولاه .

و روحت قلت لعم الحاج اللي فاتح جبنا هات

Stomach Balloon يقول ما عنديش

Gastric Balloon. برضوة ما عنديش

Intragastric Balloon ايه يا عم الكلام دة

قاته بلونة يا سيدي ... هات لها احلى بلونة ..... و لا اقولك خليهم بلونتين , علشان لو واحدة فرقعت التانية تتلها فيها ... و خليها حمرا .... ماشي يا خويا

الراجل جاب البلونات و قالي ما تاخد بالباقي مصاصة و لا لبان ؟؟؟؟؟؟؟؟

قلت ماشي .. فكرة و الله ,, و خطفت رجلي الي DHL

طبعا نفخت البلونات علشان ابقى ناصح و ميكونش فيها حاجة مخرمة ... تمام

وصلت DHL قلت لة ابعت البلونات دية للخليج و معاهم المصاصة دية باسرع وقت و ما يهمك الفلوس يا باشا ,, من قرش لعشرة ساغ ,, ان مستعد علشان خاطر نجفة ...( شويع دموع و موسيقى تصورية من الخطايا على فلم الارض )

الواد بتاع البريد مش عارف يدخل البلونات في الظرف .. يقولي يا باشا نفضي الهواء من البلونات علشان كبيرة قوي . , و انا راسي و الف سيف لازم تسافر البلونات منفوخة بهوائي انا ... من ارض مصر , و علشان نجفة لما تشوفها تفرح و تهلل و تدعيلي

يا نهار ابيض ,, استنوا انا نسيت ادي الواد العنوان بتاع نجفة .. الله , عنوانك ايه يا نجفة ,, مش تقولي قبل ما ابعت الحاجة

روحي يا شخة و تعالي تاني بسرعة علشان عاوزك

[badroora]

انا قولت حاجة انا باسخنكم بس !!!

انا سخنت خالص مالص كمانالص ... و نزلت اسأل على البلونة ديه . و قلت في نفسي يا واد يا جوست اطلع راجل مع ولاد بلدك و هتلها البلونة يا ولاه .

و روحت قلت لعم الحاج اللي فاتح جبنا هات

Stomach Balloon يقول ما عنديش

Gastric Balloon. برضوة ما عنديش

Intragastric Balloon ايه يا عم الكلام دة

قاته بلونة يا سيدي ... هات لها احلى بلونة ..... و لا اقولك خليهم بلونتين , علشان لو واحدة فرقعت التانية تتلها فيها ... و خليها حمرا .... ماشي يا خويا

الراجل جاب البلونات و قالي ما تاخد بالباقي مصاصة و لا لبان ؟؟؟؟؟؟؟؟

قلت ماشي .. فكرة و الله ,, و خطفت رجلي الي DHL

طبعا نفخت البلونات علشان ابقى ناصح و ميكونش فيها حاجة مخرمة ... تمام

وصلت DHL قلت لة ابعت البلونات دية للخليج و معاهم المصاصة دية باسرع وقت و ما يهمك الفلوس يا باشا ,, من قرش لعشرة ساغ ,, ان مستعد علشان خاطر نجفة ...( شويع دموع و موسيقى تصورية من الخطايا على فلم الارض )

الواد بتاع البريد مش عارف يدخل البلونات في الظرف .. يقولي يا باشا نفضي الهواء من البلونات علشان كبيرة قوي . , و انا راسي و الف سيف لازم تسافر البلونات منفوخة بهوائي انا ... من ارض مصر , و علشان نجفة لما تشوفها تفرح و تهلل و تدعيلي

يا نهار ابيض ,, استنوا انا نسيت ادي الواد العنوان بتاع نجفة .. الله , عنوانك ايه يا نجفة ,, مش تقولي قبل ما ابعت الحاجة

روحي يا شخة و تعالي تاني بسرعة علشان عاوزك

اصطبحنا واطبح الملك لله

والله عشان كدا مكنتش عاوزة اكتبها فى العنوان وكان تموية دلوئتى بقي كل مخاليق ربنا هتتريق علينا

يالله

مشكور عالموحاولة بس انت دورت فى المكان الخطأ

لو ناصح كنت روحت عند عجلاتى ,, :closedeyes:

[Ghost]

و الله يا نجفة انا كل ما اقراء اللي انا كتبته ........... اضحك كأن اول مرة اقرأ هذا الكلام

اضحك ايه دة .............. دا أنا بفطس على نفسي من الضحك ,, بالذات لما روحت سألت العجلاتي على البلونه دية ....يا خرابييييييييييييييييييييي على اللي حصل :closedeyes:

عملت الشوية بتوعي عليه ,, عياط و دموع و شوية موسيقى تصوريه ( المرة ديه من فيلم أبي فوق الشجرة ) و أنا بقول : لو سمحت عاوز بلونة علشان نجفة .

يقول : علشان نجفة ؟؟ ايه هتعلق البلونة في النجفة ( اقتباس من مسرحية شاهد ما شافيش حاجة لما كان عادل امام شاري خيار و قال للمخبرين دا انا جايبة علشان علقة في النجفة ))

قولته : لا يا عم ديه بلونه علشان نجفة المغرورة ؟؟

قال : برضوة هترجع تقول نجفة تاني ,,, هتستعبط علي,. هو فية نجفة بتعوز بلونه :closedeyes:

المهم مش عاوز احكي الحكاية و ترجعي تقولي ( بقي كل مخاليق ربنا هتتريق عليا) ,,, لكن لو حلفتي علي و اصرتي تعرفي حاية البلونه مع العجلتي و بعدين السمكري و اخر حكاية كان في مصنع بلاستيك ... ,, كل دة علشان خطرك يا ستي و علشان اجبلك البلونه

على فكرة , الى من لا يعرف من القراء لهذا الموضوع . انا بيني و بين اختي نجفة و عشم و هزار ,, لاحسن حد ياخد فكرة وحشة عن حوست و ما يجيش ياخد رائي في حاجة تاني

سلام يا نجنج

[لخبطه]

مش فاهم يانجفه هيا جاجه لها علاقه بالمعدات الطبيه أو الدوائية نسأل في الصيدليات يعني

قولى علشان أسالك لي صاحب صيدلي هنا في السعودية

[badroora]

مش فاهم يانجفه هيا جاجه لها علاقه بالمعدات الطبيه أو الدوائية نسأل في الصيدليات يعني

قولى علشان أسالك لي صاحب صيدلي هنا في السعودية

استاذ لخبطة ربنا يخليك يا رب وميرسي لزوقك

ممكن فى الصيدليات الكبيرة

ومن خلال الصيدلية بيعرفوا شركات مسلزمات طبية ممكن يعرفوها انا سمعت انها موجودة فى شركة فى الدمام بش للاسف مش عرفة اسمة

عموما البالونة اهى

دى وهى داخل المعدة

هى دى البالونة

فى منها نوعين او 3 تقريبا نوع بيتحقن سيليكون

ونوع بمحلوا ملح

والنوع التالت صبغة زرقة

اى حاجة منهم مش مشكلة

وتدى معروفة انها بتستخدم فى علاج التخسيس مشهورة قوى فى السعودية

شكرا جدا لحضرتك

وسورى عالتعب

شكرا مرة اخرى

نجفة

[لخبطه]

فيه خبرين واحد حلو والتاني وحش

نبدأ بالوحش

في صيدليات النهدي اللى هيا الاكبر هنا

قالوا مافيش ولا سمعنا بيها دا مش بس في الصيدليات دا حتى الادارة قالوا نفس الكلام

الحلو بقا

دكتور دقرم ( دئرم ) هنا من 25 سنه قالى موجوده بس قولى لو ليها مواصفات معينة علشان اسالك عليه ولا عايزين نوع معين اجيب لك سعره بالضبط حتى قالى في الاول انه بتتم بعملية جراحية وأن المفروض أنها تكون متوفره في المستشفى اللى بتعمل العملية

في انتظار التفاصيل منك

تم تعديل 24 مايو 2007 بواسطة لخبطه

[badroora]

فيه خبرين واحد حلو والتاني وحش

نبدأ بالوحش

في صيدليات النهدي اللى هيا الاكبر هنا

قالوا مافيش ولا سمعنا بيها دا مش بس في الصيدليات دا حتى الادارة قالوا نفس الكلام

طيب خير ان حضرتك عرفتهم بها !!

الحلو بقا

دكتور دقرم ( دئرم ) هنا من 25 سنه قالى موجوده بس قولى لو ليها مواصفات معينة علشان اسالك عليه ولا عايزين نوع معين اجيب لك سعره بالضبط حتى قالى في الاول انه بتتم بعملية جراحية وأن المفروض أنها تكون متوفره في المستشفى اللى بتعمل العملية

في انتظار التفاصيل منك

صباح الخير يا استاذ لخبطة

مشكور ياغالى على المجهود

بخصوص النوع

معلش لو هو هيسال ممكن بالمرة لو مافيهاش رزالة يعنى يقولى على الانواع والاسعار ويحدد اى فيهم احسن نوع !!

يخصوص عملية جراحية لا خالص

دى بلونة للتخسيس للمدة شهور فقط وممكن تتغير او خلاص لو الشخص حقق الهدف المطلوب خلال 6 شهور بتتشال وممكن مريكبهاش تانى

البحرين للاسف بيدبسوا المعدة وعمليات وانا مش حبة السوالف دى خالص !!!

فهو بس خلية يسالنا على الانواع والاسعار واحسن نوع فيهم ايه

من خلال تجارب الناس لان النت زى مانت عارف بيكتبوا على المنتج كل شيء زين والحقيقة لا يعلمها الا الله والشخص اللى جربها وللاسف هنا محدش جربها خالص وبالتالى مش عارفين .

مشكور يا غالى

زاسفة على تعبك

ربنا يجزيك خير ان شاء الله

نجفة

[se_ Elsyed]

الله يسامحك يا بتاعت البلالين

أنا أخد تريقه النهاردة .. للرُكب

دكتور صاحبي بيقولي : ويا ترى البالونه دي هاتنفخه لوحدك ولا هاتلعب بها في الجنينه ؟

ليه كده يا دوك ؟

يقولي : أصل يابني الحاجات دي بتبقى مستلزمات جراحية والمستشفى هي اللي بتجيبها .. وماحدش بيشتريها كده من السوق من نفسه وينفخها ويلعب بها ... عامة هانسألك الشركات اللي بتتعامل في مستلزمات الجراحة ونرد عليك ...

واحد تاني في شركة أدوية اخد جزء من الكلمة ولقيته بيقولي ... ايوه عارفها .. دي القطسرة بتاعت البول صح ؟

قلت له قسطرة إيه يابا الحاج ؟

قالي : يابني إنت مش بتقول ستومك بول ؟

فقلت له .. يا عم مين جيب السيرة دي ؟ إنت هاتلبسني تُهمه ..

كمل الكلمة يابا وأعرف معناها .. إسمها ستومك بالون

وبرضوا قالي هانسألوا لك ونردوا عليك

نجفه .. ما تعدي الكوبري وتيجي تعملي العملية دي هنا في الرياض ويا دار ما دخلك بلالين ...

لقيت دكتور مشهور في العمليات دي هنا في احد المراكز الطبية وهو مركز العُليا الطبي

واهو يبقى نفخنا البلالين ولا الحوجه للدي إتش إلى ولا للتريقه من خلق الله

[badroora]

الله يسامحك يا بتاعت البلالين

أنا أخد تريقه النهاردة .. للرُكب

دكتور صاحبي بيقولي : ويا ترى البالونه دي هاتنفخه لوحدك ولا هاتلعب بها في الجنينه ؟

ليه كده يا دوك ؟

يقولي : أصل يابني الحاجات دي بتبقى مستلزمات جراحية والمستشفى هي اللي بتجيبها .. وماحدش بيشتريها كده من السوق من نفسه وينفخها ويلعب بها ... عامة هانسألك الشركات اللي بتتعامل في مستلزمات الجراحة ونرد عليك ...

واحد تاني في شركة أدوية اخد جزء من الكلمة ولقيته بيقولي ... ايوه عارفها .. دي القطسرة بتاعت البول صح ؟

قلت له قسطرة إيه يابا الحاج ؟

قالي : يابني إنت مش بتقول ستومك بول ؟

فقلت له .. يا عم مين جيب السيرة دي ؟ إنت هاتلبسني تُهمه ..

كمل الكلمة يابا وأعرف معناها .. إسمها ستومك بالون

وبرضوا قالي هانسألوا لك ونردوا عليك

نجفه .. ما تعدي الكوبري وتيجي تعملي العملية دي هنا في الرياض ويا دار ما دخلك بلالين ...

لقيت دكتور مشهور في العمليات دي هنا في احد المراكز الطبية وهو مركز العُليا الطبي

واهو يبقى نفخنا البلالين ولا الحوجه للدي إتش إلى ولا للتريقه من خلق الله

سورى والله يا س س انى خليت مخاليق ربنا تتريق عليك

وبخصوص البالونة لو هتتعمل تبع مركز هما بيوفروها اما لو دكتور خاص او مثلا عندى المستشفي انا على البالونة وهما عليهم النفخ قصدى التركيب وبضمان عشان لما يحصل اى مشكلة فى اى وقت الدكتور اللى مركبها هيكون فى متناول يدي ممكن اشوفة فى اى وقت .

بخصوص السعودية

السعودى امباسدور الله يكرمه عاوزن حاجتين

محرم

او 40 سنه

والاسهل طبعا انى اكبر ل40 سنه بس بصراحة مش قادرة استنى 10 سنين

وفعلا كتير بيشكروا فى السعودية وان فيها دكتور بارع فيها بس هنعمل ايه بقي فى تحكمات السعودية

عموما لو مقدرتش تتصرف فى البالونة

ممكن توفرلى

محرم :blush2:

شكرا لتعبك

نجفة

[badroora]

ربنا يرجعكم بالسلامة يا رب !!

وتجيبوا المطلوب !!

:) نجفة

[Diab]

أنا لو أعرف أقول علي طول هو أنا هخبي علي حضرتك ليه :)

[Abdulaziz Omar]

الاخت نجفة العزيزة

لو كانت البالونة اياها مفيدة او مفيش منها مشاكل كان استعملوها الخواجات وانتي عارفة هما مجانين بالرشاقة

لكن كلهم بيستعملوا الجراحة او الحبوب او الافضل ال Diet تحت اشراف اخصائي

كان فيه راجل خواجة اسمه Dr. Atkins (الله يرحمه :) ) كان طلع بنظرية ان ال Carbohydrates هي اللي بتتخن موش ال Fats وانتشرت منذ سنوات محلات تبيع كل انواع الاكل الخالي من ال Carbohydrates وعملوا ملايين وبعد كده اتضح ان كل ده كلام فارغ وكله قفل

عايز اقوللك ماتجربيش اي حاجة تسمعي عليها

لازم تكون Documented من مصادر موثوق بها

عمر

[badroora]

الاخت نجفة العزيزة

لو كانت البالونة اياها مفيدة او مفيش منها مشاكل كان استعملوها الخواجات وانتي عارفة هما مجانين بالرشاقة

لكن كلهم بيستعملوا الجراحة او الحبوب او الافضل ال Diet تحت اشراف اخصائي

كان فيه راجل خواجة اسمه Dr. Atkins (الله يرحمه :) ) كان طلع بنظرية ان ال Carbohydrates هي اللي بتتخن موش ال Fats وانتشرت منذ سنوات محلات تبيع كل انواع الاكل الخالي من ال Carbohydrates وعملوا ملايين وبعد كده اتضح ان كل ده كلام فارغ وكله قفل

عايز اقوللك ماتجربيش اي حاجة تسمعي عليها

لازم تكون Documented من مصادر موثوق بها

عمر

الاخ العزيز عمر

عندك حق

بس البالونة دى موجودة فى استراليا وكندا وامريكا وكوريا و, ودول كتيرة

وكتير استخدموها فى الدول الاجنبي و العربية زى الامارات والسعودية ومصر والبحرين كمان

بس للاسف هنا الناي مقبلة اكتر على

Lamp band,or lamp stabiler. gastric bypass.

ودى انتشرت اوى اكثر من البالونة لانها نتيجها اسرع ودائمة او مؤقته على حسب المريض هو عاوز ايه

اما انا مش حبة اعمل اى جراحة وشوفت ان البالونة اخفهم ومضاعفتها اقل ولمدة 6 شهور بس

انا زبادة 20 كجم بس وزهقت من الجيم والدايت

انا استمر على الرجيم شهر فقط ومقدرش اتحمل اكثر من كدا بامل بسرعة

السباحة يومين فى الاسبوع ومع ذلك مجبتش نتيجة

اخدت ادوية زى ريداكتيل كنت هاموت منه خلال اسبوع كل الاعراض الجانبية جاتلى وبشدة !!

ومش عاوزة اجرب اى دواء لانه اثارة الجانبية كتيرة

حتى الlow carb diet

جبته من جنوب افريقيا صحبتى جبتهولى والله مرمى ولا اخدت منه طعمة مش عجبني

فلاقيت البالونة اسلم شيء وكمان 20 ك خلال 6 شهور اعتقد انى اقدر انزلهم بس

لو انت تعرف اى طريقة أمنة قولى عليها وانا عملها

تحياتى

تم تعديل 28 مايو 2007 بواسطة نجفة المغرورة

[Abdulaziz Omar]

موش موجودة ف امريكا يانجفة

مفيش حد بيستعملها

يمكن كانت موجودة زمان

[Abdulaziz Omar]

كمان معدش حد بيعمل Bypass يانجفة لان مشاكلها كتير

اللي بيتعمل دلوقتي ال Resection لجزء من الIntestine او Liposuction او الاثنين مع بعض

الResection بتتعمل في حالات السمنة الشديدة

لو عايزة نصيحتي بالنسبة لعشربن كيلو احسن شئ ال Diet ثم ال Diet ثم ال Diet

لو مصرة علي حاجة ثانية يبقي Liposuction

وعلي فكرة ال Diet بينك وبين نفسك دايما بتفشل لكن عادة بتنجح لما تكوني متابعة مع اخصائي

واكيد انتي عارفة مابتكونشي بتقليل كمية الاكل ولكن بتغيير نوعيته عن طريق جدول يومي

تمنياتي بالتوفيق

عمر

[عادل أبوزيد]

أتصور أن الإهتمام بتقليل الوزن ليس إلا صرعة إعلامية تأخذ أكثر من حجمها ، و الكلام ليس موجها بأى شكل شخصى للفاضلة نجفة ، بنات أخت زوجتى مظهرهم نحيف إلى حد المرض و مع ذلك شغلهم الشاغل هو تخفيض الوزن و يحدث بين الحين و الآخر أن تسقط إحداهن إغماءا.

و قرأت أن عارضات الأزياء يضطررن إلى أكل المناشف الورقية تجنبا لزيادة الوزن ، و قرأت أيضا عن بداية إتجاه نحو تغيير النموذج الصحى الذى تتبناه الفتيات و الدعوة - لا أعرف كيف - للقبول بحجم معين من السمنة.

أعرف كثير من السيدات تعرضن لزيادات كبيرة فى الوزن بعد إنتقالهن للعمل فى الخليج.

تلقت زوجتى هذا الباوربوينت الطريف ... أعتقد سيرسم بسمة على وجهك

femaleself_esteem.pps