الجيش العربى فين ( قصيده )

[ahmed_tito91]

بســــــــــــم اللـــــــــــه الرحــــــــــمن الرحيـــــــــــــــــــــــم

المعلق الرياضي الشهير.. ظهر على الهواء في برنامج "العاشرة مساء"

وألقى قصيدة من تأليفه تقول..

الجيش العربي في مصر

ساكن في مدينة نصر

بيصحى من النوم العصر

وبيفطر شاي و منين

واحد اتنين الجيش العربي فين

الجيش العربي في سوريا

حالق عالموضة كابوريا

وعلى طريقة فكتوريا

خلّى الترماي بدورين

واحد اتنين الجيش العربي فين

الجيش العربي الليبي

زيّ الفن التكعيبي

كله بتنجان يا حبيبي

الظاهر واخد عين

واحد اتنين الجيش العربي فين

الجيش العربي خليجي

ما فيه حيل لا يروح ولا ييجي

هذا صمت استراتيجي

اش فيك يا غراب البين

واحد اتنين الجيش العربي فين

الجيش العربي في تونس

اخضر مثل البقدونس

وعزيزة بتعشق يونس

يبقى الحروبات بعدين

واحد اتنين الجيش العربي فين

الجيش العربي سوداني

سامع رنّته بوداني

هو انا هاهجم فرداني

يالا ارجع يا ابو حسين

واحد اتنين الجيش العربي فين

الجيش العربي اتهان

يوم ما انضربوا الأفغان

وسكت في البوسنة زمان

واحد اتنين الجيش العربي فين

احمد تيتو

قائد قوات الدفاع ضد عدوان العدو برشلونه بن لادن

[Diab]

بمناسبة تخلي الجيوش عن نصرة بلاد المسلمين بيقولك أيه ؟ أيه

الجيش العربي صومالي

بيقولك طب وأنا مالي

بيقدر قيمته الغالي

وهو حداه قرنين

الجيش العربي اليمني

بيقولك ده مش زمني

أنا لاقي عشا لعيالي

وده أجبله سلاحه منين :ninja:

الجيش العربي زمان

كان كله من الفرسان

دلوقت صبح عيان

حيموت كمان شهرين

تم تعديل 1 مايو 2007 بواسطة Diab

[badroora]

الجيش العربي فين

جرى ايه ياايد انت وهو

جيش عربي ايه بلا غمة

متروحوا تصحوا الامة

وتشوفوا جيشها فين

الجيش العربي فين

احنا حربنا فى فلسطين

كانت نهايتنا طين

وكمان 67

عاوزين منينا ايه

الجيش العربي فين

ممكن يكون فى السعودية

عمل قفاه معدية

لكل قاعدة امريكية

ولا هيكون راح فين

الجيش العربي فين

ممكن سور شرم الشيخ

محتاج رجالة صواريخ

ماهى اصلها بقت بطيخ

واكل ميكولش ليه

الجيش العربي فين

هو اساسا فيه جيش عربي

وينك يا صلاح الدين

وقطز

:ninja:

[Ahmad Farahat]

مالكم يا شباب.............

مين اللي مات

[ahmed_tito91]

الله على التأليف

عزيزى ارسين الجيس العربى مات

لا حول ولا قوه الا بالله والعزاء سيقام بعد صلاه العشاء فى مسجد السيده زينب

احمد تيتو

قائد قوات الدفاع ضد عدوان العدو برشلونه بن لادن