توقعات و مناقشات حول الديربي رقم 99 للأهلي و الزمالك

[se_ Elsyed]

أولاً : هات يابني كوباية لمون هنا لموديست عشان أنا سامع حسه من هنا في الرياض ..

ثانياً : إنت عارفني كويس يا موديست ... لا أقبل أي ألفاظ تحمل معاني الأهانة لا في الرياضة ولا غيره ... وشاور لي بس على اي جُملة من تلك العينة كتبها أي زميل حتى لو أنا .. وأنا ألغيها بدون تردد .

الرياضة كما قلنا من اموضوعات الخفيفة .. والهزيمة أو النصر لا تُبرر أهانة الطرف الأخر تحت أي ظروف وده موضوع غير قابل للنقاش ...

قد ننفعل جميعنا في بعض الأوقات .. لكن يظل الإحترام قائم بيننا .

مبروك مرة أخرى للزمالك .. وإل اللقاء في عمليات أخرى

سين سين الشهير بالريس زكريا

[Ahmad Farahat]

(ملحوظة صغنونة "للبعض"): اللي عايز يرد يقرأ الأول بدل ما يرد من غير قراءة و ييجي كلامه من نوعية إحنا بتوع المبادئ و الزمالكاوية "الرعاع" و إحنا "أشرف" و بقية الكلام الغير مُبرّر الموجود هنا في نفس الموضوع المفتوح بنيّّة الهزار لأنها في النهاية كورة لا طلعت و لا نزلت .

و دلوقتي هاتوا لي سين سين من التلاجة علشان يلحق ميعاد جلسة الكهربا :yahoo:

الكلام ده موجه ليه يا شباب من عمو موديثت حبيبي وروح قلبي

إوعى تكون زعلت على رأي نجوى كرم

أنا برضه باهزر :closedeyes:

الرعاع دي اتعملت على طريقة المقامات الحريرية

وأشرف إتعملت على طريقة يوسف وهبي

بس

أنا باهزر معاكو

بس إحنا أشرف برضه :closedeyes:

وانتو رمزي :sad:

[kokowawa1979]

معلهش يا جنرال موديست - أعذر الأهلوية أصل الصدمة كانت بقوة 2 ميجا وات :closedeyes: وآدي النتيجة شيكا بيكا خللا الأهلوية يكلموا نفسهم !!

كنت متأكد إن الأهلوية لازم يطلعو القطط الفطسانة في فوز الزمالك- وكإن الزمالك هو اللي فرض عليهم يشتروا لعيبة من دار المسنين - أو لعيبة كسر - على الرغم من إن كل صفقة كان بيعملها الأهلي تسمع فيها ماقاله مالك في الخمر وأكتر من النقاد :closedeyes: - وهات ياتريقة على صفقات الزمالك - وإزاى الأهلي بيخبط الخبطة من أول مرة !!

هي القايمة مش 30 لاعب - والأهلي لامم لعيبته على الفرازة !!! بعكس الزمالك !! مش المفروض إن الصحافة كانت مصدعانا بإن اللعيبة الدرجة التالتة ( زي ما بيقول الأهلوية دلوقت ) أقوى من أي فريق في مصر !!!

دلوقت بقى جدو ميدو- والحفار بو جلبان - وصديق مرعشلي - واحمد بك بلال وجلال لعيبة درجة تالتة وكسر !!

وصخرة الدفاع اللي شيكا بيكا كان بيدلعها بطريقة الاستغماية برضه دي صخرة مكسرة !!

الواحد مش عايز يعلق على المباراة لإن لعيبة الزمالك كسفتنا ورفضت تفضح الأهلوية - لإن نتيجة مباراة زي دي كان لازم تكون 9/صفر على الأقل !!

[se_ Elsyed]

كوكو والرفقاء الزملكاويين مصدقين نفسهم

لأ صحيح بجد

إنتو مصدقين إنكم كسبتو الاهلي بكامل نجومه ؟

بغض النظر عن الت 3 نقاط اللي لا بيودوا ولا بيجيبوا

[yasovinas]

خلاصة الكلام

مبروك للزملكاوية وعلى راسهم نقابة الاطباء بكافة تخصصاتهم ونقابة المهندسين :closedeyes: بكافة ميولهم

وهاردلك للاهلاوية

صنايعية :yahoo: وميكانيكية وكافة بائعي الخضار والفاكهه وبتوع السمك :closedeyes:

مبروك لجماهير الاهلى من كافة طوائف الشعب المصري وكافة طبقاته الفوز بالدوري ولو انهزم الاهلي باقي المبارايات

[kokomen]

مبروك للزملكاوية .. ولا عزاء للأهلوية

بيقولوا الأهلى لعب بفريق كى جى ون

KG1وان شاء الله الزمالك حيربيهم على أيده لغاية ما يكبروا

ويلعبوا تحت 50 سنة .... طيب كان حجتكم أيه لما لعبتم مع برشلونة .. بالأشبال برده

الظاهر حجة البلد مسح السبورة .... الى اللقاء في الكأس .. بس تبقوا تلعبوا بفريق أصغر شوية

يعني مواليد في اللفه كده ... سلامنا للمبادئ وسلامنا لجوزيه ورحلة سعيدة يا جوزيه على على الخطوط الزملكاوية

أبو أحمد الأسكندراني

:lol: :lol: :lol:

:blush2: :unsure: :unsure:

[otaka]

الزمالك يهزم ناشئين الأهلى

طهران جرنال الاحواز المسائى

فى مباره تحفيل حافل مئوى فى جمهورى عرباوى مصر

فاز الزمالك على اشبال الاهلى التالى اسماؤهم

:امير 14 سنة / جمعة 15 سنة / السيد 13 سنة / صديق 16 سنة / عادل 17 سنة / حسن مصطفى 11 سنة / بوجلبان 10 سنوات / عاشور 12 سنة / بلال 16 سنة / حسنى 14 سنة / شديد 5 سنين / ميدو لسة بيرضع

و جدير بالذكر ان مدرب الاهلى العبقرى جوجو راح اسبانيا عشان يحتفل بعيد ميلاد زميله فى الحضانة

علم الاسماعيلى امس فى مدارج الزمالك يؤكد على انه انا و اخويا على ابن عمى و انا و الزمالك على .....

سيد زلطه كبير مشجعى الدراويش

مره طفل أهلاوي راح لبقال زملكاوي فالواد بيقول للبقال : عمو عمو عندك شيكولاتة

قاله لا عندي شيكابالا .........

جمهور الأهلى راح للقيعي وغنوا أغنية سعاد حسني ( لاتجيبلي شيكابالا لا بالاش ياوله روح رجع البطاطا لا بالاش ياولة ) يا ترى قصدهم مين بالبطاطا ؟

و يواصل otaka سلسله تعلم الاسبانيه قبل انيس ابو قردان

GOOD EVENING=ميسى الخير عليكوا

وأيتو عاملين ايه؟؟؟؟؟= How are you doing?

و نلتقى قريبا فى ماتش الدراويش

[Ahmad Farahat]

صلوا ع النبي الأول عشان اللي كنت خايف منه حصل

بداية لا يمكن لأي شخص في هذه الدنيا إنكار فوز الزمالك بل وأحقيته التامة بالفوز في هذه المباراة فقط دون غيرها من لقاءات القمة

لكن وتحت تأثير العنجهية وقصر النظر والعجز أمام الأهلي منذ عدة سنوات يريد الزملكاوية إثبات أم هام وأنهم فازوا على فريق الأهلي الأول ولم يفوزوا على بدلائه وأن أي 11 لاعب في الأهلي يقدروا يفوزوا عليه

أنا معاهم في إن الأهلي ملعبش المبارة بالشباب رغم إنه في اآخر لعبد بحسام عاشور وأحمد جلال واحمد شديد والتلاته أقل من 22 سنة بس الباقي كانوا كبار إنما..........

إنما بالتأكيد قدام أساسي الأهلي الموضوع هيختلف بكل تأكيد ولا سيما لو استراح الفريق

من الآخر كده عايز أسأل الأساتذة الزملكاوية كلهم

وكلهم حبايبي بجد والله العظيم

تقدروا توروني شكلكم قدام الأهلي من غير السبعة- مش هاقول تسعة- دول (وائل القباني - وسام العابدي- طارق السيد-محمد أبو العلا-محمود شيكابالا-عمرو زكي -جمال حمزة)

الأهلي بقى لعب ناقص تسعة ومصاب عنده واحد كمان يبقى عشرة

هتقول التلاتة فين

مخصومين جاهز يا شباب

عبد الواحد-علاء عبد الغني-أحمد غانم

أي فريق عنده أساسيين يخصم من رصيدة عشر لاعبين بإرادته أو بدون لازم حضراتكو بصفتكم فريق كبير تغلبوه

ده لو كنتم فريق كبير

زعلانين ليه بقى

[kokomen]

الأخ العزيز أرسين

مساء الخير ... والله والله أحنا مش زعلانين .. وحنزعل ليه أحنا فائزين 2\صفر مع الرأفة

يبقى الزعل يجي منين .. لكن مشكلة الأهلى ومستر جوزيه أنهم عارفين أن الزمالك سيفوز عليهم

قال لك أعطي اللاعبين أجازة بحجج واهيه وذهب للفسحة في البرتغال .. مش غريبة شوية يا أهلوية

علشان يلاقي حجة ده أحنا لعبنا بالأشبال الصغننين قوي اللى لسه في اللفة بيرضعوا الطماطم بالحليب

بتاعة كوكواوا .... السؤال ليه ملعبتوش بالأساسيين حد منعكوا .. والله حظكم حلو أن الزمالك واقع

في مشاكل منذ 3 سنوات ... ما علينا .. كل مباراة وانتم مهزومين من الزمالك يا حلوين .. ويجعله عامر .. هههههههه

أبو أحمد الأسكندراني

[Ahmad Farahat]

الأخ العزيز أرسين

مساء الخير ... والله والله أحنا مش زعلانين .. وحنزعل ليه أحنا فائزين 2\صفر مع الرأفة

يبقى الزعل يجي منين .. لكن مشكلة الأهلى ومستر جوزيه أنهم عارفين أن الزمالك سيفوز عليهم

قال لك أعطي اللاعبين أجازة بحجج واهيه وذهب للفسحة في البرتغال .. مش غريبة شوية يا أهلوية

علشان يلاقي حجة ده أحنا لعبنا بالأشبال الصغننين قوي اللى لسه في اللفة بيرضعوا الطماطم بالحليب

بتاعة كوكواوا .... السؤال ليه ملعبتوش بالأساسيين حد منعكوا .. والله حظكم حلو أن الزمالك واقع

في مشاكل منذ 3 سنوات ... ما علينا .. كل مباراة وانتم مهزومين من الزمالك يا حلوين .. ويجعله عامر .. هههههههه

أبو أحمد الأسكندراني

حجج واهية!!!!!!!!!!!!!!

واهية إيه يا ريس

3 سنين لعب وتقول واهية

11 بطولة تخش في بطولة تطلع في بطولة ولعيبة مداقتش طعم الراحة وتقول واهية

تقدر حضرتك تكون مكانهم

ومتتغلبش في ولا بطولة

وبعدين المدرب عايز يعمل عملية في رجلة برضه دي حجة واهية

بعدين الأهلي كان إزاي عارف إنه هيتغلب من الزمالك....

ممكن عشان الإرهاق

بس بذمتك

محصلش في مرة إن حسن شحاته خد لعيبة الأهلي قبل مباراة الرجاء في البطولة الأفريقية قبل الماضية ونيمهم في المطار وراحوا لعبوا المباراة وبعدين لعبوا الزمالك وغلبوا تلاته صفر

كان ساعتها اللعيبة متبهدلة وبرضه غلبت

والدور الأول محدش استفاد من إرهاق لاعبي الأهلي غير الإسماعيلي

أعتقد إن حجج الأهلي في إراحة لاعبية ليست واهية

فقط أريد منك وسائر الزملكاوية شيئا واحدا

لا تجعلوا هذا الفوز يعمي أبصاركم عن الحقيقة

وأنا باتكلم والله كصديق مخلص

لأنكم هتفوقوا من الحلم ده قريبا

وصدقوني

ساعتها مش هتصدقوا نفسكم أبدا

مش هتصدقوا لأنكم واضح مش ناويين تعملوا حاجة الموسم المقبل

[kokowawa1979]

أرسين كتب :

وبعدين المدرب عايز يعمل عملية في رجلة برضه دي حجة واهية

حبيبنا الغالي أرسين : أنا بيتهيألي إن مانفيلا جنونة الشهير بجوزيه عايز عمليه في راسه قبل رجليه إلا إذا كان الراجل مخه في رجليه فده كلام تاني !!!

ياعم أرسين هروب جوزيه مش جديد عليه لما يكون عارف إنه مغلوب إن شاء الله مغلوب ولعل هروبه من الزمالك في البطولة العربية خير دليل لإنه قبلها كان مهروس أربعة صفر من الاسماعيلاوية حبايبنا في الكفاح المسلح ضد المنظومة الكروية الفاسدة في مصر !!!

صدقني ياعم أرسين حتى الذين تسمونهم كبار لعبوا هذه المباراة كانوا ربما اتغلبوا أكتر لإنني أعتقد أن الزمالك لم يكن سيلعب بمثلهذا الاستهتار الذي لعب به أمام مدرسة الكورة في الأهلي !!!!!!

عم أوتاكا - حقيقي إنت دمك زي العسل

تم تعديل 25 مايو 2007 بواسطة kokowawa1979

[otaka]

عم أوتاكا - حقيقي إنت دمك زي العسل

الله يخليك يا ريس كوكو و يا رب كده مبسوطين على طول و نادى الحكومه فى النازل

و ان شاء الله نعلم عليهم النهارده بليل علشان تكمل احتفاليه المئويه

[Ahmad Farahat]

أرسين كتب :

وبعدين المدرب عايز يعمل عملية في رجلة برضه دي حجة واهية

حبيبنا الغالي أرسين : أنا بيتهيألي إن مانفيلا جنونة الشهير بجوزيه عايز عمليه في راسه قبل رجليه إلا إذا كان الراجل مخه في رجليه فده كلام تاني !!!

ياعم أرسين هروب جوزيه مش جديد عليه لما يكون عارف إنه مغلوب إن شاء الله مغلوب ولعل هروبه من الزمالك في البطولة العربية خير دليل لإنه قبلها كان مهروس أربعة صفر من الاسماعيلاوية حبايبنا في الكفاح المسلح ضد المنظومة الكروية الفاسدة في مصر !!!

صدقني ياعم أرسين حتى الذين تسمونهم كبار لعبوا هذه المباراة كانوا ربما اتغلبوا أكتر لإنني أعتقد أن الزمالك لم يكن سيلعب بمثلهذا الاستهتار الذي لعب به أمام مدرسة الكورة في الأهلي !!!!!!

عم أوتاكا - حقيقي إنت دمك زي العسل

ماشي

[otaka]

يعنى فى شرع مين ماتش ذى ده يخلص واحد صفر

على راى الاخ عمرو اديب حجاب الاهلى المخصوص بيشتغل فى الظروف الصعبه

معلش مع انى كان نفسى اتاندا يجيب جول علشان تطلع الجرايد بكره

الواد اتاندا ركب للاهلى تندا لكن معلش لسه الكاس جاى و الاربعات هتشتغل ذى زمان

[النسر المصري]

يعنى فى شرع مين ماتش ذى ده يخلص واحد صفر

على راى الاخ عمرو اديب حجاب الاهلى المخصوص بيشتغل فى الظروف الصعبه

معلش مع انى كان نفسى اتاندا يجيب جول علشان تطلع الجرايد بكره

الواد اتاندا ركب للاهلى تندا لكن معلش لسه الكاس جاى و الاربعات هتشتغل ذى زمان

اخص عليك يا توكي.....مش عاجبك واحد صفر كمان........يعني عاوز تشمت في الأهلي بأي طريقة :rolleyes:

زعلتني ياتوكي

بس وحشتني كمان

[otaka]

يعنى فى شرع مين ماتش ذى ده يخلص واحد صفر

على راى الاخ عمرو اديب حجاب الاهلى المخصوص بيشتغل فى الظروف الصعبه

معلش مع انى كان نفسى اتاندا يجيب جول علشان تطلع الجرايد بكره

الواد اتاندا ركب للاهلى تندا لكن معلش لسه الكاس جاى و الاربعات هتشتغل ذى زمان

اخص عليك يا توكي.....مش عاجبك واحد صفر كمان........يعني عاوز تشمت في الأهلي بأي طريقة :sad:

زعلتني ياتوكي :sad:

بس وحشتني كمان :sad:

الله يكرمك يا نسر

كل الناس هنا ليها وحشه و الله

بس انت عارف احنا موسم امتحانات و الكشك مش بيفضى h):